Leaders of ABFSU meet in Washington ,D.C after 25 years later.

Leaders of All Burma Federation of Students Unions in democracy movement meet in Washington, D.C. in May20,2013. ( From Left to right: Ko Thet Htun, Ko Moethee, Ko Min Ko Naing , Ko Ko Gyi and Ko Aung Naing).

မင်းတို့  ရှေ့ က အစိုးရအဆက်ဆက် အသုံးမကျလို့  ညံ့လို့  …. ငါတို့  အစိုးရက ကြားဝင်ဖြေရှင်းပေးနေရတယ် ….

-နစ်နေမန်းဘလော့ခ်-

နိုင်ငံရေးလုပ်ငန်းစဉ်မှာ စစ်တပ်ပါနေရမယ်ပြောတဲ့ သမ္မတ သိန်းစိန်။

နိုင်ငံရေးလုပ်ငန်းစဉ်မှာ စစ်တပ်ပါနေရမယ်ပြောတဲ့ သမ္မတ သိန်းစိန်။

သိန်းစိန် - “မြန်မာ့နိုင်ငံရေးမှာ တပ်မတော်ကို ပစ်ပယ်ထားဖို့ မသင့်ဘူးလို့ ကျနော် ဒီလို ထင်ပါတယ်။ တပ်မတော်ကို ပစ်ပယ်ထားလို့ မရပါဘူး။ ပြည်သူနဲ့ပေါင်းပြီးတော့ ဘာပဲဖြစ်ဖြစ် တပ်မတော် အခန်းကဏ္ဍတစ်ရပ်အနေနဲ့ ဆောင်ရွက်နေရမှာပါ။ အဲဒီတော့ လွှတ်တော်ထဲမှာ ပါနေတယ်ဆိုတဲ့ဟာက အမှန်ဖြစ်ပါတယ်။ အဲဒီတော့ နိုင်ငံရေးလုပ်ငန်းစဉ်မှာ တပ်မတော်က ပါဝင်ခွင့် မရှိဘူးလို့ ဒီလိုပြောလို့ ဒါတော့ မမှန်ဘူးလို့ ကျနော် ထင်ပါတယ်။ တဖြည်းဖြည်းနဲ့ ဒီမိုကရေစီ ရင့်ကျက်လာတဲ့အမျှ လွှတ်တော်ထဲက တပ်မတော်ရဲ့ကိုယ်စားလှယ်တွေဟာ လျော့ပါးသွားမှာ ဖြစ်ပါတယ်။ အင်ဒိုနီးရှားတို့ ဘာတို့ ပြောင်းသွားတာလည်း ဒီအတိုင်းပါပဲ။ တပ်မတော်က နိုင်ငံရေးနဲ့ ကင်းကွာလို့တော့ မရပါဘူး။ အစဉ်အလာ ရှိခဲ့ပါတယ်။ သမိုင်းကြောင်း ရှိခဲ့ပါတယ်။ တိုင်းပြည်မှာ အခက်အခဲတွေ အကြပ်အတည်းတွေ တွေ့တိုင်း၊ တွေ့တိုင်း တပ်မတော်ကနေ ဝင်ရောက်ပြီး ဆောင်ရွက်ခဲ့တာတွေ ရှိပါတယ်။ ၂၅ % ဆိုတာက လွှတ်တော်ထဲမှာ လောလောဆယ်မှာတော့ ရှိသင့်ရှိထိုက်တယ်၊ သို့သော်လည်းပဲ တဖြည်းဖြည်း ဒါတွေဟာ ကျနော်တို့ လျော့ပါးလာမယ်၊ နည်းပါးလာမယ်- ဒီလိုပဲ မြင်မိပါတယ်” (သိန်းစိန်)။

သိန်းစိန်အပြောကို ပြန်တုန့် ပြန်ပြောရရင်တော့ -

မြန်မာသမိုင်းမှာ တပ်မတော်ရဲ့  အခန်းကဏ္ဍကို ပြည်သူတွေက မပစ်ပယ်ခဲ့ပါဖူး။ တကယ်တမ်း ပစ်ပယ်ခဲ့တာ သိန်းစိန်တို့  အာဏာရှင်အုပ်စုပါ။ တပ်မတော်ရဲ့ ဖခင်ကြီး ဗိုလ်ချူပ်အောင်ဆန်းရဲ့  ဓါတ်ပုံတွေကို အစိုးရရုံးဌာနတွေရဲ့  နံရံတွေပေါ်ကနေ ဖြုတ်ချ၊ မြန်မာ့ငွေစက္ကူတွေပေါ်က ပျောက်ပျက်အောင် ဖယ်ရှား၊ လွတ်လပ်ရေးကြိုးပမ်းမှုကာလက စခဲ့တဲ့ တပ်မတော်ရဲ့  ဂုဏ်သိက္ခာမြင့်မြတ်ကြီးမားမှုကို လျော့ကျအောင် နောက်ဆုံး ပြည်သူကို ပြန်သတ်တဲ့ သံဃာတော်ရဟန်းရှင်မြတ်တွေကို ပစ်သတ်တဲ့ သတ်မတော်ဖြစ်အောင် ဘယ်သူတွေ လုပ်ခဲ့ကြတာလည်း။

တိုင်းပြည်မှာ အခက်အခဲတွေ အကြပ်အတည်းတွေ တွေ့တိုင်း၊ တွေ့တိုင်း တပ်မတော်ကနေ ဝင်ရောက်ပြီး ဆောင်ရွက်ခဲ့တယ်ဆိုလို့  - တိုင်းပြည်ကို ကံဆိုးမိုးမှောင်ကျအောင် စစ်တပ်အာဏာသိမ်းခဲ့တာပါ။ တိုင်းပြည်ရဲ့  အဖိုးတန်မြေပေါ်မြေအောက်သယံဇာတတွေကို စစ်အာဏာရှင်ကြီးများနဲ့  စစ်ဗိုလ်ချူပ်ကြီးတွေဘဲ မောင်ပိုင်စီးခဲ့တာပါ။ တိုင်းသူပြည်သားတွေ ဘ၀တွေ ချွတ်ခြံကျ ကုန်းကောက်စရာမရှိအောင် ငတ်ပြတ်ဆင်းရဲပြီး တိုင်းပြည်လည်း ကမ္ဘာ့အမွဲဆုံးနိုင်ငံဖြစ်ရ မြန်မာလူမျိုးလည်း နိုင်ငံတကာမိသားစုကြားမှာ မျက်နာပန်းမလှ နိမ့်ကျရတဲ့ အခက်အခဲတွေ အကြပ်အတည်းတွေကို သိန်းစိန် ပြောသလိုဘဲ တပ်မတော်က ၀င်ရောက်ပြီး ဆောင်ရွက်ခဲ့တယ်ဆိုတာ မှန်ပါပေတယ်။

မြန်မာ့နိုင်ငံရေးရဲ့  နိုင်ငံရေးလုပ်ငန်းစဉ် ဆောင်ရွက်တဲ့နေရာမှာ တပ်မတော်ပါဝင်ရမယ့် အခန်းကဏ္ဍဟာ တိုင်းပြည်ရဲ့  လုံခြုံရေးအတွက် ပြည်ပရန်ကို ကာကွယ်ပေးရမယ့် ကာကွယ်ရေးနဲ့  ပတ်သက် တဲ့ နိုင်ငံအကျိုးပြုလုပ်ငန်းစဉ်တွေထဲမှာ ပြည်သူလွှတ်တော်ပြင်ပကနေ ပါဝင်ဆောင်ရွက်ရမှာ ပါ။ ပြည်သူလွှတ်တော်နဲ့  အစိုးရကနေ အုပ်ချူပ်ကွပ်ကဲတဲ့ ကာကွယ်ရေးဝန်ကြီးဌာနရဲ့  လက်အောက်မှာမှတပ်မတော်ကနေ နိုင်ငံအကျိုးပြုလုပ်ငန်းစဉ်တွေကို ဆောင်ရွက်ရမှာပါ။ ပြည်သူ့ လွှတ်တော်ထဲမှာ ၀င်ရောက်နေရာယူပြီး ပါဝင်ရမယ့် တာဝန်ဝတ္တရားမရှိပါဖူး။ အရှင်းဆုံးပြောရရင် တပ်မတော်ဟာ စစ်တန်းလျားမှာဘဲ နေရပါမယ်၊ လွှတ်တော်ထဲ ၀င်ရောက်စရာ မလိုပါဖူး။

သိန်းစိန်ဟာ ၄င်းတို့  အာဏာရှင်အုပ်စု ရုပ်ပြောင်းရုပ်လွဲနဲ့  ဒီမိုကရေစီအရေခြုံ အရပ်ဝတ်အာဏာရှင်အစိုးရ သက်တမ်းရှည်ဖို့ အတွက် ၄င်းတို့  စစ်အာဏာရှင်ခေတ်အဆက်ဆက် လက်ကိုင်တုတ်အဖြစ် အသုံးချနေတဲ့ စစ်တပ်ကို လွှတ်တော်ထဲအထိပါ သွတ်သွင်းပြီး ချုပ်ကိုင်ထားတယ်ဆိုတာ သိန်းစိန်ရဲ့  စကားထဲက ဇာတိပြနေပါတယ်။ ၂၀၁၅ ခုနှစ်ရွေးကောက်ပွဲမကလို့ နောက်ထပ် ရွေးကောက်ပွဲတွေ ထပ်လုပ်နေဦး ပြည်သူ့ လွှတ်တော်ထဲမှာ စစ်ယူနီဖောင်းဝတ်တစ်ဦး ပြည်သူ့  လွှတ်တော်ကိုယ်စားလှယ်ထိုင်ခုံတစ်ခုံမှာ ထိုင်နေသမျှ တိုင်းပြည်နဲ့  လူမျိုးကို နောက်ကျော ဒါးနဲ့  ထိုးတဲ့အဆင့်မဟုတ်ဘဲ နားထင်ကို သေနတ်နဲ့ တေ့ချိန်ထားတဲ့ အခြေအနေ ဖြစ်နေမှာပါဘဲ။

အလိမ်ဆုံး သိန်းစိန် - သိန်းစိန် သိန်းစိန် လူလိမ် လူလိမ် …..

ကိုမိုးသီးဇွန် ၀ါရှင်တန်ရောက် ၈၈ ကျောင်းသားခေါင်းဆောင် ကို မင်းကိုနိုင်၊ ကိုကိုကြီး ကို လေဆိပ် မှာ သွားရောက် ကြိုဆို

သမ္မတ ဦးသိန်းစိန် ကို ၀ါရှင်တန် မြန်မာမိသားစု များ အိမ်ဖြူတော် ရှေ့မှာ ဆန္ဒပြ

Our Perspectives on President Thein Sein visit to United States

The central requirement for the improvement of governance and institutional quality in Burma is the removal of the military from its central position of power.

Memory of 1988 Movement

၁၉၈၈ ဇွန်လ ကျောင်းသားအရေးအခင်း ၂၅နှစ်ပြည့်အမှတ်တရစာစု

၁၉၈၈ မတ်လ ဖုန်းမော်အရေးအခင်း၊ အင်းလျားကန်ဘောင် တံတားနီအရေးအခင်းတွေနဲ့ ရှစ်လေးလုံး အရေးတော်ပုံကြီးတွေ ကြားမှာ အရေးကြီးတဲ့ကွင်းဆက် အဖြစ်အပျက်ကတော့ ဇွန်လ ရန်ကုန်တက္ကသိုလ်ကျောင်းသားသပိတ်ပဲဖြစ်ပါတယ်။

အဖြစ်အပျက်တွေဟာ လွန်ခဲ့တဲ့၂၅နှစ်ကဖြစ်ခဲ့တယ်ဆိုပေမယ့် အဲဒီမြင်ကွင်းတွေ၊ ရနံ့တွေ၊ အသံတွေဟာ စိတ်ထဲမှာရှိနေတုန်းပါ။ အတူလက်တွဲခဲ့ကြတဲ့ ရဲဘော်သူငယ်ချင်းတွေ ဟာလဲ အဲဒီအဖြစ်အပျက်တွေ ကို လွမ်းမောဂုဏ်ယူစိတ်တွေနဲ့ အမှတ်တရရှိနေကြလိမ့်မယ်လို့ထင်ပါတယ်။ နှစ်ပေါင်းများစွာ ကြာခဲ့ပြီဖြစ်တဲ့ အဲဒီအဖြစ်အပျက်လေးမှာ ပါဝင်ပတ်သက်ခဲ့သူများစွာထဲက ကျနော်တို့ပါဝင်ပတ်သက်ခဲ့တဲ့ တထောင့် တနေရာကနေ ငွေရတုအမှတ်တရ မှတ်တမ်း ပြုလိုက်ပါတယ်။

......................

မတ်လမှာကျောင်းတွေပိတ်လိုက်တော့ သူငယ်ချင်းအချင်းချင်းဆုံကြဖို့ဟာ အရင်လိုမလွယ်တော့ပါဘူး။ အဲဒီခေတ်က အခုလိုမျိုး အီးမေးလ်၊ ဖေ့စ်ဘုတ်၊ လက်ကိုင်ဖုန်းတွေ အသာထားလို့ တယ်လီဖုန်းရှိတဲ့အိမ်တောင် ရှာရခက်တဲ့ခေတ်ပါ။ တယောက်နဲ့တယောက်တွေ့ချင်ရင် တကူးတက သွားရရှာရပါတယ်။ အဲဒီအချိန်မှာပဲ သူငယ်ချင်းတင်ဇော်ဝင်းရဲ့ ညီလေးတင်အောင်ဝင်းဟာ နံနက်စောစော ပြိုင်စက်ဘီးစီးလေ့ကျင့်နေတုန်း မတော်တဆယာဉ်တိုက်မှု ဖြစ်ခဲ့ပြီး ရုတ်တရက်ကွယ်လွန်ခဲ့ရပါတယ်။ တင်ဇော်ဝင်း၊ တင်အောင်ဝင်းတို့ဟာ အဲဒီခေတ်က ခြင်းခတ်တဲ့ နာမည်ကြီး ခြင်းသန်းသန်းဌေးရဲ့ မောင်တွေပါ။ အဲဒီ နာရေးမှာတော့ ကျနော်တို့သူငယ်ချင်းများ ပြန်ဆုံခဲ့ရပါတယ်။

ငယ်သူငယ်ချင်း ဝင်းသူရဲ့  သူငယ်ချင်းတဦးဖြစ်တဲ့ ဗိုလ်ဗိုလ်မြင့်ယူလာခဲ့တဲ့ Far Eastern Economic Review စာစောင်မှာဖော်ပြထားတဲ့ မြန်မာနိုင်ငံဟာ ကမ္ဘာ့အဆင်းရဲဆုံးစာရင်းဝင်နိုင်ငံဖြစ်သွားပြီ ဆိုတဲ့သတင်းအပေါ်မှာ ကျနော်တို့သူငယ်ချင်းများ ဆွေးနွေးဖြစ်ခဲ့ကြပါတယ်။ ပြီးခဲ့တဲ့ ဖုန်းမော် အရေးအခင်း၊ အင်းယားကန်ဘောင်ကိစ္စတွေ၊ ဖမ်းခံရတဲ့သူတွေ အချုပ်ကား ပေါ်မှာမွန်းပြီးသေဆုံးရတဲ့ကိစ္စတွေ၊ လက်ရှိအဖမ်းခံနေရတဲ့ ကျနော်တို့သူငယ်ချင်းတွေ ကိစ္စတွေ ဒါတွေကို ပြောဆိုဆွေးနွေးဖြစ်ခဲ့ကြပါတယ်။ အားလုံးသဘောတူတာတခုကတော့ ကျနော်တို့ ဒီအတိုင်းငုံ့ခံမနေနိုင်ဘူးဆိုတာပါပဲ။ ဒါနဲ့ပဲ ဒီကိစ္စတွေအပေါ်မှာ သဘောညီတဲ့ ဆက်သွယ်ဆွေးနွေးလို့ရနိုင်သမျှ သူငယ်ချင်းတွေအားလုံး မြင့်ဦးခြံထဲမှာ ပြန်ဆုံကြဖို့ ရက်တရက်သတ်မှတ် ချိန်းဆိုခဲ့ကြပါတယ်။

မြင့်ဦးခြံထဲမှာ စည်းဝေးကြတဲ့ပွဲဟာ ၁၀ယောက်ပါတဲ့ ကျနော်တို့အုပ်စုလေးရဲ့ ပထမဦးဆုံး တစုတစည်းဆွေးနွေးခဲ့ကြတဲ့ပွဲပါ။ အဲဒီ ၁၀ယောက်စုစည်းမှု ဟာလည်း တကယ်တော့ တယောက်အကြောင်းကို တယောက်သိတဲ့ ငယ်သူငယ်ချင်းတွေရဲ့ စုစည်းမှုမျိုးမဟုတ်ပါဘူး။ ကျနော်နဲ့သိတဲ့သူက ဝင်းသူနဲ့ ဆာမူရိုင်း နှစ်ယောက်သာပါပြီး ကျန်သူတွေက သူတို့မိတ်ဆက်ပေးတဲ့ သူငယ်ချင်းအသစ်စက်စက်တွေပါ။ မတရားမှုကို ငုံ့မခံဘဲ ကျောင်းသားသပိတ်နဲ့ ပြန်လည် ရင်ဆိုင်သွားဖို့ စိတ်တူကိုယ်တူဖြစ်တဲ့ မေဂျာအသီးသီးက ကျောင်းသားတွေ လက်လှမ်းမီသရွေ့ စုစည်းမိခဲ့ခြင်းပဲဖြစ်ပါတယ်။ (နောက်ပိုင်းမှာ အဲဒီ သူငယ်ချင်းတွေဟာ ဆဲမနာဆိုမနာ တကယ့်ငယ်ပေါင်းကြီးဖော်တွေဖြစ်သွားခဲ့ကြပါတယ်။)

အစည်းအဝေးမစမီ မြင့်ဦးက ကင်မရာကြီးယူလာပါတယ်။ အမှတ်တရဓါတ်ပုံရိုက်မယ်လို့ဆိုပါတယ်။ အားလုံးက ပထမတော့ အံ့အားသင့်၊ နောက်တော့အကြောက်အကန်ငြင်း ကြပါတယ်။ စစ်ထောက်လှမ်းရေးအတွက် အင်မတန်အသုံးတဲ့မယ့် ဓါတ်ပုံဖြစ်သွားမယ် ဆိုတဲ့အယူအဆနဲ့ပါ။ အခုလိုအချိန်မှာတော့ အဲဒီတုန်းကသာ ဓါတ်ပုံရိုက်ဖြစ်ခဲ့ရင် တကယ့်ကိုအမှတ်တရလေးဖြစ်မှာလို့ တွေးမိနေပါတယ်။ ဘာလို့လဲဆိုတော့ အခုအချိန်မှာ ကျနော်တို့အားလုံးဟာ ကမ္ဘာကြီးရဲ့ တနေရာစီမှာ ရောက်ရှိ အခြေကျနေခဲ့ကြပြီ၊ အသက်အရလဲ ၄၅နှစ်ကျော်တွေဖြစ်ကုန်ကြပြီ၊ ပြီးတော့ တချို့ လဲ ကွယ်လွန်ခဲ့ကြပါပြီ။

ကျောင်းတွေပြန်ဖွင့်ရင် သပိတ်မှောက်ကြမယ်ဆိုတာ သဘောတူကြပြီး ကျောင်းတွေပြန်မဖွင့်ခင်စပ်ကြားမှာလဲ စည်းရုံးလှုံ့ဆော်မှုတွေလုပ်ဖို့ တိုင်ပင်ကြပါတယ်။ ကျနော်တို့တတွေရဲ့တောင်းဆိုချက်တွေကို အစိုးရရုံးတွေ၊ သံရုံးတွေ၊ သတင်းဌာနတွေကို ပို့ဖို့တိုင်ပင်ကြပါတယ်။ မတ်လအရေးအခင်းမှာ ခေတ္တ အဖမ်းခံခဲ့ရတဲ့ ဒုတိယနှစ်ရုက္ခဗေဒက ကြည်ဇော်မိုး (အောင်ဇော်-ဧရာဝတီ) ရဲ့ စစ်ကြောရေးအတွေ့အကြုံတွေကို နားထောင်ကြပါတယ်။ ကျနော်တို့အားလုံး နားလည်လက်ခံ ကြတာက ကျနော်တို့အားလုံး ဒါမှမဟုတ် အများစုက အဖမ်းခံကြရမှာပဲ။ အဲသလိုအခြေအနေမျိုးနဲ့ကြုံတဲ့အခါ အကောင်းဆုံးကတော့ ကျနော်တို့သိတဲ့လူတွေ အဆက်အသွယ်တွေကို တတ်နိုင်သမျှလျှို့ ဝှက်ထားနိုင်ဖို့ အဆက်အစပ်တွေကို တတ်နိုင်သမျှဖြတ်ထားဖို့ ကျနော်တို့ရဲ့ ၁၀ယောက်ရှိနေတဲ့အုပ်စုကို အုပ်စုငယ်သုံးခုခွဲ လိုက်ဖို့ဖြစ်ပါတယ်။

အခုလက်ရှိအစည်းအဝေးကနေ စိတ်ပိုင်းလိုက်တဲ့ အုပ်စုငယ်တွေကနေတဆင့် ဆင့်ပွားစည်းရုံးသွားမယ့်သူတွေဟာ ကိုယ့်အုပ်စုငယ်တခုတည်းကိုပဲသိနေပြီး ကျန်တဲ့ အုပ်စု၂ခုနဲ့ အဲဒီအုပ်စု၂ခုရဲ့ လှုပ်ရှားမှုတွေနဲ့ ဆက်စပ်လို့မရအောင် ခွဲထားတဲ့သဘောပါပဲ။ လိုအပ်လာတဲ့အချိန်မှာတော့ အင်အားစုတွေအားလုံး အချိန်ကိုက် ပေါင်းစပ်သွားကြမယ်လို့ တိုင်ပင်ကြပါတယ်။ အဲဒီအတိုင်းပဲ အုပ်စုငယ်သုံးခုခွဲလိုက်ပြီး လေးလွင်၊ ကြည်ဇော်မိုးနဲ့ ကျနော်တို့ဟာ အုပ်စုငယ်တွေရဲ့ တာဝန်ခံတွေအဖြစ် စာဝေလှုံ့ဆော်ကြမယ့်အစီအစဉ်တွေနဲ့ စည်းရုံးရေးတွေကို ဦးဆောင်သွားကြဖို့ဖြစ်ပါတယ်။

နောက်ပိုင်းမှာတော့ မြင့်ဦးခြံ၊ စည်သူစိုးမိုးရဲ့အိမ်နဲ့ ကျနော့်အိမ်တွေမှာ ကျနော်တို့ ခပ်စိပ်စိပ်တွေ့ဆုံခဲ့ကြပြီး အစီအစဉ်တွေဆွဲခဲ့ကြပါတယ်။ သံရုံးများကို ပို့မယ့်စာတွေကိုတော့ အင်္ဂလိပ်စာအဓိကကျောင်းသားတွေဖြစ်တဲ့ ဗိုလ်ဗိုလ်မြင့်နဲ့ စည်သူစိုးမိုးတို့နှစ်ယောက် တာဝန်ယူပြီး၊ ဖယောင်းစက္ကူပေါ်မှာ မီးချောင်းနဲ့ လှိမ့်ရတဲ့ လှုံ့ဆော်စာတွေရိုက်ပေးဖို့ကိုတော့ ကြည်ဇော်မိုးနဲ့ ကျနော်က တာဝန်ယူရပါတယ်။ စာဝေကြဖုိ့သတ်မှတ်ထားတဲ့ နေရာတွေကိုတော့ လေးလွင်၊ ဝင်းသူ၊ ဆာမူရိုင်း၊ မိုးကျော်သူနဲ့ ကျော်စိုးမိုး တို့က လေ့လာကြဖို့တာဝန်တွေခွဲခဲ့ကြပါတယ်။

ရန်ကုန်တက္ကသိုလ်ကျောင်းသားများ သမဂ္ဂဆိုတဲ့ တံဆိပ်တုံး အဝိုင်းနဲ့ ခွပ်ဒေါင်းပုံ တံဆိပ်တုံးတွေဖြစ်လာဖို့ကိုတော့ အစဦးပိုင်းက ကျနော်၊ ဝင်းသူနဲ့ ဆာမူရိုင်းတို့တာဝန်ယူခဲ့ပါတယ်။ ရန်ကုန်မြို့ ထဲက ရာဘာတံဆိပ် တုံးဆိုင်တွေမှာ လိုချင်တဲ့ ပွိုင့်နဲ့ လိုချင်တဲ့စာလုံးတွေကို ခွဲအပ်ရပါတယ်။ ထားဝယ်သမဂ္ဂ ရန်ကုန်မြို့  ဆိုတဲ့ တံဆိပ်တုံးအဝိုင်းက တခု၊ တက္ကသိုလ်သိန်းထီဆိုင် ဆိုတာက တခု၊ ဘုန်းကြီးကျောင်းသားများသာ ဆိုတာက တခု၊ ဆိုင်သုံးဆိုင်မှာ ခွဲအပ်ပြီးတော့ နောက်မှ ဖြတ်ညှပ်ကပ်နဲ့ ပြန်ဆက်စပ်ဖို့ပါ။ လုပ်ကြည့်တော့ အဆင်မပြေပါဘူး။ ရာဘာအထူအပါးညှိရတာ၊ စာလုံးတွေကို ဖြတ်ရကပ်ရတာ အတော်ခက်ပါတယ်။ နောက်ပြသနာတခုက အဲဒီအချိန်တုန်းက ခွပ်ဒေါင်းပုံဟာ ရှာရအတော်ခက်ပါတယ်။ စာကြည့်တိုက်များမှာ အတော် မွှေနှောက်ရှာဖွေခဲ့ရပါတယ်။ နောက်ပိုင်းမှာတော့ ကျနော်တို့ရဲ့ မအောင်မြင်တဲ့ တံဆိပ်တုံးစစ်ဆင်ရေးကို မြင့်ဦးက ခပ်တည်တည်နဲ့ တာဝန်ယူခဲ့ပါတယ်။ တကယ်တော့ မြင့်ဦးရဲ့ ဦးလေးတော်သူဟာ ရာဘာတံဆိပ်တုံးတွေကို ပရော်ဖက်ရှင်နယ်ကျကျ လုပ်တတ်သူပါ။ ကျနော်တို့အတွက်လဲ ရန်ကုန်တက္ကသိုလ်ကျောင်းသားများ သမဂ္ဂ ဆိုတဲ့ တံဆိပ်တုံးအဝိုင်းလေးတခု သပ်သပ်ရပ်ရပ်လှလှပပ ရခဲ့ပါတယ်။ (အဲဒီအတွက် မြင့်ဦးရဲ့ မိသားစုဝင်များပါ နောက်ပိုင်းမှာ အရေးယူခံရ တယ်လို့သိရပါတယ်။) ဇွန်အရေးအခင်း အရှိန်အဟုန်မြင့်လာချိန်မှာ မဆလ အစိုးရက ထုံးစံအတိုင်းကျောင်းတွေပိတ်တယ်လို့ ကြေငြာခဲ့ပါတယ်။ အဲဒီနေ့မှာပဲ ကျနော်တို့ကျောင်းသားတွေအနေနဲ့ ကျောင်းပိတ်ထားချိန်တွေမှာ ကိုယ်တတ်နိုင်သမျှ လုပ်ကြပါ။ လှုံ့ဆော်မှုတွေ၊ စည်းရုံးရေးတွေလုပ်ကြပါ။ ထုတ်ပြန်ကြေငြာချက်တွေအတွက် ရန်ကုန်တက္ကသိုလ်ကျောင်းသားများသမဂ္ဂ ဆိုတဲ့ တံဆိပ်ကိုအခုရနိုင်ပါတယ်လို့ ကြေငြာခဲ့ပြီး၊ ရန်ကုန်တက္ကသိုလ် အဓိပတိလမ်းမကြီးပေါ်ငုတ်တုတ်ထိုင်လို့ လာထိုးပေးသမျှ စာရွက်တွေ၊ စာအုပ်တွေပေါ်မှာ အဲဒီတံဆိပ်တုံးအဝိုင်းလေးကို မင်နီနဲ့ နှိပ်နှိပ်ပေးခဲ့ရတာ ပြန်အမှတ်ရမိနေပါတယ်။

"မတရားဖမ်းထားတဲ့ ငါတို့ကျောင်းသားတွေကို လွှတ်၊ မတ်လအရေးအခင်းနဲ့ပတ်သက်ပြီး တာဝန်ရှိသူတွေနှုတ်ထွက်ပေး၊ ကျောင်းသားသမဂ္ဂများ တရားဝင်ပေါ်ပေါက်ရေး" စတဲ့တောင်းဆိုချက်များပါတဲ့ကြေငြာချက်တွေကို ဧပြီလ မေလများမှာ ရန်ကုန်မြို့ လယ်လူစည်ကားရာနေရာများ၊ ရုပ်ရှင်ရုံများ၊ ဈေးကြီးများ၊ ဘတ်စ်ကားဂိတ်များမှာ ဝေငှလှုံ့ ဆော်ခဲ့ကြပါတယ်။ ရန်ကုန်ရဲ့ အထင်ကရ အလုပ်သမားထုကြီးများ စုစည်းရာ အင်းစိန်ရထား စက်ခေါင်းပြင်စက်ရုံ၊ အုတ်ကျင်းချည်မျှင်နှင့် အထည်စက်ရုံ၊ အုတ်ကျင်းဂုန်နီစက်ရုံနဲ့ ကြို့ ကုန်းဘီဘီအိုင်ဆေးဝါးထုတ်လုပ်ရေးစက်ရုံက အလုပ်သမားတွေထံကိုလည်း အရောက်သွားလို့ ကျောင်းသားနဲ့အလုပ်သမားထုများ နစ်နာမှုများအတွက် တာဝန်ရှိတဲ့ မဆလ အစိုးရကို ဆန္ဒပြ ရင်ဆိုင်ကြဖို့ တိုက်တွန်းလှုံ့ဆော်ခဲ့ကြပါတယ်။ တကယ်တော့ ဒါတွေကို ကျနော်တို့ ဇောချွေးများပြန်ပြန် ကြောက်ကြောက်ရွံ့ ရွံ့  နဲ့ လုပ်ခဲ့ကြတာပါ။ သတ်မှတ်ထားတဲ့ နေရာ၊ သတ်မှတ်ထားတဲ့ အချိန်တွေမှာ ရုတ်တရက် စာတွေဝင်ဝေရတာ အရမ်းကို ရင်ခုန်ရတဲ့ကိစ္စပါ။ ပြီးရင် အိုက်တင်လေးနဲ့ မနေနိုင်ဘဲ ကိုယ့်နောက်က လိုက်ဖမ်းမယ့်သူ ရှိရှိ၊ မရှိရှိ ကြောက်ကြောက်နဲ့ နောက်ဖက်ကို ပြန်လှည့်မကြည့်စတမ်း အဲဒီနေရာက လွတ်အောင်ပြေးရပါသေးတယ်။

စာဝေမယ့်ကိုယ့်ကို စာပြန်ဝေသွားတာလဲ ခံခဲ့ရပါတယ်။ ရန်ကုန်မြို့ လေဟာပြင်ဈေးထဲမှာပါ။ ကျနော်တို့ ရလာတဲ့ လှုံ့ဆော်စာဟာ ခွပ်ဒေါင်းပုံကို ပီပီပြင်ပြင်ဆွဲထားပြီး စာကူးစက်လိုမျိုးနဲ့ အသေအချာကူးထားပုံရလို့ မင်ကျမင်န သပ်သပ်ရပ်ရပ်နဲ့ပါ။ ကျနော်တို့တတွေလဲ အခြားအဖွဲ့များပါ တိုက်ပွဲဝင်နေကြပြီဆိုတာ အသေအချာသိရလို့ အင်မတန်အားတက်ခဲ့ရပါတယ်။

ကျနော်တို့ ဝေငှတဲ့စာရွက်တွေဟာ အစပိုင်းမှာတော့ စာရွက်တွေပေါ် ဖယောင်းစက္ကူတင်၊ မီးချောင်းနဲ့လှိမ့်ရလို့ မင်သီးတဲ့နေရာသီး၊ မင်ကျဲတဲ့နေရာကျဲ၊ တခါတလေများ စာရွက်ပေါ် ကိုယ့်လက်ဗွေရာတွေထင်နေလို့ စိတ်မလုံခြုံဖြစ်ပြီး ပွတ်ဖျက်မိလို့ မင်မည်းအစင်းတွေထင် စသဖြင့် ချို့ တဲ့တဲ့ အပြင်အဆင်တွေနဲ့ပါ။ ဒါတောင် အီးပီစီရုံးမှာ အလုပ်လုပ်တဲ့ ဟန်မျိုးသူ(လုပ်သားများကောလိပ်)က မြန်မာလက်နှိပ်စက်နဲ့ ရိုက်ပေးလို့ အတော်အဆင်ပြေခဲ့ပါတယ်။ နောက်ပိုင်းမှာတော့ အခြေခံပညာဦးစီးဌာနမှာ အလုပ်လုပ်နေတဲ့ အော်ဂက်စတင်းထဲက ကျောင်းနေဖက် ငယ်သူငယ်ချင်း အောင်လွင်သန့်(ကုလားကြီး) (လုပ်သားများကောလိပ်) က စွန့်စား ကူညီပြီး ရုံးကစာကူးစက်နဲ့ ရိုက်ပေးလို့ ကျနော်တို့ရဲ့ လှုံ့ဆော်စာတွေဟာ နိုင်ငံတော် စားရိတ်နဲ့ အတော်လေး သပ်ရပ်လာခဲ့ပါတယ်။

အစပိုင်းမှာတော့ ရုပ်ရှင်ရုံ အပေါ်ထပ်တွေကနေ စာရွက်တွေကြဲချခဲ့ကြတာပါ။ စက်ရုံတွေ အလုပ်ဆင်းချိန်ညမှောင်မှောင်မှာ စက်ဘီးတွေနဲ့ စာရွက်တွေဝေတာ၊ ဒတ်ဆန်းအမြန်ယာဉ်တွေ မီးပွိုင့်မိနေတုန်း ကားထဲကိုစာရွက်တွေထိုးထဲ့တာ၊ ရန်ကုန်မြို့ လည်ကောင်မှာ ဘတ်စ်ကားတွေတွယ်စီးပြီးတော့ မီးပွိုင့်မှာ လမ်းကူးမလို့စောင့်နေတဲ့ လူအုပ်ကြားစာရွက်တွေပစ်ထဲ့တာတွေ လုပ်ရင်းနဲ့ ကြာတော့ နည်းနည်းအရေထူလာသမျိုးဖြစ်လာပါတယ်။ နောက်ပိုင်းမှာတော့ ဈေးကြီးတွေထဲ ခပ်တည်တည်နဲ့ စာရွက်တွေလိုက်ဝေကြပါတယ်။

ဒီလိုနဲ့ပဲ ဇွန်လဆန်းမှာ ကျနော်တို့စောင့်မျှော်နေခဲ့ကြတဲ့ တက္ကသိုလ်ကျောင်းများ ပြန်လည်ဖွင့်လှစ်ခဲ့ပါတယ်။ မတ်လမှာ အရေးအခင်းတွေကို ရက်ရက်စက်စက် ပြတ်ပြတ်သားသားနှိမ်နင်းခဲ့တဲ့ မဆလအစိုးရဟာ ကျောင်းသားတွေကို နှိမ်လိုက်နိုင်ပြန်ပြီဆိုတဲ့ ယုံကြည်ချက် မျိုးနဲ့ ဇွန်လဆန်းမှာ တက္ကသိုလ်ကျောင်းတွေပြန်ဖွင့်ပေးခဲ့တာပါ။

ကျောင်းတွေပြန်ဖွင့်ပြီး တပတ်အကြာအထိ ကျနော်တို့ သပိတ်မှောက် လှုပ်ရှားမှုတွေမလုပ်နိုင်ခဲ့ကြပါဘူး။ အဲဒီအချိန်မှာ မြင့်ဦးက ကျနော်တို့တာဝန်ခံ ၃ယောက်ကို ဖိအားပေးပါတော့တယ်။ အခုရက်ပိုင်းအတွင်း သပိတ်မှောက်ဖြစ်အောင်လုပ်ပါ။ မင်းတို့မလုပ်နိုင်ဘူးဆိုရင် ဒီအဖွဲ့က ငါထွက်မယ်လို့ ခြိမ်းခြောက်ခဲ့တာပါ။ ကျနော်တို့လဲ တိုင်ပင်ရပါတော့တယ်။ ကဲ ဒို့တွေဘာလုပ်ကြမလဲဆိုတော့ တယောက်ကပြောခဲ့တာက အဲဒီအချိန်က တက္ကသိုလ်မော်ကွန်းထိန်းတာဝန်ယူထားတဲ့ ဒေါ်သိန်း (ကိုအေးချမ်းနိုင်-ဒီဗွီဘီ၊ မဝေဝေနိုင်-နယူးယောက် တို့ရဲ့ မိခင်) စီးတဲ့ ရုံးကားကို မီးတင်ရှို့ ပြီး သပိတ်ကိုစကြဖို့ပါ။ ဒါပေမယ့်လဲ အဲသလို ညစ်တွန်းတွန်းတဲ့ အကြမ်းဖက်လုပ်ရပ်ဟာ ကံကောင်းစွာနဲ့ ဖြစ်မလာခဲ့ပါဘူး။ အဲဒီအစား ကျောင်းဖွင့်ပြီး တပတ်အကြာမှာ ရန်ကုန်တက္ကသိုလ် အပန်းဖြေခမ်းမ (အာစီ) အတွင်းမှာ စာကပ်တာက အစပြုလို့ ကျနော်တို့လိုပဲ စည်းရုံးလှုပ်ရှားနေကြတဲ့ ကျောင်းသားအုပ်စု အသီးသီးဟာ ရန်ကုန်တက္ကသိုလ် အပန်းဖြေခမ်းမကို ဗဟိုပြုပြီး ဇွန်ကျောင်းသားသပိတ်ကို စတင်ခဲ့၊ ဝန်းရံခဲ့ကြပါတော့တယ်။

စစ်ထောက်လှမ်းရေးများက ကပ်ထားတဲ့လှုံ့ဆော်စာများကို ချက်ခြင်းလာရောက်သိမ်းဆည်းသွားခဲ့ပေမယ့် နာရီဝက်ခန့်အတွင်းမှာပဲ ကျနော်တို့ ၁၀ဦးအပါအဝင် သပိတ်မှောက်ဦးဆောင် ကျောင်းသားများက ဂျပ်ဆင်ကန်တင်း ကနေ တောင်ငူဆောင်ရှေ့  စားသောက်ဆိုင်တန်းများအထိ ကြွေးကြော်သံများ ဟစ်ကြွေးချီတက်ခဲ့ကြပါတယ်။ ဂျပ်ဆင်ကန်တင်းထဲက ဝိုင်းအုံကြည့်နေကြတဲ့ ကျောင်းသားတွေကို အတူပူးပေါင်းပါဝင်ဖို့ ဖိတ်ခေါ်ခဲ့ပေမယ့် အဲဒီအချိန်တုန်းက အများစုဟာ အဆင်သင့်မဖြစ်ခဲ့ကြပါဘူး။ အဲဒီအတွက် ဗိုလ်ဗိုလ်မြင့်နဲ့ ဆာမူရိုင်းတို့ ခံစားပေါက်ကွဲခဲ့ကြတဲ့ မြင်ကွင်းကိုလဲ ခုထိအမှတ်ရမြင်ယောင်နေမိပါတယ်။ ထူးခြားချက်တခုကတော့ အဲဒီအချိန်က စတင်လို့ ကျနော်တို့ရဲ့ မျက်နှာများကို လက်ကိုင်ပုဝါများ၊ လွယ်အိတ်ကြိုးများနဲ့ ကာကွယ်ထားခဲ့ကြခြင်းပါ။

ဒုတိယနေ့မွန်းတည့်ချိန်က စပြီး သပိတ်မှောက် ကျောင်းသားခေါင်းဆောင်များဟာ စာသင်ခန်းတွေအတွင်း ဝင်ရောက်လှုံ့ဆော်ခဲ့ကြပါတယ်။ အမှန်တရားကိုမြတ်နိုးတဲ့ငါတို့သူငယ်ချင်းတွေဟာ လူလိမ်လူညစ်တွေရဲ့ အကျဉ်းသားဖြစ်နေချိန်မှာ ငါတို့ အေးအေးဆေးဆေးစာသင်မနေနိုင်ဘူး၊ ရန်ကုန်တက္ကသိုလ်ဟာ မတရားမှုကို ခေါင်းငုံ့လည်စင်းပေးရိုးထုံးစံ မရှိဘူး၊ ငါတို့ကျောင်းသားတွေဟာ ရေကိုပိုင်းဖြတ်ခွဲခြားလို့မရသလို အားလုံးဟာ တသားတည်းဖြစ်တယ်ဆိုတဲ့ သွေးစည်းညီညွတ်မှုတွေနဲ့အတူ ရန်ကုန်တက္ကသိုလ်အပန်းဖြေခန်းမ၊ အာစီကနေ အဓိပတိလမ်းမကြီးအတိုင်း ကျောင်းသားသမဂ္ဂ အဆောက်အဦး တည်ရှိခဲ့ရာနေရာ၊ ဗိုလ်အောင်ကျော်အထိမ်းအမှတ်များကို ကြွေးကြော်သံများနဲ့ချီတက်ခဲ့ကြပါတယ်။ ဝါးဖတ်ဦးထုပ်ကို ဆောင်းထားတဲ့ ကျောင်းသားတဦးက သမဂ္ဂဝင်း ခြံစည်းရိုးအုတ်တိုင်ပေါ်ကို တွယ်တက်ပြီး ရန်ကုန်တက္ကသိုလ်ရဲ့အစဉ်အလာသမိုင်းနဲ့ ငါတို့ရဲ့လက်ရှိတာဝန်တွေ အကြောင်း အသံသြဇာရှိရှိနဲ့ ပြတ်ပြတ်သားသားတရားဟောသွားခဲ့သလို သူ့ရဲ့အမည်ကိုလဲ မောင်မောင်ကျော်လို့ ကြေငြာခဲ့ပါတယ်။

တတိယနေ့က စတင်လို့ အာစီရှေ့ မှာ ခုံခင်းပြီး တရားပွဲများ စတင်ကျင်းပခဲ့ကြပါတယ်။ အဲဒီနေ့မှာပဲ မိုးသီးဆိုတဲ့ ကျောင်းသားခေါင်းဆောင်တဦး အဟောအပြောကောင်းကောင်းနဲ့ ကျောင်းသားထုကို စတင်ဦးဆောင်ခဲ့ပါတယ်။ ကျနော်မှတ်မိသလောက်ကတော့ ကိုမိုးသီးဟာ အဲဒီအချိန်တုန်းက သူ့ကိုယ်သူ မိုးသီးလို့သာ သတ်မှတ်သုံးနှုန်းခဲ့တယ်လို့ထင်ပါတယ်။ နောက်ပိုင်းမှ ဇွန်သပိတ် အမှတ်တရအနေနဲ့ မိုးသီးဇွန်ရယ်လို့များ သတ်မှတ်သုံးနှုန်းခဲ့သလား မသိပါ။ (ကျနော် အမှတ်မှားနိုင်ပါတယ်။)

သပိတ်မှောက်ဦးဆောင်ကျောင်းသားများ အနေနဲ့ အခြားတက္ကသိုလ် ကောလိပ်များကို သွားရောက်ပြီး ဆန္ဒပြသပိတ်မှောက်ကြဖို့လဲ တာဝန်ခွဲဝေခဲ့ကြပါတယ်။ ဗိုလ်ဗိုလ်မြင့်၊ ကျော်လွင်ဦးနဲ့ ကျနော်တို့ဟာ အာစီသရီးလို့ခေါ်တဲ့ ရန်ကုန်တက္ကသိုလ် ကြည့်မြင်တိုင်နယ်မြေကို သွားရောက်ပြီး စားသောက်ဆိုင်တန်းမှာ စာကပ်၊ စာဝေ လှုံ့ဆော်မှုများပြုလုပ်ခဲ့ကြပါတယ်။

အမှတ်ရစရာ အဖြစ်အပျက်တခုအနေနဲ့ အဲဒီအချိန်က ရန်ကင်း စူနီယံပတ်ခ်မှာ နေထိုင်တဲ့ အင်္ဂလိပ်လူမျိုးတဦးက မြန်မာတိုင်းရင်းသူတဦးကို သတ်ဖြတ်ခဲ့ပြီး အလောင်းဖျောက်ခဲ့မှုကို အင်္ဂလန်ဝန်ကြီးချုပ်ရဲ့ဖိအားပေးမှုကြောင့် ဦးနေဝင်းရဲ့အမိန့်နဲ့ ပြန်လွှတ်ပေးခဲ့တဲ့ အကြောင်းနဲ့ တဖက်ကလဲ ကျောသပ် တဲ့သဘောနဲ့ မန်ချက်စတာယူနိုက်တက် ဘောလုံးအသင်း ခြေစမ်းပွဲများ ကစားဖို့ ရန်ကုန်မြို့ ကို လာမယ့်အကြောင်း သတင်းတွေဖြစ်ပေါ်ခဲ့တဲ့အချိန်ဖြစ်ပါတယ်။ မတ်လအရေးအခင်းမှာ ကိုယ့်တိုင်းသူပြည်သား ကျောင်းသားကျောင်းသူများအပေါ် လက်နက်အားကိုးနဲ့ ရက်ရက်စက်စက် နှိပ်ကွက်ခဲ့တဲ့ မဆလအစိုးရဟာ နိုင်ငံခြားသားတဦးရဲ့ ကိုယ့်တိုင်းရင်းသူ တဦးအပေါ်ကျူးလွန်ခဲ့တဲ့ လူသတ်မှုကိုတော့ အမှန်အတိုင်း ပြတ်ပြတ်သားသား အရေးမယူရဲဘဲ ဘောလုံးအသင်းတသင်းရဲ့ ချစ်ကြည်ရေးခရီးနဲ့ သူရဲဘောကြောင်ကြောင် အပေးအယူလုပ်ခဲ့တဲ့အပေါ် ဇွန်အရေးအခင်းမှာ ထုတ်ဖော်ပြောဆိုကန့်ကွက်ခဲ့တဲ့ အဖြစ်ပဲဖြစ်ပါတယ်။

စတုတ္ထနေ့မှာတော့ အသံချဲ့ စက် မိုက်ကရိုဖုန်းများနဲ့ တရားဟောစင်ဟာ ပိုမို ပီပြင်လာခဲ့ပါတယ်။ ဒီလိုနဲ့ပဲ ခေတ်အဆက်ဆက် ကျောင်းသားထုကို အလျှော့မပေးစတမ်း အဆက်မပြတ်နှိမ်နင်းနှိပ်ကွပ်ခဲ့တဲ့ မဆလအစိုးရကို သွေးသစ်ကျောင်းသားထုက နောင်တော်ကြီးများရဲ့ အစဉ်အလာအတိုင်း ပြင်းပြင်းထန်ထန် ဆက်လက်ဆန့်ကျင် စိန်ခေါ်ခဲ့ပါတော့တယ်။

ရန်ကုန်တက္ကသိုလ် ကျောင်းသားများ သပိတ်ဟာ လေးရက်အတွင်း ကျယ်ပြန့်သွားခဲ့ပြီး လှိုင်နယ်မြေ၊ ကြည့်မြင်တိုင်နယ်မြေ၊ ဗိုလ်တထောင်နယ်မြေ၊ စက်မှုတက္ကသိုလ်၊ လုပ်သားများ ကောလိပ်၊ ဆေးတက္ကသိုလ်၊ သွားဖက်ဆိုင်ရာဆေးတက္ကသိုလ်၊ အင်းစိန်ဂျီတီအိုင်၊ တို့သာမက အခြေခံပညာ ကျောင်းသားများပါ အသီးသီး သပိတ်တိုက်ပွဲဝင်ခဲ့ကြပါတယ်။

မနက်ဆိုကျောင်းကိုသွား နေ့လည်ပိုင်းမှာ အာစီနား မယောင်မလည်လုပ်နေ တယောက်ယောက်က စပြီး မျက်နှာကိုစည်းလိုက်ပြီဆိုတာနဲ့ တပြိုင်နက် ကျန်တဲ့သူငယ်ချင်းတွေကလဲ အသီးသီးမျက်နှာကို စည်းကြတော့တာပါ။ အဲဒီအချိန်ကနေစပြီး တနေ့တာ တရားပွဲများစတင်ဖို့ အဆင်သင့်ဖြစ်ကြပါပြီ။ တခါတလေမှာတော့ တယ်လီဖုန်းတိုင်များမှာ တပ်ထားတဲ့ သေတ္တာငယ်များကို အသံဖမ်းစက်များတပ်ထား တယ်လို့ ထင်ယောင်ထင်မှားဖြစ်ကြ တက်ဖြုတ်ကြ၊ အဲဒီသေတ္တာငယ်များကို ဖျက်ဆီးကြတာမျိုးတွေရှိခဲ့ပါတယ်။ တကယ်တော့ စစ်ထောက်လှမ်းရေးက ကျောင်းဝန်းအတွင်းဖြစ်ပျက်သမျှ တွေအားလုံးကို သူ့နည်းသူ့ဟန်နဲ့ အချိန်နဲ့တပြေးညီသိနေခဲ့တာပါ။ ကျနော့်အဖွဲ့ငယ်က သူငယ်ချင်းဟန်မျိုးသူဟာ ရန်ကုန်မြို့ လျှပ်စစ်ဓါတ်အားဖြန့် ဝေရေးရုံးချုပ် (အီးပီစီ ရုံးချုပ်) မှာအလုပ်လုပ်ပါတယ်။ အဲဒီရုံးချုပ်က ရန်ကုန်မြို့ ရဲ့ လျှပ်စစ်ဓါတ်အားပေးဝေမှုကို ထိန်းချုပ်ထားတဲ့အတွက် အရေးကြီး ဌာနတခုဖြစ်ပါတယ်။ အဲဒီရုံးမှာ တပ်ဆင်ထားတဲ့ကြေးနန်းသတင်းတွေကနေ ကျနော်တို့ရဲ့ အာစီရှေ့ ကတရားပွဲတွေအကြောင်းကို အဲဒီရုံးမှာအလုပ်လုပ် နေတဲ့ ဟန်မျိုးသူ သိနေခဲ့ပါတယ်။

ကိုဇော်ဝမ်းတူးလို စိတ်အခြေအနေပုံမှန်မဟုတ်ဘဲ ကျောင်းဝင်းအတွင်း ဝင်ထွက်သွားလာနေသူတွေ ကိုလဲ အထင်မှား(တနည်းအားဖြင့် စစ်ထောက်လှမ်းရေးလို့ အထင်လွဲ) ပြီး ထိုးကြိတ်ရိုက်နှက်တာမျိုးတွေလဲ ရှိခဲ့ပါတယ်။

တရားဟောစင်အနားမှာ ကျောင်းသားရေးနဲ့ နိုင်ငံရေးငြင်းခုံဆွေးနွေးကြတာတွေ အခြေအတင်ဖြစ်ကြရတာတွေလဲ ရှိခဲ့ပါတယ်။ အဲဒီခေါင်းစဉ် နှစ်ခုအပေါ်မှာ ကျနော့်အနေနဲ့ သဘောထားမကွဲလွဲပါ။ ကျနော်ယူဆခဲ့တာကတော့ အတူတူပဲဆိုတာပါ။ ခေါင်းစဉ်တွေဘာပဲတပ်တပ် အဲဒီအပေါ်မှာ သဘောထားကွဲလွဲကြမယ့်အစား လုပ်ရပ်ပေါ်မှာ ဆုံးဖြတ်တာက ပိုပြီးအမှန်နဲ့ နီးစပ်မယ်လို့ထင်ပါတယ်။

ကျနော်စကားပြောပြီးဆင်းလာတော့ ကျောင်းသားတဦးက နိုင်ငံရေးကိုလျော့ပြောဖို့ လောလောဆယ်မှာ ကျောင်းသားရေးကိုပဲ ဦးတည်ကြဖို့ လာဆွေးနွေးခဲ့တာပါ။ ကျောင်းသားရေးလို့ခေါင်းစဉ်တပ်ပြီးလုပ်ရင် အဖမ်းခံရရင်လဲသက်သာနိုင်တယ်လို့လဲ သူကပြောခဲ့ပါသေးတယ်။ ကျနော်တို့လုံးဝ သဘောမတူခဲ့ဘဲ ငြင်းခုံဆွေးနွေးခဲ့ကြရပါတယ်။

ကျောင်းသားထုကြီး စတင်တောင်းဆိုခဲ့ကြတာကတော့ ဖမ်းဆီးကျောင်းသားများ အမြန်ဆုံးပြန်လွှတ်ပေးရေး၊ တာဝန်ရှိသူများ နှုတ်ထွက်ပေးရေးနဲ့ ကျောင်းသားသမဂ္ဂများ တရားဝင်ဖွဲ့စည်းခွင့် ရရှိရေးတို့ပဲဖြစ်ပါတယ်။ ကျောင်းသားထုအတွင်းမှာ ကျောင်းသားရေးနဲ့နိုင်ငံရေးရယ်လို့ အစပိုင်းမှာ အယူအဆကွဲပြားခဲ့ကြသေးပေမယ့် ကျောင်းသားသပိတ်ကြီး အရှိန်မြင့်လာချိန်မှာတော့ အားလုံးတညီတညာတည်းကြွေးကြော် တောင်းဆို ခဲ့ကြတာကတော့ မဆလအစိုးရအလိုမရှိ ဆိုတာပါပဲ။

သပိတ်မှောက်ကြတဲ့ရက်တွေမှာ တခြားသူတွေတော့ ဘယ်လိုနေမယ်မသိပါ။ ညနေပိုင်းလူစုခွဲကြလို့ ကိုယ့်အိမ်ကိုပြန်ကြချိန်မှာတော့ ကျနော့် စိတ်ထဲမှာ အမြဲပဲ တင်းကြပ်နေခဲ့ပါတယ်။ တယောက်ယောက်က အနောက်ကလိုက်လာနေသလို စိတ်မလုံခြုံမှုမျိုးအမြဲခံစားရပါတယ်။ အဖမ်းခံရမှာကို စိုးကြောက်နေခဲ့တာလဲဖြစ်နိုင်ပါတယ်။ အဲဒီခံစားချက်ဟာ တကယ်တမ်း စစ်ထောက်လှမ်းရေးများ ကျနော့်အိမ်ကိုလာရောက် ဖမ်းဆီးတဲ့နေ့အထိ ဖြစ်ခဲ့ပါတယ်။ အဖမ်းခံလိုက်ရပြီးချိန်မှာတော့ စိတ်ဒုန်းဒုန်းချလိုက်လို့လားမသိ အဲဒီ စိတ်ဖိစီးမှုကနေ ပေါ့ပါးလွတ်မြောက်သွားခဲ့ပါတယ်။

ရန်ကုန်တက္ကသိုလ်ကနေ စတင်ခဲ့တဲ့ ဇွန်သပိတ်ဟာ ရန်ကုန်မြို့ ပေါ်ကတက္ကသိုလ်၊ ကောလိပ်နဲ့ အထက်တန်း၊ အလယ်တန်းကျောင်းအသီးသီးက ကျောင်းသားထုကြီးထောင်ချီ ချီတက်ဆန္ဒပြခဲ့ကြတဲ့၊ အခြေခံပညာကျောင်းသား၊ ကျောင်းသူများပါသွေးမြေကျခဲ့ရတဲ့ ဇွန်လ၂၁ရက် လုံထိန်းတပ်များရဲ့ ဟန့်တားဖြိုခွင်းမှုခံခဲ့ရတဲ့ မြေနီကုန်း အရေးအခင်းမှာ တခန်းရပ်သွားခဲ့ပါတယ်။

ဇွန်၂၁ရက်နေ့မတိုင်မီကတည်းက ပညာရေးဝန်ကြီးဌာနအောက်က တက္ကသိုလ်တွေပိတ်ကြောင်း ကြေငြာခဲ့ပြီးဖြစ်ပါတယ်။ ဒါပေမယ့် အခြေခံပညာ ကျောင်းများက ကျောင်းသားကျောင်းသူအများစုဟာ လှည်းတန်းကနေ စတင်ချီတက်ခဲ့တဲ့ တက္ကသိုလ်ကျောင်းသားများနဲ့ တလမ်းလုံးတောက်လျောက် ပူးပေါင်းပါဝင်ခဲ့ကြတာပါ။ ကမာရွတ်ဝက်ဂီ၊ ဟံသာဝတီ၊ စမ်းချောင်းစတဲ့ရပ်ကွက်တွေက အထက်တန်း၊ အလယ်တန်းကျောင်းသားကျောင်းသူ အများစု ဟာ မြေနီကုန်းကို ဦးတည်ချီတက်လာတဲ့ သပိတ်မှောက်အဖွဲ့တွေနဲ့ ပူးပေါင်းခဲ့ကြရင်း တဖြေးဖြေးနဲ့ သပိတ်မှောက်တပ်ဦးမှာ အဖြူအစိမ်းရောင်တွေ လွှမ်းသွားခဲ့ပါတယ်။ စမ်းချောင်းအထက(၂) အနီး ယုဝတီဆောင်ရှေ့ အကျော်လေး မှာ အသင့်စောင့်နေကြတဲ့ လုံထိန်းတပ်ဖွဲ့ဝင်တွေက ဆန္ဒပြသူတွေကြား အတင်းဝင်ရောက် ရိုက်နှက်ဖြိုခွဲခဲ့ပါတယ်။ ကျောင်းသူ၊ ကျောင်းသားအများအပြားလဲ အဲဒီနေရာမှာပဲ ဖမ်းဆီးခံခဲ့ကြရပါတယ်။

ဇွန်၂၁ရက်နေ့ ချီတက်ဆန္ဒပြပွဲအကြောင်းကို ဇွန်လ၂၂ရက်နေ့နံနက် ဘီဘီစီအသံလွှင့်ဌာနက ထုတ်လွှင့်သွားခဲ့ရာမှာ ၁၉၆၂ခုနှစ်က စတင်ခဲ့တဲ့ စစ်အာဏာရှင် ဦးနေဝင်းရဲ့ အုပ်ချုပ်ရေးသက်တမ်းတလျောက်မှာ (အဲဒီအချိန်အထိ)အကြီးမားဆုံး ကျောင်းသားအုံကြွမှုကြီး ဖြစ်တယ်လို့ ကြေငြာသွားခဲ့ပါတယ်။

ပါဝင်လှုပ်ရှားခဲ့ကြတဲ့ကျောင်းသူကျောင်းသားများဟာလဲ အသက်ဆုံးရှုံးမှု၊ ကိုယ်လက်အင်္ဂါပျက်ဆီးချို့ ယွင်းမှု၊ ဖမ်းဆီးခံရမှု၊ ထွက်ပြေးတိမ်းရှောင်မှုများနဲ့ ကြုံခဲ့ကြရပါတယ်။ ဇူလိုင်လဆန်းမှာ မဆလအစိုးရဟာ အရေးပေါ်ပါတီညီလာခံကို ခေါ်ယူခဲ့ပြီး ဇူလိုင်လ ၈ရက်နေ့မှာတော့ ဘယ်သူမှမထင်မှတ်ဘဲ မတ်လနဲ့ ဇွန်လအရေးအခင်းများအတွင်း ဖမ်းဆီးထိမ်းသိမ်း ထားသူများကို ရုတ်တရက် ပြန်လည်လွှတ်ပေးခဲ့ပါတယ်။ အဲဒါကြောင့်လဲ ဇွန်အရေးအခင်းမှာ ပါဝင်လှုပ်ရှား ခဲ့သူများဟာ ၁၅နှစ် နှစ်၂၀ နှစ်ရှည် ထောင်ဒဏ်များ ကျခံရနိုင်တဲ့အခြေအနေကနေ ၁၅ရက် ရက်၂၀နဲ့ပဲ နံမည်ကျော်ရေကြည်အိုင် စစ်ထောက်လှမ်းရေးဌာနချုပ် ကနေ ပြန်လည် လွတ်မြောက်လာကြရပါတယ်။

ဇွန်လကျောင်းသား သပိတ်မှာပါဝင်ဆင်နွှဲခဲ့ကြတဲ့သူ အများစုဟာ ဇူလိုင်လကုန် လပြည့်နေ့ ရွှေတိဂုံရင်ပြင်ဆန္ဒပြပွဲနဲ့ သမိုင်းလမ်းဆုံအထိ ချီတက်ပွဲ၊ ရှစ်လေးလုံးနေ့ လူထုအုံကြွဆန္ဒပြပွဲ၊ ရန်ကုန်ဆေးရုံကြီးရှေ့ တရားပွဲများနဲ့ စစ်အာဏာသိမ်းခဲ့တဲ့ စက်တာဘာ၁၈ရက်နေ့အထိ သပိတ်တိုက်ပွဲပေါင်း များစွာမှာ အတူတကွလက်တွဲခဲ့ ဆင်နွှဲခဲ့ကြပါတယ်။

ကျနော်တို့ရဲ့ အသက်၂၀၊ ၂၁ ပတ်ဝန်းကျင် လူငယ်ဘဝတနေရာမှာ ဇွန်လတက္ကသိုလ်ကျောင်းသားများသပိတ်၊ ရှစ်လေးလုံး အရေးတော်ပုံကြီးစတာတွေနဲ့ ကြုံကြိုက်ခဲ့ရပါတယ်။ ကိုယ့်တာဝန် ကိုယ့်အပိုင်းက ဘယ်လိုပင် သေးငယ်သော်လည်း ကျောင်းသားတယောက်၊ နိုင်ငံသားတယောက်အနေနဲ့ လုပ်သင့်လုပ်ထိုက်တဲ့ကိစ္စတခု၊ တာဝန်တရပ်ကို ဦးလည်မသုန် ဆောင်ရွက်ခွင့်ရရှိခဲ့တဲ့အဖြစ်အပျက်လေးဟာ ကျနော်တို့ရဲ့ အတိတ်ငယ်ဘဝ စာအုပ်ကြီးထဲက အမြဲဂုဏ်ယူစရာ အမှတ်တရစာမျက်နှာလေးတခုဖြစ်ခဲ့ပါတယ်။

သူငယ်ချင်းတွေထက်ပိုပြီး ရဲဘော်ရဲဘက်တွေလို အတူလက်တွဲ တိုက်ပွဲဝင်ခဲ့ကြရတဲ့၊ ကျနော့်နှလုံးသားထဲမှာ အမြဲမှတ်တမ်းတင်ထားခဲ့တဲ့ လေးလွင်(နောက်ဆုံးနှစ် ပထဝီ)၊ ကြည်ဇော်မိုး (ခေါ်) အောင်ဇော်-ဧရာဝတီ (ဒုတိယနှစ် ရုက္ခဗေဒ) ၊ ဝင်းသူ-ဧရာဝတီ (ဂုဏ်ထူးတန်း ဒုတိယနှစ်)၊ ဗိုလ်ဗိုလ်မြင့် (တတိယနှစ် အင်္ဂလိပ်စာ)၊ ဆာမူရိုင်း (ခေါ်) မြတ်ကိုကို (ဂုဏ်ထူးတန်း ဒုတိယနှစ်)၊ မြင့်ဦး (နောက်ဆုံးနှစ် ပထဝီ)၊ စည်သူစိုးမိုး (တတိယနှစ် အင်္ဂလိပ်စာ)၊ မိုးကျော်သူ (ကွယ်လွန်) (ဂုဏ်ထူးတန်း ဒုတိယနှစ်)၊ ကျော်စိုးမိုး (တတိယနှစ် ဓါတုဗေဒ)၊ ဝေလဝင်း (တတိယနှစ် ဘူမိဗေဒ)၊ ထွန်းထွန်းသန်း (တတိယနှစ် ရူပဗေဒ) ကျော်လွင်ဦး (ဒုတိယနှစ် သင်္ချာ)၊ မျိုးမင်းထွဋ် (ဒုတိယနှစ် သင်္ချာ)၊ ဟန်မျိုးသူ (ဒုတိယနှစ် လုပ်သားများကောလိပ်)၊ တင်မောင်အေး (ခေါ်) ပိတုန်း (နောက်ဆုံးနှစ် ပထဝီ) ၊မာနူး (တတိယနှစ် ဓါတုဗေဒ)၊ အောင်လွင်သန့် (ဒုတိယနှစ် လုပ်သားများကောလိပ်)၊ စည်သူထွဋ် (တတိယနှစ် စက်မှု)၊ ဝင်းဇော် (တတိယနှစ် စက်မှု)နဲ့ တင်ဇော်ဝင်းတို့ကို ဇွန်သပိတ်ငွေရတု အမှတ်တရအဖြစ် ကျနော့်ရဲ့ Facebook မှာ စာနဲ့ပေနဲ့ မှတ်တမ်းတင်လိုက်ပါတယ်။

၂၅နှစ် ကြာခဲ့ပြီဖြစ်တဲ့ ဇွန်သပိတ်မှာ ထင်ရှားခဲ့တဲ့ကျောင်းသားခေါင်းဆောင်များဖြစ်ကြတဲ့ ကိုမိုးသီးဇွန်၊ ကိုမောင်မောင်ကျော် (ကျော်စွာထွဋ်-တတိယနှစ်သင်္ချာ)တို့နဲ့ အတူ မထင်မရှား ကျရာနေရာက ရဲရဲဝံ့ဝံ့ ပါဝင်လှုပ်ရှားခဲ့ကြတဲ့ ကျောင်းသားကျောင်းသူအပေါင်းကိုလဲ ဒီစာစုနဲ့ အလေးပြုအပ်ပါတယ်။

ရွှင်လန်းချမ်းမြေ့ကြပါစေ

ကိုကျော်သူသတင်း

ယနေ့ ၁၈.၅.၂ဝ၁၃ စနေနေ့ နံနက် (၉းဝဝ) နာရီခန့်အချိန်တွင် ကျွန်တော့်ထံသို့ တယ်လီဖုန်း ဝင်လာသည်။ “ဦးကျော်သူတို့ အမှိုက်ကောက်မည့်အစီအစဉ်အား ရပ်ဆိုင်းပေးပါရန်” ဟူ၍ ရန်ကုန်မြို့ စည်ပင် သာယာရေးနှင့် ပတ်ဝန်းကျင်ထိန်းသိမ်းရေးဌာန အရာရှိကြီးတစ်ဦးမှ ဆက်သွယ်ပြောကြားလာခဲ့သည်။ ထို့ကြောင့် ကျွန်တော်တို့ ပတ်ဝန်းကျင်သန့်ရှင်းရေးအတွက် လုပ်ဆောင်ပေးဆပ်ကြရန် စုရပ်ဖြစ်သော ဗိုလ်အောင်ကျော်လမ်း ထိပ်ရှိ “ရွှေလင်ဗန်း” လ္ဘက်ရည်ဆိုင်သို့သွားရောက်ကာ အစီအစဉ်ဖျက်သိမ်းကြောင်း ဂီတ၊ စာပေလူမှုရေးသမား များ၊ ရပ်မိရပ်ဖပြည်သူလူထုများနှင့် လူမှုရေးလုပ်ငန်းအားစိတ်ဝင်စား၍ လာရောက်ကြသော မူလတန်းအရွယ် ကလေးငယ်များကို ဦးဆောင်၍ခေါ်ယူလာသော BG အဖွဲ့သားများအား ဝမ်းနည်းစွာဖြင့် အကြောင်းကြားခဲ့ရတော့ သည်။ အပြန်လမ်းတစ်လျှောက် ကျွန်တော်တွေးတောမိတော့သည်။

“ ဖွ ” - ကျော်သူ
အဆောက်အဦးတစ်ခု တည်ဆောက်မည်ဆိုပါက အခြေခံအောက်ခြေအုတ်မြစ် ခိုင်မာမှုရှိရန် အရေးကြီး လှသည်။ ကျန်းမာသန်စွမ်းမှုဖြစ်ရန် သန့်ရှင်းမှုသည် အဓိကကြသည်။ တိုင်းပြည်၏ ဖွံ့ဖြိုးတိုးတက်မှုသည် ထိုတိုင်း ပြည်၏ အစိုးရနှင့် ပြည်သူလူထုတို့၏ ပူးပေါင်းစွမ်းဆောင်မှုသည် အရေးပါလှသည်။ ဒီမိုကရေစီ နိုင်ငံထူထောင်မှု သည် ကျွန်တော်တို့ ပြည်သူလူထုတို့၏ စောင့်ထိန်းရမည့် စည်းကမ်းများသည် အဓိကဖြစ်တော့သည်။ ထို့ကြောင့် ကျွန်တော်တို့ မြန်မာနိုင်ငံတော်ကြီးသည် ကမ္ဘာ့အလယ်တွင် နာမည်ကောင်းဖြင့်ထင်ရှား၊ ကျော် ကြား၊ စံနမှုနာဖြစ်စေမည့် ခေတ်မှီတိုးတက် ဖွံ့ဖြိုးသန့်ရှင်းသော ဒီမိုကရေစီနိုင်ငံတော်သစ်ဆီသို့ အင်တိုက်အားတိုက် အားမာန်ပြည့်ဝစွာဖြင့် စတင်ချီတက်မှုကို ပြုလုပ်နေချိန်တွင် ပြည်သူလူထုတို့၏အားထားရာ၊ ပြည်သူလူထုတို့တင် မြှောက်ထားသော သန့်ရှင်းသော အစိုးရအဖွဲ့အစည်း (Clean Governance) နှင့် ပြောင်းလဲမှု (Change)ကို ပြုလုပ် လိုသော နိုင်ငံတော်သမ္မတကြီးမှလည်း ယင်းကဲ့သို့ တိုင်းပြည်တိုးတက်ရာ တိုးတက်ကြောင်းတို့အား ပုံဖော်မှုပြုရာ တွင် အရပ်ဘက်လူ့အဖွဲ့အစည်းများ (လူမှုရေးအသင်းအဖွဲ့များ၊ အစိုးရမဟုတ်သောအဖွဲ့အစည်းများ) နှင့်အတူ လက်တွဲပုံဖော်ရန် အရေးကြီးကြောင်း တရားဝင်အများပြည်သူလူထုတို့အား ရေဒီယိုမှ၎င်း၊ နိုင်ငံတော်ထုတ် သတင်းစာများမှ၎င်း၊ ဂျာနယ်၊ စာစောင်များတွင်၎င်း မိန့်ခွန်းပြောကြားခဲ့မှုများ ပါဝင်ခဲ့သည်။ ထို့အပြင် ယခုအချိန် ကာလတွင် နိုင်ငံတော်သမ္မတကြီး ဦးသိန်းစိန်သည် ကမ္ဘာ့ဒီမိုကရေစီနိုင်ငံတော်ကြီးဖြစ်သော အမေရိကန်နိုင်ငံသို့ သွားရောက်၍ အမေရိကန်နိုင်ငံသမ္မတ ဘာရက် အိုဘားမားနှင့်လည်း တွေ့ဆုံကာ အရပ်ဘက်လူ့အဖွဲ့အစည်းများ သည် ဒီမိုကရေစီနိုင်ငံထူထောင်ရာတွင် အဓိကကျသည့်အကြောင်း အချက်အလက်များအား ဆွေးနွေးကြမည်ဟု လည်းသိရှိရသည်။ ထို့အပြင် အမျိုးသားဒီမိုကရေစီအဖွဲ့ချုပ်ခေါင်းဆောင်၊ လူထုခေါင်းဆောင် ဒေါ်အောင်ဆန်းစု ကြည်သည်လည်း ယခုနှစ်မဟာသင်္ကြန်မကျရောက်မှီ တစ်ရက်အလိုတွင် ပြည်သူလူထုတို့အတွက် ကျွန်တော်တို့ နာရေးကူညီမှုအသင်း(ရန်ကုန်)မှ ဖွဲ့စည်းတည်ထောင်ထားသော “ပေးဆပ်သူများ” မဟာသင်္ကြန်သံချပ်အဖွဲ့မှ ဒေါ်အောင်ဆန်းစုကြည်နေအိမ်သို့ သွားရောက်ဖျော်ဖြေမှုပြုလုပ်ခဲ့ရာတွင် ဖျော်ဖြေပွဲအပြီးတွင် ဂုဏ်ပြုဆုငွေပေးအပ် ခဲ့စဉ် “တိုင်းပြည်ထူထောင်ရာတွင် သားတို့ရဲ့ လူမှုရေးအသင်းအဖွဲ့တွေရဲ့ အင်အားတွေ အများကြီးလိုအပ်တယ်၊ အခုလိုတက်တက်ကြွကြွ အများပြည်သူလူထုအတွက် လုပ်ဆောင်ပေးမှုများအပေါ် အမေ အရမ်းကျေနပ်ဝမ်းသာ တယ်၊ အခုလိုပေးဆပ်မှုများအပေါ် ကျေးဇူးလည်းအထူးတင်တယ်” ဟူ၍ ပြောကြားခဲ့သည်။ ကျွန်တော်တို့ နာရေးကူညီမှုအသင်း(ရန်ကုန်)အနေဖြင့် ရန်ကုန်တိုင်းအတွင်း (အခမဲ့) နာရေးကူညီပံ့ပိုး ပေးမှုများကို ပြုလုပ်ပေးခဲ့သည်hအပြင် မြန်မာပြည်တွင်းရှိ တိုင်း/ မြို့နယ်/ ရပ်ကွက်များရှိ ကိုယ်ထူကိုယ်ထ နာရေးကူညီမှုအဖွဲ့များအတွက် လိုအပ်သော နိဗ္ဗာန်မော်တော်ယာဉ်၊ နိဗ္ဗာန်ရေယာဉ်၊ နိဗ္ဗာန်ယာဉ် ထော်လာဂျီ၊ နိဗ္ဗာန်လက်ဆွဲလှည်းယာဉ်၊ စတီးဗန်း၊ အလူမီနီယံအခေါင်းအဖုံး၊ မီးသင်္ဂြိုလ်စက် စသည့်နာရေးလုပ်ငန်းနှင့် ပတ်သက်သော နိဗ္ဗာန်အသုံးအဆောင်ပစ္စည်းများအားလည်း လှူဒါန်းမှုတို့ကို ပြုလုပ်ပေးကာ နှစ်လတစ်ကြိမ်ခန့် မြန်မာတစ်ပြည်လုံးရှိ မြို့နယ်/တိုင်းဒေသများတွင် ဖွဲ့စည်းထူထောင်ထားသော လူမှုရေးအသင်းအဖွဲ့များအား လူမှုရေးစွမ်းရည်မြှင့်သင်တန်းများအားလည်း မြောက်ဒဂုံမြို့နယ်ရှိ နာရေးကူညီမှုအသင်း(ရန်ကုန်) ရုံးချုပ်တွင် (Camp) စခန်းသွင်း၍ သင်ကြားပေးလျှက်ရှိသည်။ ကျန်းမာရေးကူညီစောင့်ရှောက်ကုသပေးမှုအဖြစ်လည်း ရန်ကန်မြို့ မြောက်ဒဂုံမြို့နယ်တွင် သုခကုသိုလ်ဖြစ်ဆေးခန်း ဟူ၍ မျက်စိခွဲစိတ်ကုသပေးမှု၊ အရိုးအကြော၊ အရိုး အဆစ်၊ ကိုယ်အင်္ဂါပြန်လည်သန်စွမ်းရေး (Physiothraphy)၊ ကလေး၊ အရေပြား၊ နား၊ နှာခေါင်း၊ လည်ချောင်း၊ ခွဲစိတ်(အသေးစား)၊ OG(ကိုယ်ဝန်ဆောင်မိခင်)၊ သွား၊ အထွေထွေ ရောဂါဝေဒနာရှင်များအား (အခမဲ့) နေ့စဉ်လ ကုန် နောက်ဆုံးရက်မှအပ ကုသပေးလျှက်ရှိပြီး နယ်ဒေသများသို့လည်း နယ်လှည့်ဆေးကုသပေးမှုလုပ်ငန်းအား ပရဟိတဆရာဝန်ကြီးများ၊ ပရဟိတလူငယ်လူရွယ်များနှင့် လက်တွဲကာ သွားရောက်ကုသပေးလျှက်ရှိသည်။ ၄င်း အပြင် ပြည်မြို့၊ ကြို့ပင်ကောက်မြို့၊ ပဲခူးမြို့များတွင်လည်း သုခကုသိုလ်ဖြစ်ဆေးခန်း အခွဲများဖွင့်လှစ်ပေးခဲ့ပြီး ဒေသခံပရဟိတလူငယ်များ ပရဟိတဆရာဝန်များနှင့် ပူးပေါင်း၍ ကုသိုလ်ဖြစ် အများပြည်သူအကျိုးအတွက် တစ်ဖက်တစ်လမ်း ကူညီမှုများကို ပေးဆပ်ကာ အစိုးရဆေးရုံကြီးများတွင် လိုအပ်လျှက်ရှိသော ခွဲစိတ်ခန်းသုံး ကုတင်၊ ဆေးကုသမှု အသုံးအဆောင်ပစ္စည်းများနှင့် ကိုယ်ထူကိုယ်ထ နယ်ဆေးခန်းများအတွက်လည်း လစဉ် ဆေးဝါးထောက်ပံ့မှုများအားလည်း ပြုလုပ်ပေးလျှက်ရှိသည်။ ပညာရေးကိစ္စရပ်များနှင့် ပတ်သက်၍ သုခအလင်း ပညာဒါန ဟူ၍ အမည်တပ်ကာ ဘုန်းတော်ကြီးပညာသင်ကျောင်းများမှအစ အမေ့အိမ်ပညာရေးကျောင်းများ၊ ကိုယ်ထူကိုယ်ထ စာသင်ကျောင်းများ၊ တက္ကသိုလ်ဝင်တန်းပညာရေး၊ ဆေးကျောင်းတက်ရောက်နေသော ဆရာဝန် လောင်းလျာများအတွက် ဆရာဝန်ဖြစ်သည်အထိ ဂုဏ်ပြုချီးမြှင့်ငွေများပေးဆပ်မှု၊ ဘွဲ့ရကျောင်းသား၊ ကျောင်းသူများ အား အလုပ်အကိုင်ရှာဖွေရေးဖြစ်သော LCCI စာရင်းအင်းပညာသင်တန်းများ၊ ဟိုတယ်ဝန်ဆောင်မှု အတတ်ပညာ (Hospitality) သင်တန်း၊ ကွန်ပြူတာသင်တန်း၊ အင်္ဂလိပ်စာ 4Skills သင်တန်း၊ ပန်းချီသင်တန်းများနှင့် ကလေး သူငယ်များအတွက် အနာဂတ်တွင်အလိုအပ်ဆုံးသော ယဉ်ကျေးလိမ္မာသင်တန်းများအား (အခမဲ့) သင်ကြားပို့ချ ပေးကာ အနယ်နယ်အရပ်ရပ်ရှိ ဆရာ/ဆရာမများအတွက်လည်း (TOT) သင်တန်းများအားလည်း (Camp)စခန်း သွင်း၍ သင်ကြားပေးလျက်ရှိသည်။ နယ်ဒေသများရှိ ကိုယ်ထူကိုယ်ထစာကြည့်တိုက်များအတွက်လည်း စာအုပ် စာပေများအား စဉ်ဆက်မပြတ်လှူဒါန်းမှုများကို ပြုလုပ်ပေးလျှက်ရှိကာ နယ်လှည့်ပညာ သင်ကြားမှုများအားလည်း ပရဟိတဆရာ/မများနှင့် လက်တွဲ၍ နယ်ဒေသများသို့ သွားရောက်ပညာဒါနပြုလုပ်ပေးကာ အချို့သော ဒေသများ တွင် ပျက်စီးယိုယွင်းနေသော အစိုးရစာသင်ကျောင်းများအားလည်း ပြန်လည်ဆောက်လုပ်လှူဒါန်းပေးလျှက်ရှိသည်။ ထို့အပြင် သဘာဝဘေးဒါဏ်မျာဖြစ်သော ရေဘေး၊ မီးဘေး၊ လေဘေးသင့်ဒေသများသို့လည်း အချိန်နှင့် တပြေးညီ ပရဟိတလူငယ်များနှင့် ပူးပေါင်း၍ သွားရောက်လှူဒါန်းကူညီ ဖေးမမှုများကိုလည်း စဉ်ဆက်မပြတ်ပြုလုပ်ပေးခဲ့သည့် အပြင် စစ်ဘေးသင့်ဒေသများရှိ စစ်ဘေးဒါဏ်ခံ တိုင်းရင်းသားမိဘပြည်သူအပေါင်းတို့အား၎င်း၊ လူမျိုးရေး ပဋိပက္ခ ကြောင့် အိုးမဲ့အိမ်မဲ့ ဖြစ်သွားကြရရှာသော ပြည်သူပြည်သား အပေါင်းတို့ထံသို့၎င်း၊ လှူဒါန်းကူညီဖေးမအားပေး စကားများကို ပြောကြားကူညီခဲ့ကြသည်။ ၄င်းအပြင် မြန်မာပြည်တွင်း နွေရာသီကာလများတွင် သောက်/သုံးရေ ရှားပါး၊ နည်းပါး၊ လုံးဝမရှိသော အရပ်ဒေသများသို့လည်း ကွင်းဆင်းလေ့လာမှုများပြုလုပ်ခဲ့ကာ ရေတွင်းရေကန်များ၊ အဝီစိတွင်းများ တူးဖော်ပေးခြင်းများ၊ ရေပိုက်လိုင်းများ သွယ်တန်းပေးခြင်းများ၊ ရေသိုလှောင်ရန် အုတ်ကန်များ တည်ဆောက်ပေးမှုများ၊ ရေစုပ်စက်များ တပ်ဆင်ပေးမှုများအားလည်းပြုလုပ်ပေးကာ သောက်/သုံးရေရှားပါးသော လက်လှမ်းမှီရာ အရပ်ဒေသများဖြစ်ကြသော ဒေါပုံ၊ ဒလ၊ ပဲခူး၊ မှော်ဘီ၊ ခရမ်း၊ သင်္ဃန်းကျွန်းမြို့နယ်နှင့် မြောက်ဒဂုံ အရပ်ဒေသများသို့ နာရေးကူညီမှုအသင်း(ရန်ကုန်)မှ ဝယ်ယူထားသော ရေဂါလံ (၃၆ဝဝ) ဆံ့ မော်တော်ယာဉ်ဖြင့် သွားရောက်ကာ ရေကုသိုလ်လုပ်ငန်းအား ပေးဆပ်လျှက်ရှိသည်။ ယခုဆိုလျှင် ကမ္ဘာ့ရာသီဥတုဖောက်ပြန်မှု၊ အိုဇုန်းလွှာပျက်စီးမှုအား ကာကွယ်မှုပြုရန်အတွက် သဘာဝ ပတ်ဝန်းကျုင် စိမ်းလန်းစိုပြေရေးအတွက်လိုက်လံ၍ လမ်းဘေးတွင် စည်ပင်သာယာအဖွဲ့မှ စိုက်ပျိုးထားပေးသော အရိပ်ရသစ်ပင်များအားလည်း ရှင်သန်ကြီးထွားလာရန်အတွက် ရေလောင်းပေးခြင်းလုပ်ငန်းရပ်အား “အစိမ်းရောင် စစ်ဆင်ရေး” ဟူ၍ ပထမခြေလှမ်းအဖြစ် မြောက်ဒဂုံမြို့နယ်ရှိ ဗိုလ်မှူးဗထူးလမ်းတစ်လျှောက် လုပ်ဆောင်ပေးနေပြီ ဖြစ်သည်။ ထပ်မံ၍ နာရေးကူညီမှုအသင်း(ရန်ကုန်) ရုံးချုပ်တည်ဆောက်ရန်အတွက် နိုင်ငံတော်အစိုးရမှ ချမှတ် ပေးလိုက်သော အမှတ် ၁၃/က၊ ဗိုလ်မှူးဗထူးလမ်း၊ မြောက်ဒဂုံမြို့နယ်တွင် အဆောက်အဦးများတည်ဆောက်မှုတွင် ကြုံတွေ့ခဲ့ရသောအမှိုက်များ၊ စွန့်ပစ်ပစ္စည်းများ၊ ကြွပ်ကြွပ်အိတ် ပလပ်စတစ်များ၊ ကော်ဗူးများ၊ သံတိုသံစများနှင့် ပြည့်နှက်ဖုံးလွှမ်းနေသော (၂) ဧကကျော်မြေကွက်အား ပြုပြင်ပြောင်းလဲခဲ့ရသော အတွေ့အကြုံဆိုးများ၏ ဒဏ်ရာ ဒဏ်ချက်များကြောင့်၎င်း၊ ခေတ်မှီဖွံ့ဖြိုးတိုးတက်သော ဒီမိုကရေစီနိုင်ငံတော်ကြီး တည်ဆောက်ရာတွင် အဓိက အခြေခံအုတ်မြစ်ဖြစ်သော လူ့စည်းကမ်း၊ ပြည်သူလူထုတို့ စောင့်ထိန်းရမည့်ကျင့်ဝတ်များထဲတွင် ပါဝင်သော စည်းမဲ့ ကမ်းမဲ့ အမိူက်ပစ်မှုများအား ပညာပေးလှုံ့ဆော်မှုအဖြစ်၎င်း၊ မြေသြဇာဖြစ်စေမည့်အမှိုက်နှင့် ပြန်လည်၍ အသုံးပြု နိုင်သည့်အမှိုက် (စက္ကူ၊ သစ်ရွက်၊ အဝတ်စုတ်နှင့် ရေသန့်ဗူးခွံ၊ သံဗူး၊ ပုလင်း၊ မီးချောင်း … ) စသည့် စွန့်ပစ် အမှိုက် များအား စနစ်တကျခွဲခြား၍ စွန့်ပစ်ကြရန် သင်္ခန်းစာပေးလိုသည့်ဆန္ဒအရလည်းကောင်း၊ အမှိုက်ကအစ ပြဿဒ် မီးလောင်မှုမဖြစ်စေရန် ကာကွယ်ထိန်းသိမ်းမှုကို ပြုလုပ်ကြရန်အတွက်၎င်း၊ လူဦးရေ (၅.၆) သန်းကျော်ရှိသော ရန်ကုန်မြို့နှင့် ရန်ကုန်မြို့စည်ပင်သာယာသန့်ရှင်းရေး လုပ်သားဦးရေ (၅ဝဝဝ) ကျော်ဟူသော အချိုးအစားအရ၄င်း၊ ကျွန်တော်တို့ နာရေးကူညီမှုအသင်း(ရန်ကုန်) လူမှုရေးအသင်းအဖွဲ့အနေဖြင့် လူသားချင်းစာနာထောက်ထားမှု၊ မြတ်စွာဘုရား၏ ဗြဟ္မစိုရ်တရားလေးပါးအား လက်ကိုင်ပြုပြီး နိုင်ငံထူထောင်မှုအချိန်ကာလတွင် တစ်ဖက်တစ်လမ်း ပံ့ပိုးကူညီပေးမှုအဖြစ် ၁၁.၅.၂ဝ၁၃ စနေနေ့တွင် ပန်းဆိုးတန်းဆိပ်ကမ်းဧရိယာအတွင်းရှိ ခရီးသည်နားနေဆောင်နှင့် ဆိပ်ခံဗောတံတားနှင့် အနီးပတ်ဝန်းကျင်များ၊ မြောက်ဥက္ကလာပမြို့နယ် လူစည်ကားသည့် မြောက်ဥက္ကလာပအဝိုင်း ကားမှတ်တိုင်အနီး ပတ်ဝန်းကျင်များတွင် စည်းမဲ့ကမ်းမဲ့ စွန့်ပစ်ထားသောအမှိုက်များတို့အား ကောက်ယူသိမ်းဆည်း ခြင်းများကိုလိုက်လံ၍ လူမှုရေးသမားများနှင့် အတူတကွလက်တွဲ လုပ်ဆောင်ပေးခဲ့ကြသည်။ မြို့နယ်ဒေသခံ မိဘပြည်သူများမှာလည်း ဝမ်းသာကြည်နူးစွာဖြင့်အတူလက်တွဲ ကူညီပေးခဲ့ကြသည်။ ကျွန်တော်တို့ ကောက်ယူခဲ့ သောအမှိုက်များအားလည်း မြောက်ဒဂုံမြို့နယ်ရှိ ထားဝယ်ချောင်သုဿန်အနီးရှိ အမှိုက်ပုံသို့ စနစ်တကျစည်းကမ်း ရှိစွာသွားရောက် စွန့်ပစ်ခဲ့ကြသည်။ ယခုထပ်မံ၍ ၁၈.၅.၂ဝ၁၃ စနေနေ့ ညနေ (၃းဝဝ) နာရီအချိန်တွင်လည်း ရန်ကုန်မြို့ ကျောက်တံတားမြို့နယ်ရှိ လူသွားလူလာ ရုံးတက်/ရုံးဆင်း ထူထပ်များပြားလှသော မဟာဗန္ဓုလပန်းခြံ တစ်လျှောက် လူမှုရေးသမားများ၊ ဂီတပညာရှင်များ၊ စာပေနှင့် စာနယ်ဇင်းပညာရှင်များနှင့် လက်တွဲကာ အင်တိုက် အားတိုက်သန့်ရှင်းမှုအား ပြုလုပ်ကြမည်ဖြစ်တော့သည်။ ယခုတစ်ကြိမ်တွင် ဂီတပညာရှင်များ၊ စာပေပညာရှင်များ ပါဝင်လာရခြင်းမှာ ပြည်သူပြည်သားများအား အသိပညာပေးမှုတွင်ထိရောက်သည့် လက်နက်ဖြစ်သော အနုပညာ စွမ်းအားများကို တာဝန်သိသိ၊ တာဝန်ရှိရှိနှင့် တာဝန်ယူကြကာ အများပြည်သူအတွက် ပေးဆပ်ကြမှုတစ်ခုပင် ဖြစ်သည်။ ကျွန်တော်တို့၏ အနာဂတ်ကာလအတွက် စိတ်ကူးအိမ်မက်များသည် မြို့နယ်တစ်ခုချင်း၊ ရပ်ကွက်တစ်ခု ချင်း၊ မြို့တစ်မြို့နှင့်တစ်မြို့ချင်း၊ ပြည်နယ်နှင့်တိုင်းတစ်ခုချင်း၊ သန့်ရှင်းစိုပြေလှပမှုများကို အပြိုင်အဆိုင်အနိုင် လုပ် ဆောင်ကြမည်ဆိုပါက နိုင်ငံတော်တာဝန်ရှိသူတစ်ဦး ပြောကြားခဲ့သလို “(၄) လအတွင်း စင်္ကာပူနိုင်ငံကဲ့သို့ ဖြစ်စေ ရမယ်” ဟူသောစကားမှာ မှန်ကောင်းမှန်ပေလိမ့်မည်။ သို့သော် ယနေ့ ၁၈.၅.၂ဝ၁၃ စနေနေ့ နံနက် (၉းဝဝ) နာရီခန့်အချိန်တွင် ကျွန်တော့်ထံသို့ တယ်လီဖုန်း ဝင်လာသည်။ “ဦးကျော်သူတို့ အမှိုက်ကောက်မည့်အစီအစဉ်အား ရပ်ဆိုင်းပေးပါရန်” ဟူ၍ ရန်ကုန်မြို့ စည်ပင် သာယာရေးနှင့် ပတ်ဝန်းကျင်ထိန်းသိမ်းရေးဌာန အရာရှိကြီးတစ်ဦးမှ ဆက်သွယ်ပြောကြားလာခဲ့သည်။ ထို့ကြောင့် ကျွန်တော်တို့ ပတ်ဝန်းကျင်သန့်ရှင်းရေးအတွက် လုပ်ဆောင်ပေးဆပ်ကြရန် စုရပ်ဖြစ်သော ဗိုလ်အောင်ကျော်လမ်း ထိပ်ရှိ “ရွှေလင်ဗန်း” လ္ဘက်ရည်ဆိုင်သို့သွားရောက်ကာ အစီအစဉ်ဖျက်သိမ်းကြောင်း ဂီတ၊ စာပေလူမှုရေးသမား များ၊ ရပ်မိရပ်ဖပြည်သူလူထုများနှင့် လူမှုရေးလုပ်ငန်းအားစိတ်ဝင်စား၍ လာရောက်ကြသော မူလတန်းအရွယ် ကလေးငယ်များကို ဦးဆောင်၍ခေါ်ယူလာသော BG အဖွဲ့သားများအား ဝမ်းနည်းစွာဖြင့် အကြောင်းကြားခဲ့ရတော့ သည်။ အပြန်လမ်းတစ်လျှောက် ကျွန်တော်တွေးတောမိတော့သည်။ ကျွန်တော်တို့ လူမှုရေးသမားများသည် နိုင်ငံတော်အား နှောက်ယှက်ဖျက်ဆီးကြမည့်သူများမဟုတ်၊ နိုင်ငံတော်အား ဆူပူမှုဖြစ်အောင်လုပ်မည့်သူများ မဟုတ်၊ တည်ငြိမ်အေးချမ်းသော ရေပြင်အား ဂယက်ထဆူပွက်စေမည့် သူများမဟုတ်၊ ငြိမ်းချမ်းမှုကိုသာ လိုလား ကြသည့်၊ စည်းကမ်းရှိမှုကိုသာလိုလားကြသည့် ခေတ်မှီဖွံ့ဖြိုးတိုးတက်သော ရုပ်/စိတ်တို့ကိုသာ လိုလားကြသည်။ စိမ်းလန်းသာယာမှုကို လိုလားကြသည်။ ကျန်းမာသန်စွမ်းပြီး ပညာရေးတိုးတက်မှုတို့ကိုသာ လိုလားကြသည်။ အဘယ့်ကြောင့် ယခုကဲ့သို့ ပတ်ဝန်းကျင်သန့်ရှင်းမှုလုပ်ငန်းအား ဝိုင်းဝန်းပံ့ပိုးပေးမှုကို တားမြစ်ရသနည်း … ? ပိတ်ဆို့ရသနည်း … ? ဟန့်တားရသနည်း … ? ဤကဲ့သို့သော အသေးငယ်ဆုံး ပါမွှားလုပ်ငန်းလေးတစ်ခုကိုပင် တား မြစ်ခံရခြင်းအတွက် ကျွန်တော့်အတွက် အဖြေရှာမရ။ ထို့ကြောင့် အများပြည်သူအပေါင်းတို့အား တရားဝင်ကြေငြာ ထားသော အမှိုက်ကောက်မည့်အစီအစဉ်အား ဖျက်သိမ်းရခြင်းအကြောင်းကို အများပြည်သူတို့ထံသို့ တရားဝင် ပြန်လည်ပြောကြားရမည့် တာဝန်တစ်ရပ်ဖြစ်ပေါ်လာရသည်။ တစ်နည်းအားဖြင့် အများပြည်သူလူထုအား သတင်း ပါးခြင်း၊ သတင်းပွားခြင်း၊ သတင်းဖွခြင်းပင် ဖြစ်တော့သည်။ (အမှိုက်မကောက်ရ၍ အမှိုက်ဖွရန်မဟုတ် ! ။ အမှိုက်မကောက်ရ၍ သတင်းပါးခြင်း၊ သတင်းပွားခြင်း၊ သတင်းဖွခြင်း သက်သက်မျှသာဖြစ်သည် . . . ) ကျော်သူ
By: DVB entertainment

စီးပွားရေးပိတ်စို့ မှုသတင်း

မြန်မာအပေါ် ဒဏ်ခတ်မှု သက်တမ်းတိုးဖို့ အမတ် Crowley အဆိုပြု

မြန်မာ သမ္မတ ဦးသိန်းစိန် အမေရိကန် ပြည်ထောင်စုကို တရားဝင်ခရီးစဉ် လာရောက်မယ့် ရက်ပိုင်းအလိုမှာပဲ မြန်မာနိုင်ငံက ပို့ကုန်ပစ္စည်းတွေ၊ အထူး သဖြင့် ကျောက်မျက် ရတနာတွေ အမေရိကန်နိုင်ငံထဲ တင်ပို့မှုကို ပိတ်ပင်တဲ့ ဥပဒေတရပ် သက်တမ်းတိုးဖို့ အမေရိကန်လွှတ်တော်မှာ သြဇာညောင်းတဲ့ လွှတ်တော် အမတ်တဦးက လွှတ်တော်ကို အဆိုပြုလိုက်ပါတယ်။ မြန်မာနိုင်ငံ တွင်းက အခြေအနေတွေဟာ ပိတ်ဆို့ ဒဏ်ခတ်မှုတွေ ဆက်ပြီးရှိနေဖို့ လိုအပ်နေသေးတယ်ဆိုတာကို သတိပေးတဲ့အနေနဲ့ ခုလို ဥပဒေသက်တမ်း တိုးဖို့အဆိုကို သမ္မတဦးသိန်းစိန် ခရီးစဉ်နဲ့ အချိန်ကိုက်တင်သွင်းတာဖြစ်တယ်လို့ ယူဆတဲ့အကြောင်း ၀ါရှင်တန်အခြေစိုက် မြန်မာ့အရေး လှုပ်ရှားမှုအဖွဲ့ US Campaign for Burma ကပြောပါတယ်။ ဆက်သွယ်မေးမြန်းထားတဲ့ မခင်ဖြူထွေးက အပြည့်အစုံ ပြောပြပေးပါရှင်။

မြန်မာနိုင်ငံက ပို့ကုန်ပစ္စည်းတွေ၊ အထူးသဖြင့် ကျောက်မျက်ရတနာတွေ အမေရိကန်နိုင်ငံထဲ တင်ပို့မှုကို ပိတ်ပင်တဲ့ Burma Freedom and Democracy Act လို့ခေါ်တဲ့ မြန်မာနိုင်ငံ လွတ်မြောက်ရေးနဲ့ ဒီမိုကရေစီ အက်ဥပဒေကို သက်တမ်းတိုးဖို့ ဒီမိုကရက် အထက်လွှတ်တော် အမတ် Joseph Crowley နဲ့ ရီပက်ပလစ်ကန် အထက်လွှတ်တော်အမတ် Peter King တို့က ကွန်ဂရက်စ် လွှတ်တော်ကို အဆိုပြု တင်သွင်းခဲ့တာ ဖြစ်ပါတယ်။ မြန်မာနိုင်ငံမှာ တိုင်းရင်းသား လူနည်းစုတွေအပေါ် ဖိနှိပ်မှုတွေနဲ့ လူ့အခွင့်အရေး ချိုးဖောက်မှုတွေ ဆက်ပြီး ရှိနေသေးတာကြောင့် အမေရိကန်အစိုးရအနေနဲ့ မြန်မာအပေါ် ချမှတ်ထားတဲ့ ပိတ်ဆို့ ဒဏ်ခတ်မှုတွေကို ဆက်ပြီးချမှတ်ထားဖို့ လိုအပ် နေသေးတယ်လို့ မစ္စတာ Crowley က ပြောဆိုခဲ့ပါတယ်။

နှစ်စဉ်နှစ်တိုင်း မေလကနေစလို့ ရက် ၉၀ အတွင်း ဒီဥပဒေ သက်တမ်းတိုးဖို့ ကွန်ဂရက်လွှတ်တော်မှာ မဲပေးဆုံးဖြတ်ကြတာဖြစ်ပါတယ်။ ဒီနှစ်မှာတော့ တိုက် တိုက်ဆိုင်ဆိုင် မြန်မာသမ္မတ ဦးသိန်းစိန် အမေရိကန် တရားဝင် ခရီးစဉ်နဲ့ အချိန် ကိုက် လွှတ်တော်အမတ်တချို့က ဒီဥပဒေသက်တမ်း တိုးဖို့ ပြောလာခဲ့တာ ပါ။ မြန်မာနိုင်ငံရဲ့အခြေအနေဟာ ပိတ်ဆို့ဒဏ်ခတ်မှုတွေ ဆက်ရှိဖို့ လိုအပ်နေသေးတယ်ဆိုတာကို သိသာထင်ရှားစေဖို့အတွက် သမ္မတဦးသိန်းစိန် ခရီးစဉ် ရက်ပိုင်းအလိုမှာ အခုလို လွှတ်တော်ကို ချိန်ကိုက်တင်သွင်းပုံ ရတယ်လို့ ၀ါရှင်တန်ဒီစီအခြေစိုက် မြန်မာ့အရေးလှုပ်ရှားမှုအဖွဲ့ US Campaign for Burma က လှုပ်ရှားမှုတာဝန်ခံ Rachel Wagley က ပြောပါတယ်။

“ဒါ တမင်ရည်ရွယ်ပြီး ချိန်ကိုက်လုပ်တာပါ။ ကျမတို့ အရင်ကတည်းက သတ်မှတ် ထားတဲ့ အခြေအနေတွေနဲ့ကိုက်ညီတဲ့ မူဝါဒတွေကို ဆက်လက် ချမှတ်သွားနိုင်ဖို့ တမင်ရည်ရွယ်လုပ်ဆောင်တာဖြစ်ပါတယ်။ ဘာလို့ခုချိန်မှာ သက်တမ်းတိုးဖို့ လုပ်ရလဲဆိုတော့ ကျမတို့အနေနဲ့ မြန်မာအစိုးရကို သာမက အမေရိကန် အစိုးရ ကိုပါ သတင်းစကားပါးချင်တာ ရှိပါတယ်။ အဲဒါက အမေရိကန်အနေနဲ့ လိုက်လျောဆောင်ရွက်မှုတွေ ဆက်လုပ် နေတာ၊ သမ္မတဦးသိန်းစိန်ကို ဂုဏ်ပြုနေတာတွေဟာ မြန်မာနိုင်ငံရဲ့ ပကတိ အခြေအနေနဲ့အညီ တုံ့ပြန်တာ ထက် ပိုနေတယ်ဆိုတာပါ။ တကယ့် ပကတိအခြေအနေမှာက စစ်တပ်ရဲ့ လှုပ်ရှားမှုတွေ ပိုများလာနေသလို သမ္မတဦးသိန်းစိန်အစိုးရဲ့ လူ့အခွင့်အရေး ချိုးဖောက်မှုတွေ ကလည်း နိုင်ငံ အနှံ့မှာ ရှိနေတုန်းပါ။ ဆိုတော့ ဒီ အက်ဥပဒေကို သက်တမ်းတိုးခြင်းအားဖြင့် လွှတ်တော်အနေနဲ့ မြန်မာနိုင်ငံမှာ ပြုပြင်ပြောင်းလဲ မှုတွေကို ခိုင်ခိုင် မာမာ တိုးမြှင့် မဆောင်ရွက်ဘဲနဲ့ ဒီပိတ်ဆို့မှုတွေ ပယ်ဖျက်ပေး မှာ မဟုတ်ဘူးဆိုတာကို ပြောနိုင်မှာဖြစ်ပါတယ်။”

အမေရိကန်အစိုးရဟာ လောလောဆယ်မှာ မြန်မာအစိုးရကို လိုအပ်တာထက် ပိုပြီး လိုက်လျောနေတယ်လို့လည်း US Campaign အဖွဲ့က ဝေဖန် ပါတယ်။ မြန် မာနိုင်ငံမှာ နိုင်ငံရေးအကျဉ်းသားအားလုံး မလွတ်မြောက်သေးတာ၊ တိုင်းရင်း သားဒေသတွေမှာ စစ်တပ်ရဲ့ လူ့အခွင့်အရေး ချိုးဖောက်မှုတွေ ကျယ်ကျယ် ပြန့်ပြန့် ဆက်လက် ရှိနေသေးတဲ့အချိန်မှာ အမေရိကန်အနေနဲ့ ဒဏ်ခတ် ပိတ်ဆို့မှုတွေကို ထပ်ပြီးတော့ မလျှော့ပေးသင့်ဘူးလို့ Rachel Wagley က ပြောပါတယ်။

“ကျမတို့ရဲ့ အဓိက ပြဿနာက ပြောရရင် အမေရိကန်အစိုးရက မြန်မာနိုင်ငံတွင်း အမှန်တကယ်ဖြစ်ပျက်နေတဲ့ အခြေအနေပေါ်မူတည်ပြီး တုံ့ပြန်ဆောင်ရွက်ရမှာ ထက်ကို ကျော်လွန်ပြီးတော့ လိုက်လျောတုံ့ပြန်နေတဲ့ကိစ္စပါ။ လက်တွေ့ အခြေအနေကိုကြည့်ရင် မြန်မာအစိုးရ စစ်တပ်ဟာ တိုင်းရင်းသားလူနည်းစုတွေ အပေါ် လူ့အခွင့်အရေးချိုးဖောက်မှုတွေ ကျူးလွန်နေဆဲဖြစ်ပါတယ်။ အတင်း အဓမ္မပြုကျင့်မှုတွေနဲ့ ကျူးလွန်သူတွေကို တရားဥပဒေက ကင်းလွတ်ခွင့်ပြု ထားနေ တုန်းပါ။ ဆိုတော့ ကျမတို့အနေနဲ့ကတော့ အမေရိကန်က ပိတ်ဆို့ မှုတွေ ပြန်ရုပ် သိမ်းဖို့ဆိုရင် အရင်ဆုံးအနေနဲ့ နိုင်ငံရေး အကျဉ်းသားတွေကို ချွင်းချက်မဲ့ပြန်လွှတ်ပေးတာ၊ လူ့အခွင့်အရေးချိုးဖောက်သူတွေ၊ ပြစ်မှု ကျူးလွန်မှုတွေကို စစ်ဆေးအရေးယူတာ စတဲ့လုပ်ဆောင်မှုတွေကို မြန်မာ အစိုးရဘက်က ဆောင်ရွက်ပေးတာကို မြင်ချင်ပါတယ်။”

၂၀၀၃ ခုနှစ်ကချမှတ်ခဲ့တဲ့ မြန်မာနိုင်ငံ လွတ်မြောက်ရေးနဲ့ ဒီမိုကရေစီ အက်ဥပဒေ ဟာ မြန်မာနိုင်ငံက ကျောက်မျက်ရတနာတွေ အပါအ၀င်၊ မြန်မာနိုင်ငံက ကုန် ပစ္စည်းတွေ အမေရိကန်နိုင်ငံထဲ တင်သွင်းခွင့်ကို ပိတ်ပင်ထားတာဖြစ် ပြီးတော့ မြန်မာ စစ်ခေါင်းဆောင်တွေ လက်ထဲကို အမေရိကန်ဒေါ်လာ သန်း ရာနဲ့ချီ ရောက်မသွားအောင် ဟန့်တားပိတ်ပင်ခဲ့တဲ့ ဥပဒေတရပ်ဖြစ်ပါတယ်။

သမ္မတဦးသိန်းစိန်လက်ထက်မှာ နိုင်ငံရေး ပြုပြင်ပြောင်းလဲမှုတွေ လုပ်လာခဲ့ပြီး တဲ့နောက်ပိုင်း အမေရိကန်က မြန်မာအပေါ် ချမှတ်ထားတဲ့ စီးပွားရေးနဲ့ ဘဏ္ဍာရေးဆိုင်ရာ အရေးယူ ပိတ်ဆို့မှုတချို့ကို ဆိုင်းငံ့ပေးခဲ့ပေမဲ့လို့ မြန်မာနိုင်ငံ တွင်း နိုင်ငံရေးအရ လမ်းဖွင့်ပေးမှုတွေဟာ အစပိုင်းသာရှိသေးပြီး ကျန်နေသေး တဲ့နိုင်ငံရေးအကျဉ်းသားတွေနဲ့ စိုးရိမ်စရာလူ့အခွင့်အရေး အခြေအနေတွေ ဆက် ရှိနေသေးတာကြောင့် အမေရိကန်ရဲ့ ဒဏ်ခတ်ပိတ်ဆို့မှု အတော်များများကို ဆက်လက်ထားရှိနေတုန်းလည်းဖြစ်ပါတယ်။ သိပ်မကြာခင်ကပဲ သမ္မတ Barack Obama က မြန်မာနိုင်ငံဟာ အမေရိကန်ပြည်ထောင်စုရဲ့ လုံခြုံရေး နဲ့ နိုင်ငံခြားရေး မူဝါဒအပေါ်မှာ အန္တရာယ်ရှိနေဆဲဖြစ်တယ်လို့ဆိုပြီး အမျိုးသားအရေးပေါ် အက်ဥပဒေကို ၁ နှစ် ထပ်မံ သက်တမ်းတိုးဖို့ လွှတ်တော်ကို အကြောင်းကြားခဲ့ပါသေးတယ်။ ၁၉၉၇ ခုနှစ်ကတည်းက အမေရိကန်က မြန်မာ အပေါ်ချမှတ်ထားတဲ့ အရေးယူ ဒဏ်ခတ်မှုဥပဒေကို ဆက်ပြီး သက်တမ်းတိုးဖို့ သမ္မတ အိုဘားမား က မေလ ၂ ရက်နေ့ နေ့စွဲနဲ့ Congress လွှတ်တော်ကို အကြောင်းကြားခဲ့တာဖြစ်ပါတယ်။ မြန်မာအပေါ်ချမှတ်ထားတဲ့ ၁၉၉၇ ခုနှစ် ဥပဒေအရ အမေရိကန်အနေနဲ့ မြန်မာစစ်တပ်နဲ့ ပတ်သက်တဲ့ စီးပွား ဆက်ဆံမှုတွေ၊ ရင်းနှီးမြှုပ်နှံမှုတွေကို ပိတ်ပင် တားမြစ်ထားတာဖြစ်ပါတယ်ရှင်။

မခင်ဖြူထွေး (ဗွီအိုအေ)

မြန်မာသမ္မတ၏ အမေရိကခရီးစဉ် – သန်းစိုး(ဘောဂဗေဒ)
May 17, 2013 | Posted in အတွေးအမြင် | No comments
နိုင်ငံတကာ ကုန်သွယ်ရေးနှင့် စပ်လျဉ်း၍ အာရှ၏ နိုင်ငံခြားကုန်သွယ်မှု မှတ်တမ်းများ…ကြောင့် အမေရိကန်ပြည်ထောင်စု အစိုးရက ပေးသောကုန်သွယ်မှု အထူးအခွင့်အရေးပေး နိုင်ငံ (Most Favoired Nation-MFN) နှင့် ကုန်သွယ်မှု ဖြေလျှော့ရေးဆိုင်ရာ အထူးအခွင့်အရေး (Generalized System of Preference – GSP) များ၏ ကျေးဇူးမကင်းသည့် သာဓက များစွာရှိခဲ့သည်။ နိုင်ငံတကာ ဆက်ဆံရေးတွင် အကျိုးစီးပွားအပေါ် အခြေခံ တည်ဆောက်သော်လည်း နှစ်ဖက်အကျိုးစီးပွား ရစေသော ကုန်သွယ်မှုအခွင့် အလမ်းများက ဖွံ့ဖြိုးမှုကို ပိုမိုတွန်းတင် ပေးနိုင်ခဲ့သည်။ စီးပွားရေး ဖွံ့ဖြိုးမှု အစတွင် ဖွံ့ဖြိုးဆဲနိုင်ငံများ အနေနှင့် ကုန်သွယ်ရေး ဖြေလျှော့မှုကြောင့် အခွန်အခ သက်သာသော (Low Tariff) ဈေးကွက်ပမာဏကြီးသည့် အမေရိကနှင့် အီးယူနိုင်ငံများသို့ ၄င်းတို့၏ ပြည်တွင်းထုတ်ကုန် (Products) များ တင်ပို့လိုကြသည်။ အခြားတစ်ဖက်တွင် ဖြစ်သည့် အမေရိကနှင့် အီးယူ အနေနှင့်လည်း ဖွံ့ ဖြိုးပြီးနိုင်ငံများ၏ ထုတ်ကုန် (Products) များထက် နှိုင်းယှဉ် ဈေးနှုန်းသက်သာမှုကြောင့် ဖွံ့ဖြိုးဆဲ နိုင်ငံများ၏ ထုတ်ကုန်များကို တင်သွင်း လိုကြသည်။ အနောက်၏ နိုင်ငံရေးမျှော့ကြိုးသည် ဒီမိုကရေစီနှင့် လူ့အခွင့်အရေး အပေါ်အခြေပြုပြီး ဒီပလိုမေစီကို အလျှော့အတင်း လုပ်ကြသည်။
အဆိုပါ ဒီပလိုမေစီမှာ စီးပွားရေးကို အခြေခံခြင်းလော၊ နိုင်ငံရေးကို အခြေခံခြင်းလော၊ စနစ်အပေါ် အခြေခံခြင်းလော ဆိုသည်မှာ သက်ဆိုင်ရာနိုင်ငံ၏ ဖြစ်တည်မှု ပေါ်မူတည်သည်။ တစ်နည်းဆိုသော် ကုန်သွယ်ရေးကို အခြေခံမည်လော၊ နျူကလီးယားကို အခြေခံမည်လော၊ ဒီမိုကရေစီနှင့် လူ့အခွင့်အရေးကို အခြေခံမည်လောဟု ဆိုလိုရင်းဖြစ်သည်။ မြန်မာနိုင်ငံသည် ဖွံ့ဖြိုးမှုအကူအညီပေးရေး ဖြစ်စဉ်တွင် ယူတတ်ရန် လိုသလို ထိုရလာသော အခွင့်အလမ်းများ ကိုလည်း အသုံးချတတ်ရန် လိုသည်။ အဘယ်ကြောင့်ဆိုသော် မြန်မာစီးပွားရေး ဖွံ့ဖြိုးမှု အရှိန်ယူ လမ်းကြောင်းအတွင်း ၂၀၁၅ တွင် ဖြစ်တည်လာမည့် အာဆီယံ AEC (ASEAN Economics Community) ကြောင့် လက်လွတ်နိုင်ဖွယ်ရှိသော ကုန်ထုတ်လုပ်မှု၊ ကုန်သွယ်မှု အခွင့်အလမ်းများကို ကြိုတင်မြင်ထားရန် လိုအပ်သောကြောင့် ဖြစ်သည်။ အမေရိကန်၏ အာရှအတွက် ကုန်သွယ်မှု အထူးအခွင့်အလမ်းပေး ဖြစ်ရပ်များ ဆိုခဲ့ပါ အခွင့်အလမ်းများသည် အာရှနိုင်ငံများတွင် အခြေအနေ အမျိုးမျိုးပေါ်မူတည်ပြီး ဖြေလျှော့ပေးခဲ့ခြင်း ဖြစ်သည်။
၁၉၈၀တွင် တရုတ်သည် အမေရိကန်တို့၏ ကုန်သွယ်မှုအထူး အခွင့်အရေးပေး နိုင်ငံအဆင့်ကို စတင် ရရှိသည်။ ထိုမှ တရုတ်ဖွံ့ဖြိုးမှု အရှိန်မြင့်လာပြီး ၁၉၈၉ ခုနှစ် တိန်ယန်မင် အရေးအခင်းကြောင့် အထစ်အငေါ့ ဖြစ်ခဲ့သေးသည်။ သမ္မတ စီနီယာ ဂျော့ဘွတ်ရ်ှနှင့် အမေရိကန်၏ လိုအပ်ချက်မှာ ဒီမိုကရေစီနှင့် လူ့အခွင့်အရေး စံနှုန်းများအပေါ် အကြောင်းပြသည်။ သမ္မတကလင်တန် လက်ထက်ထိ အမေရိကန်-တရုတ် ကုန်သွယ်ရေးသည် အဆိုပါတိန်ယန်မင် အရေးအခင်း ကြောင့် ပူးတုံခွာတုံဖြင့်ပင် နှစ်နိုင်ငံကုန်သွယ်ရေး လှည့်ပတ်ခဲ့သည်။ ၁၉၉၄ ခုနှစ်တွင် ဗီယက်နမ်နိုင်ငံကို ကုန်သွယ်မှုအထူး အခွင့်အရေးပေး နိုင်ငံအဖြစ် အမေရိကန်က သတ်မှတ်ခဲ့ပြီး နှစ်နိုင်ငံကုန်သွယ်မှု မြှင့်တင် ပေးခဲ့သည်။ ဗီယက်နမ် အခွင့်အရေးသည် ဒီမိုကရေစီနှင့် လူ့အခွင့်အရေး စံနှုန်းများထက် နိုင်ငံရေးစနစ် ပြောင်းလဲမှုနှင့် အတိတ်ဒဏ်ရာဆိုး ဖြေလျှော့ ရေးပေါ်တွင် အလေးကဲခဲ့ခြင်း ဖြစ်သည်။ အမေရိကန်၏ သမိုင်းဒဏ်ရာကို ကုန်သွယ်မှု အခွင့်အရေးပေးခြင်း၊ နိုင်ငံတကာ ဘဏ္ဍာရေး အဖွဲ့အစည်းများက ဂေါပကလုပ်ခဲ့ခြင်း တို့ဖြင့် ကုစားခဲ့သည်။ အမေရိကန်ပြည်ထောင်စုသို့ တင်ပို့သော ဗီယက်နမ် ပို့ကုန်များအနေနှင့် ၁၉၉၄ ခုနှစ်တွင် အမေရိကန် ဒေါ်လာ ၅၄ ဒသမ ၀ သန်း ၁၉၉၅ မှာ ဒေါ်လာ ၂၂၇ ဒသမ ၈ သန်း၊ ၁၉၉၆ ခုနှစ်တွင် ဒေါ်လာ ၃၃၇ ဒသမ ၆ သန်း၊ ၁၉၉၇ ခုနှစ်တွင် ဒေါ်လာ ၄၀၇ ဒသမ ၁ သန်း၊ ၁၉၉၈ ခုနှစ်တွင် ၅၈၈ ဒသမ ၇ သန်းအထိ နှစ်စဉ်မှန်မှန် တိုးတက်သွားခဲ့သည်။ အမေရိကအနေနှင့် ၁၉၉၆ ခုနှစ် စက်တင်ဘာလ ၂၅ ရက်နေ့တွင် ကမ္ဘောဒီးယား နိုင်ငံကို ကုန်သွယ်မှုအထူး အခွင့်အရေးပေး နိုင်ငံအဖြစ် သတ်မှတ်ပေးခဲ့သည်။
ထိုအခွင့်အရေးကြောင့် အမေရိကန်ပြည်ထောင်စုသို့ တင်ပို့သော ကမ္ဘောဒီးယားနိုင်ငံ ပို့ကုန်များသည် ၁၉၉၆ ခုနှစ်တွင် အမေရိကန်ဒေါ်လာ ၄ ဒသမ ၂ သန်း၊ ၁၉၉၇ ခုနှစ်တွင် ၁၀၂ ဒသမ ၉ သန်း၊ ၁၉၉၈ ခုနှစ် တွင် ၁၃၄ ဒသမ ၃ သန်းအထိ ထိုးတက်သွားခဲ့သည်။ ကမ္ဘောဒီးယား အဝတ်အထည် လုပ်ငန်းများမှာ အကျိုးအမြတ်များစွာ ဖြစ်ထွန်းခဲ့သည်။ ထိုရရှိထားသည့် အခွင့်အရေးကြောင့် ဟောင်ကောင်၊ ထိုင်ဝမ်၊ မလေးရှား၊ တောင်ကိုရီးယား၊ စင်ကာပူနိုင်ငံများရှိ အထည်ချုပ်လုပ်ငန်း ရင်းနှီးမြှုပ်နှံသူ များ၏ အထည်ချုပ် စက်ရုံ ၂၇၀ အထိ ကမ္ဘောဒီးယားနိုင်ငံ အတွင်းသို့ ဝင်ရောက်လာပြီး အမေရိကား၏ ကုန်သွယ်မှု အခွင့်အရေးကို အရယူခဲ့ခြင်း ဖြစ်သည်။ ၁၉၇၀ ပြည့်နှစ်များ ကာလအတွင်း အရှေ့တောင်အာရှ နိုင်ငံများ ဖြစ်သည့် ထိုင်း၊ မလေးရှား၊ စင်ကာပူနိုင်ငံ တို့သည်လည်း အမေရိက၏ ကုန်သွယ်ရေး အခွင့်အရေးပေးသည့် ပေါ်လစီ နှစ်ရပ်နှင့် အခြား အထောက်အပံ့များကို ရယူခဲ့သည့် ဖြစ်စဉ် မှတ်တမ်းများရှိခဲ့သည်။
အာရှနိုင်ငံများ၏ ဂျီဒီပီတိုးတက်မှု အချိုးတွင် အဆိုပါကုန်သွယ်မှု အခွင့်အရေး နှစ်ရပ်ကြောင့် များစွာဖွံ့ ဖြိုးလာကြောင်း အရှေ့တောင်အာရှ- အမေရိကန် ကုန်သွယ်ရေး မှတ်တမ်းများတွင် ဖော်ပြထားသည်။ အမေရိကန်ကပေးသော ကုန်သွယ်ရေး၊ ဘဏ္ဍာရေးဆိုင်ရာ ပံ့ပိုးမှု များတွင် အာရှနိုင်ငံများ၏ လူ့အခွင့်အရေးနှင့် အမျိုးသား အကျိုးစီးပွားတွင် တရုတ်နိုင်ငံ ဖွံ့ဖြိုးမှုနိမ့်ကျ နိုင်ငံများအတွက် WTO စည်းမျဉ်းစည်းကမ်းနှင့် အညီပေးခဲ့သော မလေးရှားနှင့် စင်ကာပူနိုင်ငံ၊ ဂုဏ်သိက္ခာ အကြောင်းပြခဲ့ သော ဗီယက်နမ်နိုင်ငံနှင့် နိုင်ငံရေး ဆင်းရဲနွမ်းပါးမှု အကြောင်းပြသော ကမ္ဘောဒီးယားနှင့် ကွန်မြူနစ်ရန် အကြောင်းပြသော ထိုင်းနိုင်ငံတို့၏ အဖြစ်အပျက်များက ရှိခဲ့ပြီးဖြစ်သည်။ မြန်မာနိုင်ငံအနေနှင့် နိုင်ငံရေးစနစ် အားဖြင့်၊ လူ့အခွင့်အရေးနှင့် ဒီမိုကရေစီ လွတ်လပ်မှုအားဖြင့် အကြောင်းပြရန် ခိုင်လုံသည့် အထောက်အထား နည်းလာပြီ ဖြစ်သောကြောင့် အမေရိကားက နားလည်မှုပေးရန် အဆင့်ကို ရောက်ရှိလာပြီဖြစ်သည်။ မြန်မာအစိုးရ၏ ပြုပြင်ပြောင်းလဲရေး မြန်မာအစိုးရ၏ အမေရိကန်ခရီးစဉ်နှင့် စပ်လျဉ်းပြီး နှစ်နိုင်ငံ ကုန်သွယ်မှုနှင့် အခြားအခွင့်အလမ်းများ အတွက် ပေါ်လစီချမှတ်ရေးတွင် ရရှိနိုင်သည့် အခွင့်အလမ်းများကို အလေးပေး ဆွေးနွေးရန် မြန်မာဘက်က ဖြစ်နိုင်ခြေရှိသော နိုင်ငံရေးအကြောင်းပြချက်များ ထင်ရှားစွာရှိနေပြီဖြစ် သည်။ ကုန်သွယ်မှုအပြင် နိုင်ငံတကာငွေကြေး အဖွဲ့အစည်းများ၏ ထောက်ပံ့မှုနှင့် အာမခံ ပေးနိုင်သည့် အခြေအနေတွင် ရပ်တည်ပေးရန် တာဝန်တစ်ရပ် ရှိလာသည်ဟု သုံးသပ်ရမည်ဖြစ်သည်။ မြန်မာဘက်က ဖြစ်နိုင်ခြေရှိသော ပြည်တွင်းအခင်းအကျင်း များမှာ အောက်ပါအတိုင်းဖြစ်သည်။
(၁) ဒီမိုကရက်တစ် အခင်းအကျင်းဖြင့် တိုင်းတာပါက ဒေါ်အောင်ဆန်းစုကြည်၊ ၈၈ မျိုးဆက် ကျောင်းသားများနှင့် အတိုက်အခံ နိုင်ငံရေးသမားများ အားလုံး လွှတ်ပေးခဲ့ပြီးဖြစ်သည်။
(၂) ပါတီနိုင်ငံရေး အခင်းအကျင်းဖြင့် တိုင်းမည်ဆိုပါက ၂၀၁၂ ခုနှစ် ကြားဖြတ်ရွေးကောက်ပွဲ ကျင်းပပေးခဲ့ပြီး NLD အမတ်များကို လွှတ်တော် အတွင်းသို့ ခေါ်ဆောင်ခွင့်နှင့် နိုင်ငံရေးပါတီများ တည်ထောင်ခွင့် ပြုထားဆဲ ဖြစ်သည်။
(၃) လူ့အခွင့်အရေး ပေတံဖြင့် တိုင်းမည်ဆိုပါက အလုပ်သမား ဆန္ဒပြမှုများ၊ မြေယာအဓမ္မ သိမ်းဆည်းခြင်းနှင့် စပ်လျဉ်းပြီး ဆန္ဒပြမှုများကို ဥပဒေဖြင့် ထိန်းကွပ် ထားသော်လည်း အထိုက်အလျောက် ခွင့်ပြုထားခြင်း၊ အရပ်ဘက် လူ့အဖွဲ့အစည်းများ အစိုးရခွင့်ပြုချက် မလိုဘဲ ဆောင်ရွက် နေသည်ကို ခွင့်ပြုထားသည်။
(၄) မီဒီယာလွတ်လပ်မှုနှင့် ပတ်သက်ပြီး စာပေစိစစ်ရေးကို ဖျက်သိမ်း ပြီး သမ္မတကို တရားစွဲနိုင်သည် ဆိုသည့် သတင်းများပင် ဖော်ပြနိုင်ခွင့် ရှိလာပြီး ဖြစ်သည်။ (အာရှနိုင်ငံ အချို့တွင်ပင် နိုင်ငံတော် ထိပ်သီးခေါင်းဆောင်အပေါ် တရားစွဲဆိုခြင်း များကို မီဒီယာတွင် ဖော်ပြခွင့် မပြုကြသေးပေ။
(၅) အစိုးရ၏ အုပ်ချုပ်ရေးယန္တရား ဖြစ်စဉ်ကိုလည်း ပြုပြင်ပြောင်းလဲ ရန်နှင့် ပြုပြင်ပြောင်းလဲရေး လမ်းစဉ်လေးရပ်ဖြင့် ကတိပြုထားပြီးဖြစ်သည်။ ထို့အတူ သမ္မတ၏ ခရီးစဉ်၌ လိုက်ပါသွားကြမည့် သူများတွင် သက်ဆိုင်ရာ ပြည်ထောင်စုဝန်ကြီးများ၊ စီးပွားရေး လုပ်ငန်းရှင်ကြီးများ၊ သက်ဆိုင်ရာ ပညာရှင်များ၊ တတ်သိကျွမ်းကျင်သူများ အနေနှင့် အမေရိကန် အစိုးရနှင့် ဆွေးနွေးရာတွင် မည်သည့်ပေါ်လစီကို ဦးစားပေးရွေးချယ်မည် ဆိုသည်ကို ကနဦး စီစဉ်ထားရန် လိုအပ်သည်။
မြန်မာအစိုးရက ပြုပြင် ပြောင်းလဲရေး လုပ်ငန်း လေးရပ်တွင် အမေရိကန် အစိုးရကလည်းကောင်း၊ အမေရိကန်အစိုးရက ဖွင့်ပေးလိုက်သော နိုင်ငံတကာ အဖွဲ့အစည်း၊ ငွေကြေး အကူအညီများ ထံမှလည်းကောင်း မည်သည့်ပုံစံဖြင့် ရရှိနိုင်သည်၊ ရရှိထိုက် သည်ကို အချက်အလက်ကျကျ တင်ပြနိုင်ရန် လိုအပ်သည်။ အမေရိကန်အစိုးရနှင့် လွှတ်တော်သို့အိတ်ဖွင့်ပေးစာ မြန်မာနိုင်ငံနှင့် စပ်လျဉ်းပြီး အမေရိကန်အစိုးရ အဆက်ဆက် ချမှတ်ခဲ့သည်ကို ခုနှစ်အလိုက် ဖော်ပြရလျှင်၊ ၁၉၉၀၊ ၁၉၉၆၊ ၁၉၉၇၊ ၂၀၀၃၊ ၂၀၀၈ ခုနှစ်တို့ ဖြစ်ပြီး ဥပဒေအဆင့်ဖြင့် ဖော်ပြရလျှင် ပြည်ထောင်စု ဥပဒေဖြင့် ဒဏ်ခတ်ပိတ်ဆို့မှု၊ သမ္မတ၏ ဥပဒေကဲ့သို့ အာဏာတည်ခဲ့သော အမိန့်၊ မြန်မာနိုင်ငံ အတွက် သီးခြားပြဋ္ဌာန်းခဲ့သော ဥပဒေတို့ဖြစ်သည်။ အချို့ဥပဒေ များ၊ အမိန့်များကို ဖျက်သိမ်း ခဲ့သော်လည်း အချို့မှာ ကျန်ရှိနေသေးသည်။ မြန်မာအစိုးရ၏ အံ့သြလောက်ဖွယ်ဖြစ်သော ပြုပြင်ပြောင်းလဲရေး လုပ်ငန်းစဉ်များအား အီးယူ အပါအဝင် နိုင်ငံတကာအဖွဲ့အစည်း များကပင် ချီးကျူးထောမနာ ပြုနေသော အခါသမယ၌ ကျန်ရှိနေသေးသော ပြည်တွင်း အကျပ်အတည်း အချို့ဖြင့် အမေရိကန်၏ ဒီပလိုမေစီ ကစားမှုကို ဈေးကိုင်ထားနေပါက မြန်မာ၏ စီးပွားရေး အခွင့်အလမ်းများနှင့် ပြည်သူလူထု၏ အခြေခံစီးပွားရေး ဘဝမှာ မြင့်တက်လာရန်ရှိသော အကြောင်းတရားများ ရှာတွေ့နိုင်မည် မဟုတ်ပေ။ အဘယ်ကြောင့်ဆိုသော် လက်တင်အမေရိက၊ ပစိဖိတ်အာရှ၊ အရှေ့တောင်အာရှ နိုင်ငံများ၏ စီးပွားရေး ဖွံ့ဖြိုးစ ကနဦး ကာလများ၌ အမေရိကန်၏ နိုင်ငံရေးအားဖြင့် ထောက်ခံမှု၊ စီးပွားရေး အားဖြင့် ပံ့ပိုးမှုဖြစ်စဉ်များ အပေါ် မြန်မာအစိုးရအနေနှင့် ထောက်ပြရန် အကြောင်းများစွာ ရှိသည်။ မြန်မာ-အမေရိကန် ဆက်ဆံရေးနှင့် ပတ်သက်ပြီး နိုင်ငံရေး အလွှာတွင် ထဲထဲဝင်ဝင် တည်ဆောက်နေပြီ ဖြစ်သည်။
ကနဦးလုပ်ငန်းစဉ်များ အနေဖြင့် မစ္စတာဒဲရစ်မစ်ချယ်ကို အမေရိကန် ညှိနှိုင်းရေးမှူး ခန့်အပ်ခြင်းနှင့် သံအမတ်ကြီး ခန့်အပ်မှု၊ အထက်လွှတ်တော်အမတ် ဂျွန်မက်ကိန်း လာရောက် လည်ပတ်ခြင်း၊ နိုင်ငံခြားရေးဝန်ကြီး ဟီလာရီကလင်တန် လာရောက်ခြင်း၊ ၂၀၁၂ ခုနှစ်တွင် သမ္မတအိုဘားမား လာရောက်ခြင်း တို့ဖြစ်သည်။ ၂၀၁၁ ခုနှစ်အတွင်း နိုင်ငံခြားရေးဝန်ကြီး ဟီလာရီကလင်တန် ခရီးစဉ်တွင် မြန်မာနိုင်ငံ၏ ဆင်းရဲနွမ်းပါးမှု လျှော့ချရန် ကမ္ဘာ့ဘဏ်နှင့် နိုင်ငံတကာ အကူအညီ များရရန် ဆောင်ရွက်ပေးမည်ဟု ပြောကြားခဲ့ပြီးဖြစ်သည်။ ယခုတစ်ဖန် မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရစ်မစ်ချယ် က ပြည်ထောင်စုလွှတ်တော် ရုံးခွဲတွင် မေလ ၆ရက်နေ့ လယ်ယာစိုက်ပျိုးရေး ကနဦး ဆွေးနွေးပွဲ၌ မြန်မာ့လယ်သမားများ အတွက် Soft Loan (ကာလရှည် အတိုးနည်းချေးငွေ) များ ပံ့ပိုးပေးမည်ဟု ပြောကြားသွားခဲ့သည်။
အမေရိကန် နိုင်ငံခြားရေးဝန်ကြီးနှင့် အစိုးရကိုယ်စားလှယ် များက ထိုကဲ့သို့ တစ်ဦးချင်း သဘောထားများဖြင့် မီဒီယာများတွင် တွေ့နေရသော်လည်း လက်တွေ့ လိုအပ်နေသည်မှာ အမေရိကန်ပြည်ထောင်စု လွှတ်တော်က မြန်မာနိုင်ငံအတွက် ဒဏ်ခတ် ပိတ်ဆို့ထားသော ဥပဒေလေးခု၊ မြန်မာနိုင်ငံ အတွက် သီးခြားပြဋ္ဌာန်းသော ဥပဒေကဲ့သို့ အာဏာတည်သော သမ္မတ၏ အမိန့်တို့ကို ပယ်ဖျက်ပေးရန် ပိုမိုလိုလားလျက် ရှိသည်။ စီးပွားရေး ဖွံ့ဖြိုးမှုအပိုင်းနှင့် စပ်လျဉ်းပြီး အမေရိကန်အစိုးရ ဖြေလျှော့ပေးရန်လိုသော အချက်များမှာ (၁) နှစ်နိုင်ငံကုန်သွယ်မှု အခွင့်အရေး ပေးမှုများ ပြုလုပ်ပေးရန်၊ (၂) ကြိုတင် ကတိခံခဲ့သော SME ထောက်ပံ့ရေး လုပ်ငန်းများအတွက် ဘဏ္ဍာရေး အားဖြည့်ပေးရန်၊ (၃) အမေရိကန်အစိုးရ မီးစိမ်းပြ လိုက်ရုံဖြင့် မြန်မာအုပ်ချုပ်ရေး ယန္တရား ပြုပြင်ပြောင်းလဲမှုအတွက် ကျခံသုံးစွဲမည့် ငွေကြေးများကို နိုင်ငံတကာဘဏ္ဍာရေး အဖွဲ့အစည်းများ အားလုံးက အကူအညီပေးရေး လုပ်ငန်းများတွင် ထဲထဲဝင်ဝင် ကူညီပေးရန်တို့ ဖြစ်သည်။ သန်း ၆၀ အတွက် အမေရိကန်၏ နိုင်ငံခြားရေးရာ ပေါ်လစီသည် သက်ဆိုင်ရာနိုင်ငံ အလိုက် မူဝါဒအမျိုးမျိုး ရှိသည်ဖြစ်ရာ မြန်မာနိုင်ငံအတွက် တစ်နည်းတစ်ဖုံ ဆန်းသစ်ရန် လိုအပ်သည်။
တစ်စုံတစ်ရာ စီးပွားရေး အသီးအပွင့် အတိုင်းအတာအထိ မြန်မာ့အခြေခံ Level အနေနှင့် စောင့်ဆိုင်းရန် ဖြစ်နိုင်ခြေ ရှိသော်လည်း နိုင်ငံတကာက ပံ့ပိုးရမည့် ပေါ်လစီများမှာမူ ဈေးဆစ်ရန် မသင့်တော့ပေ။ အစိုးရ၏ ပြုပြင်ပြောင်းလဲရေး ဖြစ်စဉ်များတွင် မြန်မာနိုင်ငံ တစ်နံတစ်လျား အားလုံးခံစားရမည် မဟုတ်သော်လည်း ရေရှည် မဟာဗျူဟာအတွက် မြန်မာအစိုးရကို အပေးအယူ လုပ်ခြင်းဖြင့် မြန်မာပြည်သူ သန်း ၆၀အတွက် တစ်စုံတစ်ရာ အစီအစဉ်များ ရှိနေသင့်သည်။

သန်းစိုး(ဘောဂဗေဒ)

The Rise and Fall of the Communist Party of Burma
(Bertil Lintner ရေး၍ ကျော်ဝင်း ဘာသာပြန်သည်။)

တပ်တွင်းပုန်ကန်မှု မတိုင်မီ ၂ နှစ်လောက်က ဖြစ်သည်။ ၁၉၈၆ နိုဝင်ဘာ ၁ ရက်မှ ၁၉၈၇ ဧပြီ ၁၈ ရက်အထိ ရှမ်းပြည်နယ် အရှေ့မြောက်ပိုင်းရှိ CPB အခြေခံဒေသ တစ်နံတစ်လျား ကိုးကျောင်း ကိုးကျင်း လှည့်ပတ်သွားလာနေ ခဲ့သည်။ မြောက်ပိုင်း မုန်းပေါ်နှင့် ပန်ဆိုင်း မှသည် (ဤနေရာတွင် ၁၉၈၆ နိုဝင်ဘာ စီစီဝမ်တိုင်ပန် တိုက်ပွဲနှင့် ကြုံခဲ့ရ) အရှေ့ဘက် မုန်းကိုးထိ၊ ထိုမှတစ်ဖန် သံလွင်မြစ်ကိုဖြတ်ပြီး ကိုးကန့်သို့ ရောက်သွားသည်။ ထိုသည်၏ နောက် ဝတောင်တန်းများသို့ ဆင်းပြီး ပန်ဆန်းသို့ ရောက်သည်။ ပန်ဆန်းမှာပင် သုံးလကျော်ကျော်ခန့် ကြာသွားသည်။

ထို့နောက် တစ်ဖန် ပန်ဆန်းမှသည် တရုတ်နယ်စပ်တစ်လျှောက် အရှေ့ဘက်သို့ ခြေလျင်ခရီး နှင်ခဲ့ပြီး ၈၁၅ စစ်ဒေသသို့ ရောက်သွားခဲ့သည်။ ၈၁၅ ဆိုသည်မှာ ဗမာပြည်ကွန်မြူနစ် ပါတီ စတင်တည်ထောင်သည့် နေ့စွဲ၊ သြဂုတ်လ ၁၅ ရက် (၁၉၃၉) ကို အစွဲပြု မှည့်ခေါ်ထားသော အမည်ဖြစ်ပါသည်။ အဆိုပါ ၈၁၅ စစ်ဒေသမှပင် နယ်စပ်ကိုဖြတ်ပြီး တရုတ်ပြည်ထဲသို့ ရောက်သွား ခဲ့ပါသည်။ တရုတ်ပြည်တွင်း ကျင်းဟုန်နှင့် ကူမင်းအစိုးရ ဧည့်ဂေဟာများတွင် ခေတ္တမျှ ထိန်းသိမ်း ခံခဲ့ရပြီး ၁၉၈၇ ဧပြီလ ၁၅ ရက်တွင် ဟောင်ကောင်သို့ ပို့လိုက်ကြပါသည်။

CPB ပိုင်နက် နယ်မြေတစ်လွှား ကီလိုမီတာ ၉၀၀ နီးပါးမျှရှည်သော ခရီးစဉ်ခရီးကြမ်းကြီးနှင့် ပန်ဆန်းဌာနချုပ်တွင် နေထိုင်စဉ်အတွင်း ကျွန်တော့်အနေနှင့် အဓိကပါတီ ခေါင်းဆောင်အားလုံးလောက်ကို တွေ့ဆုံ မေးမြန်းခွင့် ရခဲ့သည်။ ဥက္ကဋ္ဌ သခင်ဗသိန်းတင်နှင့် ဆိုလျှင် ခြောက်ကြိမ်မျှ အချိန်တော်တော်ကြာကြာ စကားပြောခွင့် ရခဲ့ပါသည်။ ရှေ့တန်းစစ်မြေပြင် များတွင်လည်း ရဲဘော်တွေနှင့် ရက်သတ္တပတ် အတော်ကြာ အတူနေခွင့် ရခဲ့သည်။ ရဲဘော်အများစုမှာ ဝ အမျိုးသားတွေဖြစ်ပြီး သူတို့အကြောင်း ကောင်းကောင်းသိခွင့် ရခဲ့ပါသည်။
သို့အတွက် ၁၉၈၉ မတ်၊ ဧပြီ တပ်တွင်းပုန်ကန်မှု ပေါ်ထွက်လာသောအခါ ကျွန်တော့်အတွက်တော့ အံ့သြစရာ မဟုတ်တော့ပါချေ။ အောက်ခြေ ရဲဘော်များ အနေနှင့် သူတို့ခေါင်းဆောင်များနှင့် ပတ်သက်ပြီး ဘယ်လို ခံစားချက် ရှိကြသည်ကို ကျွန်တော် ကောင်းကောင်းသိပါသည်။ သူတို့ တစ်တွေမှာ သူတို့အမှန်တကယ် မယုံကြည်သော အရေးတော်အတွက် တိုက်ခိုက်နေကြရသည် ကို ငြီးငွေ့နေကြပြီ ဖြစ်သည်။ ထိုစဉ်ကာလ (၁၉၈၆-၁၉၈၇) CPB အခြေခံဒေသ၏ လူဦးရေနှင့် စီးပွားရေး အနေအထားဆိုင်ရာ အသေးစိတ် သတင်းအချက်အလက် များကိုလည်း ကျွန်တော်စုဆောင်းနိုင် ခဲ့ပါသည်။ ဤအချက်အလက်များကို “နောက်ဆက်တွဲ ၂” တွင် ဖော်ပြထားသည်။

မည်သို့ပင်ဆိုစေ တပ်တွင်းပုန်ကန်မှု နောက်ပိုင်း ပန်ဆန်းမှာ မည်သည့်မြို့နှင့်မှ မတူအောင် စန်းပွင့်လာခဲ့သည် မှာကား အမှန်ပင်ဖြစ်ပါ သည်။ တရုတ်-မြန်မာ နယ်နိမိတ်မျဉ်းလို ဖြစ်နေသော နာမ်ခမြစ်လေး၏ မြင်းခွာပုံ အကွေ့တစ်ခုတွင် တည်ရှိသည့် ပန်ဆန်းတွင် လောကနှစ်ခုလုံး၏ အကောင်းဆုံးတွေ စုစည်းနေသလို ရှိသည်။ တရုတ်ပြည်၏ စီးပွားရေး ချမ်းသာကြွယ်ဝမှုများမှာ ပန်ဆန်းတွင် အသစ်ထွက်ပေါ်လာသော ကွန်ကရစ် အဆောက်အအုံများ၊ ဇိမ်ခံကားများ၊ ပလက်ဖောင်းကိုယ်စီ လမ်းမကြီးများ၊ နောက်ဆုံးပေါ် စားသုံးကုန်များ အပြည့်တင်ထားသည့် ဈေးဆိုင်များပေါ်တွင် အရိပ်ထင်လျက် ရှိသည်။ ဤနေရာတွင် တရုတ် ငွေကြေးကိုသာ လက်ခံ သုံးစွဲကြပါသည်။ တန်ဖိုးမရှိသလောက် ဖြစ်သော မြန်မာကျပ်ငွေကို ဘယ်သူကမှ မလိုချင်ကြပါ။ သို့တစေ ဤနေရာမှာ တရုတ်ပြည်ကား မဟုတ်။ မြန်မာပြည် ဖြစ်သည်။

သို့နှင့်တိုင် ဤနေရာတွင် ကြမ်းရှသော တရားဥပဒေစိုးမိုးရေး အတွက် ဘယ်သူမှ စိုးရိမ်မကင်း ဖြစ်စရာမလိုပါ။ အချို့သော အမျိုးအစား ကုန်သွယ်ရေး ကူးသန်းရောင်းဝယ်ရေး များအပေါ် ချမှတ်ထားသည့် အစိုးရ အထိန်းအချုပ်များ အတွက်လည်း စိတ်ပူစရာမရှိပါ။ အကြောင်းမူ ပန်ဆန်းနှင့် ပတ်ဝန်းကျင် ဒေသမှာ မြန်မာအာဏာပိုင် များ၏ ထိန်းချုပ်မှုအောက်တွင် မရှိသောကြောင့် ဖြစ်ပါသည်။ လူဦးရေ ၂၀,၀၀၀ မျှရှိသော ပန်ဆန်းမှာ စတုရန်းကီလိုမီတာ ၁၅,၀၀၀ ကျော် ကျယ်သော မြန်မာနိုင်ငံ အရှေ့မြောက် ဒေသ၏ “တရားမဝင် မြို့တော်” ဟု ဆိုရတော့မည် ဖြစ်ပါသည်။ ဤဒေသကြီးကို “ညီညွတ်သော ဝ ပြည်နယ်တပ်မတော်” (UWSA) က ထိန်းချုပ်ထားသည်။ UWSA မှာ တစ်ခါက ဗမာပြည် ကွန်မြူနစ်ပါတီ၏ တိုက်ခိုက်ရေး တပ်ဖွဲ့များအဖြစ် စုစည်းထားသော လူမျိုးစု လက်နက်ကိုင် အဖွဲ့လေးခုထဲမှ အင်အားအကြီးဆုံး ဖြစ်ပါသည်။

ပန်ဆန်းမှာ UWSA ထိန်းချုပ်ထားဆဲ နယ်မြေ၏ အသည်းနှလုံး နေရာတွင် ရှိသည်။ တပ်တွင်းပုန်ကန်မှု ဖြစ်ပြီး လအနည်းငယ် အကြာမှာပင် သူပုန်တပ်ဖွဲ့များနှင့် ဗဟိုအစိုးရ တို့ကြား အပစ်အခတ် ရပ်စဲရေးသဘော တူညီချက်တစ်ရပ် ရရှိခဲ့ပါသည်။ ဤသဘောတူညီချက် အရ UWSA နှင့် ယခင် CPB တပ်ဖွဲ့ များကို ၄င်းတို့ လက်နက်ကိုင်တပ်များ ဆက်လက် ထားရှိခွင့် ပြုသလို သက်ဆိုင်ရာ နယ်မြေများကိုလည်း ဆက်လက်ထိန်းချုပ်ခွင့် ပြုထားသည်။ အပြန်အလှန် အနေနှင့် အဆိုပါအဖွဲ့များ ဘက်မှလည်း အစိုးရတပ်ကို မတိုက်ရန်၊ တိုင်းပြည်အတွင်းရှိ အခြားသော အစိုးရ
ဆန့်ကျင်ရေး လူမျိုးစုအဖွဲ့များနှင့် မဆက်သွယ်ရန် သဘော တူထားရသည်။

၁၉၈၉ တပ်တွင်းပုန်ကန်မှု မတိုင်မီက ပန်ဆန်းတွင် ကွန်ကရစ် အဆောက်အအုံ ဆို၍ ပါတီခေါင်းဆောင်များ နေထိုင်ရာ တိုက်အိမ်အစုလေး များနှင့် တရုတ်ပြည်မှ ဆောက်ပေးသော အသံလွှင့်ရုံသာ ရှိပါသည်။ ဤအသံ လွှင့်ရုံမှာပင် အရေးကြီးသော အစည်းအဝေးများကို ကျင်းပခဲ့ကြသည်။ ထိုစဉ်က ပန်ဆန်းရှိ အဆောက်အအုံအများစုမှာ သစ်ဝါးတို့ဖြင့် ဆောက်လုပ် ထားသော တဲတွေသာ ရှိပါသည်။ တစ်ခုတည်းသော အရောင်းအဝယ်လုပ်ငန်း ဆို၍ ပုံစံဟောင်း ပန်ဆန်းဈေးသာ ရှိသည်။ ဤဈေးတွင် ဒေသခံများက ဟင်းသီးဟင်းရွက်၊ ဝက်သား၊ ကြက်သားနှင့် ဘိန်းတို့ကို ရောင်းချကြသည်။ ဘိန်းအရောင်းအဝယ်ကို ပါတီက အခွန်ကောက်ပြီး တရားဝင် ခွင့်ပြုထား သည်။ မကြာခဏဆိုသလို တရုတ်ပြည်ဘက်မှ ကုန်သည်တွေ ကူးလာကြပြီး အဝတ်အထည်၊ ကလေးကစားစရာနှင့် အပေါစား လက်ဝတ်တန်ဆာတို့ကို ရောင်းချကြသည်။ တစ်ခါတစ်ရံတွင် ရေခဲမုန့် ဘူးများကို စက်ဘီးဖြင့်တင်ပြီး လာရောက် ရောင်းချကြသည်များလည်း ရှိသည်။

ပန်ဆန်းကို မိုးနေသော တောင်ကုန်း တစ်ခုပေါ်တွင် ကျဆုံးသွားသော CPB ရဲဘော်များ အတွက် အထိမ်းအမှတ် တစ်နေရာရှိသည်။ ယခုအခါ ဤနေရာနှင့် ဘေးချင်းကပ်လျက်တွင် “ရွှေကလေးငယ်ဒစ်စကို” (Golden Baby Disco) ဆိုသော အဆောက်အအုံသစ်ကြီး ပေါ်ထွက်လာချေပြီ။ ၄င်းမှာ အမြင်ဆန်းသော နှစ်ထပ်အဆောက်အအုံ ဖြစ်သည်။ အပေါ်ထပ်တွင် “နိုက်ကလပ်” ဖွင့်ထားပြီး မှန်ချပ်တွေ အပြည့်ကာထားသည်။ ပန်ဆန်း၏ မီးရောင်ပြိုးပြက် ညရှုခင်းကို မှန်ချပ်များကို ဖြတ်ပြီး မြင်နိုင်သည်။

အောက်ထပ်တွင်ကား ကာရာအိုကေခန်းမများ အပြည့်ရှိသည်။ ဗီအိုင်ပီများ အတွက် သူတို့ဧည့်သည်များကို ဧည့်ခံဖြေဖျော်ရန် အထူးသီးသန့်ခန်း တွေကိုလည်း စီစဉ်ထားပါသည်။ ဤခန်းမများတွင် အပိုကြေးသာ ပေးနိုင်လျှင် မလုံ့တလုံ မီနီစကတ် တိုတိုလေးများဖြင့် နိုက်ကလပ်မယ်လေး တွေကိုလည်း ဝယ်လို့ ရနိုင်ပါသည်။ “ရွှေကလေးငယ်ဒစ်စကို” နှင့် မဝေးလှ သော နေရာတွင်လည်း ကာစီနိုကြီးတစ်ခု ရှိပါသေးသည်။ ဤကာစီနိုကြီးကို UWSA ပိုင် “ယင်းယွမ် ဖြေဖျော်ရေးကော်ပိုရေးရှင်း” က ဖွင့်လှစ်ထားခြင်း ဖြစ်သည်။ အဆိုပါ ကာစီနိုကြီးနှင့် မျက်နှာချင်းဆိုင် လမ်းတစ်ဖက် တွင်ကား အပန်းဖြေနားနေစရာ တောအုပ်တစ်ခု ရှိသည်။ ဤတောအုပ် တွင် အာရှဝက်ဝံမည်း တော်တော် များများနှင့် မျောက်တစ်ကောင်ကို လှောင်အိမ်သွင်း ပြထားသည်။ လာရောက်အပန်းဖြေသူများက ဝက်ဝံ တွေနှင့် မျောက်ကို ဘီယာတိုက်ကြ သည်။ စီးကရက် မီးညှိပေးကြသည်။ အပျော်သဘော ဖြစ်သည့်တိုင် စိတ်မသက်သာဖွယ်ရာ မြင်ကွင်းများ ဖြစ်ပါသည်။

ကာလသားကြိုက် အပျော်အပါးကိစ္စများမှာ ကာရာအိုကေ ခန်းမများတွင်သာ ရနိုင်သည် မဟုတ်ပါ။ ပန်ဆန်းရှိ ဆံပင်ညှပ်ဆိုင် တော်တော်များများ မှာပင် ဤကိစ္စ အလွယ်နှင့်ရနိုင်ပါသည်။ ပန်ဆန်းဆံပင် ညှပ်ဆိုင်များမှာ ဆံပင်ညှပ်ဆိုင် သက်သက်မျှ မဟုတ်။ ပါတီပွဲများ ကျင်းပရာအဖြစ်ပါ နှစ်မျိုး အသုံးပြုကြသည်က များသည်။ ညရောက်ပြီဆိုသည်နှင့် အဆိုပါဆိုင်များတွင် ပန်းရောင် နီယွန်မီးများ ထွန်းညှိကာ ပြည့်တန်ဆာ မိန်းကလေးများကို ခေါ်ထားလေ့ ရှိသည်။ တန်ရာတန်ဖိုး ပေးပါက နှစ်သက်ရာ အမျိုးသမီးကို နီးရာဟိုတယ်သို့ ခေါ်ထုတ် ပျော်ပါးနိုင်သည်။ ပန်ဆန်းတွင် ကိုယ်ပိုင်ဘဏ်လည်း ရှိသည်။ “ဝဖန်း” သို့မဟုတ် “ဝပြည်နယ်ဘဏ်” ဟု အမည်ရှိပါသည်။ ပန်ဆန်းမြို့၏ အဓိကရ လမ်းမကြီးပေါ်တွင် တည်ရှိသည်။ ဘဏ်ရှေ့ ယာဉ်ရပ်နားကွင်းတွင် ဝ အာဏာပိုင်များ ထုတ်ပေးသော နံပါတ်ပြားများ တပ်ထားသည့် ဇိမ်ခံ ဆီဒင်ကားများ၊ Surf ကားများကို မနည်းမနော တွေ့နိုင်ပါသည်။

ထိုမျှမက ပန်ဆန်းတွင် ရုပ်ရှင်ရုံတစ်ရုံ၊ နေ့ဈေးတစ်ဈေး၊ ကားပြိုင် ကွင်းတစ်ကွင်းနှင့် ရိုလာစကိတ်ကွင်း တစ်ကွင်းလည်း ရှိပါသေးသည်။ စကိတ်ကွင်းတွင် ဘီးတပ် စကိတ်ပြားများကို နာရီပိုင်းနှင့် ငှားလို့ရသည်။ UWSA မှ တပ်မှူးတစ်ယောက် ဆိုလျှင် သူနှင့် သူ့ရောင်းရင်းများ ကစားရန် ကိုယ်ပိုင်ဘိုးလင်း ကစားရုံတစ်ရုံ တည်ဆောက်ထားသည်ဟု ဆိုသည်။ သူ့ဘိုးလင်းရုံကို အများပြည်သူကစားဖို့ ဖွင့်ပေးသော်လည်း လမ်းကြောင်း တစ်ခုကိုမူ ဝခေါင်းဆောင်များ အတွက်သာ သီးသန့်ထားသည်ဟု သိရသည်။ ယူနီဖောင်း အသစ်စက်စက်များနှင့် UWSA တပ်ဖွဲ့များကိုလည်း မြို့ထဲတွင် အဖွဲ့လိုက် စစ်ရေးပြနေကြသည်ကို တွေ့နိုင်သည်။

ဝ ရဲတပ်ဖွဲ့ယာဉ် များကလည်း လမ်းများပေါ်တွင် ပတ်တရောင် လှည့်နေကြသည်။ ပန်ဆန်းလမ်းမကြီးများ၏ လမ်းသွယ်များကြားတွင် ပန်းဘောင်များကို စနစ်တကျ စိုက်ပျိုးထားပါသည်။ “ပန်းဘောင်ပေါ် မနင်းရ” ဆိုသော ဆိုင်းဘုတ်များကို နေရာအနှံ့ တွေ့ရသည်။ မလိုက်နာလျှင် ဒဏ်ငွေကြီးကြီး တပ်ခံရပါလိမ့်မည်။ ရမ်မင်ဘီ ၃၀၀ သို့မဟုတ် အမေရိကန် ဒေါ်လာ ၄၄ အထိ ဒဏ်ငွေဆောင်ရသည်။

အစိုးရနှင့် နားလည်မှုယူထားသော ဆိုခဲ့ပါ အပစ်အခတ်ရပ်စဲရေး သဘောတူညီချက် အရ မြန်မာ့တပ်မတော်မှာ ပန်ဆန်းတွင် ဆက်ဆံရေးရုံး တစ်ရုံး ထားခွင့်ရှိသည်။ ဤရုံးတွင် အရာရှိအဆင့် ဆယ်ယောက်လောက် ခန့်ထားပါသည်။ သို့တစေ အဆိုပါအရာရှိ များမှာ သူတို့နေထိုင်ရာ ဝင်းထဲမှ အပြင်သို့ ထွက်ခဲပါသည်။ ပန်ဆန်းတွင် တစ်ခုတည်းသော မြန်မာအလံဆို၍ အစိုးရဆေးပေးခန်း မှာသာရှိသည်။ ကျန်ရုံးအဆောက်အအုံ အားလုံးတွင် လွှင့်ထူထားသည်မှာ UWSA အလံနှင့် ဝ ပြည်နယ် အလံသာဖြစ်သည်။ အပြာ၊ အနီ နောက်ခံထက်တွင် ကြယ်တစ်ပွင့်၊ နေတစ်စင်း၊ ဓားမြှောင်နှင့် လှံတံကန့်လန့်ဖြတ်ထားသော အမှတ်အသားတစ်ခု ပါဝင်သည့် အလံတော် ဖြစ်ပါသည်။

တရားဝင်ထုတ်ဝေ ဖြန့်ချိထားသော မြေပုံများတွင် ရှာကြည့်လျှင်
ဝ ပြည်နယ် ဆိုသည်ကို တွေ့ရလိမ့်မည် မဟုတ်ပါ။ သို့တိုင်အောင် တစ်စိတ် တစ်ပိုင်း လွတ်လပ်သည့် နယ်မြေ ဖြစ်လာစေရန်ကား အကြံအစည်နှင့် ရည်ရွယ်ချက် ရှိဟန် တူပါသည်။ တရားဝင် သိမှတ်လက်ခံထားခြင်း မရှိသည့်တိုင် ဝ နယ်မြေမှာ မြန်မာနိုင်ငံနှင့် တရုတ်ပြည်ကြား ဒေသဆိုင်ရာ အုပ်ချုပ် ရေးနှင့် ကိုယ်ပိုင်အုပ်ချုပ်ခွင့် ရှိသော ကြားခံနယ်မြေ တစ်ခုလိုဖြစ်နေသည်။

>> ဗမာပြည်ကွန်မြူနစ်ပါတီ၏ နေထွက်ချိန်နှင့် နေဝင်ချိန် (၄) ကို ဆက်လက်ဖတ်ရှုရန် -
(http://www.facebook.com/photo.php?fbid=575935285760068&set=a.164790403541227.32157.158797964140471&type=1&relevant_count=1)

<< ဗမာပြည်ကွန်မြူနစ်ပါတီ၏ နေထွက်ချိန်နှင့် နေဝင်ချိန် (၂) ကို ဖတ်ရှုရန်
(http://www.facebook.com/photo.php?fbid=575115712508692&set=a.164790403541227.32157.158797964140471&type=1&relevant_count=1)

                                            

မျက်နှာဖုံး အောက်မှာ--

ရီတယ်။ လိမ်တယ်။ 

  

မျက်လုံး ထဲက အရောင်

                                            ပါးပြင်ကကောက်ကြောင်း---        မျက်နှာဖုံး အောက်မှာ ပျောက်ကွယ်။       

 ဟန်ဆောင်ရင်း-ဖုံးကွယ်ရင်း--- ၂မျက်နှာ  ၂ ဘ၀--

                      -ပေးရတဲ.အကြွေးက ဤသို.။

တချက်ပြုံးတိုင်း --နှလုံးက သွေးထွက်တယ်--ရင်ဘတ်က ကွဲလို.

နှုတ်ကတော. ညင်ညင်သာသာ--

သိမ်မွေ.စွာ လိမ်ပြီးပြုံးရယ်ခဲ.--အကြိမ်များစွာ။

 မေးလိုက်ဦးမယ်။

ကမ္ဘာကြီး က ပညာရှိလား။

မျက်နှာဖုံးဝတ်တို.၏  ငိုခြင်း ရီခြင်း---သူသိဖို.လိုလို.လား။

နိုး  နိုး၊ မရဘူး။ 

                                        မျက်နှာဖုံးဝတ်တို.    အတွင်းရေး  

ကမ္ဘာကြီးသိခွင်.မရှိ။

 သိလိုသမျှ မျက်နှာဖုံးကိုပဲ ကြည်.ကြပါ။

  

ဒဏ်ရာဗလပွနဲ. ကြွေလွင်.၀ိညာဉ် တို. ထလာပြီ။

ဘုရားရှေ.မှာတော.

မျက်နှာဖုံးဝတ်တွေ  ပြုံးတယ်၊

သီချင်းတောင် ဆိုပြနေသေးတယ်။

အောက်ကိုကြည်.၊ အသူရာ မြေသား  နက်ရှိုင်းဝေးလံပါ. 

မျက်နှာဖုံးဝတ်တွေ ရပ်တဲ.မြေ---ရွှံ.သား-- အပျော.စား  အပေါစား--

ဒီမြေက တဖြည်းဖြည်း ပြိုနေပြီ။

                                              ကမ္ဘာကြီးကိုလား--

သူကြိုက်သလို သာ အိပ်မက်မက် ခိုင်းတော.။  

ငါတို. မျက်နှာဖုံးဝတ်ထားတယ်။

  
Translated by (aasw)

                                     

We Wear the Mask

  

We wear the mask that grins and lies,

It hides our cheeks and shades our eyes,—

This debt we pay to human guile;

With torn and bleeding hearts we smile,

And mouth with myriad subtleties.

Why should the world be over-wise,

In counting all our tears and sighs?

Nay, let them only see us, while

       We wear the mask. 

 We smile, but, O great Christ, our cries 

To thee from tortured souls arise.

We sing, but oh the clay is vile

Beneath our feet, and long the mile;

But let the world dream otherwise,

       We wear the mask!