ဒီနေ့ မဲဆောက်ဗုံးကွဲမှုကတော့ ရှင်းပါတယ် နအဖ အုပ်စု ယုတ်မာပြီး နယ်စပ်အခြေစိုက်အဖွဲ့ တွေကို ကျပ်တည်းအောင်လုပ်တာ ကျီးလန့် စာစားအောင်လုပ်တာ ဒါမှ သူတို့ မေလတွက် လမ်းကြောင်းပွင့်မယ် စစ် အုပ်စု ကတော့  ပေါ်တင်စိန်ခေါ်လိုက်ပါပြီးRest of your post
မဇ္ဈိမသတင်းဌာန
Friday, 22 February 2008 12:14 - မြန်မာစံတော်ချိန်
ချင်းမိုင်။ ။ ထိုင်းနိုင်ငံ နယ်စပ်မြို့တခုဖြစ်သော မဲဆောက်တွင် ဗုံးတလုံး ပေါက်ကွဲရာ မြန်မာနိုင်ငံသား ၁၃ ဦး ပြင်းထန်စွာ ဒဏ်ရာ ရရှိသွားသည်။
မြန်မာနိုင်ငံ မြဝတီမြို့နှင့် မျက်နှာချင်းဆိုင် ထိုင်းနိုင်ငံ မဲဆောက်မြို့ အပြင်ဘက်ရှိ အမှိုက်ပုံကြီးတွင် ယနေ့နံနက် ၈း၃၅ ခန့်က ပေါက်ကွဲမှု ဖြစ်ပွားခြင်း ဖြစ်သည်။
“နံပါတ် (၃) ကား၊ အမှိုက်သွန်ပြီး (၅) မိနစ်လောက်မှာ ဖြစ်တာ၊ အမှိုက်ကောက်တဲ့လူ (၃ဝ) လောက် ရှိတယ်။ အဲဒီမှာ ပေါက်ကွဲမှု ဖြစ်တယ်။ တော်တော် ပြင်းထန်တယ်။ မျက်စိ ထိတဲ့လူ ထိတယ်၊ မျက်နှာပိုင်း ထိတဲ့လူ (၄) ဦး။ တော်တော် ပြင်းပြင်းထန်ထန်” ဟု အခင်းဖြစ်ပွားရာ ရောက်ရှိခဲ့သည့် မဇ္ဈိမ ဓာတ်ပုံသတင်းထောက် ကို အောင်တင်က သတင်းပေးပို့သည်။
ထိခိုက်ဒဏ်ရာ ရသူများမှာ ဇော်မင်းထွန်း (၂၅နှစ်)၊ ဒေါ်မီး (၅ဝနှစ်-ပြင်းထန်)၊ ဇော်ဦး (၃၁နှစ်)၊ စောထွေး (၂ဝနှစ်-ပြင်းထန်)၊ ခင်သန္တာဦး (၁၆နှစ်)၊ အောင်မိုး(၈နှစ်)၊ ဖိုးဒါး (၃ဝနှစ်-မျက်လုံးဒဏ်ရာပြင်းထန်)၊ ချိုòပံး (၂၈နှစ်)၊ သန်းငွေ (၄၅နှစ်)၊ ချစ်သဲ (၁ဝနှစ်၊ ဒဏ်ရာပြင်းထန်)၊ ဒေါ်နွဲ (၅ဝနှစ်)၊ ကိုဝင်းကို (၃၉နှစ်)နှင့် အသက် (၆ဝအရွယ် အမျိုးသားတဦး) တို့ဖြစ်ကြပြီး၊ မဲဆောက်ဆေးရုံကြီး၊ အရေးပေါ်ဌာနသို့ ပို့ဆောင် ထားရကြောင်း သိရ သည်။
ခန့်မှန်းခြေ (၄) ဧကခန့် အကျယ်အဝန်း ရှိမည့် အမှိုက်ပုံသည် မဲဆောက်တမြို့လုံးမှ အမှိုက်များကို စွန့်ပစ်ရာ နေရာဖြစ်ပြီး အနီးအနားတွင် နေထိုင်သော မြန်မာမိသားစုများက အမှိုက်အတွင်းမှ ပလတ်စတစ်နှင့် သံတို သံစများကို ရှာဖွေ ကောက်ယူခြင်းကို အသက်မွေးကြောင်းအဖြစ် လုပ်ကိုင်ကြသည်။
အမှိုက်ပုံသို့ ည (၁၂) နာရီမှ မနက် (၈) နာရီအထိ နေ့စဉ် အမှိုက်ကား (၈) စီး ရောက်လာလေ့ ရှိသည်။
အမှိုက်ပုံ အနီးအနားတွင် အမှိုက်ပုံကို မှီခိုနေထိုင်သော မြန်မာမိသားစု၊ အိမ်ခြေပေါင်း (၇၄) အိမ်ရှိပြီး လူဦးရေ (၃ဝဝ) ဝန်းကျင် ရှိသည်ဟု သိရသည်။ အများစုသည် ရန်ကုန်၊ ပဲခူး၊ မော်လမြိုင်ဘက်မှ ရောက်လာသူများ ဖြစ်ပြီး အမှိုက်ပုံအနီးတွင် အခြေချ နေကြသူများ ဖြစ်သည်။
မဲဆောက်မြို့တွင် ကရင်အမျိုးသားခေါင်းဆောင် ပဒိုမန်းရှာသည် ဖေဖော်ဝါရီ ၁၄ ရက်နေ့က နေအိမ်တွင်ပင် မသမာသူ ၂ ဦး၏ သေနတ်ဖြင့် ပစ်ခတ် လုပ်ကြံသတ်ဖြတ် ခံခဲ့ရသည်။
1 comment :
We condemned strongly the attack on civilians. Who made benefit out of such stupid attack? These poor people have nothing to eat and depending on the trash place. Do they understand having mercy on such poor people?
Post a Comment