ကိုင်းထထကြွကြွနဲ့ ၀ိုင်းကြပေရော့

-အောင်ချမ်း-

ဘင်္ဂလားဒေ့ရ်ှနိုင်ငံသည် ယခုအခါ ယာယီအခြေအနေ အရ နအဖ စစ်အစိုးရ၏ လုပ်ပေါက်ကြောင့် မိမိတို့တိုင်းပြည်၏ ရန်သူ အဖြစ်သို့ ရောက်ရှိနေပြီဖြစ်၏။ စစ်ပွဲတပွဲဆိုသည်မှာ မဖြစ်လျှင်အကောင်းဆုံးဖြစ်၏။အထူးသဖြင့် မြန်မာနိုင်ငံ၏ စီးပွားရေး

နိုင်ငံရေး အခြေအနေအရလုံးဝမဖြစ်သင့်။ ကျနော်တို့တွင် စားနပ်ရိက္ခာပြသနာရှိနေသည်။ နာဂစ် မုန်တိုင်းဒဏ်ခံထားရသော ပြည်သူလူထုကြီး၏ နေ့စဉ် နေထိုင်မှုဘ၀သည် ပိုမို ဆိုးရွားသထက်ဆိုးရွားနေသည် ကို လျစ်လျှူမရှုသင့်။
စစ်ပွဲတပွဲကိုတိုက်တော့မည်ဆိုလျှင်ကိုယ့်နိုင်ငံကို မိတ်ဆွေအဖြစ် တကယ်တန်း ထောက်ခံမည့် နိုင်ငံများ ရှိသင့်သလောက်ရှိဖို့လိုသည်။ အထူးလိုအပ်သည့်စဉ်းစားချက်မှာ ကိုယ့်တိုင်းရင်းသားပြည်သူလူထု၏ ထောက်ခံမှု
နှင့် ပါဝင် ပတ်သက် နိုင်မှု လိုအပ်၏။ တဖက်ရန်သူ၏ ပြည်သူလူထုနှင့် တဖက်ရန်သူအားထောက်ခံမည့်နိုင်ငံတကာအသိုင်းအ၀ိုင်းကိုထည့်တွက်ရမည်ဖြစ်၏။ အချိန်ဘယ်လောက်ကြာကြာ တိုက်ရမည့်စစ်ပွဲလည်းဆိုသည်ကိုလည်းတွေးရမည်
ဖြစ်၏။

ပထမဦးစွာမလွှဲမရှောင်သာသော နိုင်ငံခြင်းဖြစ်သည့်စစ်ပွဲတစ်ပွဲကို မတိုက်ခင် တပ်မတော်တစ်ရပ် အစိုးရတစ်ရပ်အနေနှင့် စဉ်းစားရမည်မှာ
ပြည်တွင်းရေး ကိစ္စဖြစ်သည်။ ကောင်းမွန် သော အစိုးရတိုင်းသည် ပြည်သူလူထု၏ ဘ၀လုံခြုံရေးနှင့်စားဝတ်နေရေး ကို နံပါတ်တစ် အနေဖြင့် စဉ်းစားကြ၏။
ထို့ပြင် စစ်ပွဲတပွဲကို မတိုက်ခင်ကတည်းက outcome ကို ကြိုတင်တွက်ချက်ရ၏။ ထိုသို့ကြိုတင်တွက်ချက်ရာတွင် မထင်မှတ်ထားသော ကိစ္စများအတွက်လည်း
ကြိုတင်ပြင်ဆင်မှုရှိထားရမည်ဖြစ်၏။

နအဖ စစ်အစိုးရအနေဖြင့် ထိုသို့တွ က်ချက်ထားခြင်း များ ပြည့်စုံစွာရှိမည်မဟုတ်။ နအဖ စစ်အစိုးရတွင် နိုင်ငံရေးအကြပ်အတည်း ကြီးစွာရှိ၏။
ကမ္ဘာ့ အသိုင်းအ၀ိုင်းကမထောက်ခံ ပြည်သူလူထုက မထောက်ခံ ။ ကောင်းမွန် ထက်မြက်သော ဦးနှောက်များကို တိုင်းပြည်ကောင်းကျိုးအတွက် တလျှောက်လုံး
မသုံးခဲ့ကြ။ တိုင်းပြည်ကိုချစ်မြတ်နိုးသော တိုးတက်စေချင်သော ပိုမိုအဆင့်အတန်းမြင့် သာယာဝပြောသည့်လူ့အဖွဲ့အစည်းသို့ဦးတည်သော တိုးတက်သူ မည်သူ
မဆို ထောင်ထဲရောက်ကုန်၏။ ဤသည်မှာ လုံးဝ အကျဉ်းတကာ့အကျဉ်းချုပ် ထားသော လက်ရှိ မြန်မာနိုင်ငံနှင့်စစ်အစိုးရ၏ အနေအထားဖြစ်၏ ။
ကောင်းပြီ စစ်ပွဲတပွဲက မလွှဲမရှောင်သာ တိုက်ရမည့်အနေအထားသို့ ရောက်ရှိနေပြီဖြစ်၏။ ထို့ကြောင့် နိုင်ငံရေးအရ ကွဲပြား မတူညီမှုများခဏထားကာ
အမျိုးသားရေးနှင့် အချုပ်အချာအာဏာ ပိုင်နက်အတွက် မြန်မာ နိုင်ငံသားနှင့် လူမျိုးစုအားလုံးအားမိသားစုကြီးတခုအနေဖြင့် တွေးခေါ်ပြီး ၀ိုင်းဝန်း
အားထုတ်ကြပါစို့။

တယောက်နှင့်တယောက် စကားမပြော အသိအမှတ်မပြုကြစေကာမူ ကျနော်တို့ ငယ်ရွယ်သောမိသားစုဝင်များက
မိသားစုကို လက်နက်ပြ အုပ်ချုပ်နေသော သက်ကြားအို အနိုင်ကျင့် ဆိုးသွမ်း အတ္တကြီးသည့် ပုဂ္ဂိုလ်ကြီးများအား မိမိတို့မိသားစုကြီးတခုလုံး၏ လုံခြုံရေးနှင့် အနာဂတ် အလားအလာအတွက် တဖက်တလမ်းမှ တိုင်းပြည်အကျိုးအတွက်
ဝိုင်းဝန်းစဉ်းစားပေးကြပါစို့။

တိုက်ပွဲ အကြိုကာလသုံးသပ်ချက်

ပြည်သူလူထုနှင့် နိုင်ငံတကာ အသိုင်းအ၀ိုင်းဆိုင်ရာ ချဉ်းကပ်မှု

မြန်မာနိုင်ငံသားတို့သည် ဇာတိသွေးဇာတိမာန်အရ တိုင်းတပါးနှင့်စစ်မက်ဖြစ်ပွားလျှင် ငုံ့ခံနေကြမည့် သူများမဟုတ်။ ထို့အတူဘင်္ဂလားဒေ့ရှ် ပြည်သူလူထုကလည်း အလားတူပင်ဖြစ်လိမ့်မည်။ ဘင်္ဂလားဒေ့ရ်ှသည် အစ္စလာမ်နိုင်ငံဖြစ်၏။
ဘင်္ဂလားဒေ့ရ်ှနှင့်စစ်မက်ဖြစ်ပွားလျှင် ကမ္ဘာကြီး၏ သန်းထောင်ချီနေသော အစ္စလာမ် ဘာသာဝင်တို့၏ စိတ်ပိုင်းဆိုင်ရာ ၊ ငွေရေးကြေးရေးပိုင်းဆိုင်ရာ ၊ အင်အားပိုင်းဆိုင်ရာ ကူညီမှုတို့ကို ဘင်္ဂလားဒေ့ရ်ှအနေနှင့် အနည်းနှင့်အများရရှိကြမည်
ဖြစ်၏။ မိမိတို့အား မည်သူကူမည်နည်း။ ဘင်္ဂလားဒေ့ရှ် နိုင်ငံမှ အရွယ်ရောက်ပြီးသူတိုင်း ချက်ချင်း လက်နက်ကိုင်ကာ စစ်ပွဲတွင်ပါဝင်နိုင်၏။ မိမိတို့ပြည်သူလူထုအနေနှင့် စစ်ပွဲတပွဲကို ပါဝင်တိုက်ခိုက်နိုင်သည့် စစ်ပညာ ရှိပါသလား။ မျိုးချစ်စိတ်နှင့်
သတ္တိတခုတည်းက မလုံလောက် ။ စစ်ပွဲတပွဲကိုတိုက်မည်ဆိုလျှင် စစ်ပညာတတ်ထားရမည်။ အထက်အောက် အမိန့် နာခံမှုနှင့် အကောင်အထည်ဖော်မှုတို့ကို နားလည်ထားရမည်။ အဆုတ်အတက် နှင့် တိုက်ပွဲတို့တွင်ဖြစ်လေ့ရှိသော စစ်၏ သဘာဝ
ကို မည်သည့်အတိုင်းအတာအထိ နားလည်ထားသနည်း။ ရှေ့ တွင် စစ်တိုက်နေကြလျှင် နောက်တန်းတွင်ကျန်သော မိသားစုများနှင့် ပြည်သူလူထု၏ စားဝတ်နေရေး ဘ၀လုံခြုံရေးအတွက် မိမိတို့တွင် ဘာများရှိသနည်း။

တပ်မတော်ဆိုင်ရာ

မိမိတပ်မတော်၏ စိတ်ပိုင်းဆိုင်ရာအခြေအနေ သည် နိုင်ငံချင်းတိုက်သည့်စစ်ပွဲအတွက် အဆင်သင့်ဖြစ်ပါသလား။ ဘင်္ဂလားဒေ့ရှ် နိုင်ငံ၏ သမိုင်းကြောင်းအရ ဘင်္ဂလားဒေ့ရ်ှသည် နိုင်ငံသစ်တစ်ခုဖြစ်၏ နှစ်ပေါင်းလေးဆယ် သက်တန်းမရှိသေးသော
ပါကစ္စတန်မှခွဲထွက်လာသောနိုင်ငံဖြစ်၏။ ထိုသို့ခွဲထွက်စဉ်က အိန္ဒိယတပ်မတော်၏ အကူအညီဖြင့် နိုင်ငံသစ်ထူထောင်နိုင်လာခြင်းဖြစ်၏ ယခုဘင်္ဂလားဒေ့ရှ် တပ်မတော်၏ တပ်မှူးကြီးများနှင့် အငြိမ်းစားယူပြီး တပ်မှူးကြီးများသည် ပါကစ္စတန်မှခွဲ
ထွက်ရေးလှုပ်ရှားမှုတွင် အတွေ့ အကြုံရှိခဲ့သော တပ်မှူးများဖြစ်၏။ ကျနော်တို့ မြန်မာ့တပ်မတော်မှ လက်ရှိ တပ်မှူးများ တွင် အလားတူ အတွေ့ အကြုံရှိပါသလား။
မိမိတိုက်ခိုက်ရေးအင်အားနှင့်အမြဲတန်းတိုက်ခိုက်ရေးအင်အားသည် လေးသိန်းကိုးသောင်းနှစ်ထောင် ရှိ၏။ ထိုအင်အားမှ တကယ်တန်းတိုက်ပွဲဝင်နိုင်သော ထုတ်နှုတ်အင်အားဘယ်လောက်ရှိသနည်း။
မိမိလက်နက်အင်အား အရံကျည် ဆေးဝါးရိက္ခာ ငွေကြေး ဘယ်လောက်ရှိသနည်း။မိမိတပ်မတော်၏ တိုက်ရည်ခိုက်ရည် က နိုင်ငံခြင်းဖြစ်သည့်စစ်ပွဲတပွဲကို တိုက်ခိုက်နိုင်ရန် အနေအထားရှိပါသလား။
မိမိထောက်လှမ်းရေးသတင်းစုစည်းနိုင်မှု စွမ်းရည် ဘယ်လောက်ရှိသနည်း ထို စဉ်းစားချက်များအား ကြိုတင်စဉ်းစားထားဖို့ လိုအပ်ပါသည်။

စစ်မဟာဗျူဟာချဉ်းကပ်မှု


Strategic plotting တစ်ခု ဆွဲကာချည်းကပ်ကြည့်မည်ဆိုလျှင် အနည်းဆုံး ခြေမြန်တပ်မ သုံးမ နှင့်ပူးတွဲအမြှောက်တပ်များအား ဘင်္ဂလားဒေ့ရ်ှနယ်စပ်တွင်
အသင့်နေရာယူထားသင့်သည်။
ခြေလျှင်တပ်ရင်းကိုးရင်း အား ဒေသကွပ်ကဲရေးနှင့်လုံခြုံရေး အတွက် နယ်စပ်စည်းတွင် ရှေ့ ဦးတပ်မတို့၏ နောက် တွင် ချထားသင့်သည်။
ထို ခြေလျှင်တပ်ရင်းတို့နှင့်အတူ စစ်တွေ ရသေ့တောင်နှင့် မြောက်ပိုင်း ဒေသများတွင် ထောက် ပံ့ရေး စစ်ကူပေးရေး ဒေသကာကွယ်ရေးအတွက် ခြေမြန်တပ်မ လေးခု၏ စစ်ဗျူဟာ တစ်ခုချင်းမှ တိုက်ခိုက်ရေးအင်အားများကို အသင့်အနေအထား ချထားသင့်သည်။
ဝင်ရောက်တိုက်ခိုက်ရန်သင့်လျှော်သော တိုက်ပွဲတော့မဟုတ်။ မိမိနယ်မြေကာကွယ်ရေး နှင့် စိတ်ဓါတ်စစ်ဆင်ရေးအတွက် သာ ဦးစားပေး နေရာယူထားခြင်း
ဖြစ်သော်လည်း မြင့်တက်လာသော တင်းမာမှုနှင့် ရန်သူ၏ စတင်ပစ်ခတ်မှုအပေါ်မူတည်ကာ လိုအပ်လျှင် Dakhinpara, Sabrang, Teknaf , Dakshim, Nhila မှ သည် Coxs Bazar (ရန်သူ့ မြို့) အထိလှမ်းခြိမ်းခြောက်နိုင်သော အနေအထားကို ရယူထားရမည်ဖြစ်သည်။ ရေတပ်တိုက်ပွဲတွင်မိမိတို့ဖက် မှ တောင့်တင်းသောအင်အားမရှိ။ သို့သော် စစ်တွေနှင့် ပတ်ဝန်းကျင် ကမ်းရိုးတန်းကို ကာကွယ်ရန် ရေတပ် တိုက်ခိုက်ရေးသင်္ဘောများကို နေရာယူထားရမည်ဖြစ်သလို တဖက်မှ မိမိတို့၏ Radar စခန်းများ နှင့် Air Defence Systemsများကို စစ်ပွဲအဆင့် alert ပေးရမည်ဖြစ်၏။
မိမိတို့၏ လေကြောင်းကာကွယ်ရေးနှင့် တိုက်ခိုက်ရေး အုပ်စုများအား အနောက်ဖက် ကမ်းရိုးတန်းဒေသနှင့် ရခိုင်ပြည်နယ်ချင်းပြည်နယ် စပ်ကြားဒေသများသို့
Deploy လုပ်ထားရတော့မည်ဖြစ်၏။ လေကြောင်းတိုက်ခိုက်ရေး ယူနစ် လေးခုအား standby and midair အနေအထားဖြင့် နေရာယူ ကင်းလှည့် နေရတော့မည်။
ထို့ အတူ ဘင်္ဂလားဒေ့ရ်ှသည်လည်း သူ့နယ်မြေလုံခြုံရေးအတွက် သူ၏တိုက်ခိုက်ရေးတပ်များကို ဆိုင်ထားလိမ့်မည်ဖြစ်သည်။ မိမိတို့ဖက်မှလုံးဝ စတင်ပစ်ခတ်ခြင်း ပြုလုပ်ရန် နိုင်ငံတကာအနေအထားနှင့် ဒေသဆိုင်ရာ အနေအထားအရ မလုပ်သင့်။
စစ်မဟာဗျူဟာဆိုင်ရာ အဓိက အာရုံစိုက်ရာဒေသသည် အနောက်ဖက် ဘင်္ဂလားဒေ့ရှ် နယ်စပ်စည်းဖြစ်သော်လည်း တိုင်းပြည်၏ တောင်ဘက် ရေပိုင်နက် နှင့်လေကြောင်း ကာကွယ်ရေး ကိုလည်းအထူးသတိထားဆောင်ရွက်ရမည်။
အိန္ဒိယနိုင်ငံ၏ ဘင်္ဂလားဒေ့ရ်ှနိုင်ငံအပေါ် သဘောထားနှင့် မိမိတို့ နိုင်ငံအပေါ်သဘောထားကိုလည်း သိရှိပြီးဖြစ်နေသင့်သည်။ ထိုသိရှိထားချက်မှ ထပ်မံ ကောက်ချက်ဆွဲကာ လိုအပ်သည့် ကာကွယ်ရေးဒေသဆိုင်ရာ ဆုံးဖြတ်ချက်များရှိသင့်သည်။
ထို့ပြင် နိုင်ငံတကာဝင်ရောက်ဖျန်ဖြေမှုများအတွက်လည်း ကြိုတင်စဉ်းစားပြင်ဆင်သင့်၏။ စစ်ပွဲဖြစ်ခဲ့လျှင်လည်း
ကာလရှည်လျားသည့်စစ်ပွဲအဖြစ်လုံးဝအဖြစ်မခံသင့်သလို တဖက် နိုင်ငံအားလည်း ၀င်ရောက်ကျူးကျော်မှုမလုပ်သင့် ထိုကဲ့သို့လုပ်လျှင် မိမိတို့သာလျှင် ဆုံးရှုံးရလိမ့်မည်။ ယခုဖြစ်လာမည့်စစ်ပွဲသည် တရားသောစစ်ပွဲသာလျှင်ဖြစ်သင့်သည်။
ပြည်သူလူထုနှင့် အဖွဲ့ အစည်းအသီးသီး အား လိုအပ်လျှင် လက်နက်တပ်ဆင်ပေးနိုင်ရင်အဆင့်အထိ စဉ်းစားထားသင့်၏။ တဖက်မှ လက်နက် အရံကျည် ရိက္ခာနှင့် ဆေးဝါးကိစ္စသည် စစ်ပွဲတပွဲ၏ အသက်ဖြစ်သည်ကိုလည်းမမေ့သင့်။

ဒေ၀ူးကုမ္မဏီနှင့် အခြား စီးပွားရေးကုမ္မဏီများ၏ အလားအလာ

ဒေ၀ူးကုမ္မဏီအနေနှင့် ဘင်္ဂလားဒေ့ရ်ှအစိုးရအား အချိုသပ် ဆက်သွယ်ပြီးဖြစ်သည်။ ယခု အရေးအခင်း ပြီးဆုံးသွားသည့်အချိန်တွင် ဒေ၀ူးနှင့်အခြားကုမ္မဏီများသည် ဘင်္ဂလားဒေ့ရ်ှကို သော်လည်းကောင်းမြန်မာနိုင်ငံကိုလည်းကောင်းပြန်လည်ချဉ်းကပ်လာလိမ့်မည်။ ထို့နောက် ယင်းတို့၏ စီးပွားရေးအကျိုးအမြတ်အတွက် ဒေသတွင်း ဆင်းရဲသော နိုင်ငံနှစ်ခုမှ အမြတ်ထုတ်မှုကို ပြန်လည်လုပ်ဆောင်လိမ့်မည်။
ကိုကိစ္စနှင့်ပတ်သက်၍ လည်း မြန်မာစစ်ဗိုလ်ချုပ်ကြီးများသိပြီးဖြစ်သင့်သည်။

နိုင်ငံတော်အနာဂတ်ဆိုင်ရာ

ယခု အနေအထားသည် နအဖ ဗိုလ်ချုပ်များအတွက် မလိုအပ်သော စစ်ပွဲတပွဲကို အိမ်နီးချင်းနိုင်ငံနှင့် တိုက်ခိုက်ပြီး မိမိ ပြည်တွင်းရေးအကြပ်အတည်းအား ထွက်ပေါက်ရှာသည့်တိုက်ပွဲမဖြစ်သင့်။
နအဖ အနေနှင့် တဖက်က စစ်ရေးအရ နိုင်ငံတော်ကာကွယ်ရေးအတွက်ပြင်ဆင်နေသလို အခြား တဖက်မှလည်း ဒေါ်အောင်ဆန်းစုကြည်နှင့်တကွ ဖမ်းဆီးခံနိုင်ငံရေးအကျဉ်းသားအားလုံးအားလွှတ်ပေးပြီး ကေအန်ယူအပါအ၀င်ကျောင်းသားတပ်မတော်နှင့်တကွအားလုံးသောလက်နက်ကိုင်
ဒီမိုကရက်တစ်အင်အားစုများနှင့် တွေ့ ဆုံဆွေးနွေးရေးကိစ္စကို တပြိုင်နက်တည်း စေတနာမှန်မှန်ဖြင့်စတင်ဆောင်ရွက်သင့်၏။

ကျနော်တို့ နိုင်ငံသားများသည် ဆရာကြီး သခင်ကိုယ်တော်မှိုင်း စပ်ဆိုခဲ့သလို အရေးကြီးလျှင်ဖြင့် သွေးစည်းပြီး သွေးနီးရာဆိုသည့်အတိုင်း .. ကိုင်းထထကြွကြွနဲ့ဝိုင်းကြပေရော့ဆိုသည်ကို ရင်ထဲအသည်းထဲက နားလည်ထားကြသော မိသားစုဝင်များဖြစ်ကြပါသည်။
ထို့ကြောင့် ယခု ဖြစ်ပေါ်လာသော ကိစ္စရပ်အပေါ်အခြေခံကာ တဖက်မှ နိုင်ငံတော်ကာကွယ်ရေးစစ်ပွဲတပွဲအတွက် ၀ိုင်းဝန်းပြင်ဆင်ကြသလို တဖက်မှလည်း နိုင်ငံတော် ဂုဏ်သိက္ခာရှိရေး နိုင်ငံတကာအလည်တွင် မြန်မာလူမျိုးများသည် ညီညွတ် သွေးစည်းကြသလို တိုင်းပြည်၏ အခက်အခဲများတွင်လည်း မတူကွဲပြားမှုများအား နားလည်စေ့စပ် နိုင်ကာ စစ်မှန် သာယာသောဒီမိုကရေစီနိုင်ငံတော်သစ်အား ပြည်သူ ၊တပ်မတော် ၊တိုင်းရင်းသား ပြည်သူ လူထုခေါင်းဆောင်များ တစိတ်တည်းတ၀မ်းတည်း ၀ိုင်းဝန်း ဖြေရှင်းကြိုးပမ်းလျှက် သမိုင်းဆိုးသမိုင်းညစ်အား သမိုင်းသစ် ဖြစ်ရပ်သစ်များဖြင့် နောက်မျိုးဆက်၏ အနာဂတ်အတွက်နားလည်မှု အနစ်နာခံမှုများဖြင့် ၀ိုင်းဝန်းတည်ဆောက်လိုက်နိုင်ကြမည်ဆိုလျှင် ဘယ်လောက်ကျက်သရေရှိလိုက်မည်နည်း။

အောင်ချမ်း

မှတ်ချက် ။ ။ ယခု စဉ်းစားတွေးခေါ်ချက်သည် မိမိတဦးတည်း၏ စဉ်းစားတွေးခေါ်ချက်မျှသာဖြစ်သဖြင့် အားနည်းချက်များလိုအပ်ချက်များမုချရှိသည်။မြန်မာပြည်သူလူထုတိုင်းမြန်မာနိုင်ငံသားတိုင်းအမျိုးသားရေးအတွက် ၀ိုင်းဝန်းစဉ်းစား ရေးသားကာပိုမိုကောင်းမွန်သော အကြံဥာဏ်များကိုရှာဖွေ သင့်သလို နအဖ အနေဖြင့်လည်း ပေးအပ်လာသောနိုင်ငံသားတို့၏ အကြံဥာဏ်များအား ခေါင်းမာစွာ ပစ်ပါယ်ခြင်းမလုပ်သင့်။