အသွင်ကူးပြောင်းမှုကာလ တရားမျှတမှုဖော်ထုတ်ခြင်း

Transitional Justice


“အတိတ်မှာဖြစ်ခဲ့တာတွေကို ခွင့်လွတ်နားလည်လို့ ရပါတယ်။ ဒါပေမယ့် မေ့လို့မရပါဘူး။ အမှန်တရားဟာ ကာလတခုမှာ ခေါင်းငုံနေတတ်ပါတယ်။ ဒါပေမယ့် ခေါင်းမကျိုးပါဘူး။ သမိုင်းဆိုတာလည်း အချိန်တခု ယူရတတ်ပါတယ်။”


နိုင်ငံတွေ လူ့အဖွဲ့အစည်းတွေ ဒီမိုကရေစီစနစ်တရပ်ကို အသွင်ကူးပြောင်းတော့မယ်ဆိုရင် ပြီးခဲ့တဲ့ တရားမဲ့မှုတွေ လူမဆန်မှုတွေ အကြမ်းဖက်မှုတွေ - ဒါတွေကို ဘယ်လို ကိုင်တွယ်ကြမလဲဆိုတာ ရင်ဆိုင်ရပါတယ်။ ဒါဟာ ဒီမိုကရေစီစနစ်ကို အသွင်ကူးပြောင်းတဲ့ လူ့အဖွဲ့အစည်းတရပ်အတွက် စိန်ခေါ်ချက်ပါ။ ဒိမိုကရေစီအသွင်ကူးပြောင်းရေးကာလတရပ်မှာ အသွင်ကူးပြောင်းရေးအာဏာပိုင်/အစိုးရ တရပ်အနေနဲ့ နိုင်ငံရေးတည်ငြိမ်မှု တရားဥပဒေစိုးမိုးမှုနဲ့ အမျိုးသားရင်ကြားစေ့ရေးကိစ္စရပ်တွေကို အလေးပေးရပါတယ်။ အခုလို ပြီးခဲ့တဲ့လူ့အခွင့်အရေးချိုးဖောက်မှုတွေ အကြမ်းဖက်မှုတွေကို ပြန်လှည့်ကြည့်တာဟာ တည်ငြိမ်မှုနဲ့ပြန်လည်သင့်မြတ်ရေးကို ထိခိုက်စရာရှိတယ်လို့ ယူဆ စရာတော့ ရှိပါတယ်။ ဒါ့အပြင် ယခင်အုပ်ချုပ်သူဟောင်းမှာ အာဏာတစုံတရာ သြဇာတစုံတရာရှိနေတုန်းပဲဆိုရင်လည်း အာဏာသိမ်းမှုလိုမျိုး အခြားအကြမ်းဖက်မှုတွေ ထပ်ဖြစ်လာတတ်ပါတယ်။

ဒါပေမယ့်လည်း ဒီကြေကွဲစရာဖြစ်ရပ်တွေကို ပစ်ပယ်ထားဦးမယ်ဆိုရင်တော့ နောင်မှာ ဥပဒေစိုးမိုးရေးကို ထိခိုက်လာစရာရှိပါတယ်။ မတရားမှုတွေ လုပ်လို့ရတယ် - မေ့ပစ်လို့ရတဲ့ - ဖုံးကွယ်ပစ်လို့ရတယ်ဆိုတဲ့ အစဉ်အလာတရပ်ကို အဆုံးမသတ်နိုင်သရွေ့ ဥပဒေစိုးမိုးမှုကို ခြိမ်းခြောက်နေဦးမှာပါ။ ဒါ့အပြင် နစ်နာခံစားခဲ့ရသူတွေ ကျန်ရစ်သူတွေကို တစုံတရာ ကျေနပ်နိုင်တဲ့အတိုင်းအတာတခုအထိ နိုင်ငံတော်က မဖြေရှင်းပေးသရွေ့ - ဒီလူ့အဖွဲ့အစည်းအတွင်းမှာ ပြန်လည်သင့်မြတ်ရေးဆိုတာ မဖြစ်နိုင်ပါဘူး။ ဒီတော့ ပြီးခဲ့တဲ့လူ့အခွင့်အရေးချိုးဖောက်မှုတွေကို နိုင်ငံတော်က တာဝန်ယူမဖြေရှင်းပေးနိုင်သရွှေ့တော့ - လာမယ့် ဒီမိုကရေစီလူဘောင်ဟာ ခိုင်ခံမှာမဟုတ်ပါဘူး လူ့အခွင့်အရေးတွေကို အပြန်အလှန်လေးစားလိုက်နာတဲ့ လူ့ဘောင်ဖြစ်လာမှာမဟုတ်ပါဘူး။ ဒီမိုကရေစီအသွင်ကူးပြောင်းမှုမှာ တရားမျှတမှုတွေ ပြန်လည်ဖော်ထုတ်တာဟာ - ဥပဒေစိုးမိုးရေးဆောင်ရွက်ချက်ဖြစ်ပါတယ် အမျိုးသားရင်ကြားစေ့နိုင်ရေးအတွက်ဖြစ်ပါတယ် ပြဿနာကို အကြမ်းဖက်ဖြေရှင်းရင် မှန်တယ်ဆိုတဲ့ အယူအဆ နိုင်ငံရေးအစဉ်အလာကို ဖြတ်တောက်တာဖြစ်ပါတယ်၊ လူ့အခွင့်အရေးကို တန်ဖိုးထားတဲ့ အစဉ်အလာတွေ အနာဂတ်ဒီမိုကရေစီနိုင်ငံတော်မှာ ထွန်းပလာစေဖို့ဖြစ်ပါတယ်။ နောက်ပိုင်းမှာ အကြမ်းဖက်မှုတွေ လူ့အခွင့်အရေးချိုးဖောက်မှုတွေရှိလာရင် ခွင့်လွှတ်မှာမဟုတ်ဘူးဆိုတဲ့သဘောမျိုး အကာအကွယ်ယူတာလို့လည်း ပြောနိုင်ပါတယ်။

ပြီးခဲ့တာတွေကို သင်ပုန်းချေပါတယ်၊ ခွင့်လွှတ်နိုင်ပါတယ်ဆိုပါစေဦး။ မေ့လို့မရနိုင်ပါဘူး။ မေ့ဖျောက်ခံလိုက်ရတယ်ဆိုရင်တော့ ဒီလူ့အဖွဲ့အစည်းအတွင်း တပြန်လည် အကြမ်းဖက်မှုတွေ လက်စားချေမှုတွေ ရှိနေဦးမှာပါ။ ဒါတွေကို ဘယ်လိုသင်ခန်းစာထုတ်မလဲ နိဂုံးချုပ်မလဲ အဖြေထုတ်မလဲ။ တရားဥပဒေအရ နိုင်ငံရေးအရ လူ့ကျင့်ဝတ်အရ အသွင်ကူးပြောင်းရေးအစိုးရက တာဝန်ယူရပါမယ်။

တရားမျှတမှုဖော်ထုတ်ကြတဲ့နေရာမှာ နည်းနာအမျိုးမျိုးသုံးပါတယ်။ လူ့အခွင့်အရေးချိုးဖောက်သူတွေကို အရေးယူတာကနေ - အရေးယူတာမဟုတ်ပဲ လွတ်ငြိမ်းချမ်းသာခွင့်ပေးလိုက်တာအထိ ရှိပါတယ်။ လွတ်ငြိမ်းချမ်းသာခွင့် ပေးတယ်ဆိုတာကိုက အပြစ်ရှိတယ်ဆိုတာကို လူ့အဖွဲ့အစည်းက သတ်မှတ်တာပါ။ ပြီးတော့ ဖုံးကွယ်ထားခံရတဲ့ အမှန်တရားတွေ ဖော်ထုတ်တာ လုပ်ကြပါတယ်။ နစ်နာခဲ့သူတွေ ကျန်ရစ်သူတွေအတွက် ကျေနပ်လောက်တဲ့ပုံစံ နိုင်ငံတော်က စီစဉ်ပေးတာတွေရှိပါတယ်။ နိုင်ငံတော်ရဲ့ တရားစီရင်ရေးစနစ် အုပ်ချုပ်ရေးစနစ်တွေကို ပြုပြင် ပြောင်းလဲတာမျိုးတွေရှိပါတယ်။ ဒီနည်းနာပိုင်းမှာတော့ နိုင်ငံရေး ယဉ်ကျေးမှု နောက်ခံတွေ၊ လက်ရှိနိုင်ငံရေးပြောင်းလဲမှုအခြေအနေတွေနဲ့ လိုက်လျော်ညီထွေအောင် ဖန်တီးကြပါတယ်။

ယဉ်ကျေးတဲ့လူ့အဖွဲ့အစည်းတရပ် ကူးပြောင်းမှုတိုင်းမှာ အခက်အခဲရှိပါတယ် စိန်ခေါ်ချက်ရှိပါတယ် သိမ်မွေ့ပါတယ်။ ဒါပေမယ့် စိန်ခေါ်ချက်တွေကြောင့် ကြန့်ကြာမှုတွေရှိတယ်ဆိုပြီး ရှောင်သွားလို့မရပါဘူး။ ကျနော်တို့ မြန်မာ့နိုင်ငံရေးမှာလည်း တွေ့ဆုံဆွေးနွေးပြီး အသွင်ကူးပြောင်းကြမယ်ဆိုရင် တရားမျှတမှုဖော်ထုတ်ရေးဟာ မဖြစ်မနေ ပါဝင်သင့်တယ်လို့ ယူဆပါတယ်။

ဇိုးဇက်
အောက်တိုဘာ ၂၊ ၂၀၀၈။

(အသွင်ကူးပြောင်းရေးကာလ တရားမျှတမှုဖော်ထုတ်ကြတဲ့ အခြားနိုင်ငံတကာအတွေ့အကြုံတွေ၊ ဒီအတွက် မူဝါဒတွေ ဘယ်လိုချမှတ်ကြတယ်ဆိုတာနဲ့ မြန်မာနိုင်ငံနဲ့ပတ်သက်လို့ လေ့လာထားသမျှကို အလျဉ်းသင့်ရင် ရေးပါဦးမယ်။ အကြမ်းဖျဉ်းလေ့လာချင်ရင်တော့ http://www.ictj.org/en/tj/ ကို ဖတ်ပါ။)

Rest of your post