ဗီယက်နမ် သမိုင်းထဲက ကြေကွဲဖွယ် ဇာတ်လမ်းတစ်ပုဒ်

AFP, Paris
ကျော်သိင်္ခ
ဧပြီလ ၂၁ ရက်

ဗီယက်နမ် အမျိုးသားခေါင်းဆောင်ကြီး ဟိုချီမင်းရဲ့ လျှို့ဝှက် အချစ်ဇာတ်လမ်းအကြောင်းကို နာမည်ကျော် ဗီယက်နမ်လူမျိုး အတိုက်အခံ စာရေးဆရာမ တစ်ဦးက “Father of the Nation” ဆိုတဲ့ အမည်နဲ့ စာအုပ်တစ်အုပ်ကို ရေးသားထုတ်ဝေ လိုက်တယ်လို့ သိရပါတယ်။ ဗီယက်နမ် အမျိုးသားခေါင်းဆောင်ကြီး ဟိုချီမင်းဟာ သူအသက်ရဲ့ ထက်ဝက်လောက်ငယ်တဲ့ အမျိုးသမီးငယ်တစ်ဦး နဲ့ ချစ်ကြိုက်မိခဲ့ကြပြီး၊ ထိုအမျိုးသမီးငယ်ကို သူရဲ့ ကွန်မြူနစ် ရဲဘော်တွေက မုဒိန်းကျင့်ပြီး၊ သတ်ပစ်လိုက်တဲ့အကြောင်းကို ဇာတ်လမ်း ဖန်တီးပြီး ရေးထားတာ ဖြစ်ပါတယ်။

ပဲရစ်မြို့မှာ ပြုလုပ်ခဲ့တဲ့ အင်တာဗျူးတစ်ခုမှာ၊ အသက် ၆၁ နှစ်ရှိ ပြီး ဖြစ်တဲ့ ဗီယက်နမ် စာရေးဆရာမ Duong Thu Huong က ဗီယက်နမ် အာဏာရှင် အစိုးရဟာ ဗီယက်နမ် အမျိုးသားခေါင်းဆောင်ကြီး ဟိုချီမင်းရဲ့ နေ့ရက်တွေကို မှေးမှိန်အောင် ပြုလုပ်ခဲ့တယ်လို့ ဆိုပါတယ်။ စာရေးဆရာမ Duong Thu Huong ဟာ ပဲရစ်မြို့မှာ နေထိုင်နေတာဖြစ်ပြီး၊ သူမ ရေးသားတဲ့ “Father of the Nation” ကိုလည်း ပဲရစ်မြို့မှာ ယခုလအတွင်းက ထုတ်ဝေလိုက်တာ ဖြစ်ပါတယ်။ ယခင်က သူမ ရေးသားခဲ့တဲ့ “The Zenith” ဆိုတဲ့စာအုပ်မှာလည်း ဟိုချီမင်းကို သမ္မတ တစ်ယောက်အဖြစ် အသားပေး ရေးသားခဲ့ပြီး၊ ဗီယက်နမ် နိုင်ငံအတွင်းက စာအုပ်ဆိုင်တွေမှာ ရောင်းချခွင့်ကို ဗီယက်နမ် အာဏာပိုင် တွေကပိတ်ပင်ခဲ့ပါတယ်။ သို့သော်လည်း ထိုစာအုပ်ကို အင်တာနက်ပေါ်ကနေ ဖြန့်ချီနိုင်ခဲ့ပြီး တစ်ကမ္ဘာလုံးက စာဖတ်သူပေါင်း တစ်သိန်း နီးပါးလောက်ရဲ့ စိတ်ဝင်စားမှုကိုလည်း ခံခဲ့ရပါတယ်။

ဆရာမ Huong ဟာ “Father of the Nation” ကို ရေးဖို့ ဗီယက်နမ် သမ္မတ ဟိုချီမင်း ရဲ့အကြောင်းကို ၁၅ နှစ်ကြာ သုတေသန ပြုလုပ်ခဲ့ရ တယ်လို့လဲ ဆိုပါတယ်။ သူမ၏ ရေးသားချက်များအရ ဟိုချီမင်းဟာ ၁၉၅၀ ခုနှစ်မှာ အသက် ၄၀ နှစ်ရှိတဲ့ အမျိုးသမီးတစ်ဦး နှင့် ချစ်ကျွမ်းဝင် ခဲ့ကြပြီး၊ သူတို့နှစ်ဦးမှာ သားသမီး နှစ်ယောက်ထွန်းကားခဲ့ပါတယ်။ ဟိုချီမင်းကို သူ့ ပါတီ မှ လက်အောက်ငယ်သား ရဲဘော်ရဲဘက်တွေက ထိုအမျိုးသမီးကို လက်မထပ်ဖို့ တားခဲ့ပါတယ်။၊ ဟိုချီမင်း အနေနှင့် ထိုအမျိုးသမီးကို လက်ထပ်ခဲ့ပြီး ၁၉၅၇ ခုနှစ်မှာ ဟိုချီမင်းရဲ့ ဇနီးဖြစ်သူ အမျိုးသမီးဟာ လုပ်ကြံခံခဲ့ရတယ်လို့ ရေးသားထားပါတယ်။

ဆရာမ Huong က AFP ကို ပြောကြားရာမှာ “သူ့ ရဲဘော်ရဲဘက်တွေက ဟိုချီမင်းအနေနဲ့ အမျိုးသမီး တစ်ယောက်ကို လက်ထပ်လိုက်တဲ့ အခါမှာ သူ့ရဲ့ ရိုးသားတဲ့ ဂုဏ်ရည်တွေ ကို ထိခိုက်သွားမှာကို စိုးရိမ်၊ ထိတ်လန့်နေခဲ့ကြတယ်” လို့ ဆိုပါတယ်။

“အနောက်တိုင်းမှာ ဆိုရင် လူတွေက လူငယ်တွေဆိုရင် အလေးပေးကြတယ်။ ဒါပေမယ့် အာရှမှာတော့ ဒီလိုမဟုတ်ဘူး။ အသက်ကြီးတဲ့ သူတွေကို ပိုပြီး အလေးထားကြတယ်။ ဟိုချီမင်းကို သူ့ရဲဘော်တွေက ရည်းစားထားဖို့ နဲ့ အိမ်ထောင်ပြုဖို့ကို သဘောမတူကြဘူး။ သူရဲ့ စွမ်းရည်တွေ၊ သွေးသားတွေကို မိန်းမတစ်ယောက် အတွက် အဆုံးရှုံး မခံနိုင်ကြဘူးလေ” လို့လည်း ဆရာမ Huong က ပဲရစ်မြို့မှာ ပြုလုပ်တဲ့ အင်တာဗျူးမှာ AFP ကို အခုလို ပြောပြခဲ့တာ ဖြစ်ပါတယ်။

ဟိုချီမင်း ရဲ့ ချစ်သူဖြစ်တဲ့ Xuan ဟာ ရိုက်သတ်ခံခဲ့ရပြီး၊ လူသတ်သမားက သူမ၏အလောင်းကို ကားတိုက်ခံရ၍ ရုပ်ပျက်ဆင်းပျက်ဖြစ် ပြီး သေဆုံးနေသည့် ပုံစံမျိုးဖြင့် လမ်းမပေါ်တွင် သွားပစ်ထားခဲ့ပါတယ်။ ထိုဖြစ်ရပ်ကို ပါတီဝင် အထက်ပိုင်း အရာရှိများက ဗီယက်နမ် နိုင်ငံခေါင်း ဆောင်တစ်ဦး ရဲ့ ၀မ်းနည်းမှု မှတ်တမ်းပုံရိပ် တွေထဲကနေ ဖျောက်ဖျက် ပစ်ခဲ့ကြပါတယ်။ ဟိုချီမင်း ကိုယ်တိုင်ကလည်း သူ့ချစ်သူရဲ့ အလောင်းကို သာမာန် မြေတွင်းထဲမှာပင် မြှုပ်နှံခဲ့ကာ လျှို့ဝှက်ချက် တစ်ခုအဖြစ် ထိမ်းသိမ်းထားခဲ့ပါတယ်။ ဟိုချီမင်းဟာ ဗီယက်နမ် နိုင်ငံရဲ့ လွတ်လပ်ရေးနေ့ နှစ်ပတ်လည်ဖြစ်တဲ့ ၁၉၆၉ ခုနှစ် စက်တင်ဘာလ မှာ ကွယ်လွန်သွားခဲ့ပါတယ်။

ဟိုချီမင်းဟာ သူမသေခင်မှာ အသက် ၈၀ နီးပါးရှိနေပြီဖြစ်ပြီး အားနည်းကာ၊ နေထိုင်မကောင်းလည်း ဖြစ်နေခဲ့တယ် လို့ စာရေးဆရာမ Huong က သူမရဲ့ စာအုပ်မှာ ရေးသားထားပါတယ်။ သူ (ဟိုချီမင်း) ဟာ စက်တင်ဘာလ ၂ ရက်နေ့မှာ သူရဲ့ သွေးပြန်ကြောကို သူဖောက်ပြီး အဆုံးစီရင် ခဲ့ပါတယ်။ ထိုနေ့ဟာ ကျင့်ဝတ်ဖောက်ပြန်သော အာဏာရှင် အပေါ် သူရဲ့ ကျိန်စာတစ်ခု ချမှတ်တဲ့အနေ နဲ့ လုပ်လိုက်တာဖြစ်ပါ တယ်။ “ဟိုချီမင်းက သေဖို့ စက်တင်ဘာ ၂ ရက်နေ့ကို ရွေးချယ်ခဲ့ခြင်းဟာ အာဏာရှင်ကို ဖြိုဖျက် တဲ့ အနေနဲ့ ရွေးချယ်ခဲ့တယ်ဆိုတာ သူ့ရဲ့ ရာဇ၀တ်သား ရဲဘော် ရဲဘက်တွေက နားလည်ခဲ့ကြတယ်” လို့ စာရေးဆရာမက ပြောပါတယ်။ ဒါကြောင့် သူတို့နေနဲ့ သမိုင်းကြောင်းကို ဖျောက်ဖျက်တဲ့အနေနဲ့ ဟိုချီမင်း ကွယ်လွန်တဲ့ နေ့ကို စက်တင်ဘာလ ၃ ရက်နေ့အဖြစ် ပြောင်းလဲသတ်မှတ်လိုက်ကြတာ လို့လည်း သိရပါတယ်။

၂၀ ရာစုခေတ်ရဲ့ အထင်ရှားဆုံး ကွန်မြူနစ် ခေါင်းဆောင်တွေထဲက တစ်ယောက်ဖြစ်ခဲ့တဲ့ ဗီယက်နမ် အမျိုးသား ကွန်မြူနစ် ခေါင်းဆောင် ဟိုချီမင်းဟာ ဗီယက်နမ် နိုင်ငံ အမျိုးသာ လှုပ်ရှားမှုမှာ ဆယ်စုနှစ် သုံးခု နီးပါးလောက် ဦးဆောင်ပါဝင်ခဲ့သူ ဖြစ်ပါတယ်။ သူဟာ ၁၉၄၅ ခုနှစ်မှစ၍ ကွယ်လွန်သည်အထိ မြောက်ဗီယက်နမ် သမ္မတ အဖြစ် တာဝန်ထမ်းဆောင်ခဲ့သူ တစ်ဦးဖြစ်ပါတယ်။

ဗီယက်နမ် စာရေးဆရာမ Huong ဟာ ဗီယက်နမ် စစ်ပွဲမှာပါဝင်ခဲ့ပြီး ၁၉၈၀ ကွန်မြူနစ် အာဏာရှင်ကို ဆန့်ကျင်တုန်းကလည်း ပါဝင်ခဲ့ပါ တယ်။ ထို့နောက် ၁၉၉၁ ခုနှစ်မှာ သူမရေးသားတဲ့ စာပေများကြောင့် ထောင် ရှစ်လ ကျခဲ့ပါတယ်။ နောက်ဆုံး ၂၀၀၆ ခုနှစ်မှာ ဗီယက်နမ်ကို စွန့်ခွာပြီး ပဲရစ်မြို့မှာ နိုင်ငံရေး ခိုလှုံသူအနေနဲ့ အချေချခဲ့ပါတယ်။

“ကျမ ကို လူ့ချဉ်ဖတ်၊ လူ့ခွစာ တွေ နဲ့ နေခိုင်းတယ်။ ကျမ ဟာ ပါတီမှာ ကလေးတစ်ယောက်မဟုတ်ဘူး။ ကျမ ဟာ ကျမကို ပြည့်တန်ဆာ လို့ခေါ်ပြီး စော်ကားတဲ့ လူတွေရဲ့ ရန်သူဖြစ်နေပြီ” လို့ သူမက အင်တာဗျူးမှာ အခုလို ပြောသွားပါတယ်။

Huong က သူမအနေဲ့ နိုင်ငံရေးကို စိတ်မ၀င်စားသော်လည်း ဒီမိုကရေစီ လှုပ်ရှားသူတွေကို ထောက်ခံသူ ဖြစ်ပြီး၊ အင်တာနက်ကိုလည်း ဒီမိုကရေစီအတွက် လက်နက်တစ်ခုလို အသုံးချကြောင်းလည်း ပြောပါတယ်။

“လူတိုင်း အဖြစ်မှန်ကို သိကြမှာဘဲ။ လူတိုင်းရဲ့ သမိုင်းမှာ အမှားဆိုတာတော့ ရှိခဲ့ကြမှာဘဲ။ ဒါပေမယ့် ခေါင်းဆောင်ပိုင်းတွေက သူတို့ရဲ့အမှားတွေကို သူတို့ ပြန်ကြည့်ပြီး၊ ၀န်ခံဖို့ကို သူရဲဘော ကြောင်နေကြတယ်” လို့ စာရေးဆရာမ Huong က ပြောပါတယ်။ သူမရေး သားတဲ့ “The Zenith” ဆို တဲ့စာအုပ်ကို လည်း ယခုအခါမှာ အင်္ဂလိပ်ဘာသာသို့ ပြန်ဆိုပြီး ဖြစ်တဲ့အတွက် ထိုစာအုပ်ကို အမေရိကားတွင် လာမယ့်နှစ်မှာ ပုံနှိပ်ထုတ်ဝေတော့မှာ ဖြစ်တယ်လို့ သိရပါတယ်။


ဆောင်းပါးကို ဆက်လက်မျှဝေနိုင်ရန် အတွက်-




Rest of your post