မလေးရှားထောင်ထဲက ဗမာနိုင်ငံသား နှစ်ယောက် သေဆုံးမှု

ကျော်သိင်္ခ
မေလ ၂၂ ရက်

မနေ့ညက ကျနော့်မိတ်ဆွေတစ်ဦး ဖော်ဝါ့ဒ် လုပ်လိုက်သော သူမ၏ မိတ်ဆွေ မလေးရှားနိုင်ငံသားတစ်ဦး၏ စာကို သူပြောသည့်အတိုင်း ဘာသာပြန်ပြီး ဖော်ပြလိုက်ပါသည်။ Copy လုပ်ပြီး ပြန်လည် မျှဝေပေးကြပါ။

ကျွန်ုပ်တို့၏ မိတ်ဆွေများခင်ဗျား

ကျွန်ုပ်တို့ အနေဖြင့် မကြာသေးမီက လက်ပ်တိုစပီရိုးဆစ် (Leptospirosis) လို့ခေါ်တဲ့ ရောဂါတစ်မျိုးကြောင့် သေဆုံးခဲ့ရတဲ့ ဗမာလူမျိုး နှစ်ယောက် အရေးကိစ္စကို အရေးယူဆောင်ရွက်ဖို့ လိုပါသည်။ ထိုရောဂါသည် များသောအားဖြင့် ရှဥ့်၊ ကြွက်၊ ကျွဲ၊ နွား၊ ၀က်၊ မြင်း၊ ခွေး နှင့် သားရိုင်းတိရိ စ္ဆာန် စသည်တို့၏ ဆီးများရောနှောနေသော ရေများမှ တစ်ဆင့် လူအများကို ကူးစက်စေပါသည်။ မလေးရှားနိုင်ငံ၊ ပီနန် အပိုင် ဂျူရု ထောင်တွင် ဖမ်းဆီး ထိန်းသိမ်းခံနေရသော ဗမာအမျိုးသမီးငယ် နှစ်ဦးမှာ အဆိုပါရောဂါ ကူးစက်ခံခဲ့ရပြီး မကြာသေးမီ ရက်ပိုင်းအတွင်းကပင် ထောင်ထဲ၌ သေဆုံးခဲ့ရပြီဖြစ်သည်။

ကျွန်ုပ်တို့ သိထားရမည်မှာ မလေးရှား နိုင်ငံရှိ အဆိုပါထောင်များသည် ယခုအခါ Rela ဟုခေါ်သည့် တရားမ၀င်အလုပ်သမား ဖမ်းဆီးရေး လုပ်အားပေးတပ်ဖွဲ့၏ အုပ်ချုပ်မှုအောက်တွင် ရှိနေပါသည်။ ထိုထောင်များကို မလေးအစိုးရက၂၀၀၇ ခုနှစ်၊ နိုဝင်ဘာလ တွင် ပြုလုပ်သော အစည်းအဝေးအရ Rela များလက်ထဲသို့ အပ်ကာ အုပ်ချုပ်စေခဲ့ပါသည်။ ထိုဆုံးဖြတ်ချက်ကို မလေးနိုင်ငံသားတို့က ကန့်ကွက်ခဲ့ကြသည်။

ကျွန်ုပ်တို့ အဖွဲ့အစည်းများအနေဖြင့် အထက်ပါ အမှုအတွက် စုပေါင်းထုတ်ပြန်ချက် တစ်စောင် ထုတ်ပြန်ရန် ရည်ရွယ်ထားပါသည်။ ကျွန်ုပ်တို့ အနေနှင့်လည်း သင်တို့ အဖွဲ့အစည်းများ၊ အသင်းအဖွဲ့များ၊ အုပ်စုများ ကိုလည်း အဆိုပါ ထုတ်ပြန်ချက်တွင် ၀ိုင်းဝန်း လက်မှတ်ရေး ထိုး၍ မလေးနိုင်ငံ၏ ထောင်ထဲတွင် ဖမ်းဆီးထိန်းသိမ်းခံနေရသော၊ လူ့အခွင့်အရေးချိုးဖောက်ခံ ဗမာထောင်သားများအ တွက် ကူညီဆောင်ရွက်၊ ပူးပေါင်းပါဝင်စေချင်ပါသည်။ ကျွန်ုပ်တို့အနေ နှင့် ထိုထုတ်ပြန်ချက်ကို မေလ ၂၃ ရက်နေ့ (စနေနေ့) တွင် ထုတ်ပြန်ရန် ရည်ရွယ်ထားပါသည်။ ထို့ကြောင့် လက်မှတ်ရေးထိုး ပူးပေါင်းပါဝင်ကြမည့် အဖွဲ့အစည်းများအနေနှင့် ရေးထိုးထားသော လက်မှတ်များကို မေလ ၂၂ ရက်နေ့ (သောကြာနေ့) နောက်ဆုံးထား၍ ပေးပို့ကြပါရန်လည်း တိုက်တွန်းလိုက်ပါသည်။

အောက်တွင် ထုတ်ပြန်ချက်ကို ဖတ်ရှုနိုင်ပါသည်။ သင်တို့အနေဖြင့် အောက်ဖော်ပြပါ ထုတ်ပြန်ချက်ကို ပူးပေါင်းပါဝင်လက်မှတ် ရေးထိုး ရန် သဘောတူပါက Charles Hector (chef@tm.net.my) သို့မဟုတ် Bee (p_somwong@yahoo.com) သို့ ဆက်သွယ်နိုင်ပါသည်။ မရှင်းလင်းသည့်အချက်များ နှင့် သိလိုသည်များကို ဖုန်းဖြင့် မေးမြန်းလိုပါက ဖုန်းနံပါတ် +6019 237 1300 သို့ ဆက်သွယ်မေးမြန်းနိုင်ပါ သည်။


ပူးတွဲထုတ်ပြန်ချက် (ထုတ်ပြန်ရန် ရည်ရွယ်ထားသည့် ရက်စွဲ - ၂၃. ၀၅. ၂၀၀၉)

မလေးရှားနိုင်ငံ ထိန်းသိမ်းရေးစခန်းတွင် သေးဆုံးသွားခဲ့သော ဗမာလူမျိုး နှစ်ယောက် ကိစ္စ နှင့် စပ်လျဉ်း၍ “ကျန်းမာရေး စောင့်ရှောက်မှု ပျက်ကွက်ခြင်းသည် လူတစ်ဦး၏ အသက်ရှင်နေထိုင်ရန် အခွင့်အရေးကို ချိုးဖောက်ခြင်းဖြစ်ကြောင်း”

ကျွန်ုပ်တို့ အနေနှင့် အသက် ၂၆ နှစ်အရွယ် ဆာလာဟင် နှင့် ၂၁ နှစ်အရွယ် သန်ဟွိုက်ပင် ဗမာနိုင်ငံသား ရွှေ့ပြောင်းအလုပ်သမား နှစ်ဦးတို့သည် မလေးရှားနိုင်ငံ ဂျူရု လ၀က ထိန်းသိမ်းရေးစခန်းတွင် လက်ပ်တိုစပီရိုးဆစ် ရောဂါဖြင့် သေဆုံးခဲ့သည်ကို သိရှိခဲ့ပါသည်။ (မှတ်ချက်။ ။ သေဆုံးသူများ၏ နာမည် စာလုံးပေါင်း မှားပါက တောင်းပန်ပါသည် - ကျော်သိင်္ခ) ထိုရောဂါသည် များသောအားဖြင့် ရှဥ့်၊ ကြွက်၊ ကျွဲ၊ နွား၊ ၀က်၊ မြင်း၊ ခွေး နှင့် သားရိုင်းတိရိ စ္ဆာန် စသည်တို့၏ ဆီးများရောနှောနေသော ရေများမှ တစ်ဆင့် လူအများကို ကူးစက်စေသော ရောဂါဖြစ်ပါသည်။ ယခုကဲ့သို့ အဆိုပါရောဂါဖြင့် လူနှစ်ဦးသေဆုံးပြီး၊ အခြားသူများလည်း ထိုရောဂါ ကူးစက်ခံနေရသည်ကို ကြည့်ခြင်းဖြင့် မလေးရှားနိုင်ငံအတွင်းရှိ ထိန်းသိမ်းရေး စခန်းများတွင် ကျန်းမာရေးနှင့် ညီညွတ်မှုမရှိခြင်း၊ သန့်ရှင်းမှု မရှိခြင်း နှင့် ကျန်းမာရေးစောင့်ရှောက်မှု မရှိခြင်းကို ထင်ရှားစေပါသည်။

ထိုအရေး ကိစ္စကို လွန်ခဲ့သော ၂၀၀၈ ခုနှစ် ဒီဇင်ဘာလက မီဒီယာများတွင် ဖော်ပြခဲ့ပြီးဖြစ်ပါသည်။ ထိုဖော်ပြချက်တွင် မလေးရှားနိုင်ငံ လူ့အခွင့်အရေးဆိုင်ရာ မဟာမင်းကြီး ဒါတွတ် အင်န် ရှီဗာ ဆူဗရာမန်နီယန် က “မလေးရှားနိုင်ငံအတွင်းရှိ ထိန်းသိမ်းရေးစခန်းများတွင် လွန်ခဲ့သည့် ခြောက်နှစ်တာကာလအတွင်း တရားမ၀င် နိုင်ငံခြားသား တစ်ထောင့်သုံးရာခန့် သေဆုံးပြီးဖြစ်ကြောင်း” ပြောကြားခဲ့ပါသည်။ ၄င်း (အင်န်ရှီဗာ) က အဆိုပါ ထိန်းသိမ်းရေး စခန်းများတွင် သေဆုံးခဲ့သူ နိုင်ငံခြားသားများမှာ အများအားဖြင့် မလေး လ၀က ထိန်းသိမ်း ရေး စခန်းများ၊ ထောင်များ နှင့် ရဲစခန်း အချုပ်ခန်းများတွင် သေဆုံးခြင်းဖြစ်ကြောင်း၊ အဘယ်ကြောင့်ဆိုသော် အဖမ်းဆီးထိန်းသိမ်းခံရ သောသူများသည် အချိန်မီ ဆေးဝါးကုသခွင့် မရရှိသောကြောင့် သေဆုံးခဲ့ကြရခြင်းဖြစ်ကြောင်း” ဟူ၍လည်း ဖော်ပြပါရှိသည်။ ထို သတင်းကို ၂၀၀၈ ခုနှစ်၊ ဒီဇင်ဘာလ ၁၈ ရက်နေ့ မလေးနိုင်ငံထုတ် The Star သတင်းစာတွင် “1, 300 foreign detainees died due to neglect” ခေါင်းစဉ်ဖြင့် ဖော်ပြခဲ့ခြင်းဖြစ်သည်။ ယခုအခါ ဆာလာဟင် နှင့် သန်ဟွိုက်ပင် တို့သည် အလားတူဖြစ်ရပ်ဖြင့် သေဆုံးသူများတွင် နောက်ဆုံးစာရင်းဝင် သူများဖြစ်နိုင်ပါသည်။

ကျွန်ုပ်တို့အနေနှင့်လည်း ၂၀၀၉ ခုနှစ်၊ ဇန်န၀ါရီလ ၁၃ ရက်နေ့တွင် မလေးရှားနိုင်ငံ လူ့အခွင့်အရေး ကော်မရှင်က အာဆီယံ လူ့အခွင့်အရေး ကော်မရှင် (AHRC) သို့ ပြောကြားခဲ့သော “လူတစ်ဦးတစ်ယောက်အပေါ် ဆေးဝါးဆိုင်ရာ စောင့်ရှောက်ကုသပေးမှု ပျက်ကွက်ခြင်းသည် ထိုသူ၏ အသက်ရှင်ရန် အခွင့်အရေးကို ချိုးဖောက်ခြင်းဖြစ်သည်ဟု ရှုမြင်သုံးသပ်သည်” သူသော စကားအတိုင်း ဆိုချင်ပါသည်။

ယခုကဲ့သို့ ဗမာနိုင်ငံသား ရွှေ့ပြောင်းအလုပ်သမားနှစ်ဦး သေဆုံးမှုသည် ထောင်တွင်း၌ ဆေးဝါးစောင့်ရှောက်မှု ကင်းမဲ့သော ကြောင့်ဖြစ်နိုင်ပါသည်။ ထိုသေဆုံးမှုအတွက် Rela များ နှင့် မလေးရှားနိုင်ငံရှိ ထိန်းသိမ်းရေး စခန်းများတွင် ယခုလက်ရှိ တာဝန်ယူထား ကြသည့် မလေးလူဝင်မှုကြီးကြပ်ရေးအရာရှိများသည် ထိုထိန်းသိမ်းရေး စခန်းများ၌ ကျန်းမာရေးနှင့် ညီညွတ်အောင် ဆောင်ရွက်ထား ခြင်း ရှိမရှိကို သိရှိနိုင်ရန် လွတ်လပ်စွာ စုံစမ်းခွင့်ရဖို့ ကျွန်ုပ်တို့မှ တောင်းဆိုလိုက်သည်။

မလေးရှားနိုင်ငံ လူဝင်မှုကြီးကြပ်ရေးဌာန အထွေထွေညွန်ကြားရေးမှူး၏ “တစ်နိုင်ငံလုံးရှိ ထိန်းသိမ်းရေးစခန်းများတွင် သန့်ရှင်းမှု နှင့် ကျန်းမာရေးနှင့် ညီညွတ်မှု ရှိ၊ မရှိကို စစ်ဆေးရန်” ဟူသော ဆုံးဖြတ်ချက်ကို ကျွန်ုပ်တို့အနေဖြင့် အလေးအနက် တန်ဖိုးထားပါသည်။ ထိုဆုံးဖြတ်ချက်သည် ယာယီ ဆုံးဖြတ်ချက်သာမဟုတ်ဘဲ နိုင်ငံအတွင်းရှိ ထိန်းသိမ်းရေးစခန်း အားလုံး၏ အခြေအနေများကို တိုးတက်လာစေရန်၊ မလေးရှားအစိုးရက ရာသက်ပန် အားတက်သရော ပူးပေါင်းပါဝင်ဆောင်ရွက်လိမ့်မည်ဟု ကျွန်ုပ်တို့က မျှော်လင့်ပါ သည်။

ယခုလက်ရှိအချိန်တွင် ဆေးမှူးတစ်ဦးတည်း တစ်ပတ်တစ်ကြိမ် ထို ထိန်းသိမ်းရေးစခန်းများသို့ သွားရောက်ခြင်းသည် လုံလောက်မှု မရှိသည်မှာ အသေအချာပင်ဖြစ်ပါသည်။ ထိန်းသိမ်းရေး စခန်းများတွင် အနည်းဆုံး ဆေးခန်းတစ်ခု (သို့မဟုတ်) ဆေးပေးခန်း တစ်ခုကို အမြဲတမ်းထားရှိပြီး၊ ဆရာဝန်တစ်ဦး၊ ဆေးမှူးတစ်ဦးတို့ အား ထိုထိန်းသိမ်းရေးစခန်းများသို့ အနည်းဆုံးနှစ်ရက်လျှင် တစ်ကြိမ် နာရီ များစွာ (သို့မဟုတ်) နှစ်ရက်ထက်ပို၍ သွားရောက်ကုသခွင့်ကို ပေးသင့်ပါသည်။

ထိန်းသိမ်းရေးစခန်းတွင်ရှိသော ဆေးခန်း (သို့) ဆေးပေးခန်းသို့ အသစ်လာရောက် ကုသကြသော ထောင်သား လူနာများအနေနှင့်လည်း အခြားသူများကို ရောဂါကူးစက်ခြင်းမရှိမီ တီဘီ နှင့် H1N1 ကဲ့သို့ ကူးစက်တတ်သော ရောဂါပိုးများကို လွတ်လပ်စွာ စစ်ဆေးခံခွင့် လည်း ရသင့်ပါသည်။ ထို့ပြင် ထိန်းသိမ်းရေးစခန်းတွင် ထောင်သားများ၏ နေရာထိုင်ခင်း၊ အိပ်ယာ စသည့်အနေအထားများသည် ကျန်းမာရေးနှင့် ညီညွတ်မှု ရှိ၊ မရှိ၊ သန့်ရှင်းမှု ရှိမရှိကို ပြန်လည်အစီရင်ခံမည့် ကျန်းမာရေးဆိုင်ရာ အရာရှိအား ထိန်းသိမ်းရေး စခန်းသို့ ပုံမှန် လည်ပတ်ခွင့်ပေးရန်လည်း လိုအပ်ပါသည်။

အထက်ဖော်ပြပါ သေဆုံးခဲ့မှုသည် အစားအသောက်ကြောင့်လည်း ဖြစ်နိုင်ချေရှိသည့်အတွက် ထောင်တွင်းတွင် ထောင်သားများအတွက် အစားအသောက် ချက်ပြုတ်စီမံပုံများကိုလည်း အထူးသဖြင့် ကျန်းမာရေးဌာနက အစီရင်ခံရန် လိုအပ်သည်။

ထောင်တွင်း၌ သေဆုံးခဲ့သော သူများနှင့် ပက်သက်၍ တာဝန်ရှိသူများ၊ ထောင်အာဏာပိုင်များ နှင့် မလေးရှားအစိုးရတို့က ထိုသေဆုံးသူ များ၏ မိသားစုများ (၀ါ) သေဆုံးသွားသူများအပေါ် မှီခိုအားထားနေရသူများအား လုံလောက်သော လျော်ကြေးပေးသင့်သည်ဟုလည်း ကျွန်ုပ်တို့ဘက်မှ ယူဆပါသည်။

ထောင်တွင်းသေဆုံးမှုတွင် ပက်သက်နေသောအရာရှိများ နှင့် အခြားလူ ပုဂ္ဂိုလ်များအား ထိုရာဇ၀တ်မှုအတွက် အမှုဖွင့်၊ တရားစွဲဆိုသင့် ပါသည်။ ၄င်းတို့အား ထိုရာဇ၀တ်မှုအား ဖုံးဖိထားခွင့်မပေးသင့်ပါ။ ပြည်သူ့ဝန်ထမ်းများ (သို့တည်းမဟုတ်) လုပ်အားပေး Rela များ၏ တာဝန်မဲ့မှု နှင့် လူသားအချင်းချင်း အသက်ကို တန်ဖိုးမထား၊ မလေးစားခြင်း စသည့် အပြစ်များကိုလည်း ဖုံးကွယ်မပေးသင့်ပါ။

ကျွန်ုပ်တို့အနေနှင့် မလေးရှားနိုင်ငံ လူ့အခွင့်အရေး ကော်မရှင် (SUHAKAM) အား အဆိုပါ သေဆုံးမှု နှင့်ပက်သက်၍ ထိန်းသိမ်းရေး စခန်းများသို့ ချက်ချင်းသွားရောက်ပြီး စုံစမ်းစစ်ဆေးမှုများ ပြုလုပ်ပေးရန် နှင့် ထိန်းသိမ်းရေးစခန်းများအတွင်း ကျန်းမာရေး နှင့် ညီညွတ်မှု ရှိ၊ မရှိ၊ သန့်ရှင်းမှု ရှိ၊ မရှိ၊ ထိန်းသိမ်းရေးစခန်း အားလုံးတွင် ကျန်းမာရေးစောင့်ရှောက်မှု ရှိ၊ မရှိ တို့ကို စုံစမ်းပေးရန် တောင်းဆိုလိုက် သည်။

မလေးရှားနိုင်ငံ ကျန်းမာရေးဝန်ကြီးဌာန နှင့် မလေးအစိုးရ တို့ကိုလည်း အဆိုပါ ဖြစ်ရပ်မျိုး ထပ်မံ မဖြစ်စေရန်အတွက် လိုအပ်သော ဖြည့်ဆည်း ဆောင်ရွက်မှုများ ပြုလုပ်ရန်လည်း တောင်းဆိုလိုက်သည်။

လုပ်အားပေး Rela တပ်ဖွဲ့ကိုလည်း ဖျက်သိမ်းပေးရန် နှင့် ကျွန်ုပ်တို့အား တရားဥပဒေအရ သာ ပြန်လည်ဆောင်ရွက်ရန် ထပ်မံတောင်းဆို လိုက်သည်။ ထို့ပြင် ထိန်းသိမ်းရေးစခန်း များတွင် လုပ်အားပေးများကို တာဝန်ချ ခန့်အပ်ခြင်းမျိုး မဟုတ်ဘဲ၊ စနစ်တကျ လေ့ကျင့်ပေးထား သော၊ အချိန်ပြည့်တာဝန် ထမ်းဆောင်နိုင်သော ပြည်သူ့ဝန်ထမ်းများကိုသာ တာဝန်ပေးခန့်အပ်ရန်လည်း ကျွန်ုပ်တို့ဘက်မှ တောင်းဆို လိုက်သည်။

အထက်ဖော်ပြပါ ထုတ်ပြန်ချက်အား ယခုလက်ရှိ လက်မှတ်ထိုးပြီးသော အဖွဲ့အစည်းများ

Democratic Party for a New Society (DPNS), Burma
Action for Health Initiatives (ACHIEVE), Inc , Philippines
HOME , Singapore
Burma Campaign
Worker Hub for Change (WH4C)
MADPET - Malaysians against Death Penalty and Torture
Tenaganita
The Chin Human Rights Organization
St. John's Cathedral HIV Education Centre, Hong Kong
OKUP (Ovibashi Karmi Unnayan Program), Bangladesh
Women's Aid Organisation (WAO)
CDS (Community Development Services), Sri Lanka