ဘန်ကီမွန်း နဲ့ ဟယ်လာရီ ကလင်တန် တို့ ဒေါ်စုကို ချက်ချင်းလွှတ်ပေးဖို့ တောင်းဆိုထား ခြင်း ကို သုံး သပ်ချက်

ဇော်ဝင်း ( နယူးယောက်)

ဒေါ်အောင်ဆန်းစုကြည်ကို လွှတ်ပေးရင် အမေရိကန် က မြန်မာနိုင်ငံ မှာ ရင်းနှီးမြှုတ်နှံမှုလုပ်မယ် လို့ အမေရိကန် နိုင်ငံခြားရေးဝန်ကြီး ဟယ်လာရီ ကလင်တန် ကပြောပါတယ် ။ ထိုင်းနိုင်ငံ ဖူးခတ်ကျွန်းမှာ ကျင်းပတဲ့ အာဆီယံ နဲ့ ဆွေးနွေးဘက် နိုင်ငံများ အစည်းအဝေးကြီး မကျင်းပမီ တရက်မှာ မစ္စက် ကလင်တန် က ပြောခဲ့တာ ဖြစ်ပါတယ် ။

အဓိပ္ပါယ်က ဒေါ်အောင်ဆန်းစုကြည် ဟာ အမေရိကန် အပါအဝင် ကမ္ဘာ့လူသားတွေ မြန်မာနိုင်ငံသားတွေ အတွက် အရေးပါတဲ့ ပုဂ္ဂိုလ် ပါလို့ ထင်ဟပ်စေပါတယ် ။ ဒေါ်အောင်ဆန်းစုကြည် ဟာ မြန်မာပြည်သူလူထု တရပ်လုံးအတွက် နိုင်ငံရေးအဆုံးအဖြတ် ပေးနိုင်တဲ့သူ လဲ ဖြစ်ပါတယ် ။ ဥပဒေ အရပြောရင် ၁၉၉၀ ပါတီစုံ အထွေထွေ ရွေး ကောက်ပွဲအရ အနိုင်ရပါတီ ရဲ့ လွှတ်တော်ခေါ် အစိုးရ ဖွဲ့နိုင်သူ တရားဝင်နိုင်ငံ့ ခေါင်းဆောင် လဲဖြစ်တယ် ။ ဒေါ်အောင်ဆန်းစုကြည် ကို ဖုန်းကြီးတွေ စစ်သားတွေ တိုင်းရင်းသားတွေ ကျောင်းသားတွေ အလုပ်သမား လယ်သမားတွေ က ပုံပြီး ယုံ ပါတယ်။ ပြည်သူဖက်တော်သား လူထုခေါင်းဆောင် ဒေါ်အောင်ဆန်းစုကြည် ဟာ နိုင်ငံရေး သမာဓိ သီလ သိတ်ကောင်းတယ်။ ဒေါ်အောင်ဆန်းစုကြည် ဟာ ရိုးသားဖြူစင်သူဖြစ်တယ် ။ တတိုင်းပြည်လုံး အကျိုးကို သူမ အမြဲ ကြည့် တယ် ။ သူမကိုယ်ကျိုးကို လုံးဝ မကြည့်ဘူး ။ မြန်မာ့တပ်မတော် ရဲ့ ဖခင်ကြီး ဗိုလ်ချုပ် အောင်ဆန်း ရဲ့ သမီိးကောင်း တဦး အဖေ့ သမီး သိတ်ပီသတယ်။ မြန်မာနိုင်ငံရေး ငြိမ်းချမ်း စွာ ပြောင်းလဲ ဖို့ အကြမ်းမဖက် အနုနည်း လမ်းစဉ် (အကြမ်းဖက်သူတွေ ကို မေတ္တာ ထား တဲ့ ဗုဒ္ဓ လမ်းစဉ်) ကို တသက်လုံး ကိုင်စွဲသူ ပြစ်တယ် ။

စစ်အစိုးရကြောင့် မြန်မာပြည် ဟာ ရစရာမရှိအောင် စုတ်ပြတ်နေပါပြိ ။ မြန်မာပြည်သူလူထု တွေ လဲ နေ့တဒူဝ စိတ်ဆင်းရဲ ကိုယ်ဆင်းရဲ ခံစားနေကြရတယ် ။ ကမ္ဘာကလဲ မြန်မာနိုင်ငံ ပြောင်းလဲရေး ကို မြင်ချင်နေပါပီ ။

သန်းရွှေ ဆီက ဘာမှတော့မရလာဘူး - ဒါပေမဲ့ သန်းရွှေ ဘာလုပ်ရမလဲဆိုတာကိုတော့ ကျနော် ပြောခဲ့တယ်။

မြန်မာနိုင်ငံ ကို စီးပွါးရေး ပိတ်ဆို့ တာ ဒေါ်စု ကြောင့် မဟုတ်ပါဘူး ။ အမျိုးသားဒီမိုကရေစီ အဖွဲ့ချုပ် ကြောင့် မဟုတ်ပါဘူး ။ ဘိုချုပ်သန်းရွှေ နဲ့ စစ်အာဏာရှင် တစု ရဲ့ မတော်မတ္တရား လူမိုက်ဆန်ဆန် ငါတကော ကောကြလို့ ကမ္ဘာက မြန်မာ့အရေး ကို သူတို့ ပါလီမန် ထဲ ထည့်ဆွေးနွေးတာ ဥပဒေ ပြု ပြိး တားမြစ်တာ လုပ်လာရတာပါ ။

အမေရိကန် စီးပွါးရေး ပိတ်ဆို့ မှူဟာ ၁၉၉၇ ခုနှစ် မေ လ ၂၀ ရက် မှာ သမ္မတကြီး ကလင်တန် က စတင် လက် မှတ်ထိုးတားမြစ် ခဲ့ပါတယ် ။ သမ္မတကြီး ကလင်တန် စီးပွါးရေး ပိတ်ဆို့တာ ရင်းနှီးမြှုတ်နှံ မှု အသစ်တွေကိုပဲ ထပ်မလုပ်ဖို့ ပဲ တားမြစ်ခဲ့တာပါ ၊ဒီမှာကြည့် နိင်ပါတယ်။ ( http://en.wikisource.org/wiki/Executive_Order_13047 ။ ) အဲဒီတုန်းက ဘာလို့ ပိက်ဆို့ ခဲ့ရသလဲ ဆိုတော့ မြန်မာ့ဒီမိုကရေစီရေး လှုပ်ရှားသူတွေ ကို စစ်အစိုးရက ဖမ်းဆီးထောင်ချခဲ့လို့ ပါလို့ အိမ်ဖြူတော် ရဲ့ ကြေငြာချက် မှာ အတိအလင်း ဖော်ပြပါရှိပါတယ် ။

အမေရိကန် စီးပွါးရေး ပိတ်ဆို့ မှူ အပြည့်အစုံ အရေးယူ ခဲ့ရတာကတော့ သမ္မတကြီး ဂျော့ရှ် ဘုရှ် က လက် မှတ်ထိုးတားမြစ် ခဲ့ပါတယ် ။ ၂၀၀၃ ခုနှစ် ဂျွန်လ ၄ ရက်မှာ ရေးထိုး ခဲ့တာပါ ။ မြန်မာ့လွတ်မြောက်ရေး နဲ့ ဒီမိုကရေစီ ဥပဒေ ၂၀၀၃ ( ကြည့် - http://www.theorator.com/bills108/hr2330.html ) လို့ ခေါ်ဆိုပါတယ် ။ အရေးယူ ခဲ့ရ တဲ့ အဓိက အကြောင်းရင်း ကတော့ ဒေါ်အောင်ဆန်းစုကြည်ကို သန်းရွှေ စိုးဝင်း တို့ အထက် မြန်မာပြည် ဒီပဲယင်းမြို့ အနိး ကျည်ရွာ မှာ လုပ်ကြံသတ်ဖြတ် ခဲ့ တဲ့ အရေးအခင်း ဖြစ်စဉ်ပါ ။ ဒေါ်အောင်ဆန်းစုကြည် ကံကောင်းလို့ မသေခဲ့တာ ဖြစ်ပါတယ် ။ နှစ်ထောင့်သုံး ဒီပဲယင်း မှာ စစ်အစိုးရက အတိုက်အခံ ဒီမိုကရေစီ လိုလားသူတွေ သေကျေကြရာမှာ ဒေါ်အောင်ဆန်းစုကြည် နဲ့ ဗိုလ်ချုပ်ကြီးသူရ ဦးတင်ဦး တို့က မျက်မြင်သက်သေ တွေ လဲ ဖြစ်ပါတယ်။ အကြမ်းဖက်လုပ်ကြံသူ အမိန့်ပေးသူဟာ သန်းရွှေ ဖြစ်ပါတယ် ။ အကြမ်းဖက်လုပ်ကြံသူ တရားခံ သန်းရွှေက ထောင်မကျဘဲ လုပ်ကြံခံရသူ တရားလိုက နှစ်ထောင့်သုံး က နေ နှစ်ထောင့်ကိုး အထိ နေအိမ်အကျယ်ချုပ် အပြစ်ပေးခံခဲ့ရ ပါတယ်။ နှစ်ပြည့်ပြန်တော့ မဖိတ်ထားတဲ့အိမ်ထဲ ခိုးဝင်တဲ ဧည့်သည်ရက်တော သူမအိမ် လာလယ် မှုက အိမ်ရှင် ဒေါ်အောင်ဆန်းစုကြည်ကို ထောင်ထဲ ပို့ ထား ခဲ့ပါတယ် ။ ဒေါ်အောင်ဆန်းစုကြည် က ထောင်မချ ခံရသေး ဘဲ ထောင်ကျခံ နေရပါပြီ။

ဥပဒေမဲ့ ပေါက်တတ်ကရ လုပ်လေ့ ရှိတဲ့ သန်းရွှေ က တရားဥပဒေ စကား သိတ်ပြောလေ့ရှိပါတယ်။ ကမ္ဘာ့ကုလသမဂ္ဂ အထွေထွေ အတွင်းရေးမှုးချုပ် မစ္စတာ ဘန်ကီမွန်း က ပြီးခဲ့တဲ့ ရက်က မြန်မာပြည် လာပြီး သန်းရွှေ ကို တွေ့ဆုံ ခဲ့ပါတယ် ။ ထောင်ထဲပို့ခံနေရသူ ဒေါ်အောင်ဆန်းစုကြည်ကို သူတွေ့ပါရစေ အရေးကြီးပါတယ် လို့ လူချင်း နှစ်ကြိမ် တွေ့ ပြီး တောင်းဆိုတာ ကို သန်းရွှေ ငြင်း ပုံက " ဒေါ်အောင်ဆန်းစုကြည် က တရားဥပဒေ ရင်ဆိုင် နေရလို့ တွေ့ခွင့်မပြုနိုင်ပါ" တဲ့ ဗျာ။ မစ္စတာ ဘန်ကီမွန်း ကတော့ သူ သန်းရွှေ ဆီ က ဘာမှ ရ လာတာ မဟုတ်ဘဲ သန်းရွှေ ဘာတွေ လုပ်ရမယ်ဆိုတာ ကို သူချန်ထားရစ်ခဲ့ တယ် ဆိုပြီး ကမ္ဘာ့ကုလသမဂ္ဂ အထွေထွေ အတွင်းရေးမှုးချုပ် မစ္စတာ ဘန်ကီမွန်း က ကမ္ဘာ့ကုလသမဂ္ဂ လုံခြုံရေးကောင်စီ ကို အစီရင်ခံ တင်ပြခဲ့ပြီး သန်းရွှေ ကို သတိပေးခဲ့ ပါပြီ။

မစ္စက် ကလင်တန် က သူမ ပြောတာဟာ မြန်မာခေါင်းဆောင် သန်းရွှေ အတွက် အခွင့်အရေး တရပ် လို့ ဆိုပါတယ် ။ အခွင့်အရေးအားလုံးဟာ သန်းရွှေ အပေါ်မှာ မူတည် ပါတယ်လို့ မစ္စက် ကလင်တန် က ဗြောင်ပြောပီး ဒေါ်အောင်ဆန်းစုကြည် ကို ချက်ချင်းလွှတ်ပေးဖို့ တောင်းဆိုထားပါတယ် ။

ဘယ်သူသေသေ ငတေမာရင်ပြီးရော ဗိုလ်ချုပ်များ

ဟယ်လာရီပြောတဲ့ ဒေါ်အောင်ဆန်းစုကြည် ကို လွှတ်ပေးရင် အမေရိကန် စိးပွါးရေးပိတ်ဆို့မှု ရုတ်သိမ်းပေးမယ် နဲ့ ဒေါ်အောင်ဆန်းစုကြည် လွတ်မြောက်ရေး ကမ္ဘာ့ကုလသမဂ္ဂ ကြီး ကကြိုးပမ်းတောင်းဆိုမှု တွေဟာ နအဖ စစ်အာဏာပိုင် ဘိုချုပ်သန်းရွှေ ရဲ့ ဆုံးဖြတ်ချက်အပေါ် လုံးလုံး မူတည်နေပါတယ် ။ ဒေါ်အောင်ဆန်းစုကြည် လွတ်မြောက်ရေး ဟာ မြန်မာပြည်လွတ်မြောက်ရေး နိုင်ငံရေးအကျဉ်းသားများ လွတ်မြောက်ရေး ဖက်ဒရယ်ပြည်ထောင်စုတည်ဆောက်ရေး တွေအားလုံးနဲ့ပါဆက်စပ် နေပါကြောင်း သုံးသပ်မိပါတယ်။


ဇော်ဝင်း (နယူးယောက်)