သေနတ်သံကြားတိုင်း အသက်စွန့်သွားတဲ့ ညီအစ်ကိုမောင်နှမတွေအတွက် တသက်ကမ္ဘာမကြေ

မောင်ကျောင်းသား

ကြားလိုက်ရပြန်ပြီ ...။ ပစ်သတ်လိုက်ကြပြန်ပြီတဲ့ ...။ ပဲခူးမှာ စစ်တပ်က ပစ်သတ်လို့ အပြစ်မဲ့ ကျောင်းသားလူ ငယ်နှစ်ယောက် သေဆုံးရပြန်ပြီတဲ့ ...။ အကြောင်းအရာ အပြည့်အစုံ မဖတ်ရခင် သတင်းခေါင်းစဉ်မှာတင် တောက်ခေါက်၊ အသားတဆတ်ဆတ် တုန်နေအောင် ဒေါသထွက်ခံစားလိုက်ရပါတယ်။ နိုင်နေတယ်ဆိုပြီး ထင်တိုင်းကြဲနေလိုက်တာကွာ။ စစ်အာဏာရှင်တွေရဲ့အောက်မှာ ငါတို့ပြည်သူတွေ ကျောင်းသားတွေရဲ့ အ သက်ဟာ တိရိစ္ဆာန်တွေလောက်မှ တန်ဘိုးမရှိတော့ဘူးလား။ ဥပဒေမဲ့ သတ်ချင်တိုင်းသတ်နေတာကို ငါတို့ ကျောင်းသားလူငယ်တွေ ဒီလိုပဲ ငြိမ်ခံနေကြတော့မှာလား ...။

ဖြစ်စဉ်က ၄-၉-၂၀၁၀ ရက် စနေနေ့ည (၁၂) နာရီလောက်မှာ ...။ ပဲခူးမြို့လယ်ခေါင် ဇိုင်းဂနိုင်းတောင်ပိုင်းမှာရှိ တဲ့ “ကယ်လီဖိုးနီးယား” ကာရာအိုကေဆိုင်ကနေ မူးပြီး ထွက်လာတဲ့ ခလရ-၅၉ (ပဲခူးဘူတာ လုံခြုံရေးယူထား တဲ့ နယ်မြေခံတပ်) က အရာရှိနှစ်ယောက် ငှားစီးတဲ့ ဆိုင်ကယ်နဲ့ ကျောင်းသားလူငယ်ငါးယောက် စီးလာတဲ့ သုံးဘီးဆိုင်ကယ် (ပဲခူးအခေါ် တုတ်တုတ်) ချိတ်မိ၊ စကားများရန်ဖြစ်ကြရာက စစ်ဗိုလ်နှစ်ယောက်က ပါလာ တဲ့ စကားပြောစက်နဲ့ သိပ်မဝေးတဲ့ တပ်အထိုင်ရှိရာ ပဲခူးဘူတာက စစ်သားတွေကို လှမ်းခေါ်လိုက်ပြီး ချက်ချင်း လိုရောက်လာချိန်မှာ ပစ်မိန့်ပေးခဲ့လို့ စစ်သားတွေက အချက်ပေါင်းများစွာ ပစ်ခတ်ရာက လက်နက်မဲ့ ကျောင်း သားလူငယ်နှစ်ယောက်ဖြစ်တဲ့ မောင်စိုးပိုင်ဇော် (၁၉) နှစ်နဲ့ မောင်အောင်သူဟိန်း (၂၃)နှစ် တို့ ပွဲချင်းပြီး သေ ဆုံးခဲ့ရပါတယ်။

ပဲခူးမြို့၊ ဇိုင်းဂနိုင်း (တောင်) ရပ်ကွက်၊ မင်္ဂလာလမ်း၊ အိမ်အမှတ် (၂၀၀) နေ အဘ ဦးမြတ်သူရဲ့သား မောင် အောင်သူဟိန်းက (၆) ချက်ထိမှန်ပြီး ဇိုင်းဂနိုင်း (တောင်) ရပ်ကွက်၊ မြလမ်း၊ အိမ်အမှတ် (၁၇၇) နေ အဘ ဦး ဟုတ်ကြည်ရဲ့သား မောင်စိုးပိုင်ဇော်က (၄) ချက် ထိမှန်ခဲ့ပါတယ်။ မြလမ်းထိပ်မှာပဲ ပစ်ခတ်မှုဖြစ်တာဖြစ်ပြီး သွေးသံတရဲရဲ လမ်းမပေါ်လဲကျသွားကြချိန်မှာ စစ်သားတယောက်က“ စစ်တပ်ကို စမ်းချင်တဲ့ကောင် စမ်း၊ သေ ချင်းဆိုးနဲ့ သေသွားမယ်” လို့ ကြိမ်းမောင်းအော်ဟစ်ပါတယ်။ ရဲတွေ ရောက်လာချိန်မှာ စစ်တပ်က ရှောင်ထွက် သွားပြီး ဘယ်သူမှ ထွက်ကြည့်လို့မရအောင် ရဲတွေက ပိတ်ဆို့ပေးထားပါတယ်။ အလောင်းကို ဆေးရုံသယ် တာတောင် ကောင်းကောင်းမွန်မွန် ဆေးရုံကားနဲ့ မသယ်ဘဲ ဆိုက္ကားနဲ့ ဖြစ်သလိုသယ်ခဲ့ပါတယ်။

၅-၉-၂၀၁၀ နေ့မှာ ချက်ချင်း အသုဘစီစဉ်ဖို့ အာဏာပိုင်တွေက ဖိအားပေးခဲ့ပါတယ်။ မိဘတွေ အဝေးရောက် နေလို့ ပြန်လာချိန်ရအောင် စောင့်ခွင့်ပေးပါ။ အိမ်ပြန်သယ်ခွင့်ပေးပါလို့ သက်ဆိုင်ရာ မိသားစုဝင်တွေက အာ ဏာပိုင်အဆင့်ဆင့်ဆီ ခွင့်တောင်းခဲ့ပေမယ့် (မတရား သတ်ဖြတ်မှုကို ဖုံးကွယ်ချင်တဲ့ အာဏာပိုင်တွေရဲ့ ထုံးစံ အတိုင်း) အလောင်းကို အိမ်ပြန်သယ်ခွင့်မပြုခဲ့ပါဘူး။ ပဲခူးတမြို့လုံး အုတ်အော်သောင်းနင်းဖြစ်ပြီး ထောင်ဂ ဏန်းရှိမယ့် လူထုက ပဲခူးဆေးရုံ ရင်ခွဲရုံကို သတင်းစုံစမ်း သွားရောက်လေ့လာကြပေမယ့် ရဲလုံခြုံရေးအများ အပြားနဲ့ အရပ်ဝတ် ထောက်လှမ်းရေးတွေက တားဆီးပိတ်ပင်ခဲ့ပါတယ်တဲ့။

သတင်းအပြည့်အစုံ ဖတ်ပြီးချိန်မှာ သေဆုံးသူတွေရဲ့မိသားစုတွေနဲ့ ထပ်တူကြေကွဲစိတ်မကောင်းဖြစ်စိတ်၊ နာ ကျည်းခံပြင်းစိတ်တွေကြောင့် ဒင်းတို့ကို နိုင်အောင်ပြန်မတိုက်နိုင်သေးတဲ့ အခြေအနေကိုပဲ တနုံ့နုံ့တွေး အားမ လိုအားမရ ဖြစ်နေမိပါတယ်။ စစ်အာဏာရှင်တွေရဲ့ ဒီ့ထက်ဆိုးတဲ့ လုပ်ရပ်တွေနဲ့ ဖြစ်စဉ်တွေကို အခါခါမြင်ဖူး ကိုယ်တိုင်လည်း ခံစားဖူးပါရဲ့။ ဟောဒီနှလုံးသားက ထုံကျင်အသားကျမနေဘူး၊ ကြားလိုက်ရတိုင်း နာတယ်၊ မြင်လိုက်ရတိုင်း နာတယ်၊ တွေးမိတိုင်းလည်း နာတယ်ဗျာ။

ရပ်ရွာအေးချမ်းသာယာရေးနဲ့ တရားဥပဒေစိုးမိုးရေး ၊ ပြည်သူတွေရဲ့ အသက်အိုးအိမ်စည်းစိမ် တည်တံ့ခိုင်မြဲ ရေးဆိုတဲ့ သတင်းစာတွေ တီဗွီဖန်သားပြင်တွေပေါ်က ဟန်ဆောင်ပန်ဆောင် ပြောပြောနေတဲ့ စကားတွေ ဘယ်မှာလဲ။ ဒါလား တရားဥပဒေစိုးမိုးတာ၊ ဒါလား ပြည်သူတွေကို ကာကွယ်စောင့်ရှောက်တာ၊ ဆင်းရဲမွဲတေ မှုတွေကြောင့် မလူးသာမလွန့်သာတဲ့ ပြည်သူတွေကို ပိပြားနေအောင် နင်းဖိထားပြီး အများပြည်သူ မမြင်ကွယ် ရာ ကျေးလက်တောရွာတွေမှာ ထင်သလို လုယက်၊ မုဒိန်းကျင့်၊ လူသတ် လုပ်နေတဲ့ စရိုက်တွေ ခုလို မြို့ပြပေါ် ထိ ပြောင်ပြောင်တင်းတင်း အတင့်ရဲကျူးလွန်လာတာ တုန့်ပြန်မှုမရှိ ငြိမ်ခံနေကြရင်တော့ ရုပ်ရှင်တွေ၊ ဗွီဒီယို တွေထဲ တွေ့ဖူးတဲ့ ဖက်စစ်ခေတ်ဂျပန်တွေထက် ဆိုးလာတော့မယ်။

“စစ်တပ်ဆိုတာ လက်နက်အားကိုး တန်ခိုးပြဖို့ မဟုတ်ဘူး။ စစ်တပ်က ပြည်သူတွေကို လက်နက်နဲ့ အနိုင်ကျင့် ဖိနှိပ်ဖို့မဟုတ်ဘူး။ စစ်တပ်ဟာ ပြည်သူရဲ့အစေခံပဲ ဖြစ်ရမယ်။ ပြည်သူဟာ စစ်တပ်ရဲ့အစေခံ ဘယ်တော့မှ မ ဖြစ်ရဘူး ” လို့ ပြောခဲ့တဲ့ ဗိုလ်ချုပ်အောင်ဆန်းသာ သက်ရှိထင်ရှားရှိလို့ စစ်တပ်ရဲ့ ဒီလိုရက်စက်ယုတ်မာမှုတွေ ကိုသာသိရင် ဆရာတင် ခေါ်လာခဲ့တဲ့ ဂျပန်ကို ပြန်ချသလို သူ တည်ထောင်ခဲ့တဲ့ စစ်တပ်ကို “ရရာလက်နက်နဲ့ ပြန်ချကြတော့” လို့ ပြည်သူကို နှိုးဆော်ပြီး သူကိုယ်တိုင် တော်လှန်စစ်ကို ဦးဆောင်ဆင်နွှဲမယ်ထင်ပါရဲ့။

“ညီအကိုတို့၊ ပေတရာပေါ်မှာ စီးတဲ့သွေးတွေ မခြောက်သေးဘူး၊ မတွေဝေနဲ့” တဲ့။ ဒီလောက်ထပ်ထပ် သတ် ပြီး သွေးဟောင်းတို့ စွန်းခဲ့တဲ့ မြေပေါ် သွေးသစ်တွေ အကြိမ်ကြိမ် စီးနေတာ အပြစ်မဲ့ ကျောင်းသားလူငယ်တွေ ခုလို ရက်ရက်စက်စက် အသတ်ခံရမှုမျိုးကို မကြုံဖူးမခံစားဖူးလို့ ကိုယ်ချင်းမစာနိုင်သေးတဲ့ ညီငယ်တွေလည်း သတိမူစဉ်းစားကြဖို့လိုပါပြီ။

၁၉၈၈ ကျနော်တို့ခေတ်ကတော့ လက်သဲဆိတ်ခံရချိန်မှာ လက်ထိပ်သာမက ရင်ထဲအသဲထဲ သွေးသားထဲက ပါ နာခဲ့ကြလို့ ကျနော်တို့ အောင်မြင်မှု တစုံတစ်ရာ ရရှိသည်အထိ တိုက်ပွဲဝင်ရဲခဲ့ကြတယ်။ ကိုဖုန်းမော်နဲ့ ကိုစိုး နိုင်တို့ ရန်ကုန်စက်မှုတက္ကသိုလ်ဝန်းထဲမှာ ခုလို ရက်ရက်စက်စက် ပစ်သတ်ခံခဲ့ရမှုကနေ ကျောင်းသားသပိတ်၊ နောက်ဆုံးလူထုအုံကြွမှုကြီး ဆက်ဖြစ်ပြီး စိန်လွင်လို စစ်ခေါင်းဆောင် အစိုးရတွေနဲ့ နေ၀င်းရဲ့ တပါတီအာဏာ ရှင်စနစ်ကို ဖြုတ်ချနိုင်ခဲ့တယ်။

ဒါပေမယ့် ကျနော်တို့ တာဝန်မကျေခဲ့ပါဘူး။ ကျနော်တို့ မြင်ခဲ့ မီခဲ့တဲ့ ကိုဖုန်းမော်၊ ကိုစိုးနိုင်ကစလို့ ၁၉၈၈ မတ် လမှာ အသတ်ခံခဲ့ရတဲ့ ကျောင်းသားတွေ၊ ၁၉၈၈ ဇွန်လမှာ အသတ်ခံခဲ့ရတဲ့ ကျောင်းသားတွေ၊ ရှစ်လေးလုံးအ ရေးတော်ပုံကြီးမှာ အသတ်ခံခဲ့ရတဲ့ ကျောင်းသားလူငယ်တွေ၊ ပြည်သူတွေ၊ ဒီပဲရင်းမှာ မတရား ရိုက်သတ်ခံရ တဲ့ ကျောင်းသားလူငယ်တွေ၊ ၂၀၀၇ စက်တင်ဘာမှာ ပစ်သတ်ခံရတဲ့ သံဃာတော်တွေ၊ ကျောင်းသားလူငယ် တွေ၊ တောထဲတောင်ထဲမှာ ကျဆုံးသေဆုံးခဲ့တဲ့ ကျောင်းသားတွေ၊ အကျဉ်းထောင်တွေထဲမှာ သေဆုံးခဲ့ရသူ တွေအတွက် ကျနော်တို့ တာဝန်မကျေသေးပါဘူး။ သူတို့သေဆုံးခဲ့ရမှုတွေအတွက် တရားမျှတမှုကို မဖြစ်စေ သေးသမျှ ကျနော်တို့ တာဝန်ကျေပြီ မခေါ်နိုင်ပါဘူး။ ဒီအတွက် ကျနော်တို့ ဆက်လက်တိုက်ပွဲဝင်နေရဦးမှာပါ။

စစ်အာဏာရှင်သက်သာရှည်ခဲ့ပြီ၊ အနိဌာရုံတွေ များပြီ၊ လူပုံအလယ် ရက်ရက်စက်စက် ပစ်သတ်တာမျိုး ကြောင့်မဟုတ်ဘဲလည်း စစ်အာဏာရှင်တွေကြောင့် နေ့စဉ်လူတွေသေနေကြပါတယ်။ ဆင်းရဲမွဲတေမှုကြောင့် အဟာရချို့တဲ့၊ နောက်ဆက်တွဲ ရောဂါဘယထူပြော၊ ဆေးကုသစရိတ် မတတ်နိုင်တော့ ရောဂါက နိုင်သွားပြီး တဖြည်းဖြည်း သေ၊ အဲလိုပြည်သူတွေလည်း အသတ်ခံလိုက်ရတာပါပဲ။ ကလေးမီးမဖွားနိုင်လို့ သေတယ်၊ မြွေ ဆိပ်မိလို့ သေတယ်၊ ဆေးရုံကို အချိန်မီ မရောက်လို့သေတယ်၊ ဆေးရုံမှာ ဆေးမရှိလို့ သေတယ်၊ ဆေးရုံဆေး ခန်းမရှိလို့ သေတယ်၊ ဆရာဝန်မရှိလို့ သေတယ်။ ၀ဋ်ကြွေးမဟုတ်ဘူး၊ ကံကြမ္မာမဟုတ်ဘူး၊ ပြည်သူတွေ ဘာ ဖြစ်နေနေ ငတေမာပြီးရော ကိုယ်ကျိုးရှာနေတဲ့ စစ်ဗိုလ်ချုပ်တွေ သတ်တာ ...။

နာတယ်..။ လက်ထိပ်ကတင်မဟုတ်ဘူး၊ ရင်ထဲ အသည်းထဲ သွေးသားထဲကပါ နာတယ်။ ခုလို ရက်ရက်စက် စက် ပစ်သတ်ခံရတာမျိုး ပိုနာတယ်။ မကြေ ... ဘယ်တော့မှမကြေ ... တသက်ကမ္ဘာမကြေ ...။ ။

စစ်အာဏာရှင်စနစ်ကျဆုံးသည်ထိ ...
မောင်ကျောင်းသား