စက်တင်ဘာ၂၁ရက် ၊ စိုင်းဗေဒါ
ယနေ့ညနေ ၆နာရီ ၁၅မိနစ်အချိန်တွင် ယခင် DKBAတပ်ရင်း ၉၀၁မှဗိုလ်ကြီးစောကျော်သက် ခေါင်း ဆောင်သော မောင်းပြန်လက်နက်မျိုးစုံကိုင်ဆောင်ထားသော အင်အား၂၀ခန့်ပါအဖွဲ့သည် မြ၀တီမြို့ နယ်ရဲ စခန်းအား ၀ိုင်းခဲ့ကြောင်း မြ၀တီမြို့ခံများပြောပြချက်အရသတင်းရရှိပါသည်။
နောက်နေ့ ၂၀ ရက်တွင် စစ်ဗိုလ်ချုပ်သားသမီးတို့သက်ဆိုင်သော ကား အချို့၊နယ်ခြားစောင့်တပ် အသွင် ပြောင်း တပ်ပြောင်းကားအချို့ကို ပြန် လွတ်ပေးခဲ့ပြီး မြ၀တီဗျူဟာတပ်ရင်းတွင် ကားမျိုးစုံ ( ၄၇)ကျန်သေး ကြောင်းတပ်ကြပ်ကြီးတဦးကပြောပြပါသည်။
အဆိုပါဖြစ်ရပ်သို့ မြ၀တီစစ်ဗျူဟာမှုးနှင့်အဖွဲ့ရောက်လာပြီး ဖမ်းဆီးသောကားများနှင့်ပါတ်သက်ပြီး ရဲများနှင့် မသက်ဆိုင် ကြောင်း။ ဖမ်းဆီးသူများမှာ စအဖနှင့် စစ်ဗျူဟာမှဖြစ်သောကြောင့် ရှင်းလိုလျင် ဗျူဟာရုံးတွင် လာရှင်းနိုင်ကြောင်းပြောသဖြင့်ဝိုင်းထားသူများပြန်သွားပြီး ည ၁နာရီခန့်တွင် ကား ၁၈စီး ပြန်လည် အပ်နှံ လိုက်ကြောင်းသိရှိရသည်။
ထိုင်း၊မြန်မာချစ်ကြည်ရေး တံတားအပါအ၀င် ဂိတ်များပိတ်ထားသော်လည်း ထိုင်းဘက်ကမ်းမှ တန်ဖိုးမြင့် ကားတင်သွင်းမှုများမှာ ဂိတ်အချို့တွင် ညပိုင်းပြုလုပ်လျက်ရှိကြောင်းသတင်းရရှိပါသည်။
ဗိုလ်ကြီးကျော်နိုင်ဦးသည် တံတာကျိုးဂိတ်တွင် တာဝန်ကျအရာရှိတဦးဖြစ်ပြီး တရားမ၀င်ကားများ၊တရားမ ၀င်ကုန်များ တင်ဆောင်သောကားများကို ငွေတောင်းကြမ်းသူဟုနာမည် ကျော်တဦးဖြစ်သည်။ ငွေပေးလျင် ကြိုက်တဲ့ကုန်သယ်လို့ရကြောင်းစီးပွားရေးသမားကပြောပြပါသည်။
အဆိုပါသတင်းနှင့် ပတ်သက်၍ မြ၀တီရဲစခန်းအား ဆက်သွယ်မေးမြန်းခဲ့ရာ မည်သည့်အကြောင်းမှ ပြန် လည်ဖြေကြားခြင်း မရှိခဲ့ပေ။
ဗိုလ်ကြီးကျော်နိုင်ဦးမှာငွေမပေးနိုင်သောတနိုင် တပိုင်ခရီးသွားများနှင့် ကုန်သည် တချို့ကိုဖမ်းဆီးသောကြောင့်ခရီး သွားကားများမှာတံတား ကျိုးဂိတ်တွင် အချိန်ကြန့်ကြာပြီးဒုက္ခရောက်ကြောင်းသိရသည်။
အဆိုပါ၁၉ရက်နေ့ ဖမ်းဆီးမှုမှာ နေပြည်အထူးတပ်ဖွဲ့မှ လိုင်စင်မဲ့ကား ၀င်ရောက်မှု နှင့် လူ မှောင်ခိုကုန်ကူးမှု များကိုနှိမ်နှင်းရန် ရောက်ရှိနေမှု ကြောင့် ဖမ်းဆီးခြင်း ဖြစ်ကြောင်းဖြစ်ကြောင်းသိရသည်။
No comments :
Post a Comment