အန္တရယ်များလွန်းတဲအလုပ်

သေချင်ရင်စိန် မစားနဲ့  မြန်မာပြည်မှာ လေယျဉ်မောင်း ပါ။ လေယျဉ်မယ်လုပ်ပါလို့ ပြောရမလိုဖြစ်နေပြီ။

မြန်မာ ပြည်မှာလေယျဉ်မောင်းနေသူတွေ၊လေယျဉ်မယ်တွေကို ကျနော် တကယ်ကိုစိုးရိမ်ပါတယ်။ ခြီးလည်းခြီးကြူးပါတယ်။ နအဖလက်ထဲမှာ လေယျဉ်ပျံတွေကခနခန ပျက်ကျနေတယ်။ ပြင်ဆင်မှု ၊ ထိမ်းသိမ်းမှုတွေကလည်ညံတယ်။

လေယျဉ်မောင်းတာလေယျဉ်မယ်လုပ်တာ ခုလို ခေတ်ပျက်နေတဲ့မြန်မာ ပြည်မှာ အလုပ်ကောင်းတခုလို သဘောထားပြီ ဒီကလေးမလေးတွေလုပ်နေကြရပါတယ်။ အမျိုးကောင်းသမီးလေးတွေပါ။
သူတို့ ဟာ စွန့် စားမှု နှစ်ခုကိုနေစဉ်လုပ်နေကြရတယ်။
တခုက လေယျဉ်အစုတ်ကြီးတွေထက်တန်ဖိုးရှိတဲ့ အသက်ကိုရင်းနေရတယ်။
နောက်တခုက သူတို့ ဂုဏ်သိက္ခာ။  လေကြောင်းပိုင်ရှင်တွေက ရဲ နိင်ငံတကာအသိမှတ်ပြုထားတဲ့ ဂုဏ်သိက္ခာ( Reputation )က တခုမှမကောင်းဘူး။ ဒီ သက်ရောက်မှုက ဒီကလေးတွေပေါ် ဆိုးဝါးစွာ စွန်းထင်း  မှု( Negative Impact ) ရှိတယ်။

ဒါပေမဲ့ အသက်အန္တရယ်ကနီးလွန်းတယ်။အန္တရယ် (  Risk )  က များလွန်းတယ်။ သိပ်ဝါသနာပါတယ်။ ဒါမှမဟုတ် ဒီအလုပ်ကိုပဲ ကျွမ်းကျင်နေပြီဆိုရင်တော့ တခြားနိင်ငံက လေကြောင်းလိုင်းတွေမှာ အလုပ်ပြောင်းလဲလျောက်သင့်ကြတယ်။

အသံထက်မြန်တဲ့ ကွန်းကော့လေယျဉ်မဟုတ်ပါ။ လမ်းချော်လို့  ပလက်ဖေါင်းနဲ့ စောင့်မိပြီး လေယျဉ်ကော့သွား ခြင်းဖြစ်ပါတယ်။

ကျနော် ဘ၀မှာ တတိုင်းပြည်လုံးတုန် လှုပ်သွားတဲ့လေယျဉ်ပျက်ကြမှု ကိုကြုံဘူးတယ်။ ဒါကတော့ ကျနော်တို့ ငယ်ငယ်က ဖေါကာတစီးပျက်ကြတယ်။ လေယျဉ်ပျံနံပတ်ကို ကျနော်တော်တော်ကြီးတဲ့အထိမှတ်မိနေသေးတယ်။ ကျနော်တို့ မျိုးဆက်တွေ အားလုံး ဒီဖြစ်ရပ်ကိုသိကြပါတယ်။ လူတွေသေကြတယ်။ သေတဲ့အထဲမှာ လေယျဉ်မယ်တင်တင်လှိုင်ကိုတော့ မေ့လို့ မရဘူး။ ကျနော်တို့ အိမ်နဲ့ သိပ်မဝေးဘူး။  သူက တောင်ဥက္ကလာ ၁၆ ရပ်ကွက်မှာနေတယ်။

သူက တရုပ်ကပြား။ ထက်မြက်တယ်။လှတယ်။ ချောတယ်။  မိဘကိုလုပ်ကြွေးနေတာပါ။

လေယျဉ်က ရန်ကုန်နဲ့ မြိတ် ပြေးတဲ့လေယျဉ်။ စက်ချို့ ယွင်းပြီးပယ်လယ်ထဲပျက်ကျတယ်။ ပင်လယ်ထဲမှာလေယျဉ်ကမိနစ်အနည်းငယ်ပေါနေသေးတယ်။ လေယဉ်မယ်တင်တင်လှိုင်က သူကိုယ်လွတ်ရုံးပြီး သွားရင်ရသော်ငြားလည်း ခရီးသည်တွေကိုဦးစားပေးကယ်ထုတ်ခဲ့တယ်။ သူကတော့အချိန်မရတော့တဲ့အတွက် လေယျဉ်နဲ့ အတူ ပင်လယ်ကြမ်းပြင်မှာထာဝရအိပ်စက်ခဲ့ရတယ်။ သူရဲ့ သူရဲကောင်းပီသတဲ့ ဇတ်လမ်းက ကျနော်တို့ ငယ်စဉ်က ပုံပြင်တပုဒ်ပါ။ စစ်ဗိုလ်ချုပ်တွေရဲ့ သူရဲဘောကြောင်တဲ့စိတ်ဓါတ်အတိုင်း အရပ်သား ထဲက သူရဲကောင်းစိတ်ရှိတဲ့သူကို လူမှုထူးချွန်ဆု မပေးခဲ့ပါဘူး။ဒီအကြောင်း ကို ဆရာမောင်သောက စာပေဟောပြောပွဲတခုမှာ ပြောခဲ့ဘူးပါသေးတယ်။
 လေယျဉ်မယ်လေးလှိုင်ဆိုပြီ နာမည်ကြီးအဆိုတော် ဂျင်မီဂျက် (ခ) ကိုလားရှိုးကြီး တောင်ဂုဏ်ပြုသီချင်းလေး စပ်ဆိုပေးခဲ့တဲ့သီချင်းလေးနဲ့ပဲ သူကို ဂုဏ်ပြုနိင်ပါသေးတယ်။  ကျနော်တို့  ဒီမိုကရေစီရရင်တော့ဗျာ လူထုအစိုးရလက်ထက်မှာတော့ မင်္ဂလာဒုံလေယဉ်ကွင်းမှာ လေယျဉ်ကွင်း ကိုတင်တင်လှိုင် ရုပ်ထု တခုကိုတော့ ထားပေး လို့ ကျနော်မေတ္တာရပ်ခံပါတယ်။

သူအစ်ကို က ကျနော်တို့ နဲ့ ရင်းနှီးတယ်။ သူညီမ လေယဉ်မယ်တင်တင်လှိုင်ရဲ့ ကိုယ်လုံးပေါ်ဓါတ်ပုံလေးကို အမြဲတမ်း အိပ်ကပ်ထဲမှာ ထည့် ထားတယ်။ ကျနော်တို့ ကလေးတွေကို မကြာခနပြပြီ သူညီမလေးအကြောင်းကိုလွမ်းတသပြောနေတယ်။


ခုတော့သူရဲ့ သူရဲကောင်းပီသတဲ့ပုံပြင်ကို  လူတွေမေ့သွားပြီ။
အမေရိကန်ပြည်ထောင်စုနယူးယောက်မှာ တလောက လေယျဉ် စက်ချို့ ယွင်းတယ်။ လေယျဉ်မှုး ကမြစ်ထဲကိုထိုးဆင်းပြီးခရီသည်တွေမသေအောင် ကယ်နိင်တယ်။ သူကိုကွန်ကရက်က သူရဲကောင်းဆုချီးမြင့်တယ်။  ဘာကြောင့် မြန်မာနိင်ငံက ခေါင်းဆောင်ဆိုသူတွေဟာ စိတ်ဓါတ်ရေးရာအရ
သ်ိပ်ကို လူစင်မမှီလောက်အောင် သိမ်ဖျင်းနိမ့်ကျနေပါသလဲ။  သူတို့  ငယ်စဉ်က  သူတို့မိဘတွေရဲ့ နိပ်စက်ညင်းပန်းမှုကိုခံခဲ့ကြရလို့ လား။ သိပ်ကို လူအောက်သူအောက် ကို ကျတဲ့ဘ၀တွေက ပေါက်ပွားလာလို့ လား။ စိတ်ပိုင်းဆိုင်ရာ မပြည့်ဝသူတွေလား စဉ်းစားစရာတွေပါ။ 

နောက်တက္ကသိုလ်ရောက်တော့  မြိတ်က သူငယ်ချင်းတယောက်ကိုပေါင်းမိတယ်။ သူက အရင်းနှီးဆုံးသူငယ်ချင်းဖြစ်လာတယ်။ ကျနော် တော်လှန်ရေးထဲ ကိုဆင်းတော့သူလည်းအတူပါလာတယ်။ သူမိဘနှစ်ပါးက ငယ်ငယ်ကထည်းကဆုံးသွားတယ်လို့ ပြောတယ်။  ဘယ်လိုဆုံးသွားသလဲမေးမိတော့ ကျနော်ခုနက ပြောတဲ့ ဖေါကာလေယျဉ်ပျံပျက်ကျတုံး က ပါသွားတယ်လို့ ဆိုတယ်။  တိုက်ဆိုင်မှုက ထူးဆန်းစရာပါ။

ကျနော်တို့ ကြီးလာတော့ အဆိုတော်စိန်လွင် တယောက် တွင်အော်တာ လေယျဉ်ပျက်ကျပြီးဆုံးတယ်။စိန်လွင် အသံကို ကျနော်တိသို့ ငယ်စဉ်က သိပ်ကြိုက်တယ်။ အသံသိပ်ကောင်းတယ်။အောင်မြင်ထင်ရှားတဲ့အဆိုတော်ပါ။ သူရဲ့ တောင်းရမ်းလက်ထပ်ယူပါမယ်ဆိုတဲ့သီချင်းကတော့  ဗျာ။  စိန်လွင်နဲ့ အဲလ်ခွန်းရီဆိုကြတာပါ   Kenny Roger  ရဲ့      Green   Green Grass of Home  ဆိုတဲ့သီချင်းပါ။ ပြောကြကြေးဆိုရင်တော့မူရင်းထက်တောင် ကောင်းသလိုဖြစ်နေတာကိုး။

သူများနိင်ငံတွေမှာဆိုရင် သူလို အောင်မြင်နေတဲ့အဆိုတော်တယောက်ဟာ လေယျဉ်မောင်အလုပ်ကို ဆက်လုပ်စရာမလိုတော့ပဘူး။ သူဘာကြောင့်ဒီအလုပ်ကိုဆက်လုပ်သလဲ။ မဆလခေတ်မှာ အဆိုတော်တွေဟာ ချမ်းသာသွားလောက်အောင်ဝင်ငွေမကောင်းလို့ လား။ ဒီအလုပ်ပေါ်မှာသူဝါသနာပါနေလို့ လား ကျနော်မသိပါ။ သူဆုံးသွားတဲ့အတွက် သမျှောမိတာပဲကျနော်သိတယ်။

၁၉၇၅-၇၆ လောက်ထင်တယ်။ တိုက်လေယျဉ်ငါးစီးဟာ ရှမ်းပြည်မှာ တောင်နဲ့ တိုက်ပြီ အကုန် သေတယ်။
စိန်အော်ဂစ်စတင်းကျောင်းက ရူပဗေဒ သင်တဲ့ ဆရာမ ဒေါ်တင်တင်ဝင်းယောက်ကျား ဗိုလ်မှုးလည်း ပါသွားတာပေါ့။ တကျောင်းလုံး စိတ်မကောင်းကြဘူး လို့  အမည်မဖေါ်လိုတဲ့စိန်အော်ဂစ်စတင်းကျောင်းသားဟောင်းတဦးက ဆိုပါတယ်။

၁၉၇၆ ခုနစ်လောက်မှာပဲ မင်္ဂလာဒုံလေယျဉ်ကွင်းက ဒါကိုတာ တစင်းဟာ တက်ပြီးမကြာဘူး ပျက်ကတယ်လေ။ လှေ်ာကားနာတင်ကျတာ။ မောင်းတာက ကပတိန် သန်းမောင်ရီ ။ လေယျဉ်မောင်တဲ့နေရာ သိပ်ကျွမ်းဆိုပဲ။ ၀ီကနဲ့ ဝီကနဲ့ ပေါ့။ သူနဲ့ အတူတဖွဲ့ လုံးသေတာ။

၁၉၉၆ခုနစ် နောက်ကျနော်တို့ မနပုလောတိုက်ပွဲတွေပြင်းထန်နေတုံးကတရုပ်က၀ယ်တဲ့တိုက်လေပျံတွေစသုံးတယ်။ ကျနော်တို့  နဲ့ ချတုံးက မကျဘူး။ သူတို့ ဘာသာသူတို့ ပျက်ကြတာ ၅ စီးလောက်ကုန်သွားတယ်။ ဖြစ်ပုံက ဗုံကြဲဖို့   အတက်မှာ လေယဉ်ပျံက ပြုတ်ကျတော့ အောက်က ရပ်ထားတဲ့လေယျဉ်ပျံတွေ ပါ ပျက်ကုန်တာဆိုပဲ။

အထင်ရှားဆုံးဖြစ်ရပ်ကတော့ တွင်း-၂  ဗခ-တင်ဦးဖြစ်ရပ်လေ။ အကြိမ်ကြိမ်သူများလုပ်ကြံတုံးကမသေဘူး
( ကျနော်ထင်တာကတော့ သန်းရွှေပဲလုပ်ကြံတာဖြစ်မယ်။ ) ဟယ်လီကော်ပတာပျက်ကြ မှာတဖွဲ့ လုံးမလကီယားကြတာမှတ်မိကြဦးမယ်ထင်တယ်။ ဟယ်လီကော်ပတာက သံလွင်မြစ်ထဲထိုးကြတယ်။
စိတ်ချမ်းသာဖို့ ကောင်းတာကတော့ စစ်မောင်ပါပါသွားတာ။ သူတို့ ကျူးလွန်ထားတဲ့ ပြစ်မှုတွေအတွက် အကုသိုလ်တွေပေါ့ဗျာ။

ဒီလိုနိင်ငံတကာက လေယျဉ်တွေအစုတ်တွေ တစီးဝယ်တစီး အလကားစနစ် (   Buy One Get one Free)  တွေကို တင်သွင်းကြတဲ့သူတွေက တော့  ၀င်းဦးဆိုတဲ့သူကစတာ။ ၀င်းဦးဆိုတာက ဦးမိုးကျော် ရဲ့ သား ။ ဦးမိုးကျော်က လူကောင်းတော့မဟုတ်ဘူး ။ ပြည်ချစ်ခေတ်က လက်နက်ချ။ နောက်ဦးနေ၀င်းနဲ့ခမီးခမက်ဖြစ်လာတယ်။ သူသားတယောက်က ဦးနေ၀င်းသမီးကိုယူတယ်။

သေချာတာက ဒီလေကြောင်းလိုင်းတွေဟာ တိုင်းပြည်ပိုက်ဆံတွေကို ခိုးယူပြီးမတရားချမ်းသာလာတဲ့ သန်းရွှေမိသားစုက နောက်ကွယ်ကနေ ရှယ်ယာတွေပိုင်နေကြတယ်။   သူတို့ က ခတ်စုတ်စုတ်လေယဉ်တွေကို ဈေးပေါပေါနဲ့  ၀ယ်။ အမြတ်များများရဖို့ ရည်ရွယ်ချက်တခုပဲသူတို့ သိနေခြင်းဖြစ်တယ်။ သူတို့ ခေတ်မှာ လေယျဉ်တွေ ဟာ အခေါင်းပျံတွေအလားဖြစ်နေတယ်။ မကြာခနပျက်ကြတယ်။ လေယျဉ်ပျက်ကြတာသတင်းမဟုတ်တော့သလြို့ဖစ်လာတယ်။

ပိုဆိုးတာက နိင်ငံတကာက ပိတ်စို့ ဒဏ်ခတ်ထားတော့ သူတို့ လေယျဉ်တွေမှာ အသက်အာမခံတွေ မရှိဘူးဖြစ်နေတယ်။ သေဆုံးသွားတဲ့လေယျဉ်ဝန်ထမ်းတွေကိုသူတို့ ဘယ်လို အသက်အာမခံစနစ်တွေလုပ်ပေးထားလဲဆိုတာ ကျနော်မသိပါဘူး။

လေကြောင်းဈေးကွက်ကို လက်ဝါးကြီးအုပ်လုပ်ကိုင်နေတဲ့အတွက် ခရီးသည်ရော 

လေယျဉ်ဝန်းထမ်းတွေပါ ရွေးခြယ်ခွင့်မရှိ။ သူတို့ ကိုပဲ ဘုန်းရှင်ကံရှင် ကျေးဇူး ရှင်လို့ ထင်နေရတယ်။

လေယဉ်မောင်တွေမယ်တွေမှာ ဘာအခွင့်ရေးမရှိဘူး။ လေယျဉ်ထိမ်းသိမ်းမှုတွေကိုစနစ်တကျမရှိဘူး။

သူတို့ လေယဉ်တွေပျက်ကြတယ်။ လမ်းချောထွက်သွားတယ်ဆိုတဲ့သတင်းတွေထွက်ပေါ်လာတိုင်း

 လူတွေ ၀မ်းသာတယ်။ ကျနော်လည်း ၀မ်းသာတယ်။ ဒါပေမဲ့   သေဆုံးရတဲ့ ဒဏ်ရာရသွားတယ်ဆိုတဲ့သူတွေအတွက် ရိုးသားတဲ့ဝန်ထမ်းတွေ အတွက် ကျနော်တို့ မပျော်ပါဘူး။

 စိတ်မကောင်းကြပါဘူး။  

မြန်မာ့လေကြောင်းနဲ့  ပုဂံ လေကြောင်းက ၀န်ထမ်းတွေလည်း  ပြည်သူတွေဘာကြောင့်မပျော်ဘူးဖြစ်နေတာကို သိနိင်ပါစေ။ ပြည်သူတွေနဲ့ အတူပူးပေါင်းပါ။

 မိုးသီး