NED ပြည်တွင်းဝင်ရောက်လှုပ်ရှားပြီ

 အန်အီးဒီဟာ ထိုင်းအခြေစိုက် ဒီမိုကရေစီအင်အားစုများကို ၂၃ နှစ်ကျော်ကူညီခဲ့တဲ့အဖွဲ့ ဖြစ်ပါတယ်။ ပြည်တွင်းကိုဝင်ရောက်ကူညီဆောင်ရွက် လာမယ်ဆိုရင်တော့ ပိုမိုကောင်းမွန် လာမယ်လို့ ယူဆရပါတယ်။ NED ဟာ ရိုးရိုးအန်ဂျီအို မဟုတ်ပါ။ အမေရိကန် အစိုးရ ရဲ့  အန်ဂျီအို ဖြစ်ပါတယ်။ နအဖ က တော့ NED ကို စီအိုင်အေ လို့ ယခင်က စွပ်စွဲ ခဲ့ဘူးပါတယ်။  သတင်းအပြည်စုံကိုအောက်မှာဆက်လက်ဖတ်ပါ။ 

              

NEDအကြီးအကဲနဲ့ ဒေါ်အောင်ဆန်းစုကြည် တွေ့ဆုံ

2011-12-06

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို အမေရိကန် ပြည်ထောင်စု ဝါရှင်တန် ဒီစီ အခြေစိုက် NED National Endowment for Democracy ခေါ် နိုင်ငံတကာ ဒီမိုကရေစီ ဖွံ့ဖြိုး တိုးတက်ရေး အထောက်အပံ့အဖွဲ့  အကြီးတန်း ညွှန်ကြားရေးမှူး Mr. Brian Joseph က မနေ့က နေ့လယ် ၁၁ နာရီခွဲမှာ လာရောက် တွေ့ဆုံ ဆွေးနွေးတယ်လို့ သိရပါတယ်၊

RFA

အမေရိကန်နိုင်ငံ ၀ါရှင်တန်မြို့ အခြေစိုက် National Endowment for Democracy အဖွဲ့၏ အကြီးတန်း ဒါရိုက်တာ Brian Joseph ကို လွတ်လပ်တဲ့ အာရှအသံနှင့် တွေ့ဆုံမေးမြန်းခန်း တစ်ခုတွင် ရိုက်ကူးထားသော မှတ်တမ်းပုံ ဖြစ်ပါသည်။

ဒီလို တွေ့ဆုံရာမှာ ဒုတိယ ဥက္ကဋ္ဌ ဦးတင်ဦးနဲ့ ဗဟိုအလုပ်မှုဆောင် အဖွဲ့လည်း တက်ရောက်တယ်လို့ ဦးတင်ဦးက ပြောပါတယ်။ မြန်မာနိ်ိုင်ငံမှာ စီးပွားရေး လုပ်ငန်း အခွင့်အရေးများနဲ့ ပတ်သက်လို့ စည်းကမ်း နည်းလမ်းအတိုင်း တင်ဒါခေါ်ယူခြင်း မရှိဘဲ လက်သိပ်ထိုး ခွဲဝေပေးနေတဲ့ ကိစ္စနဲ့ ပတ်သက်ပြီး workshop တစ်ခု ပြုလုပ်ရေးကို Mr. Brian Joseph က ဆွေးနွေးသွားတယ်လို့ သိရပါတယ်။ ဒါ့အပြင် ဥပဒေ စိုးမိုးရေး ကိစ္စနဲ့ ပတ်သက်ပြီး မြန်မာနိုင်ငံတွင်းမှာ ဥပဒေ ပညာရှင်တွေ၊ တရားရေး ဝန်ထမ်းတွေ၊ ဥပဒေ ဝန်ထမ်းတွေ အတွက် အလုပ်ရုံ ဆွေးနွေးပွဲ ကျင်းပရေး၊ ဒါ့အပြင် ပြည်ပရှိ ဥပဒေ ပညာရှင်များ ပို့ချတဲ့ သင်တန်းတွေမှာ တက်ရောက်နိုင်အောင် အကူအညီပေးရေး ကိစ္စတွေကို ဆွေးနွေးကြတယ်လို့ သိရပါတယ်။ အလားတူပဲ မြန်မာနိုင်ငံကို ရောက်နေတဲ့ CISL ခေါ် အီတလီ အလုပ်သမား သမဂ္ဂများ အဖွဲ့ချုပ် အမှုဆောင် အရာရှိ Cicilia Brighi နဲ့ အဖွဲ့ဟာ မနေ့က ဒေါ်အောင်ဆန်းစုကြည်ကို ရုံးချုပ်မှာ လာရောက် တွေ့ဆုံ ဆွေးနွေးတယ်လို့ သိရှိရပါတယ်။ ဆွေးနွေးတဲ့ အကြောင်းအရာများနဲ့ ပတ်သက်လို့ အသေးစိတ်ကို နှစ်ဘက်လုံးက ထုတ်ပြန်တာ မရှိဘူးလို့လည်း သိရပါတယ်။