ဧပြီလ(၁)ရက်နေ့တွင်ကျင်းပသော ရွေးကောက်ပွဲတွင် မော်လမြိုင်မဲဆန္ဒနယ်မြေမှဝင်ရောက်ယှဉ်ပြိုင်သည့်
ကြံ့ဖွတ်ကိုယ်စားလှယ်ဦးတင်စိုးမိုးနိုင် ရှုံးနိမ့်သွားသည့်အတွက်ကြောင့် မော်လမြိုင်မြို့တွင်ဖွင့်လှစ်ထားသော
ဖြိုးမေတ္တာအခမဲ့ဆေးကုခန်းကိုပိတ်လိုက်ကြောင်းသတင်းရရှိသည်။ အဆိုပါအခမဲ့ဆေးခန်းကို မော်လမြိုင်ပေါ်ရှိသီရိမင်္ဂလာရပ်ကွက်နှင့်ဇေယျာသီရိရပ်ကွပ်များမှဒေသခံ
စီးပွားရေးသမားတို့ထံမှ အလှူငွေကောက်ခံပြီး ဖြိုးမေတ္တာအခမဲ့ဆေးခန်းကို ကြံ့ဖွတ်တို့နာမည်ခံဖွင့်လှစ်ခဲ့ခြင်းဖြစ်သည်။
အခမဲ့ဆေးကုခန်းဖွင့်တော့ မရှိဆင်းရဲသားနာမကျန်းသူတွေအရမ်းအဆင်ပြေခဲ့ပါတယ်။ အခုတော့ဗျာ
ကြံ့ခိုင်ရေးမဲမပေးဘဲ ခွပ်ဒေါင်းကိုမဲပေးလို့ ပိတ်လိုက်တာ၊ အတော်ကိုကလေးဆန်တဲ့ဦးတင်စိုးမိုးနိုင်ဘဲဗျ၊
စပြီးဖွင့်ကတည်းစေတနာမမှန်ဘဲ မဲရဖို့ သူဌေးတွေဆီကအလှူကောက်ငွေနဲ့ဖွင့်ခဲ့တာ၊ သူတို့တပြားမှစိုက်ကြတာမဟုတ်ဘူးဟု
ဒေသခံတဦးကပြောပြသည်။ အလှူငွေထည့်ဝင်သော အလှူရှင်များမှာလည်း ဆေးခန်းဘာကြောင့်ပိတ်သည်ကို
အကြောင်းကြားလာခြင်းမရှိသောကြောင့်၊ ဆေးခန်းပိတ်သည့်အကြောင်းရင်းနှင့် အလှူငွေရှင်းတမ်းလည်း
ထုတ်ပြန်ခြင်းမရှိကြောင်း သတင်းရရှိသည်။
No comments :
Post a Comment