Wednesday 23 May 2012

မီး ပြသနာ ငြိမ်းချမ်းစွာ အဖြေရှာ ( ခိုင်အောင် ကျော်)




        ဖယောင်းတိုင်ထွန်းလို့   ငြိမ်းချမ်းစွာ ဆန္ဒပြသူတွေကို ငြိမ်းချမ်းစွာ အဖြေရှာပေးရလိမ့်မယ်


ကမ္ဘာဦးလူသားတွေက မီးကိုအသုံးပြုလာတဲ့ အခါ အသားငါးတွေကို စားသောက်တတ်လာတယ် ၊ လှံ-မျှား-လှက်နက်တွေကို အသုံးပြုလာကြတယ် ၊ လူစုလူစုဝေးနဲ့  နယ်ပယ်တွေ ချဲ့ ထွင်လာကြတယ် ။ နောက်တော့ ကမ္ဘာကြီးမှာ မီးကို အသုံးပြုတတ်ရာကနေ လျှပ်စစ်ကို သွားတွေ့လာတယ် ၊ ဒီတော့ ကမ္ဘာကြီးဟာ သိပ္ပံပညာရဲ့ဖန်တီးမှုကြောင့် အခုလိုဘဲ ရွာကလေးတရွာလို ရောက်သွားရပြီ ။ ဒါပေမဲ့  ဒီနေ့ -၂၁-ရာစု  မြန်မာနိုင်ငံမှာ ဖယောင်းတိုင်လေးတွေထွန်းလို့  လမ်းမပေါ်ကို ရောက်လာကြရတယ် ။ သူတို့ တွေ လုံလောက်တဲ့ မီးကို ရရှိစေဖို့  အားပျော့လှတဲ့  ဖယောင်းတိုင် မီးကလေးနဲ့  အုပ်ချုပ်သူ အစိုးရကို လမ်းပေါ်ထွက် တောင်းဆိုနေကြရရှာတယ် ။
            အစိုးရကတော့ တုပ်တုပ်မျှမလှုပ်သေးဘူးပေါ့ ။ တခါက လျှပ်စစ်ဝန်ကြီး ဦးဇေါ်မင်းက ပြောသွားတာရှိတယ် ။ လျှပ်စစ်တွေကို ပိုလျှံလို့  နိုင်ငံခြားတွေကို ရောင်းစားနေရသေးတယ်တဲ့  ။ ကဲ - ဒီလိုဆိုရင် ရောင်စားနေရတယ်ဆိုတဲ့  သူတွေရဲ့နိုင်ငံကလူထုလူတန်းစားတွေ ဘာကြောင့်များ လျှပ်စစ်ကို -၂၄-နာရီတိတိ ပေးပါလို့  လမ်းမပေါ်ထွက် တောင်းဆိုနေရတာလဲ ။ ပြသနာတွေဟာ ဒီကစနေတာဖြစ်တယ် ။ အစိုးရကတော့ သူတို့ မှ လုံလောက်တာ မပြောနဲ့  ပိုတောင်လျှံနေတယ်လို့  ပြောဆိုပြီးသားဖြစ်တယ် ။ ညူကလီးယား စက်ရုံ ထုတ်လုပ်ဖို့  စက်ရုံကြီးတွေ ဆောက်လုပ်နေတဲ့  နိုင်ငံ ၊ သဘာဝဓါတ်ငွေ့ တွေ - ဂါစ်တွေကို ထုတ်လုပ်ရောင်းချနေတဲ့  နိုင်ငံမှာ အခုလို ပြည်သူတွေက ဘာကြောင့်များ မီးကို -၂၄-နာရီ ထွန်းလင်းပေးဖို့  တောင်းဆိုနေရတာလဲ ဆိုတာ စဉ်းစားစရာတွေ ဖြစ်လာနေပြီ ။

          ဒါပေမဲ့  နေပြည်တော်မှာ သမ္မတတွေ စစ်ဗိုလ်ချုပ်တွေ ကြီးစိုးရာနယ်မြေ ဒေသ အသီးသီးမှာတော့ မီးတထိန်ထိန်နဲ့  ။ ဒါတွေဟာ လူတန်းစား ကွာခြားမှုလို့  ပြောလို့  မရဘူး ။ အဆင့်အတန်းဆိုတာ ကွဲပြားခြားနားမှုတွေ ရှိနေနိုင်ပေမဲ့  ဒါက နိုင်ငံတော် တခုလုံးရဲ့ လူမှုပတ်ဝန်းကျင် အနေအထားဖြစ်တယ် ။ လူတန်းစေ့ မီးရရှိရေး ၊ ရေရရှိရေး ၊ ကျမ်းမာရေးစောင့်ရှောက် ခံစားပိုင်ခွင့်ရှိရေး၊ ပညာသင်ကြားပိုင်ခွင့်ရှိရေး။ စီးပွါးလုပ်ကိုင်ခွင့်ရှိရေး။ လွပ်လွပ်စွာ ဘာသာတရားကိုးကွယ် ပိုင်ခွင့်ရှိရေး ဆိုတာတွေဟာ နိုင်ငံတော်ဖွဲ့ စည်းအုပ်ချုပ်ပုံအခြေခံ ဥပဒေရဲ့ အောက်မှာ ပြည်သူပြည်သား တရပ်လုံးဟာ အကျိုးခံစားပိုင်ခွင့် ရှိစေရမှာဖြစ်တယ် ။ 




နိုင်ငံတော်ရဲ့  ဖွဲ့ စည်းအုပ်ချုပ်ပုံအခြေခံဥပဒေ အောက်က ပြည်သူလူထုတွေဟာ ကုန်းကောက်စရာ မရှိလောက်အောင် မွဲပြာကျနေပြီး မှောင်မိုက်နေတဲ့  လောကအလယ်မှာ နေရတယ်ဆိုရင် ဒါဟာ လူသားတဦးချင်းစီရဲ့  မွေးရာပါ အခွင့်အရေးတွေကို ချိုးနှိမ်ခံနေရတာဖြစ်တယ် ။ နိုင်ငံတော်ဖွဲ့ စည်းအုပ်ချုပ်ပုံအခြေခံဥပဒေရဲ့ အထက်မှာ ရှိနေတဲ့  သမ္မတတွေ အစိုးရအဖွဲ့ ဝင်တွေ စစ်ဗိုလ်ချုပ်တွေ -သူတို့ နဲ့  ဆက်နွယ်နေတဲ့  စီးပွါးရေးလုပ်ငန်းရှင်ကြီးတွေ
က  မီးတထိန်ထိန်လင်းပြီး ချမ်းသာသုခ ခံစားနေကြရရင် ဒါကို လူထုတွေက တိုက်ဖျက်ပစ်ရမှာဖြစ်တယ် ။
          အခုအချိန်မှာ ပြည်သူလူထုအသံကို နားထောင်ပါတယ်လို့  ပြောခဲ့ ကြတဲ့  ဘယ်နိုင်ငံရေးပါတီတွေကလဲဘဲ လမ်းပေါ်ထွက် တောင်းဆိုနေတဲ့  လူတွေနဲ့  ဖယောင်းတိုင်လေး တချောင်းတောင် ကိုင်လို့  လိုက်တာ မတွေ့ ရသေးဘူး ။ ဒါဟာပြည်သူလူထုဆီက မဲတပြားကို ရရှိဖို့ အရေးထက် ဘာမှ အရေးမကြီးဘူးလို့  ထင်ထားသလိုမျိုး လက်လွပ်စပယ် ခေါင်းရှောင်နေကြတာဖြစ်တယ် ။ ခေါင်းဆောင်ကောင်းတွေ ဆိုရင် ပြည်သူလူထုနဲ့ အတူတူ တသားတည်းရှိနေရမယ်ဆိုတာဟာ နိုင်ငံရေးသိပ္ပံပညာရပ်မှာ ဘာသာရပ် အဘိဓါန် တခုဖြစ်တယ် ။ ဒါပေမဲ့  ဒီဝေါဟာရဟာ လွှတ်တော်အတွင်းဝင်ရောက်နေကြပြီဖြစ်တဲ့  နိုင်ငံရေးပါတီတွေရဲ့လက်သုံးဝေါဟာရ မဟုတ်တော့ဘူး ။ ဒါကြောင့် ပြည်သူတွေကို ချစ်လှချည်ပါရဲ့ ၊  ပြည်သူ့ အသံ နားထောင် လှချည်ပါရဲ့ လို့   နောက်ကျတဲ့ လူတွေမှာ ပြောပိုင်ခွင့်မရှိတော့တဲ့  ဆုံးရှုံးခံလိုက်ရတဲ့  ဝေါဟာရ ဖြစ်သွားရတယ် ။
          လူုထုအသံတွေ လမ်းပေါ်မှာ ညံထွက်လာပြီဆိုရင် ဒီအသံဟာ ပြည်သူ့ လွှတ်တော်မှာ ပလူပျံနေရလိမ့်မယ် ။ ဒါပေမဲ့  သမ္မတ ကအစ လွှတ်တော်ဥက္ကဋ္ဌတွေ လွှတ်တော်ကိုယ်စားလှယ်တွေဟာ ပြည်သူ့ လွှတ်တော်ကို အရေးပေါ်ခေါ်ယူရလိမ့်မယ် ဆိုတာကို နားမလည်ကြသေးဘူး ။ နိုင်ငံတကာကို ရောက်နေတဲ့  လွှတ်တော်ဥက္ကဋ္ဌဟာ ချက်ချင်းခရီးစဉ်ဖျက်ပြီး မြန်မာနိုင်ငံကို ပြန်လာပြီးတဲ့ နောက် အရေးပေါ်လွှတ်တော်ညီလာခံ ကျင်းပလိုက်တယ်ဆိုရင် ဒါကို ပြည်သူလူထုတွေက ကောင်းချီးသြဘာပေးကြလိမ့်မယ်။ လက်ခုပ်လက်ဝါဒ တီးပြီး အားပေးကြပါလိမ့်မယ် ။ ခုတော့ လမ်းပေါ်ထွက်လာတဲ့  လူထုအသံကို လွှတ်တော်မှာ အရေးပေါ် ညီလာခံခေါ်ယူမဲ့ အစား ခြိမ်းခြောက် ဖမ်းဆီးသံတခုကို ကြားလိုက်ရတယ် ။ နောက်တော့ ပြန်လွှတ်တယ်လို့  ကြားရတယ် ။ ဖမ်းဟယ် ဆီးဟယ်နဲ့  ရမယ်ရှာပြီး အခုလို လမ်းပေါ်ထွက်ငြိမ်းချမ်းစွာ ဆန္ဒပြသူတွေကို ခြိမ်းခြောက်တာမျိုးဟာ မပြုလုပ်ကောင်းအပ်တဲ့  အရာဖြစ်တယ် ။ အခုအချိန်မှာ ပြည်သူ့ လွှတ်တော် ရှိလာရင် ဒီပြသနာမျိုးကို လွှတ်တော်မှာ ဖြေရှင်းရယူရမဲ့  ပြသနာဖြစ်တယ် ။
         သမ္မတဦးသိန်းစိန်အစိုးရဟာ စစ်ယူနီဖေါင်းတွေ ချွတ်ထားခဲ့ ပြီး တိုက်ပုံဝတ်ဟန်ဆောင်ထားတဲ့  အရပ်သားအစိုးရ သာဖြစ်တယ် ။ ခေါက်ရိုးမကျိုးသေးတဲ့  သူတို့ ရဲ့  စစ်ယူနီဖေါင်းဟာ သူတို့ ရဲ့့ ဘီရိုထဲမှာ သိမ်းဆည်းထားတုံးဖြစ်တယ် ။ တချိန်က ဗိုလ်ချုပ်ကြီးနေ၀င်းဟာ -၈၈- အရေးအခင်းကာလအတွင်းမှာ ဧည့်ခံပွဲ လာတော့ စစ်ယူနီဖေါင်းဝတ်ပြီး တက်ရောက်ပြတယ် ။ ပါတီဥက္ကဋ္ဌကနေပြီး အငြိမ်းစား ယူထားပါတယ် ဆိုတဲ့  ဦးနေ၀င်းဟာ သေသည့်အထိ သူဟာ စစ်ဗိုလ်ချုပ်တွေရဲ့ဓလေ့ယဉ်ကျေးမှူကို မက်မက်မောမောနဲ့  လုပ်ပြခဲ့ သေးတယ် ။ စစ်တပ်ဆိုတာ ဘယ်တော့မှ မိုးပေါ်ထောင်မပစ်ဘူး၊ ပစ်ရင် လူကိုမှန်အောင် ပစ်တယ် လို့  ရုပ်မြင်သံကြားကနေပြီး လက်နက်မဲ့  ပြည်သူတွေကို ခြိမ်းခြောက်ပြောဆိုသွားတာ သမိုင်းမှာ အထင်အရှားရှိနေတယ် ။ အခုလဲဘဲ ငြိမ်းချမ်းစွာ ဆန္ဒပြနေတဲ့  ဖယောင်းလေးတွေနဲ့  ဆန္ဒပြနေတဲ့ လူအုပ်ကို စစ်တပ်က မပစ်သတ်ဘူးလို့  ဘယ်သူအာမခံနိုင်မှာလဲ ။
             ငြိမ်းချမ်းစွာဆန္ဒပြနေတဲ့  လူထုအသံကို ပြည်သူ့ လွှတ်တော်က အရေးပေါ်ညီလာခံ ခေါ်ယူမကျင်းပရင် ဖြေရှင်းရေးနည်လမ်းဟာ အကြမ်းဖက် နည်းလမ်းတခုသာ ရှိနေတယ် ။  ပြသနာဖြစ်နေပါပြီလို့  ပြောနေကြပြီဆိုရင် ဒီပြသနာတွေကို ဘယ်လိုကိုယ်တွယ် ဖြေရှင်းပေးရမှာလဲဆိုတာ တွေးခေါ်တတ်ဖို့ လိုတယ် ။ အခုဟာက ရေတိုစီမံကိန်းနဲ့  ဖြေရှင်းလို့ ရမဲ့  ပြသနာမဟုတ်ဘူး ။ ဒါဟာ မီးပွါးကလေးဖြစ်တယ် ။ ဒီမီးပွါးကလေးဟာ မီးတောက်ကြီးဖြစ်လာပြီး ပြာကျအောင်အထိ လောင်ကျွမ်းသွားရလိမ့်မယ် ။ ဒီတော့ နောက်ကြောင်းကို ပြန်လည့်စေဖို့  လူထုတွေဟ ငြိမ်ခံပေးလိုက်ရတော့မှာလား ။ သူတို့  ရဲ့အဆုံးစွန် တိုက်ပွဲဟာ -၂-၄-နာရီ မီးထွန်းလင်းရေးမှသည် သဘာဝဂါစ်တွေကို ပြည်တွင်းမှာ အလျှံပယ် သုံးစွဲနိုင်ရေးအထိ ဖြစ်လာရလိမ့်မယ် ။  ပြည်တွင်းမှာ မီးကြောင့် ဒုက္ခမျိုးစုံရောက်နေကြတဲ့  သူတွေဟာ ပြည်တွင်းက ရရှိတဲ့  သယံဇါတ အကျိုးတွေကို မခံစားဘဲ နေကြရမှာလား ။ 
 
 
 တရုပ်နိုင်ငံနဲ့ ထိုင်းနိုင်ငံ-အိန္ဒိယနိုင်ငံ- တောင်ကိုးရီးယားနိုင်ငံတွေ နောက်ဆိုရင် အနောက်နိုင်ငံတွေကို ဆက်လက်ပြီးတော့ ရောင်းချကြမဲ့  စီမံကိန်းတွေက အကျိုးအမြတ်တွေကို ပြည်သူလူထုတွေက ဘာမှ မခံစားရပေဘူးလား ။ နေပြည်တော်သာ မီးလင်းပြီး သူတို့ သာ တိုက်ကြီးကြီးနဲ့  စည်းစိမ်ချမ်းသာ ခံစားနေရမှာလား ။ ဒါကြောင့် ပြည်သူလူထုတွေဟာ သူတို့  ရဲ့  တိုက်ပွဲကို အရှိန်အဟုန်မြှင့်စွာနဲ့  ချီတက်လာခဲ့ ကြပြီ ။ စစ်အာဏာရှင်စနစ်ဆိုးရဲ့  လက္ခဏာတွေကို တချိန်လုံးကြေပွန်အောင် ထမ်းရွက်ခဲ့ တဲ့  သမ္မတဦးသိန်းစိန်အစိုးရဟာ ငြိမ်းချမ်းစွာ ဆန္ဒပြနေသူများကို ခြိမ်းခြောက်ခြင်း၊ ဖမ်းဆီးခြင်း ၊ အရေးယူခြင်း ၊ ပစ်သတ်ခြင်း များ မပြုလုပ်မိဖို့ လိုတယ် ။ ဒီလိုဖြစ်ပေါ်လာမဲ့ အရိပ်အယောင်ကို သတိထားစွာနဲ့  စောင့်ကြည့်ကြရတော့မဲ့ အချိန်ဖြစ်နေတယ် ။ စစ်အာဏာရှင်စနစ်တွေထဲမှာ လမ်းပေါ်ထွက်လာတဲ့  လက်နက်မဲ့ ပြည်သူလုထုကို ဘယ်တော့မှ ပန်းနဲ့ ပေါက်ပြီး မကစားခဲ့ ဘူးဆိုတာ မြန်မာနိုင်ငံမှာ သက်သေ ပြစရာတွေ တပုံကြီး ရှိနေတယ် ။

ခိုင်အောင်ကျော် ( နယူးယောက် )

2 comments :

Anonymous said...

The right answer is below.

The living standard of the country is going down deeper and deeper with great acceleration and momentum due to the IMPACT OF 50 YEARS MISTAKES OF WRONG POLITICAL SYSTEM and WRONG ECONOMIC SYSTEM SET UP BY JUNTA,NE WIN and FOLLOWED UP BY HIS NEW GENERATION OF MILITARY GANGSTERS.(NOT UNDER the ROOF of DEMOCRACY)

BUT THE GANGSTERS BECOME
-Richer and richer
-Healthier and Healthier
-Live longer and longer
the NAY PYI DAW is fully lighted up
(Please translate to Burmese and highlight to citizens.)

Anonymous said...

ပြည်သူတွေကို ချစ်ပါတယ်ဆိုတဲ့ ပါတီကြီးက ဒီမိုကရေစီ အရင်မယူဘဲ မီးအရင်လာပါစေလို့ ပြောတဲ့အတွက် စိတ်ဆိုးနေလေရဲ့။ လွတ်တော်အမတ်အဆိုတော်တစ်ယောက်လည်း သီချင်း တိုက်နေလေရဲ့။ လူနာတွေကိုကြည့်နေတဲ့ မဖြူဖြူသင်း လည်း သွားတဖြဲဖြဲ နဲ့ ဓါတ်ပုံအရိုက်ခံနေလေရဲ့။ အင်း....ကျွန်တော်တို့နိုင်ငံကြီးလည်း ဘယ်တော့မှ့ ........