Thursday 7 June 2012
ငြိမ်းချမ်းရေး လိုလားသူများ မဟာဗန္ဓုလပန်းခြံရှေ့ကွက်လပ်သို့ ဇွန်လ ၉ရက် ၂၀၁၂ (စနေနေ့) မှာ ဆုံကြမယ်
ပြည်ထောင်စုဖွားတိုင်းရင်းသားများအားလုံးခင်ဗျား
ဇွန်လ ၉ရက် ၂၀၁၂ခုနှစ် (စနေနေ့) သည် ကချင်ပြည်နယ်တွင် စစ်ပွဲများပြန်လည်စတင်ခဲ့ခြင်း တနှစ်တိတိပြည့်သည့်နေ့ဖြစ်ပါသည်။
တနှစ်ပတ်လုံးဖြစ်ပွားနေခဲ့သော စစ်ပွဲများအတွင်း နှစ်ဖက်စလုံးမှ လက်နက်ကိုင်များနှင့် အပြစ်မဲ့ပြည်သူများ ၀မ်းနည်းကြေကွဲဖွယ်ရာ သေကျေဒဏ်ရာရရှိခဲ့ကြရပါသည်။ စစ်ဘေးစစ်ဒဏ်များကြောင့် အိုးအိမ်များ၊လယ်ယာလုပ်ငန်းများ၊ဇာတိရပ်ရွာများကို စွန့်လွှတ်ဆုံးရှုံးထားရစ်၍ တောတောင်လျှိုမြောင်များတွင်းသို့ ထွက်ပြေးတိမ်းရှောင်ကာ လူ့ဂုဏ်သိက္ခာကင်းမဲ့စွာ အသက်ဆက်ရှင်သန်နေရသည့် ဒုက္ခသည်ပြည်သူများ၏ အရေအတွက်မှာလည်း ၁သိန်း၂သောင်းကျော်ပင်ရှိလာခဲ့ပြီဖြစ်ပါသည်။
စစ်ပွဲများကြောင့် သေကျေပျက်စီးခဲ့ရသူများနှင့် စစ်ဘေးဒုက္ခသည်များအတွက်လည်းကောင်း၊ တိုင်းရင်းသားညီအကိုမောင်နှမများအချင်းချင်း
ကြေကွဲဖွယ်ရာတိုက်ခိုက်သတ်ဖြတ်နေကြသည့် စစ်ပွဲများအမြန်ဆုံး ရပ်တန့်စေရန်အတွက်လည်းကောင်း၊ ပြည်ထောင်စုကြီးအတွင်း ထာဝရငြိမ်းချမ်းရေးအမြန်ဆုံးရရှိစေရန်အတွက်လည်းကောင်း ရည်ရွယ်မျှော်မှန်း၍
ဇွန်လ ၉ရက် ၂၀၁၂ (စနေနေ့)တွင် ငြိမ်းချမ်းရေးလိုလားသူပြည်သူများအားလုံး ငြိမ်းချမ်းရေးအတွက်ရည်ရွယ်၍
အဖြူရောင်အင်္ကျီများနှင့် ကချင်ပြည်သူများကိုစာနာမှုအဖြစ် ကချင်လုံချည်များ ၀တ်ဆင်ပြီး ဆန္ဒထုတ်ဖော်ကြပါရန်
လေးစားညွတ်နူးစွာမေတ္တာရပ်ခံ တိုက်တွန်းအပ်ပါသည်။
PEACE NETWORK (ငြိမ်းချမ်းရေးကွန်ရက်)
နောက်ဆက်တွဲလှုပ်ရှားမှုအနေဖြင့် စစ်ပွဲများရပ်တန့်ရေးနှင့် ထာဝရငြိမ်းချမ်းရေးအတွက် ဆုတောင်းပွဲတခုပြုလုပ်မည်ဖြစ်ပါသဖြင့်
တိုင်းရင်းသား၊ လူမျိုး၊ ဘာသာမရွေး ငြိမ်းချမ်းရေးလိုလားသူများအားလုံး အင်္ကျီအဖြူနှင့် ကချင်လုံချည် ဆင်တူဝတ်ဆင်ပြီး
ရန်ကုန်မြို့တော်ခန်းမနှင့် မဟာဗန္ဓုလပန်းခြံရှေ့ကွက်လပ်သို့ ဇွန်လ ၉ရက် ၂၀၁၂ (စနေနေ့) ညနေ ၄နာရီတွင်အားဖြည့်ပါဝင် ဆုတောင်းကြပါရန်လည်း လေးစားစွာဖိတ်ခေါ်အပ်ပါသည်။
Subscribe to:
Post Comments
(
Atom
)
No comments :
Post a Comment