- ဗြိတိသျှကိုလိုနီအစိုးရက ၁၉၀၈ ခုနှစ်မှာ ပြဌာန်းခဲ့တဲ့ မတရားအသင်းပုဒ်မကို
ပယ်ဖျက်ပေးဖို့ အမျိုးသားဒီမိုကရေစီသစ် ပါတီ သင်္ကန်းကျွန်းမြို့နယ်
ပြည်သူ့လွှတ်တော်ကိုယ်စားလှယ် ဦးသိန်းညွန့်က လွှတ်တော်မှာ ဒီကနေ့ တင်ပြခဲ့ရာမှာ ပြည်ထဲရေးဝန်ကြီးဌာနက ပယ်ဖျက်ဖို့ အထိ သဘောမတူဘူး လို့ ငြင်းဆိုလိုက်ပေမယ့် ဒီအဆိုကို ဆက်လက်ဆွေးနွေးဖို့ ပြည်သူ့ လွှတ်တော် ဥက္ကဋ္ဌ က လက်ခံလိုက်ကြောင်း သိရပါတယ်။
လက်ရှိအစိုးရက သွားနေတဲ့ ငြိမ်းချမ်းရေးဆွေးနွေးပွဲတွေ ပိုပြီး
အကျိုးဖြစ်ထွန်းအောင်လို့ မတရားအသင်းပုဒ်မ ပယ်ဖျက်ပေးရေးအဆိုကို
တင်သွင်းရတာဖြစ်ကြောင်း ပြည်သူ့လွှတ်တော်ကိုယ်စားလှယ် ဦးသိန်းညွန့်က ပြောပါတယ်။
ဒါ့အပြင် ပုဒ်မ(၅-ည)တခုလုံးကို မပယ်ဖျက်ပေးနိုင်ရင်တောင် ပုဒ်မ(၅-င) ကို ပယ်ဖျယ်ပေးဖို့ လွှတ်တော်မှာ ဒီကနေ့ အဆိုတင်သွင်း ခဲ့ကြောင်း
ဒီအဆိုကိုလည်း ပြည်ထဲရေး ဒုဝန်ကြီးက ပယ်ချခဲ့ပေမယ့် ဆက်လက်ဆွေးနွေး သွားဖို့ သဘောတူကြောင်းဦးသိန်းညွန့်က ပြောပါတယ်။
ပုဒ်မ(၅-ည)ဟာ နိုင်ငံရေးလှုပ်ရှားသူတွေပေါ် စွဲဆိုလေ့ရှိတဲ့ ထင်ရှားတဲ့
ပုဒ်မတခုလည်းဖြစ်ပါတယ်။ RFA
Tuesday, 17 July 2012
မတရားအသင်းကြေညာထားမှုများ ပယ်ဖျက်ပေးရန် ဦးသိန်းညွန့် တောင်းဆို
Subscribe to:
Post Comments
(
Atom
)
No comments :
Post a Comment