Saturday, 8 December 2012

      “နယူးယောက်မြန်မာဒီမိုကရေစီအင်အားစုများ၏ သဘောထား ကြေညာချက်”

စစ်ကုိုင်းတိုင်း၊ ဆားလင်းကြီးမြို့နယ်၊ လက်ပံတောင်းတောင်ရှိ စစ်တပ်ဦးပိုင်ကုမ္ပဏီနှင့် တရုတ်စစ်လက်နက်ထုတ်ကုမ္မဏီတို့၏ ဖက်စပ် ကြေးနီစီမံကိန်းကို ဒေသခံပြည်သူများနှင့် ရဟန်းသံဃာများ၊ ကျောင်းသား လူငယ်များက ငြိမ်းချမ်းစွာ ကန့်ကွက်ဆန္ဒပြနေသည့် သပိတ်စခန်းများကို နိုဝင်ဘာ ၂၉ ၊ ၂၀၁၂ နံနက်တွင် ကြံ့ဖွှံ့အစုိုးရ၏ လက်နက်ကိုင်တပ်ဖွဲ့များက အကြမ်းဖက်တိုက်ခိုက်ခြင်း၊ မီးလောင်တိုက်သွင်းပြီး ဖြိုခွဲဖျက်စီးခဲ့သည်။ ထိုကဲ့သို့သော အစုိုးရ၏ အစွန်းရောက်အကြမ်းဖက်မှုကြောင့် ရဟန်းသံဃာနှင့် ပြည်သူ ၁၀၀ နီးပါး မီးလောင်ဒဏ်ရာများ ရရှိခြင်း၊ ထိခိုက်ဒဏ်ရာရခြင်း၊ ထွက်ပြေးတိမ်းရှောင်နေရခြင်းတို့ ဖြစ်ပွားခဲ့သည်။

ထိုသုို့ မြန်မာအစုိုးရနှင့်၎င်းလက်နက်ကိုင်တပ်ဖွဲ့များ၏လုပ်ရပ်ကို နယူးယောက်မြန်မာ.ဒီမိုကရေစီအင်အားစုများမှမြန်မာအရေးလှုပ်ရှားသူများကပြင်းထန်စွာကန့်ကွက်ရှုံချလိုက်သည်။

လက်ရှိအခြေအနေတွင် မြန်မာအစုိုးရသည် ဒီမုိုကရေစီစနစ်သို့ အသွင်ကူးပြောင်းနေသည်ဟု အကြိမ်ကြိမ် ပြောဆိုပြီး ဆွေးနွေးညှိနှိုင်းမှုများ၊ ဆောင်ရွက်မှုများ ပြုလုပ်နေသည့် အရေးပါသည့် အချိန်ဖြစ်သည်။ သို့ရာတွင် ယခင်စစ်အစုိုးရများကဲ့သို့ ငြိမ်းချမ်းစွာ ဆန္ဒပြ ထုတ်ဖော်သည့် လက်နက်မဲ့၊ အကြမ်းမဖက်သည့် ပြည်သူများကို တဖက်သတ် အကြမ်းဖက်ခြင်း၊ နှိမ်နှင်းခြင်းသည် ဒီမုိုကရေစီရေး အသွင်ကူးပြောင်းနေသည့် ယခုအချိန်အခါတွင် လုံးဝ မဖြစ်သင့် မဖြစ်ထိုက်သော အကျည်းတန်သည့် ဖြစ်ရပ်ကြီး ဖြစ်သည်။

 မြန်မာပြည်၏ ဈေးကွက်စီးပွားရေးစနစ်ကို စတင်ကျင့်သုံးနေသည့် အချိန်အခါ အခြေအနေတွင် အာဏာရအစုိုးရ၊၀န်ကြီးဌာနများ၊ ပြည်နယ်နှင့်တိုင်းအာဏာပိုင်များနှင့် နိုင်ငံခြားကုမ္မဏီများ၊ ပြည်ပအစုိုးရအဖွဲ့အစည်းများနှင့် ဖက်စပ်စီမံကိန်းများ၊ရင်းနှီးမြုပ်နှံမှုများ ပြုလုပ်ကြရာတွင် ဒေသခံများနဲ. မြန်မာပြည်သူအားလုံး၏ ရေတို ရေရှည်အကျိုးစီးပွားကို ဦးစားပေးရေး၊သဘာဝ ပတ်ဝန်ကျင် ထိမ်းသိမ်းကာကွယ်စောက်ရှောက်ရေး တရားမျှတရေး၊ ပွင့်လင်းမြင်သာမှုရှိရေးသည် အရေးကြီးဆုံးသော အဓိကအချက် ဖြစ်သည်။

ထိုအားနည်းချက်နောက်ခံများကြောင့် ပြည်သူတို့၏ ဆန့်ကျင်မှုများ၊ ကန့်ကွက်မှုများကို ရင်ဆိုင်ရပါကလည်း ငြိမ်းချမ်းစွာ တရားနည်းလမ်းကျစွာ အဖြေရှာရမည်။ ယခုကဲ့သို့ လူတစု၊ ကုမ္မဏီ၊ အစုအဖွဲ့အစည်းတခုကို ကာကွယ်ပြီး အများပြည်သူကို ထိခိုက်နစ်နာအောင် အကြမ်းဖက် ဖြေရှင်းခြင်း လုံးဝ မပြုလုပ်သင့်ပေ။

 သို့ဖြစ်ပါ၍ မြန်မာပြည်၏ ဒီမိုကရေစီရေး အသွင်ကူးပြောင်းကာလတွင် လက်ရှိအရေးအခင်းနှင့် အကြမ်းဖက်မှုများကို ထိရောက်စွာ အရေးယူရန်၊ နောင်တွင် လုံးဝမဖြစ်ပေါ်ရေးအတွက် ကာကွယ်နိုင်ရန်၊ ရှောင်ရှားနိုင်ရန် အောက်ပါအချက်များကို တိုက်တွန်းလိုက်ပါသည်။

(၁) အစုိုးရ၏ စီမံကိန်းအားလုံး၊ ရင်းနှီးမြုတ်နှံမှုအားလုံးသည် အများပြည်သူလူထု၏ ရေတို ရေရှည် အကျိုးစီးပွားဖြစ်ထွန်းရေး၊သဘာဝ ပတ်ဝန်ကျင် ထိမ်းသိမ်းကာကွယ်စောင့်ရှောက်ခြင်း ရှိမရှိ၊ တရားမျှတ ပွင့်လင်းမြင်သာမှုနှင့် ခေတ်မီစနစ်ကျမှု ဖြစ်ရေးတို့ ရှိမရှိ ပြန်လည် စိစစ်ရန်၊ ပြုပြင် ပြင်ဆင်ရန်၊ ထိုသို့ ကိုက်ညီခြင်းမရှိပါက ပြည်သူ့ဆန္ဒခံယူပြီး ဖျက်သိမ်းရန်၊ ရုတ်သိမ်းရန်။
 (၂) နိုင်ငံခြားအစုိုးရများ၊ အဖွဲ့အစည်းများ၊ ကုမ္မဏီများ၏ စီမံကိန်းများ၊ ရင်းနှီးမြုတ်နှံမှုများ အားလုံးကိုလည်း အထက်ပါ အချက်အလက်များနှင့်အညီ ပြန်လည် စိစစ်ရန်၊ ပြုပြင် ပြင်ဆင်ရန်၊ ကိုက်ညီခြင်းမရှိပါက ပြည်သူ့ဆန္ဒခံယူပြီး ဖျက်သိမ်းရန်၊ ရုတ်သိမ်းရန်။
(၃) နိုဝင်ဘာ ၂၉ ၊ ၂၀၁၂၊ လက်ပံတောင်းတောင်၊ ကြေးနီစီမံကိန်းဆန့်ကျင်သည့် သပိတ်စခန်းများကို နှိမ်နှင်း ဖြိုခွဲမှု အရေးအခင်းကို စုံစမ်းစစ်ဆေးရေးကော်မရှင်ကို ဖွဲ့စည်းပြီး ဖော်ဆောင်ရာတွင် အစုိုးရ၊ လွှတ်တော်၊ တရားစီရင်ရေး၊ လူထုအခြေပြုအဖွဲ့အစည်းများ၊ လူပုဂ္ဂိုလ်များသာမက ဒေသခံကို်ယ်စားပြုသူများ ပါဝင်ရေး၊ ၎င်းကော်မရှင်က လွတ်လပ်စွာ ဆောင်ရွက်ခွင့်၊ သတင်းထုတ်ပြန်ခွင့် ရှိရေး၊ ကော်မရှင်၏ ဖော်ထုတ်မှုများ၊ အကြံပြုချက်များကို အာဏာပိုင်တို့က လိုက်နာ အကောင်အထည်ဖော်ဆောင်ရေး၊ တိုက်ရိုက်အပြစ်ရှိသူများကို ဖော်ထုတ်ပြီး၊ ထိရောက်စွာ ပြင်းထန်စွာ အရေးယူရေး။
 (၄) ဒီမုိုကရေစီစနစ်သို့ အသွင်ကူးပြောင်းရေးကာလသည် အစုိုးရ၊ လွှတ်တော်၊ ပြည်သူ အားလုံးအတွက် အရေးပါသော ကာလနှင့် အခြေအနေဖြစ်သည့် အားလျော်စွာ နောင်ကာလတွင်လည်း ယခုကဲ့သို့ မတရားဖိနှိပ်မှုများ၊ လူ့အခွင့်အရေးချိုးဖောက်မှုများ၊ ပွင့်လင်းမြင်သာမှု ကင်းမဲ့ခြင်းတို့ကြောင့် ပြည်သူလူထုက ဆန္ဒထုတ်ဖော်ခြင်း၊ ဆန္ဒပြခြင်းနှင့် တောင်းဆိုမှုများ ပြုလုပ်လာကြပါက တားဆီးခြင်း၊ ကန့်သတ်ခြင်းများမပြုလုပ်ဘဲ အာမခံချက်ပေးရန်၊ တရားဥပဒေနှင့်အညီ ဆွေးနွေးဖြေရှင်းမှုများ ပြုလုပ်ရန်၊ အကြမ်းဖက်ဖြိုခွဲခြင်း လုံးဝ မပြုလုပ်ရန်
(၅)အစွန်းရောက်အကြမ်းဖက်မှု ကြောင.် ထိခိုက်ဒဏ်ရာ့ရသော ရဟန်းသံဃာများအား အတိအလင်း ဝန်ချတောင်းပန်ရန်န.ဲ နောက်နောင်ထိုက.ဲသ.ို မပြုလုပ် ရန် ဟူ၍ တိုက်တွန်းလိုက်ပါသည်။ နယူးယောက်မြန်မာဒီမိုကရေစီအင်အားစုများမှ မြန်မာပြည်သူများနှင့် အတူ ကျနော်တို့ ရပ်တည်ကြောင်း၊ အားပေးကြောင်း၊ ထောက်ခံကြောင်း ထုတ်ပြန်အပ်ပါသည်။ 
  • (နယူးယောက်မြန်မာဒီမိုကရေစီအင်အားစုများ) ဒီဇင်ဘာ ၆ ၂၀၁၂

2 comments :

Myo Chit said...

ဒါပေမယ့် အစိုးရနဲ့ အတိုက်အခံက အခုအချိန်ထိ သိပ်ပြီး ပေါင်းလို့မရသေးဘူး၊ အစိုးရကလဲ အတိုက်အခံ ပြောသမျှ သဘောတူလို့ မရတဲ့ကိစ္စတွေရှိတယ်။ အတိုက်အခံကလဲ အစိုးရပြောတာကို မှန်တယ်လို့ ထင်တောင်မှ မယုံရဲတာရယ်၊ လမ်းကြောင်းပြောင်းသွားပြီ လို့ အပြောခံရမှာ ကြောက်ရတာရယ် တနည်းအားဖြင့် နိုင်ငံရေးအရ သေမှာစိုးတာပေါ့။ အဲဒီတော့ ဒီဘက်က အဖွဲ့ က ပေါင်းဖို့ကို တကျီကျီ ညှိနေရတုန်းရှိသေးတယ်၊ အပြင်က အဖွဲ့နဲ့ အတွင်းက သူခိုးများကတော့ စကားသိပ်ပြောစရာ လိုမယ်မထင်ဘူး အဓိက ပိုက်ဆံနဲ့ ညှိလိုက်ရင် ပြီိးသွားတာပဲလို့ထင်တယ်။

ဘာလို့ အဲဒီလိုမြင်တာလဲ ဆိုတော့ အစိုးရနဲ့ ပြည်တွင်းကအတိုက်အခံ တွေက အင်တာနက်တို့ Social Networking တို့နဲ့ နည်းနည်းတော့ အလှမ်းဝေးတယ်။ ဒါပေမယ့် ပြည်ပရောက် စားပေါက်ပျောက်မှာ စိုးသူများနဲ့ ခိုးသားများကတော့ အဲဒါမျိုးတွေ မှာ အစောကြီးကတည်းက အားသန်တာ အမှန်ပဲ။ အဲဒါကြောင့်မို့ ဒီလိုမျိုးတွေ ဖြစ်တဲ့ အချိန်မှာ ဘာမှ ရေရေရာရာ အကြောင်းပြချက် မပြောဘဲ ခံစားရတယ် ဘာဖြစ်တယ် ညာဖြစ်တယ် ဆိုပြီး အလကားသက်သက် Online ကနေ သွေးလိုက်ဆွနေတဲ့ သူတွေက များသောအားဖြင့် ခုနက ပြောခဲ့တဲ့ စားပေါက်ပျောက်သူများနဲ့ ဦိးပိုင်အဖွဲ့က ဖြစ်ဖို့များတယ်။ အင်တာနက်ပေါ်က လူတွေက လဲ များသေားအားဖြင့် Peer Pressure ကို မခံနိုင်တဲ့သူတွေများတယ် ဆိုတော့ ဆွတဲ့အဖွဲ့အတွက် အင်တာနက်ပေါ်မှာ ထောက်ခံသူတွေ များများရဖို့ သိပ်မခက်လှဘူး။

နောက်တစ်ချက်က အခုလိုဖြစ်လိုက်တဲ့ ကိစ္စမှာ တကယ်တမ်း နစ်နာတဲ့သူကို ပြန်စဉ်းစားရင် ကောင်းအောင် ပြန်လုပ်ချင်နေတဲ့ အစိုးရရယ် အစိုးရနဲ့ တွဲပြီိး ငြိမ်းငြိမ်းချမ်းချမ်း လုပ်မယ် ဆိုတဲ့ အတိုက်အခံရယ်၊ ပြည်သူရယ် ပဲ။ အကျိုးရှိတဲ့သူတွေ ကို ပြန်ကြည့်ရင်တော့ ခုနက ဦးပိုင် လိုဟာမျိုးရယ် မြန်မာနိုင်ငံမှာ ပြသနာတက်တာနဲ့ အလှူခံမယ် လူတွေရယ်ပဲ။ အမှတ်တမဲ့ကြည့်ရင် ဦးပိုင်က ပြသနာ တက်တာပေါ့ လို့ထင်ရတယ်၊ ဒါပေမယ့် သွေးအေးအေးနဲ့ အကျိုးနဲ့အကြောင်းနဲ့ ဆန္ဒပြနေရင် တရားဥပဒေထဲကနေပဲ ကြိုးစားနေမယ် ဆိုရင် ရေရှည်မှာ အများကြီိးပိုနစ်နာနိုင်တယ်။ တကယ်တမ်းဆို ရိုးရိုးလေး ဒီစာချုပ်မှာ ဘာတွေပါသလဲ ဆိုတာကနေ စပြီး ရှင်းပြပါလို့ ဆိုရင် ဘယ်လိုမှ ငြင်းလို့ရမှာ မဟုတ်ဘူး။ အချိန်ဆွဲကောင်းဆွဲနိုင်တယ် ဒါပေမယ့် ငြင်းလို့မရဘူး။ အဲဒီကနေပြီး မတရားတဲ့ စာချုပ်ကို ဘာလို့ ချုပ်ရတာလဲ ပိုက်ဆံတွေ ဘယ်မှာလဲ ဆိုရင် ယူထားတဲ့သူတွေကို တရားစွဲလိုရပြီ။ တပြိုင်တည်းမှာပဲ အန်တီစုတို့ဘက်က တရားဥပဒေ စိုးမိုးရေးဘက်ကနေပြီး တရားရုံးတွေမှာ တရားမျှတအောင် လုပ်နေတယ် အာရုံစိုက်နေတဲ့ အခါကျတော့ အချိန်ကြာရင်ကြာမယ် ဒါပေမယ့် အခုလိုဖြစ်သွားတာထက် အများကြီး ပြည်သူတွေအတွက် ကြိမ်းသေပေါက် အကျိုးသက်ရောက်မှု ရှိမှာပဲ။ မကောင်းတဲ့သူတွေ လျော့သွားမယ်။ ဦးပိုင်အတွက်ကတော့ အဲဒီလို စိတ်အေးလက်အေးဇွဲရှိရှိနဲ့ တရားရုံးကနေ တရားစွဲခံရမ့် ကိစ္စဟာ အိမ်မက်ဆိုးပဲ။ လက်နက်ကိုင်ပြီိးတိုက်တာက သူပုန်ပဲဖြစ်မှာပါ။ တရားရုံးမှာ တိုက်တာကမှ တကယ့် အကျိုးသက်ရောက်မှုရှိမှာပါ။

အဲဒီမှာ ကြားထဲက နစ်နာသွားတဲ့သူတွေကတော့ သံဃာတော်တွေပါပဲ။ အခု အဲဒီကြေးနီတောင်ဟာ မြစ်ဆုံနဲ့ လုံးလုံးမတူသလို အခုသံဃာတော်တွေကလဲ ရွှေဝါရောင်နဲ့ တူမှာ မဟုတ်ပါဘူး။ အရင်ရွှေဝါရောင်တုန်းက ဘုန်းကြီးတွေ ကိုယ့်သဘောနဲ့ ကိုယ်ထွက်လာခဲ့တာပါ။ လူတွေဒုက္ခရောက်လွန်းလို့၊ အခုကိစ္စမှာတော့ ဘုန်းကြီးတွေကို အရှင်ဘုရားတို့ ကယ်တင်လို့ မြန်မာနိုင်ငံကြီး ဒီမိုကရေစီနဲ့ နီးစပ်လာတာပါ။ အခုလဲ အရှင်ဘုရားတို့ လုပ်ကြပါဦးလို့ လာပြောတဲ့သူတွေ ရှိပါလိမ့်မယ်။ နောက်ပြီိး ဘုန်းကြီးတွေကိုပဲ သပိတ်စခန်းမှာ ထားခဲ့ပြီး အနစ်နာဆုံး ဖြစ်အောင် လုပ်တဲ့သူတွေ ရှိပါလိမ့်မယ်။ အသေးစိတ်ဘယ်လိုလုပ်ရမယ် ဆိုတာကတော့ စဉ်းစားကြည့်ရင် သွေးဆူနေတဲ့ ဘုန်းကြီးတွေ မြှောက်ပေးရတာ လွယ်တယ်ဆိုတာ သိသာပါတယ်။ တကယ်တမ်းတော့ သိမ်ဆိုတာက အကြောင်းပြတာပါ။ နောက်ပြီး အဲဒီသိမ်နဲ့ ပါတ်သက်ပြီး မထိဘူးလို့လဲ ပြောထားမျိုးတွေ့ရပါသေးတယ်။ အမှန်အတိုင်းပြောရင် ဘုန်းကြီးတွေကလဲ အညာခံရတဲ့ သံဃာတော်တွေ ပါသလို သွေးဆူပြီး သံဃာအလုပ်ထက် ပိုပြီိး နာမည်ကြီးချင်တာ၊ ကိုယ့်ရဲ့ အလုပ်မဟုတ်တာကို ၀င်ပါတာတွေကြောင့် ခံရတဲ့ ဘုန်းကြီိးတွေလဲ ပါပါတယ်။

Myo Chit said...

ခင်ဗျားလဲ ဗမာ ဗုဒ္ဓဘာသာ ကျုပ်လဲ ဗမာ ဗုဒ္ဓဘာသာ အချင်းချင်းမို့ မြန်မာနိုင်ငံမှာ ဘုန်းကြီးတွေ အားလုံးဟာ အလွန်တရာမှ ၀ိနည်းနဲ့ ညီညွတ်ပြီး သင်္ကန်းဝတ်နေရက်နဲ့ ပါရာဇိက ကျနေတဲ့ ဘုန်းကြီးတွေ မရှိပါဘူး လို့တော့ အတင်း မျက်စိစုံမှိတ်ငြင်းနေစရာ မလိုဘူးထင်တာပဲ။

အဲဒီတော့ ခြုံကြည့်ရင် ဘုန်းကြီိးတွေကို အဲဒီနေရာရောက်အောင်ပို့ အချိန်ကိုက်ပြီး ဘုန်းကြီိးတွေကို တဖက်ကဆွ နောက်တဖက်ကို ရွေးစရာလမ်းမရှိအောင် လုပ်။ပြသနာဖြစ်လာတာနဲ့ တပြိုင်နက် ၀ိုင်းဝန်းပြီိး ရေးကြ ပြောကြ ဘာသာရေး အကြောင်းပြပြီိး ပြောကြ စစ်အစိုးရ ဘာညာ ဆိုပြီး လုပ်ကြ။ ရခိုင်ပြသနာ မွတ်စလင်ပြသနာကိုပါ ဆွဲထည့်လိုက်သေး။ ဒါပေမယ့် သူတို့ မလုပ်နိုင်တာ တစ်ခုရှိတယ် အဲဒါက တကယ်တမ်း လက်တွေ့မြင်နေရတဲ့ သူတွေပဲ။ အခုအန်တီစုအဲဒီကို သွားတာနဲ့ တချို့ကတော့ အတင်းကြီးကို ဒရန်မာတွေဘာတွေ လုပ်တာပေါ့ဗျာ ဒါပေမယ့် လူတွေ တော်တော်များများက ပျော်ပျော်ရွှင်ရွှင် ကြိုနေကြတာပဲ။ ဖေ့ဘွတ်ပေါ်မှာ ပြောနေကြတာကတော့ ကမ္ဘာပျက်သလား အောက်မေ့ရတယ်။ ဒါပေမယ့် တကယ်တမ်းမှာတော့ လူတွေက ဘယ်လိုလုပ်ရမယ်သာ မသိတာ ဘယ်သူမှ အတင်းအကြပ်တွေ မလုပ်ချင်ဘူး ငြိမ်းငြိမ်းချမ်းချမ်း ဖြစ်ချင်တယ် မတရားလုပ်တာ မကြိုက်ဘူး ဆိုတဲ့သူတွေပဲ များပါတယ်။ အန်တီစုကို ဟိုဘက်ဒီဘက် ပြောရမလွယ်အောင် ထပ်လုပ် အခုလိုပြောတော့ ထပ်ပြီး ပြသနာရှာ အဲဒါက ဖေ့ဘွတ်ပေါ်မှာပဲ အလုပ်ဖြစ်မှာပါ လက်တွေ့မှာတော့ လူတွေက အန်တီစု စကားနားထောင်ပြီိး အေးအေးချမ်းချမ်း ပြီးသွားမယ် လို့ မျှော်လင့်ပါတယ်။

နောက်ဆုံးပြောချင်တာကတော့ ကိုယ့်လိုပဲ ဖေ့ဘွတ်ပေါ်ကနေဖတ်ပြီးစိတ်ဆင်းရဲနေတဲ့သူများ ရှိရင် အဲလောက်ကြီးတော့ စိတ်မဆင်းရဲပါနဲ့ တကယ့် လက်တွေ့မှာ အေးအေးချမ်းချမ်း ပြီးသွားမယ်လို့ မျှော်လင့်ကြောင်း ပြောချင်ပါတယ်ဘာညာ။ အခုခေတ်မှာ ပြန်လုပ်စရာတွေ အများကြီး ကောင်းအောင် လုပ်နိုင်တဲ့ကိစ္စတွေ အများကြီး။ အမှန်အတိုင်းပြောရင် အဓိကက Online ကလူတွေ အများစုက တဖြည်းဖြည်းနဲ့ ကျောင်းတက်ရမှာ စိုးလို့ ငလျင်လှုပ်ပါစေ မိုးအကြီးအကျယ် ရွာပါစေ မုန်တိုင်း တိုက်ပါစေ ဆုတောင်းနေကြသလိုပဲ။ တကယ်ပါ စိတ်ဆင်းရဲတယ်၊ မြှောက်ပေးနေတဲ့သူတွေရော မြှောက်ပေးခံနေရတဲ့သူတွေရော။

အခုထိ စိတ်ထဲမှာ ထင်နေတာကတော့ အစိုးရနဲ့ ပြည်သူပြေလည်ပြီး တိုင်းပြည်တိုးတက်လာရင် သူတို့စားပေါက်ပျောက်မှာကို စိုးရိမ်နေတဲ့ Project တွေလုပ်စားနေတဲ့ ပြည်ပနေ လူတစ်စုရယ်၊ အစိုးရ နဲ့ ပြည်သူပြေလည်ပြီး စည်းကမ်းတကျ လုပ်လာတာနဲ့ ခိုးထားဝှက်ထားတာတွေ ပေါ်မယ်။ လူကြားထဲ အရှက်ကွဲမယ်။ ပိုက်ဆံတွေ ဆုံးရှုံးမယ်လို့ စိုးရိမ်နေတဲ့သူတွေ၊ အဲဒီ အုပ်စု နှစ်စု ပေါင်းမိနေပုံရတယ်။