အရည်း ကြီးများ က ပန်းဦးမလွှတ် တယ်ဆိုသမိုင်းအထောက်အထားမရှိ၊ လူထုကို ကူညီခဲ့တာပဲရှိတယ်။

ဒေါက်တာသန်းထွန်းပြောသော အရည်းကြီးများအကြောင်း

by Ko Navana on Thursday, January 10, 2013 at 10:20am ·

နန္ဒာလှိုင်နဲ့ လူမင်း နဲ့ သရုပ်ဆောင်ထားတဲ့ အရိမဒ္ဒနပူရ (ထင်တယ်) ဆိုတဲ့ ဇာတ်ကားထဲမှာ နန္ဒာလှိုင်ကို ပန်းဦးလွှတ်ဖို့ ဇော်မှိုင်းခေါင်းဆောင်တဲ့ အရည်းကြီးတွေ တန်းစီကြတယ်..။ ဇော်မှိုင်းက ဆရာကြီးဆိုတော့ တိုကင်နံပါတ်ဝမ်းပေါ့..။ နန္ဒာလှိုင်က အခန်းထဲက ဒမ်းလော့ မွေ့ရာကြီးပေါ် တစောင်းလေး လဲလျောင်းနေတဲ့အချိန် ဇော်မှိုင်းက လျှာသပ်ပြီး ၀င်လာတော့ ပုရိတ်သတ်များက မဖြစ်နိုင်မှန်းသိပေမယ့် ပြူးတူးပြဲတဲနဲ့  ဒန့်တန်တန် ပေါ့လေ..။

ဒါပေမယ့် ဇော်မှိုင်းခမျာ (မြန်မာလူကြမ်းဆိုတော့ သနားပါရဲ့ ) နန္ဒာလှိုင်ရဲ့ လက်ကလေးလောက်ပဲ ကိုင်ရသေးတယ်..။ နန္ဒာလှိုင်က ချောင်ဂျိုချောင်ကြား ၀ှက်ထားတဲ့ဓါးနဲ့ ကောက်ထိုးလိုက်တော့ ပရိတ်သတ်တွေက တ၀ါးဝါးနဲ့ ရီလိုက်ကြတာ တရုံလုံး သောသောကိုညံလို့..။ ဇော်မှိုင်းကြီး ဓါးဒဏ်ရာနဲ့ ဂစ်ဂစ်ဆိုပြီးသေသွားတာကို ကြည့်ပြီး ရယ်ကြတာတော့မဟုတ်ပါဘူး..။

ဇော်မှိုင်းက နန္ဒာလှိုင်လက်ကိုင်တဲ့အချိန် တရုံလုံး အသံမထွက် တိတ်ဆိတ်ပြီး ကြည့်နေတုံး ဓါးနဲ့ သမ ခံလိုက်ရတော့ ပရိတ်သတ်ထဲက တစ်ယောက်က '' သေပြီ ဆရာ '' လို့ ထအော် လိုက်တာမို့  အားလုံး ပတ်တုတ်မရဖြစ်ကုန်တာ..။

ဆိုတော့ အရည်းကြီးတွေရဲ့ ဆိုးချက်ကို ပုံဖော်ရမှာ အဲဒီ ပန်းဦးလွှတ်တယ်ဆိုတဲ့ ကိစ္စက တော်တော်လေးကို ရှေ့တန်းရောက်တာ တွေ့ရပါတယ်..။

အဲဒါနဲ့ ဒေါက်တာသန်းထွန်း အနေနဲ့ အဲဒီကိစ္စကို ဘယ်လိုများ မြင်သလဲလို့ မွှေနှောက်ရှာကြည့်တော့.. ''သန်းထွန်းရှစ်ဆယ်ပြည့် '' ဆိုတဲ့ စာအုပ် စာမျက်နှာ ၂၉၄ မှာ သူ့တပည့်တစ်ယောက်က ပြန်ရေးတဲ့ ''ကျွန်တော်ပြောချင်သမျှ ကျွန်တော့်ဆရာ(သန်းထွန်း) အကြောင်း '' ဆိုတဲ့ ဆောင်းပါးမှာ -

''အရည်းကြီး ဂိုဏ်းနဲ့ ပတ်သက်လို့ ဆရာ့(ဒေါက်တာသန်းထွန်း) ပြင်ဆင်ချက်က အစဉ်အလာ စကားနဲ့ ဖြောင့်ဖြောင့်ကြီး ဆန့်ကျင်သွားတယ်။

ဆရာ့ပြင်ဆင်ချက်က -

၁) အရည်းကြီးဂိုဏ်းဟာ လူအများ ပြောသလောက်မဆိုး၊ အရည၀ါသီတွေဖြစ်တယ်။

၂) အရည်းကြီးကို ဘယ်ပုဂံမင်းကမှ မနှိပ်ကွပ်။

၃) ''ပန်းဦးလွှတ်'' တယ်ဆိုတဲ့ စကား ကျောက်စာမှာ မတွေ့ (the right of first wedding-night   ဆိုတာ အလယ်ခေတ် ဥရောပတချို့နိုင်ငံတွေမှာတော့ ရှိတယ်။ )

၎) ပုဂံခေတ်နောက်ပိုင်းနဲ့ ပုဂံပျက်တဲ့အချိန်၊ စိုက်ပျိုးရေးနဲ့ ပြန်လည်ထူထောင်ရေးမှာ (အရည်းကြီးတွေဟာ) ခေါင်းဆောင်တွေဖြစ်တယ်။

၅) ဓမ္မစေတီခေါ် ရာမာဓိပတိလက်ထက် အေဒီ ၁၄၈၈ မှာ ရှင်ဘုရင်က အာဏာစက်နဲ့ အားပေးလို့ သီဟိုဠ်ပြန် ဘုန်းကြီးတွေ အနိုင်ရပြီး အရည်းကြီးတွေကို ချိုးချိုးဖဲ့ဖဲ့ ပြောကြတာ ဖြစ်တယ်။

၆) ဒါကြောင့် ၁၆ ရာစုနှစ်မှာ ရေးတဲ့ ရာဇ၀င်တွေမှာ မလိုလားတဲ့ အရည်းကြီးတွေကို အင်မတန်အဆိုးဖြစ်အောင် ရေးကြတာ ဖြစ်တယ်။

၇) အရည်းကြီးတွေကို အပြစ်ပြောမယ်ဆိုရင် ပြောစရာတစ်ချက်ပဲရှိတယ်။  စိုက်ပျိုးဖို့ မြေယာတွေ ၀ယ်ယူပြီးရင် 'သေသားစားသောက်ပွဲ' ကျင်းပတာပဲ။ တခြား အပြစ်ပြောစရာ ဘာမှ မတွေ့ရ။

လို့ ရေးထားတာကို လေ့လာတွေ့ရှိရပါတယ်..။

အရည်းကြီးအကြောင်းကို ဒေါက်တာသန်းထွန်းက အကိုးအကားအထောက်အထား အားကိုးနဲ့ အဲသလို ကောက်ချက်ချပါတယ်..။ လက်ခံတာ လက်မခံတာကတော့ .. သဘောပေါ့။

အရည်းကြီးတွေရဲ့  သဘောတရားရေးရာနဲ့ ပါတ်သက်ပြီး ဒေါက်တာသန်းထွန်းရဲ့ ခေတ်ဟောင်းမြန်မာရာဇ၀င်စာအုပ် စာမျက်နှာ - ၃၀၃ မှာ အခုလို တစွန်းတစ တွေ့ရှိရပြန်ပါတယ်..။

'' တောကျောင်းရဟန်းတို့ကို အထူးကျေးဇူးတင်ထိုက်သော အချက်တစ်ခု ရှိသေး၏။ မြန်မာတို့ မူလနေရာကို ခရိုန်၊ ထိုမှ ချဲ့ထွင်နေထိုင်ရာကို တိုက်ဟုရှိရာ ပုဂံပျက်လျှင် တိုက် အရပ်များ၌ မြေယာများစွာသည် ထွန်ယက်စိုက်ပျိုးရန် လူမရှိခြင်း၊ လူရှိပြန်လည်း လုံခြုံမှု မရှိခြင်းတို့ကြောင့် တောအတိပြန်၍ ဖြစ်ရသည်။ တိုင်းပြည် မည်သို့အခြေအနေရှိမည်ကို အေဒီ ၁၃၇၅ ခုနှစ်ထိုး ကျောက်စာ၏ အောက်ပါ ကောက်နှုတ်ချက်ဖြင့်သိသာပါသည်။ ''

((----- ကျောက်စာ ------------ ))

''တစ်ခါမျှ စိုက်ပျိုးခြင်းမပြုဖူးသော တောမြေ သို့မဟုတ် မြေစိမ်းနှင့်တကွ စိုက်ပျိုးဖူးလျက် တောပြန်ဖြစ်သော တောမြေတို့ကို ယခုတောကျောင်း ရဟန်းတို့က သက်ဆိုင်ရာအာဏာပိုင်တို့ထံတွင် ငွေ၊ အစား၊အသောက်၊ အ၀တ်ပေး၍ယူ ပြန်၍ ထွန်ယက်နိုင်အောင် ကြံစည်အားထုတ်ပေးခဲ့ကြ၏။ ဤအချက်ကား ပြည်ရွာ ငြိမ်းချမ်း၍ အစာရေစာပေါများလျက် စီးပွားရေးကုံလုံအောင် တစ်ဖက်တစ်လမ်းမှ ဆောင်ရွက်ပေးခြင်းဖြစ်သဖြင့် ယင်းတို့သည် အထူးကျေးဇူးတင်ထိုက်သော ပုဂ္ဂိုလ်များ ဖြစ်ပါသည်။ ထိုခေတ် အစိုးရ၀ါဒနှင့်လည်း ကိုက်ညီသည်။ ထင်ရှားသော သာဓကတစ်ခုကား -

((-------- ကျောက်စာ  ---------- ))

  ''ဤကျောက်စာအတိုင်းဆိုလျှင် တောကျောင်း သံဃာတို့၏ ခေါင်းဆောင်တစ်ဦး၏ လုံ့လဖြင့် ဧက ၅၀၀၀ ကျော်ခန့်ရှိသော မြေသည် စိုက်ပျိုး၍ရသော မြေဖြစ်လာသည့်အပြင် ထိုအခါက အုပ်ချုပ်ဆဲဖြစ်သော ဘုရင် (မိုဝ်ညင်သတိုဝ် ၁၄၂၆-၃၉) ကိုယ်တော်တိုင်လည်း တောမြေကို ထွင်ရာ၌ ပါဝင်ဆောင်ရွက်ခြင်းကို မှတ်သား ဂရုပြုဖွယ် တစ်ရပ်ဖြစ်ပါသည်။ ဤပုဂ္ဂိုလ်မျိုး၏ ကြိုးစားချက်နှင့် ကောက်ပဲစိုက်ရန် ဘုရင်၏အားပေးခြင်းတို့ကြောင့် ၁၅ ရာစု မြန်မာနိုင်ငံသည် ပြန်လည်နေသားတကျရှိ၍ စည်ကားရသည် ဆိုလျှင် တစ်နည်းအားဖြင့် မှန်ကန်နိုင်စရာ အကြောင်းရှိပါသည်။ ''

 ခေတ်ဟောင်းမြန်မာရာဇ၀င် စာမျက်နှာ ၂၈၉ မှာလဲ အခုလိုလေး တွေ့ရပြန်ပါတယ်..။

တစီးရှင် သီဟသူ လက်ထက်၌ ပင်းယမြို့တွင် သီလ၀န်ဂုဏ၀န် လဇ္ဇီပေသလ ရဟန်းသံဃာများစွာမရှိ- ပုဂံအရည်းကြီးတို့က ကြွင်းကျန်သော ရှင်ယောင် အရည်းကြီးတို့သာ များပြားစွာသတည်း ။

''-ဟူသော အရေးအသားတွင် ပုဂံခေတ်ဦး အရည်းကြီးကို နှိမ်နင်း၍ ကြွင်းကျန်သမျှတို့သည် ပုဂံပျက်သည့်အခါတွင်မှ တစ်ဖန် အထင်အရှား နေပြန်သည်ဟူသော သဘောကို ဆောင်သောကြောင့် ထိုအရေးသားမျိုးကို ကန့်ကွက်လိုပါသည်။

ယခုအခါ ရှာဖွေတွေ့ရှိထားသော အထောက်အထားများအရ အရည်းဆိုသူတို့ ပုဂံခေတ်ဦး၌ မရှိချေ။

ပုဂံခေတ်နှောင်း၌သာ ယင်းတို့ပေါ်ပေါက်လာ၍ ပုဂံပျက်သည့်နောက် ကာလအတန်ကြာအောင်ပင် တိုးတက်ကြီးပွား၍နေကြသည်မှာ အထင်အရှားဖြစ်ပါသည်။ အရည်းခေတ်၏ အပိုင်းအခြားကား အေဒီ ၁၂၀၀ ခန့်မှ အေဒီ ၁၅၀၀ ကျော်အထိ ဖြစ်သည်။ ''

ကဲ..လာမယ့် ၃၁ ရက်နေ့ ဒီလ-ဒီနှစ်ထဲမှာပဲ.. လွန်ခဲ့တဲ့ နှစ်ပေါင်း နှစ်ထောင့်ငါးရာကျော်က သေဒဏ်ကျခံခဲ့ရတဲ့ ဆိုကရေးတီး ကိစ္စ ပြန်အစဖော်ပြီး.. သေဒဏ်ကျခံသင့်-မသင့် ပြန်စစ်မေးကြမတဲ့..။ လက်မှတ်ဝယ်ပြီး ကိုယ်တိုင်ဝင်ရောက်နားထောင်ချင်ရင် ဒီမှာ လင့်ဗျား..။

http://www.nationalhellenicmuseum.org/events/trial-socrates/