ကင်းထောက်တွေ လွှတ်တော်ထဲရောက်လို့ ကျနော်စိတ်ပူနေ
မဆလ ခေတ်ဦး တော်လှန်ရေးကောင်စီတက်ခါစက ကင်းထောက်လူငယ်ဆိုတာ ရှိခဲ့တယ်ဗျ ။ အဲဒီအထဲမှာ ကျနော် နေမျိုးဝေ ရဲ့အဖေ ကျောင်းဆရာ ဦးလှမြင့် ဘိုကလေးသားကြီး ပါခဲ့တာပေါ့ ။ နှစ် ပေါင်း ၅၀ လောက် တိမ်မြုပ်နေပြီး အခုပြန်ဖော်ထုတ်လာတယ် ။ လွန်ခဲ့တဲ့ တလ လောက်က ဘကြီးဦးလှမြင့် ( ကျနော့်အဖေကို ကျနော်ချစ်စနိုးခေါ်တာ အသက် ၇၃ နှစ် ) ရန်ကုန်ကို တစ်ယောက်ထဲ ခပ်တည်တည်တက်လာတယ် ။ ကျနော့်အိမ်ရောက်လာတယ် ။ ငါအစည်း အဝေးလာတက်တာတဲ့ ။ ဘာအစည်းအဝေးလည်းဆိုတော့ ကင်းတောက် ဟောင်းကြီးတွေ ပြန်လည်တွေ့ဆုံ ပွဲကွတဲ့ - ကျနော်က စူးစမ်းတယ် အဖေ လူဟောင်းကြီးတွေတော်တော် များများလာသလားဆိုတော့ ၁၀၀၀ ကျော် တယ်တဲ့ ဗျ ။
အဖေ့ကို ဘယ်သူက ဘယ်လိုဖိတ်သလည်းဆိုတော့ - - - စာအိပ်နဲ့သေချာရောက်လာတာကွ
( အဖေက အိမ်လိပ်စာပြောင်းနေပြီအခုက ။ ဒါပေမဲ့လိပ်စာမမှားဘူးဗျနော် )
ကိုင်းဗျာ မဆလ ခေတ်ဦး တော်လှန်ရေးကောင်စီတက်ခါစက - ဖွဲ့ထားတဲ့ ကင်းထောက်တွေ ကို လိပ်စာပြောင်းသွားတာတောင် - ရအောင်ဖိတ်နိုင် တယ် ။ တစ်နိုင်လုံးလူစုံတယ် ။ အဖေပျော်နေတယ် ။ ကျနော်မပျော် ဘူးဖြစ်သွားတယ် ။
တစ်ပါတီအာဏာရှင်တွေ ဂျော့အွန်ဝဲရဲ့ အမ်းနီးမန်းဖမ်း ၀တ္ထုထဲကလို အပေါ်ထပ်မှာ ဒိုဘာမင်တွေကို တော်လှန်သော ၀က်တွေက ခိုးမွေးထားခဲ့တာ ပြန်သတိရတယ် ။
လွတ်လပ်တဲ့ကျောင်းသားသမဂ္ဂတွေ မပေါ်သေးဘူး အစိုးရ ရွေးချယ်ဖွဲ့စည်းတဲ့ ဗဟိုချုပ်ကိုင်မှုအောက်က ကင်း ထောက် တွေ လွှတ်တော်ထဲတောင်ရောက်လာပြီ ။
အနှစ် ၅၀ က လိပ်စာအမျိုးမျိုး ပြောင်းခဲ့တဲ့ အဘိုးကြီးအဘွားကြီးတွေကို ရအောင်ဖိတ်နိုင်တဲ့ အစိုးရရဲ့ စိတ်ဝင်စား တဲ့ယန္တယား - ဂျော့အွန်ဝဲရဲ့ ၀တ္ထုထဲက တော်လှန်သောဝက်တွေရဲ့ ခါးပိုက်ဆောင် ဒိုဘာမင် - လွှတ်တော်ထဲ လာလေ့လာတဲ့ ခေတ်သစ် ကင်းထောက်လူငယ် -
ကျနော့် အတွေးများစွာ - - - ကျနော် သံသယ ပွါးလွန်းနေသလား - - - အစိုးရ ၀ါယမစိုက်လွန်းနေသလား သုံးချက် ကို ထောက်ရှု ဆင်ချင်ရင်း ကျနော် မပျော်မိပါ - - - -
နေမျိုးဝေ
ဥက္ကဌ
မတူကွဲပြားခြင်း နှင့်ငြိမ်းချမ်းရေးပါတီ
ရက်စွဲ ( ၅-၄-၂၀၁၃)
No comments :
Post a Comment