သမ္မတဦးသိန်းစိန် အစိုးရသစ်လက်ထက် လေးနှစ်အတွင်း ကျွန်းနှင့်သစ်မာတန်ချိန်ပေါင်း ၅၇ သိန်းကျော်ကို ထုတ်ယူခွင့်ပေး

အစိုးရသစ်လက်ထက် လေးနှစ်အတွင်း ကျွန်းနှင့်သစ်မာတန်ချိန် ၅၇ သိန်းကျော် ထုတ်ခွင့်ပေးပြီး ထူး၊ မြတ်နိုးသူ၊ တင်ဝင်းထွန်း ကုမ္ပဏီတို့ အများဆုံးထုတ်ခွင့်ရ၊ ယခင် တစ်နှစ် တန် ၁၅ သိန်းဝန်းကျင်သာ ထုတ်ခွင့်ပြုခဲ့သော်လည်း အစိုးရသစ်လက်ထက်တွင် တစ်နှစ်တည်းနှင့် တန်ချိန် ၂၃ သိန်းကျော်အထိ ထုတ်ခွင့်ပြု။

သမ္မတဦးသိန်းစိန် အစိုးရသစ်လက်ထက် လေးနှစ်အတွင်း ကျွန်းနှင့်သစ်မာတန်ချိန်ပေါင်း ၅၇ သိန်းကျော်ကို ထုတ်ယူခွင့်ပေးခဲ့ကြောင်း မြန်မာ့သစ်လုပ်ငန်းမှ ခွင့်ပြုပေးချက်များအရ သိရသည်။
၂ဝ၁၁-၂ဝ၁၂ ဘဏ္ဍာနှစ်က ကျွန်းနှင့်သစ်မာ တန်ချိန်ပေါင်း ၂၃ သိန်းကျော်ကိုလည်းကောင်း၊ ၂ဝ၁၂-၂ဝ၁၃ ဘဏ္ဍာနှစ်က ကျွန်းနှင့်သစ်မာ တန်ချိန်ပေါင်း ၁၇ သိန်း နီးပါးကိုလည်းကောင်း၊ ၂ဝ၁၃-၂ဝ၁၄ ဘဏ္ဍာနှစ်က ကျွန်းနှင့်သစ်မာ တန်ချိန်ပေါင်း ၁ဝ သိန်းနီးပါးကိုလည်းကောင်း၊ ယခု ၂ဝ၁၄- ၂ဝ၁၅ ဘဏ္ဍာနှစ်တွင် ကျွန်းနှင့်သစ်မာ တန်ချိန်ပေါင်း ၇ သိန်းကျော်ကိုလည်းကောင်း ထုတ်ယူခွင့်ပေးခဲ့ပြီး လေးနှစ်အတွင်း စုစုပေါင်းတန်ချိန် ၅၇ သိန်းကျော်အထိ ထုတ်ယူခွင့် ပေးခဲ့ခြင်းဖြစ်သည်။
ထုတ်ယူခွင့် ပေးရာတွင်လည်း ထူး၊ မြတ်နိုးသူနှင့် တင်ဝင်းထွန်း ကုမ္ပဏီများမှ အများဆုံး ထုတ်ယူခွင့်ရရှိ ခဲ့ကြကြောင်း စာရင်းများအရ သိရသည်။
ထူးကုမ္ပဏီသည် လေးနှစ်အတွင်း ကျွန်းသစ်တန်ချိန်ပေါင်း ၁၂၁၄၅ဝ ထုတ်ယူခွင့်ရရှိပြီး သစ်မာတန်ချိန်ပေါင်း ၁ဝ၄၇၅ဝ ကို ထုတ်ယူခွင့် ရရှိခဲ့သည်။
ကျွန်းသစ်ထုတ်ယူခွင့် ရရှိသည့် ကုမ္ပဏီများထဲတွင် ထူးကုမ္ပဏီက အများဆုံးကျွန်းသစ် ထုတ်ယူခွင့်ရရှိသည့် ကုမ္ပဏီဖြစ်သည်။
မြတ်နိုးသူ ကုမ္ပဏီမှာလည်း ကျွန်းသစ်တန်ချိန် ၆၃ဝဝဝ နှင့် သစ်မာတန်ချိန်ပေါင်း ၅၂၁ဝဝဝ ထုတ်ယူခွင့်ရရှိခဲ့ရာ သစ်ထုတ်ခွင့်ရသည့် ကုမ္ပဏီများအားလုံးထဲတွင် သစ်မာထုတ်ယူခွင့် အများဆုံးရသည့် ကုမ္ပဏီဖြစ်သည်။
တင်ဝင်းထွန်း ကုမ္ပဏီမှာလည်း ကျွန်း ၁၇,၃ဝဝ တန်၊ သစ်မာ ၄၃၆,၃ဝဝ တန်ထုတ်ယူခွင့်ရရှိပြီး ဒုတိယ သစ်မာအများဆုံး ထုတ်ယူခွင့်ရရှိထားသည့် ကုမ္ပဏီဖြစ်သည်။
ယခုလေးနှစ်အပါအ၀င် ဆယ်စုနှစ်တစ်စုအတွင်း ဆိုပါက ထူးကုမ္ပဏီတစ်ခုတည်းကို ဌာနမှ သစ်ထုတ်ယူခွင့် ပေးခဲ့သည့် ပမာဏမှာ ခန့်မှန်းခြေ တန်ချိန် ၁ သန်း နီးပါးအထိ ရှိနိုင်သည်ဟုလည်း သစ်လုပ်ငန်းရှင်အချို့က ခန့်မှန်းထားကြသည်။ (ထူးကုမ္မဏီ၏ ခုတ်ယူခွင့်ရ တန်ချိန် အတိအကျကို ဌာနမှ ထုတ်ပြန်ပေးထားခြင်း မတွေ့ရပါ)။
ယခုနောက်ပိုင်း ရောက်ရှိမှသာ မြတ်နိုးသူနှင့် တင်ဝင်းထွန်း ကုမ္ပဏီများက အများအပြား သစ်ထုတ်ခွင့် ရလာခြင်းဖြစ်ကြောင်း သစ်လုပ်ငန်းရှင်များကဆိုသည်။
သစ်ထုတ်ယူခွင့်တွင် ထိပ်ဆုံး၌ ထူးကုမ္ပဏီအနေဖြင့် ပါဝင်သော်လည်း ၂ဝဝ၉-၂ဝ၁ဝ ခုနှစ်က ထုတ်ပြန်သည့် ထိပ်ဆုံးအခွန်ထမ်း ၅ ဦး၊ ၂ဝ၁ဝ-၂ဝ၁၁ ခုနှစ်က ထုတ်ပြန်သည့် ထိပ်ဆုံးအခွန်ထမ်း ၁ဝ ဦး၊ ၂ဝ၁၁-၂ဝ၁၂ ခုနှစ်က ထုတ်ပြန်သည့် ထိပ်ဆုံးအခွန်ထမ်း ၁ဝ ဦး၊ ၂ဝ၁၂-၂ဝ၁၃ ခုနှစ်က ထုတ်ပြန်သည့် ထိပ်ဆုံးအခွန်ထမ်း ၁ဝ ဦး စာရင်းများတွင် ပါဝင်လာခြင်း မရှိခဲ့ကြောင်းကိုလည်း ပြည်တွင်းအခွန်များ ဦးစီးဌာနမှ ထုတ်ပြန်ချက်များအရ သိရသည်။
ထို့အတူ မြတ်နိုးသူနှင့် တင်ဝင်းထွန်း ကုမ္ပဏီတို့မှာလည်း လေးနှစ်ဆက်တိုက် ထုတ်ပြန်သည့် ထိပ်ဆုံးအခွန်ထမ်း စာရင်းများတွင် ထိပ်ပိုင်း ၁ဝ ဦးအတွင်း ပါဝင်လာခြင်း မရှိကြောင်း ထုတ်ပြန်ထားချက်များအရ သိရှိရပါသည်။
မြန်မာနိုင်ငံတွင် နှစ်စဉ်သစ်ထုတ်ယူခွင့်ပြုရာ၌ ၂ဝဝ၁-၂ဝဝ၂ ခုနှစ်မှစ၍ ယခု ၂ဝ၁၄-၂ဝ၁၅ ခုနှစ်အထိ ၁၄ နှစ်တာကာလအတွင်း သစ်တန်ချိန်ပေါင်း ၂၁ သန်းနီးပါးအထိကို ခုတ်ယူခွင့်ပေးခဲ့ခြင်းလည်း ဖြစ်သည်။
ထုတ်ယူခွင့်ပြုရာတွင်လည်း တရားဝင်ထုတ်ယူခွင့်ပေးသည့် စာရင်းအရ ယခင်အစိုးရလက်ထက်၌ စံချိန်တင် သစ်ထုတ်ယူခွင့်ပြုသည့် နှစ်မှာ ၂ဝဝ၉-၂ဝ၁ဝ ခုနှစ်တွင်ဖြစ်ပြီး တန်ချိန်ပေါင်း ၁၆၄၈၉၆၈ တန် ထုတ်ယူခွင့်ပြုခဲ့သည်။
သို့သော် ယခုအစိုးရ လက်ထက်တွင်မူ စတင်တာဝန်ယူသည့် ၂ဝ၁၁-၂ဝ၁၂ ခုနှစ်၌ပင် တစ်နှစ်အတွင်း သစ်တန်ချိန်ပေါင်း ၂၄ သိန်းနီးပါးအထိ ထုတ်ယူခွင့်ပေးခဲ့ရာ ၁၄ နှစ်တာကာလအတွင်း စံချိန်တင် သစ်ထုတ်ယူခွင့် ပေးခဲ့သည့်နှစ်အဖြစ် မှတ်တမ်းဝင်ခဲ့သည်ကို ထုတ်ပြန်ထားချက်များအရ သိရသည်။
ထိုမျှမက ပြည်ပသို့ ကျွန်းနှင့် သစ်မာတင်ပို့ရာတွင်လည်း နှစ်ပေါင်း ၂ဝ အတွင်း အများဆုံးစံချိန်တင် တင်ပို့ခွင့်ပြုခဲ့မှုမှာလည်း ယခုသမ္မတ ဦးသိန်းစိန်အစိုးရ လက်ထက်တွင်ဖြစ်ကြောင်း သိရသည်။
ယခင်အစိုးရ လက်ထက်က နှစ်ပေါင်း ၂ဝ အတွင်း အများဆုံး တင်ပို့ခဲ့သည့်နှစ်မှာ ၂ဝဝ၇-၂ဝဝ၈ ဘဏ္ဍာနှစ်ကဖြစ်ပြီး တန်ချိန်ပေါင်း ၁ဝ သိန်းကျော် တင်ပို့ခဲ့ခြင်းဖြစ်သည်။
ယခုအစိုးရ လက်ထက်တွင်မူ ၂ဝ၁၂-၂ဝ၁၃ ဘဏ္ဍာနှစ်က တန်ချိန်ပေါင်း ၁၂ သိန်းကျော်အထိ တင်ပို့ခဲ့ပြီး ယခင်အစိုးရ လက်ထက်က စံချိန်ကို ရိုက်ချိုးခဲ့ကြောင်း၊ ထပ်မံ၍ ၂ဝ၁၃-၂ဝ၁၄ ဘဏ္ဍာနှစ်ကလည်း တန်ချိန်ပေါင်း ၁၅ သိန်းကျော်တင်ပို့ခဲ့ပြီး ထပ်မံစံချိန်တင် တင်ပို့ခဲ့ကြခြင်းလည်း ဖြစ်သည်။
ယခင်အစိုးရ လက်ထက်က ၂ဝဝ၈-၂ဝဝ၉ ဘဏ္ဍာနှစ်မှ ၂ဝ၁ဝ- ၂ဝ၁၁ ဘဏ္ဍာနှစ်အထိ သုံးနှစ်အတွင်း သစ်တန်ချိန် ၂၅ သန်းကိုသာ ပြည်ပသို့ တရားဝင် တင်ပို့ခဲ့သော်လည်း ယခုအစိုးရသစ် လက်ထက်တွင်မူ ၂ဝ၁၁-၂ဝ၁၂ ဘဏ္ဍာနှစ်မှ ၂ဝ၁၃-၂ဝ၁၄ ဘဏ္ဍာနှစ်အထိ သုံးနှစ်အတွင်း တန်ချိန်ပေါင်း ၃၇ သန်းကျော်အထိ တန်ချိန်ပေါင်းများစွာ ပိုမိုတင်ပို့ခွင့်ပြုခဲ့ခြင်းလည်း ဖြစ်သည်။
ထို့အတွက် စံချိန်တင်သစ်ခုတ်ခွင့်နှင့် သစ်ပို့ခွင့်ကို ယခုအစိုးရ လက်ထက်တွင်သာ အများဆုံးပြုလုပ်ခဲ့ကြောင်း ထုတ်ပြန်ချက်များအရ သိရသည်။
၁၄ နှစ်အတွင်း သစ်ထုတ်ယူခွင့်များကို များပြားစွာ ခွင့်ပြုခဲ့သော်လည်း သစ်ထုတ်ယူခွင့် အများဆုံးရရှိသည့် ထူး၊ မြတ်နိုးသူ၊ တင်ဝင်းထွန်း ကုမ္ပဏီများအပြင် လေးနှစ်အတွင်း သစ်အများဆုံး ထုတ်ယူခွင့်ရသည့် ထိပ်ဆုံး ကုမ္ပဏီ ၁ဝ ခုထဲတွင် ပါဝင်သည့် အေးရှားဝေါလ်ကုမ္ပဏီ၏ ကုမ္ပဏီခွဲဖြစ်သော Lucre Wood၊ ယခင်စက်မှု (၁) ဝန်ကြီးဟောင်း ဦးအောင်သောင်းသားဖြင့် ပတ်သက်သည့် MRT ကုမ္ပဏီ၊ Nature Timber၊ Wood World၊ Momentum၊ ထွန်းမြတ်အောင် စသည်ဖြင့် ကုမ္ပဏီများသည်လည်း ထိပ်ဆုံးအခွန်ထမ်း ၁ဝ ဦးအတွင်း အဆိုပါကုမ္ပဏီ အမည်များဖြင့် ပါဝင်လာခြင်း မရှိကြောင်း သိရသည်။
Written by - မာန်သူရှိန်
eleven