Sunday 1 February 2015

၎ ပွင့်ဆိုင်ဆွေးနွေးပွဲ အချို့အချက်များ မပြေလည်၊


အစိုးရ၊ လွှတ်တော်ကိုယ်စားလှယ်များ၊ ကျောင်းသား သမဂ္ဂများနှင့် ပညာရေး ပြုပြင်ပြောင်းလဲမှု နိုင်ငံလုံးဆိုင်ရာ ကွန်ယက် (NNER) တို့ အမျိုးသားပညားရေး ဥပဒေမူကြမ်း ပြင်ဆင်ရေးအတွက် ရန်ကုန်တက္ကသိုလ် စိန်ရတု ခန်းမတွင် ဆွေးနွေးလျက်ရှိရာ ကျောင်းသားများက မူလဆွေးနွေးရန် တောင်းဆိုထားသည့် အချက် ၁၁ချက်ကို မဆွေးနွေးမီ အကြို Pre-condition ၉ ချက်ကို ဆွေးနွေးရန် တောင်းဆိုပြီး ယင်း ၉ ချက်ကို အကြိုဆွေးနွေးရာ သုံးချက်သာ အောင်အောင်မြင်မြင် ဆွေးနွေးနိုင်သေးသည်။

နံပါတ် ၄ အချက်ဖြစ်သည့် "သဘောတူညီမှုသည် ကျောင်းသား ကိုယ်စားလှယ်များ၏ သဘောတူညီမှုကို အခြေခံရမည်" ဟူသည့် အချက်ကို ခေတ္တ ကျော်၍ နံပါတ် ၅ အချက်ဖြစ်သည့် "လက်ရှိ ဖွဲ့စည်းထားသော ကျောင်းသားဆရာ သမဂ္ဂများ၏ တရားဝင်မှုကို လေးစားစွာ အသိအမှတ်ပြုရမည်" ဆိုသည့် အချက်ကိုလည်း မကျေလည်သေးဘဲ ထမင်းစားချိန် ရပ်နားခဲ့သည်။

ယင်းသို့ ဆွေးနွေးနေသည့် နေ့၌ပင် အမျိုးသား ပညာရေး ဥပဒေကို ကန့်ကွက်ဆန္ဒပြသည့် မန္တလေးကျောင်းသားသပိတ်စစ်ကြောင်း မကွေးတိုင်း ချောက်မြို့နယ် စွယ်ပေါက်ကံအုပ်စု၊ ထန်းခြောက်ပင်ကျေးရွာရှိ ထန်းခြောက်ပင် ဘုန်းကြီးကျောင်းတွင် ခေတ္တတည်းခိုနေရာ ဖေဖော်ဝါရီ ၁ရက် မွန်းလွဲပိုင်းတွင် ဒေသအာဏာပိုင်များက ဖိအားပေး ပြောင်းရွှေ့ခိုင်း၍ ရေနံချောင်းမြို့ အိုးဘိုရပ်ကွက် စံပယ်ရုံ ကျောင်းတိုက်သို့ ပြောင်းရွှေ့လိုက်ရသည်ဟု ထိုနေရာတွင် သတင်းယူနေသည့် မဇ္ဈိမသတင်းထောက် ကိုအောင်ကိုဦးက သတင်းပေးပို့သည်။
မဇ္ဈိမ

No comments :