Saturday 3 January 2009
ဖြစ်ချင်အုန်းဟဲ့ နာဇီ
-ဗျောက်အိုး-
နှစ်သစ်ကူးည က ဆီအယ်တယ် မြို့၊ ၀ါရှင်တန် ပြည်နယ် မှ လုံခြုံရေး ရဲများ နှင့် ယူနီဖောင်းဝတ် နာဇီ စစ်သား တဦး ပစ်ခတ်မှုများ ဖြစ် ပွားပြီး ထို နာဇီ စစ်သား အား အသေဖမ်းဆီးခဲ့ပါသည်။ ဒုတိယ ကမ္ဘာစစ်ပြီးခဲ့သည့် နှစ်ပေါင်း ၆၀ ကျော်မှ ထွက်လာသော နာဇီ စစ်သား သည် မည်သူဖြစ်မည်နည်း။
မိုင်းလ် မာဖီ သည် ၀ါရှင်တန် တက္ကသိုလ် ၌ ဂျာမန်ဘာသာ အထူးပြုဖြင့် ပညာသင်ယူနေသော နောက်ဆုံးနှစ် ကျောင်းသား တဦးဖြစ်ပါသည်။ ဂျာမန် ဘာသာကို သာ သင်ကြားနေခြင်း မျှမကဘဲ ဒုတိယကမ္ဘာစစ် အတွင်း အသုံးပြုခဲ့သော ဂျာမန်၊ ရုရှား စစ်ပစ္စည်း အသုံးအဆောင်များ ကို စုဆောင်းသော ၀ါသနာ လည်းရှိ ပေသည်။ အသက် ၂၂ သာ ရှိသေးသော မာဖီ သည် ပေါက်ပေါက်ရှာရှာ နှစ်သစ်ကူး ညက နာဇီဂျာမန် စစ်ဝတ်စုံ ကို ၀တ်ဆင်လျှက် ဒုတိယ ကမ္ဘာစစ် အတွင်း ဂျာမန်တို့ ကိုင်ဆောင်သော ကား ၈၈ ရိုင်ဖယ် ဖြင့် ပုလိပ်များ ကို ပြန်လည်ချိန်မှု ကြောင့် လက်မြန်သော ပုလိပ် ၂ ဦးမှ ၎င်းအား ပြန်လည်ပစ်ခတ်ခဲ့သည်။ ၎င်းဒဏ်ရာဖြင့် ပင် မာဖီ သည် ဟာဘာဗျူး ဆေးရုံ၌ ကွယ်လွန်ခဲ့သည်။
မာဖီ နေသော တိုက်တန်းလျားမှ အိမ်နီးချင်းများ က သေနတ်များ ပစ်ဖောက် နေပါသည် ဟု ရဲ ကိုတိုင်ကြား၍ ရဲများ လာရောက်ရာ မှ အခင်းဖြစ်ပွားရခြင်း ဖြစ်ပါသည်။ ပုလိပ်များ က မာဖီအား လက်နက်ချ ရန် ပြောကြား သော်လည်း နားမထောင်ဘဲ ပုလိပ်များ ကို ရိုင်ဖယ်ဖြင့် ပြန်လည် ချိန်ရွယ်မှု ကြောင့် အသက်ဆုံးရှုံးခဲ့ ရပါသည်။
ပုလိပ်များ က မာဖီအခန်း အား ၀င်ရောက်ရှာဖွေရာ အရက်ပုလင်းများ၊ ကျည်ဆံများ နှင့် စစ်အတွင်း ဂျာမန်၊ရုရှား စစ်အသုံးအဆောင်များ၊ ဓါတ်ပုံဟောင်းများ ကိုသာ တွေ့ရှိသည်။ မာဖီ သူငယ်ချင်းများ က မူ မာဖီ သည် နာဇီ ၀ါဒီ တဦးမဟုတ်ကြောင်း၊ ၀ါသနာအရ ထိုပစ္စည်းများ ကို ရှာဖွေ စုဆောင်းခဲ့ခြင်း ဖြစ်ကြောင်း၊ အပျော်သဘော အရ ထိုစစ်ဝတ်စုံ ကို ၀တ်ဆင်၍ ထိုည က ဗလာကျည်များ ဖြင့် ပစ်ခတ်နေကြောင်း ပြောဆိုခဲ့ပါသည်။ ပုလိပ်အရာရှိ ကာလီကောင်းစကီ မှ ထိုအခင်းဖြစ်ပွားမှု အတွက် ၀မ်းနည်းသော်လည်း မိမိ ပုလိပ်သားများ မှာ ထိုအခြေအနေမျိုး ကို ထိန်းသိမ်းရန် ပိုမိုကောင်းမွန်သော တခြားနည်းလမ်းမရှိပါဟု ပြောကြားခဲ့သည်။
မည်သို့ပင် ဖြစ်စေ အပျော်ကြူးပြီး အမူးလွန်ကာ စတုဒွာရဇာတ်တော် ကဲ့သို့ ပင် ငရဲပန်း ကို နတ်ပန်းထင်၍ တောင်းယူပန်ဆင် ခဲ့မိသောကြောင့် ဒုက္ခ ဆင်းရဲခံ ရရှာသော သူတို့သား ကဲ့သို့ မာဖီသည် လည်း လူအများ မျက်စိစပါးမွှေး စူးစေသော နာဇီယူနီဖောင်း ကြောင့်ပင် အချည်းနှီး ဆုံးပါး ခဲ့ရလေသည်။ ကျွန်တော်တို့ မြန်မာ လူငယ်များ လည်း ပြည်သူ မျက်စိနှောက် စိတ်နှောက် ဖြစ်စေနိုင်မည် နအဖ စစ်ယူနီဖောင်းများ၊ အသုံးအဆောင် များ ကိုလည်း မ၀တ်မဆင်ကြရန်၊မိန်းမရှာသေနင်္ဂဗျူဟာ များ ကို သာ တစိုက်တမတ် သင်ကြားပေးနေသော စစ်တက္ကသိုလ်များ ကို အထင်တကြီး မတက်ရောက်ကြရန် နှိုးဆော်လိုက်ပါသည်ခင်ဗျား။
Rest of your post
at
12:02
Subscribe to:
Post Comments
(
Atom
)
1 comment :
ကိုမိုးသီး...အခြောက်သေင်္နက ဗျူဟာ ဆိုတာ သိတ်မရှင်းလို့ ရှင်းပြပေးပါလား
Post a Comment