ဇော်ဝင်း (နယူးရော့်ခ် )
လာမဲ့ ဒီဇင်ဘာ နှစ်ဆယ် ရက်နေ့ (၂၀-၁၂-၂၀၀၉) စင်္ကာပူနိုင်ငံ မှာ ပထမဦးဆုံးအကြိမ် စာပေဟောပြောပွဲ ကျင်းပမယ် ကြားရလို့ အရမ်းဝမ်းသာမိပါတယ်။ ကျွန်တော်တို့ နယူးရောက် မှာ ကတော့ နှစ်ထောင်ခုနှစ် ကတည်း က ပထမဦးဆုံးအကြိမ် စာပေဟောပြောပွဲ ကျင်းပခဲ့ပါတယ်။ မြန်မာနိုင်ငံမှာ တစ်ထောင့်ကိုးရာ့ကိုးဆယ် ပြည့် မေလ ၂၇ မှာ ကျင်းပခဲ့တဲ့ ပါတီစုံ အထွေထွေရွေးကောက်ပွဲကြီး မှာ လူထုတရပ်လုံး ရဲ့ ဒီမိုကရေစီနိုင်ငံထူထောင်ဖို့ လိုလား သော လူထုဆန္ဒ ကို မှတ်မှတ်ရရ တလေးတစား ဂုဏ်ပြု ကျင်းပခဲ့တာပါ။ ကွယ်လွန်သွားပြီ ဖြစ်ကြ တဲ့ နိုင်ငံရေး အကျဉ်းသားဟောင်း ကဗျာဆရာကြိး ဦးတင်မိုး နဲ့ သတင်းစာဆရာကြိး ကြေးမုံ ဦးသောင်း တို့ ကို ဖိတ်ခေါ်ကျင်းပ ခဲ့တာပါ။ သူတို့ နှစ်ဦးအပြင် မန္တလေး က အနုပညာ ကျောင်းအုပ်ဆရာကြီး စွယ်စုံရ ဆရာ ပန်းချီ ဦးဝင်းဖေ နဲ ကာတွန်း ဦးဝင်းထွန်း ပါ သူတို့ လေးဦး သားဟောပြောမှု ကို အမှတ်ရဆဲပါ။ နယူးရောက် မှာ ဟောပြောပွဲ လုပ်တိုင်း ငြိမ်းချမ်းရေးဖခင် ဆရာကြီးသခင် ကိုယ်တော်မှိုင်း ဓါတ်ပုံကို အလည်က ချိတ် ပြီး ဒီမိုရေစီ တိုက်ပွဲဝင် ခွတ်ဒေါင်း အလံ နဲ့ အမျိုးသားရေး အလံ ကဒေါင်း အလံ တို့ ကို ဘေးနှစ်ဘက်မှာ ချိတ်ဆွဲ လွှင့်ထူခဲ့ပါတယ်။ နယူးရောက်ကို စစ်အာဏာရှင် တွေ ဒူးထောက် အထူးကြောက်စေရမယ် ကျွန်တော်တို့လူထုဖက် အပြတ်ဖက်လိုက်မယ် ဆိုတဲ့ သင်္ကေတ ပါ။ ပထမ အကြိမ် မှ အစ ပြု လို့ နှစ်စဉ် မပျက် ကျင်းပလာ ခဲ့တာ ဒီနှစ် ဆို ဆယ်ကြိမ်မြောက်ပါပြီ။
ပထမ အကြိမ် မှ အစ ပြု လို့ နှစ်စဉ် မပျက် ကျင်းပလာ ခဲ့တာ စာပေဝေဖန်ရေး ဆရာကြီး ဦးစွမ်းရည် ဒီမိုကရေစီ နဲ သမိုင်း ပြုစုသူ ဆရာဦးအောင်စောဦး ဆရာဦးဝင်းခက် သင့်ဘဝမဂ္ဂဇင်း က ဆရာ ဦးတင်မောင်သန်း ဆရာ မောင်သစ်ဆင်း ကျောင်းသား ခေါင်းဆောင်ကိုအောင်ဒင် ကိုမင်းဇင် နိုင်ငံကျော် တေးသံရှင် ဒေါ်မာမာအေး ကိုလဲ အလှည့်ကျ ဖိတ်ခေါ် ခဲ့ ပါတယ်။
လူ အဖွဲ့အစည်း နဲ့ နိုင်ငံတော် မှာ စာပေယဉ်ကျေးမှု က အခရာ ကျပါတယ်။ နိုင်ငံတနိုင်ငံ မှာ စာပေပညာရှင် အနုပညာရှင်တွေ အသိပညာရှင် အတတ်ပညာရှင်တွေ ကို လွတ်လပ်စွာ ဖန်တည်းခွင့် ရေးသားခွင့် ပုံနှိပ်ထုပ်ဝေခွင့် ကို ပေးသင့် လှပါတယ်။ တိုင်းပြည်တပြည် ရဲ့ အမျိုး ဘာသာ သာသနာ တိုးတက်ဖို့ လူမှုရေး နိုင်ငံရေး ဘာသာရေး လောက ဓမ္ဓ ရာဇ အရေးအထွေထွေ မှာ စာပေဟာ အချုပ် အချက်အချာ မဏ္ဍိုင် ဖြစ်ပါတယ်။ ဆရာ မင်းသုဝဏ် က စကားပြေ စာပေအသက် လို့ ကြွေးကျော်ခဲ့ဖူးတယ်။ ကဗျာ ဟူသည် ပညာရှိ တို့ ဥစ္စာ ဖြစ်သည် ဟူသော အဆိုတရပ် ကလဲ ရှိပါတယ်။ ကဗျာ က ပညာရှိ တို့ ဥစ္စာ ဆို လျှင် စကားပြေ က ပြည်သူ့ဥစ္စာ(ခ) ပြည်သူ့အသုံးအဆောင် ပါလို့ ဆရာ မောင်ခင်မင် (ဓနုဖြူ) က ဆိုပါတယ်။ စာပေ မှာ ဘာသာစကား ကို သုံးနှုန်းထားပုံ စာဟန် မျိုးစုံ ဟာ ခေတ် ရဲ့ အသံ ခေတ်ရဲ့ဟန် ခေတ်ရဲ့ အလံ နဲ့ လူထုခံစားမှုတွေကို ထင်ဟပ်စေပါတယ်။
ငွေမှင်သုပ်တယ် ဆုတ် ဖြဲတယ် ဆို တဲ့ မြန်မာနိုင်ငံ မှာ စာပေလွတ်လပ်မှု မရှိတဲ့ ကြား ထဲ က နိုင်ငံကျော် ဆရာမ ဂျူး ဆရာ နေဝင်းမြင့် နဲ့ ဆရာ ချစ်ဦးညို တို့ ဟောပြောမဲ့ စင်ကာပူ စာပေဟောပြောပွဲ ဟာ မြန်မာနိုင်ငံက သန်းပေါင်းများစွာသော ပြည်သူတွေရဲ့ နေ့စဉ်ဘဝ တွေကို ဘယ်လို ဟောပြောကြမလဲ ဆိုတာကို စင်ကာပူ ရောက် စာပေမြတ်နိုးသူအပေါင်း ဆက် ဆက် အားပေးကြဖို့ တိုက်တွန်းအပ်ပါတယ်။
ဇော်ဝင်း (နယူးရော့်ခ် )
No comments :
Post a Comment