မူရင်း (ခေတ်ပြိုင်)
NEJ/ ၂၅ ဖေဖော်ဝါရီ ၂ဝ၁ဝ
စစ်အစိုးရက ယခု ကျင်းပမည်ဆိုသည့် ရွေးကောက်ပွဲသည် စစ်တပ်က မြန်မာ့နိုင်ငံရေးတွင် ရှေ့တိုးဝင်ရောက် စွက်ဖက်လာခြင်း မဟုတ်ဘဲ နောက်တလှမ်းဆုတ်ခြင်းသာဖြစ်ကြောင်း ၀ါရင့်နိုင်ငံရေးသမားကြီး ဦးသုဝေက သုံးသပ်လိုက်သည်။
ဒုတိယနေ့အဖြစ် ဆက်လက်ကျင်းပသည့် သတ္တမအကြိမ်မြောက် မြန်မာသတင်းသမဂ္ဂ၏ မီဒီယာညီလာခံတွင် ဗွီအိုအေအသံလွှင့်ဌာနမှ ပြုလုပ်သော မြန်မာ့နိုင်ငံရေးနှင့် ၂၀၁၀ ရွေးကောက်ပွဲအစီအစဉ်၌ ပြောကြားသွားခြင်းဖြစ်သည်။
“ကျနော့်အမြင်တော့ တပ်က နောက်ဆုတ်နေတာ။ ရှေ့တိုးတာ မဟုတ်ဘူး။ တပ်မှူးကောင်းတို့မည်သည်ကား တပ်ကို ဆုတ်တဲ့ အခါမှာ အစီအစဉ်တကျ ဆုတ်ရပါတယ်။ အခု ၂၀၀၈ ခုနှစ် အခြေခံဥပဒေကို နောက်ခံထားပြီး ဆုတ်တာဖြစ်တယ်” ဟု လာမည့်ရွေးကောက်ပွဲတွင် ဒီမိုကရက်တစ်ပါတီအဖြစ် ၀င်ရောက်ယှဉ်ပြိုင်မည့် ဦးသုဝေက ပြောကြားသည်။
“ပြည်သူ့ဆန္ဒ အရင်သုံးသပ်ပါတယ်။ အစိုးရ သဘောဆန္ဒက ဘယ်လိုလဲ သုံးသပ်ပါတယ်။ အဲဒါပြီးတော့မှ ရွေးကောက်ပွဲ ၀င်သင့် မ၀င်သင့် ကျနော်တို့ ဆုံးဖြတ်တာပါ။ လွယ်လွယ်ဆုံးဖြတ်ခဲ့တာ မဟုတ်ပါဘူး” ဟု ဦးသုဝေက ဆက်လက် ပြောကြားသည်။
၂၀၁၀ ရွေးကောက်ပွဲသည် စစ်တပ်က မြန်မာ့နိုင်ငံရေးနယ်ပယ်မှ စနစ်တကျ ဆုတ်ခွာခြင်းဟု ပြောကြားလိုက်ပြီး သူ့အနေဖြင့် မြန်မာလူငယ်များ၏ သဘောဆန္ဒအရ ရွေးကောက်ပွဲဝင်ရန် ဆုံးဖြတ်ရခြင်းဖြစ်ကြောင်း ဦးသုဝေက ထပ်လောင်း ပြောကြားသည်။
၁၉၉၀ ပြည့် ရွေးကောက်ပွဲရလဒ်ကို အတည်မပြု လျစ်လျူခဲ့သော၊ ပြည်သူလူထုကို ဖိနှိပ်နေသော စစ်တပ်အနေဖြင့် ယခုရွေးကောက်ပွဲသည် စစ်တပ်က နောက်ဆုတ်ခြင်းမဖြစ်နိုင်၊ ရွေးကောက်ပွဲ အမှန်တကယ် ဖြစ်လာပါကလည်း စစ်တပ်အနေဖြင့် အရပ်သားအစိုးရကို အာဏာလွှဲပြောင်းပေးလိမ့်မည်မဟုတ်ဟု တက်ရောက်လာသည့် သတင်းစာဆရာ တဦးက သုံးသပ်ပြောကြားသည်။
၁၉၉၀ ရွေးကောက်ပွဲတွင် စစ်တပ်က နေရာမရခဲ့သည့်အတွက် အာဏာလွှဲပြောင်းပေးရန် ပျက်ကွက်ခဲ့ကြောင်း၊ သို့သော် ယခု ၂၀၀၈ ခုနှစ် ဖွဲ့စည်းပုံ အခြေခံဥပဒေအရ စစ်တပ်က နေရာအခိုင်အမာ ယူထားပြီးဖြစ်ရာ အရပ်သားအစိုးရသစ်တရပ် ထွက်ပေါ်လာနိုင်ပါကြောင်း ဦးသုဝေက တုံ့ပြန်သွားသည်။
မြန်မာနိုင်ငံသို့ ယခုလ (၁၅) ရက်တွင် (၅) ရက်ကြာခရီးစဉ်အဖြစ် လာရောက်ကာ လူ့အခွင့်အရေးအခြေအနေများကို လေ့လာသွားသည့် ကုလသမဂ္ဂလူ့အခွင့်အရေးအထူးကိုယ်စားလှယ် မစ္စတာ ကင်တားနားက ယခုနှစ် နအဖစစ်အစိုးရ ပြုလုပ်မည့် ရွေးကောက်ပွဲသည် လွတ်လပ်၍ တရားမျှတမည့် ရွေးကောက်ပွဲမဖြစ်နိုင်ကြောင်း ပြောဆိုသွားခဲ့ပြီး မကြာသေးခင်တွင် ဦးသုဝေက ယခုကဲ့သို့ မြန်မာသတင်းသမဂ္ဂညီလာခံ၌ ပြောဆိုခဲ့ခြင်းဖြစ်သည်။
မူရင်း (ခေတ်ပြိုင်)
WFWW (NEW YORK)
2 comments :
လက်ရှိ စစ်တပ်မှာ တပ်မှုးကောင်း ဆိုတာ ရှိလိုလား။
ရှိရင် ဒီအခြေနေတောင် မရောက်ပါဘူး။
အတ္တတွေဖုံး ရူးမိုက်ပြီး သွေးဆာနေတဲ့ စစ်ဘီလူးက အခြေအနေမှန်ကို မသိတော့ ရှေ့ကို တစ်ဆုံး တိုးချင်လို့ နောက်တစ်လှမ်း ဆုတ်ပြီး အားယူနေတာ။
တစ်တုံး စားပြီးလည်း မသိ၊ နှစ်တုံး စားပြီးလည်း မသိ ဆိုတာတော့ မဖြစ်နိုင်ဘူး၊
ချေးကြိုက်လို့ကို အငမ်းမရ စားနေတာ။
ခွေး လို့တော့ မပြောလိုပါဘူး။
who is U thu we ? I never herd this name before so I never feel surprise to know that he is talking about election .The worse thing is that he used as the support of young people --very very fanny.
The sure thing is that we don't want a political leader like him who do not understand the value of leadership in the future.
Post a Comment