ခိုးသား ငါးရာနဲ့ မှားခဲ့တဲ့ ရော့စ်ဒန်ကလေ

-မြတ်စိုး-

မြန်မာတိုင်းမ်စ်ကို တည်ထောင်သူ ဒန်ကလေ ဒိုးနပ် တစ်ခုလိုအစားခံလိုက်ရပြီ။ အခုတော့ အင်းစိန်ထောင် မှာ သူ စံမြန်းနေပါပြီ။ သူဟာတချိန်က မြန်မာစစ်ဗိုလ်ချုပ်ကြီးတွေရဲ့ ကောင်းကြောင်း တွေကို နိုင်ငံတကာမှာ ရွန်းရွန်းဝေအောင် ပြောခဲ့သူ၊ မြန်မာစစ်ဗိုလ်ချုပ်တွေရဲ့ ဓာတ်ပုံတွေကို သူရဲ့ သတင်းစာထဲမှာ ဝေေ၀ဆာဆာဖော်ပြခဲ့တဲ့သူပါ။ သူဟာ အမေရိကန်နိုင်ငံ ၊ ၀ါရှင်တန်မြို့ ဂျွန်ဟော့ခ်ကင်း တက္ကသိုလ် မှာ အမေရိကန်အစိုးရ ရဲ့ နအဖ စစ်အုပ်စုပေါ်ထားရှိတဲ့ မူဝါဒတွေ ပြောင်းလဲဖို့ တိုက်တွန်းခဲ့တဲ့ သူလည်းဖြစ်တယ်။ ကိုယ့်ကိုကိုယ် မြန်မာ့ အရေးကျွမ်းကျင်သူ တစ်ဦးလို့ထင်ပြီး သွေးနထင်ရောက် နေတဲ့ နိုင်ငံခြားသားတွေထဲမှာ သူတစ်ယောက်ပါတယ်။ မြန်မာ့ အရေးလှုပ်ရှားသူတွေကတော့ ခပ်ကြောင်ကြောင် မျက်နှာပြောင်တဲ့ ကောင်လို့ ပဲသတ်မှတ်ထားတယ်။ အခုတော့ မြန်မာပြည် မှာ ( Dog eat dog business) ခွေးသားစားတဲ့ ခွေးဘီလူးတွေရဲ့ အကြားမှာ ဓားစာခံဖြစ်သွားရရှာပြီ။

သူ့ကို နေထိုင်ခွင့်သက်တမ်း ကုန်ဆုံးလို့ လူဝင်မှုကြီးကြပ်ရေးဥပဒေအရ ကြာသပတေးနေ့က ရန်ကုန်မြို့နေအိမ်တွင် အဖမ်းခံရခြင်း ဖြစ်ကြောင်း မြန်မာတိုင်း(မ်) ၀န်ထမ်းတဦးက ပြောပြသည်။ သူနဲ့ နီးစပ်တဲ့ လူက တော့ ဗီဇာရဖို့ မြန်မာအာဏာပိုင်တွေကနေတဆင့် အမြဲလုပ်ရတယ်။ ခါတိုင်းလည်း ရက်ကျော်သွားခဲ့ဘူးတယ်။ ဘာပြဿနာမှ မရှိခဲ့ပါဘူးတဲ့။ အခုမှ ဘာကြောင့် ဒီလို အဖမ်းခံ၇တာလဲဆိုတာကတော့ ဘယ်သူမှတိတိကျကျမသိသေးပါဘူး။

ကျိန်းသေတာ ကတော့ မြန်မာတိုင်းမ်စ် သတင်းစာဟာ မြန်မာပြန်ကြားရေး ၀န်ကြီးဌာနက ဆယ်စုနှစ်များစွာ ထုတ်ဝေခဲ့တဲ့ အိမ်သာသုံး သတင်းစာတွေထက်စာရင် အရည်အသွေး ကောင်းတယ်။ အဖြူအမဲမဟုတ်ဘူး၊ အရောင်အသွေးစုံတယ်။ လူထု ကို စွဲဆောင်မှုရှိတယ်။ ကြော်ငြာရှင်တွေ စိတ်ဝင်စားမှုရှိတယ်။ ဒါကြောင့်မို့ မြန်မာတိုင်းမ်စ် ကို အာဏာပိုင်တွေက သဘောကျ နေတယ်။

နောက်တချက်ကတော့ မြန်မာတိုင်းမ်စ် ၄၉ ရာခိုင်နှုန်းပိုင်တဲ့ ရော့စ်ဒန်ကလေ တယောက် သူရဲ့ စီးပွားရေးလုပ်ဖော်ကိုင်ဘက် အကျိုးတူမိတ်ဆွေ ဒေါက်တာတင်ထွန်းဦးဆိုသူနဲ့ အဆင်မပြေဖြစ်နေတာ အတောကြာနေပါပြီ။ ဒေါက်တာတင်ထွန်းဦး ဟာ မြန်မာတိုင်းမ်း ကို ကျန်တဲ့ ၅၁ ရာခိုင်နှုန်းပိုင်တယ်။ သူဟာ ပုဇွန်တောင်မြို့နယ်မှ ကြံခိုင်ရေးပါတီ အနေဖြင့် ရွေးကောက်ပွဲ ဝင်ခဲ့သူပါ။ မြန်မာတိုင်းမ်စ် ကို ကြံ့ဖွတ် ပိုင်သတင်းစာ လုပ်ချင်နေသူလို့ မြန်မာတိုင်းမ်စ် မှာလုပ်နေသူ ၀န်ထမ်း တစ်ဦးကဆိုတယ်။ ဒေါက်တာတင်ထွန်းဦး ဟာ ဘဂ္ဂဒက်ဘော့ လို့ခေါ်တဲ့ ခပ်ကြောင်ကြောင်ကောင် ကျော်ဆန်းနဲ့ နီးစပ်သူတစ်ဦးလည်းဖြစ်တယ်။

တကယ်တော့ ရော့စ် ဟာ စစ်ထောက်လှမ်းရေး အကြီးအကဲဖြစ်ခဲ့သူ ဗိုလ်ချုပ်ခင်ညွန့်၏ အားပေးကူညီမှုဖြင့် အင်္ဂလိပ်ဘာသာ ဖြင့် ထုတ်ဝေသော မြန်မာတိုင်း(မ်) ဂျာနယ်ကို ၂ဝဝဝ ခုနှစ်တွင် စတင်တည်ထောင်ခဲ့တယ်။ သူနဲ့ အကျိုးတူ စီးပွားရေးလုပ်ခဲ့သူကတော့ လေတပ် ထောက်လှမ်းရေး ဗိုလ်မှူးချုပ် သိန်းဆွေ၏ သား ဆန်နီဆွေပါ။ ဗိုလ်ချုပ်ခင်ညွန့် အဖမ်းခံလိုက်ရတော့ ဆန်နီဆွေလည်း ထောင်ချခံခဲ့ရတယ်။ ရော့စ်ဟာ ၁၉၉၀ နောက်ပိုင်း ဗီယက်နမ်၏ ပထမဆုံး အပတ်စဉ်ထုတ် အင်္ဂလိပ်စာစောင်ကို ထုတ်ဝေခဲ့ပြီးနောက် မြန်မာတိုင်း(မ်)ကို တည်ထောင်ခဲ့တယ်။ ဖနွမ်းပင်ပုိ့စ် Phnom Penh Post ကို ပိုင်ဆိုင်သူလည်း ဖြစ်တယ်။ သူဟာ လူတော်တယောက်ပါ။

အခုတော့ ရော့စ်တယောက် အရှင်မဲ့သည့်ကျွန်၊ အဘမရှိ အမိမဲ့သားဘ၀၊ ပွဲထဲကလူရွှင်တော်တွေပြောသလို တခါပဲမှားမိပါတယ်။  ခိုးသား ငါးရာနဲ့ မှားခဲ့ပါတယ်လို့ ပြောမလား ဆိုတာ ကတော့ စောင့်ကြည့် ရပါအုန်းမယ်။