သူငယ်ချင်း ဖိုးခွါး နဲ့ မတ်လ ၁၃ရက် မြန်မာနိုင်ငံလူ့အခွင့်ရေးနေ့အကြောင်း စကားလက်ဆုံပြောဖြစ်ကြပါတယ်။
ဆရာကြီး ဒဂုန်တာရာ က
"မှင်နဲ့ရေးတဲ့ မုသားတွေဟာ
သွေးနဲ့ရေးတဲ့သမိုင်းတွေကို ဖုန်းလွှမ်းလို့မရနိုင်"
လို့ သမိုင်းမှတ်တမ်းဝင်ကဗျာလေး နဲ့ အစပြု ဆွေးနွေးမိကြပါတယ်။ သမိုင်းကိုလိမ်ဖို့ ကြိုးစားနေသူတွေ၊ သမိုင်းဖျောက်မဲ့ ငနဲသားတွေကို သတိပေးလိုက်တဲ့ကဗျာကောင်းလေးပါ။ သမိုင်းဆိုတာ မမေ့ကောင်းဘူးလေ။
၁၉၈၈မှာ နေဝင်းရဲ့ စစ်ဝါဒီ လုံထိန်း တသိုက် နဲ့ ကျောင်းသားတွေ ထိပ်တိုက်တိုးခဲ့ကြရာမှာ ရန်ကုန်စက်မှုတက္ကသိုလ် ကျောင်းသားတွေ ကျဆုံးခဲ့ကြရရှာတဲ့အကြောင်းတွေ ပြန်ပြောင်းပြောဖြစ်ကြပါတယ်။ ကိုဖုန်းမော်က မတ်လ ၁၃ရက်နေ့မှာ ရန်ကုန်စက်မှုတက္ကသိုလ်ကျောင်းဝင်းထဲမှာပဲ ကျဆုံးခဲ့ပါတယ်။ ရန်ကုန်စက်မှုတက္ကသိုလ်ကျောင်းဝင်းထဲ ဒဏ်ရာရသွားတဲ့ ပုသိမ်က ရန်ကုန်စက်မှုတက္ကသိုလ်ကျောင်းသား ကိုစိုးနိုင် ကိုလည်း ရန်ကုန် ဆေးရုံမှာ ကုတင်နဲ့တွဲပြီး လက်ထိပ်ခြေထိပ်ခပ်ထားပြီး ဒီအတိုင်း ကုတင်မှာပစ်ထားတာမို့ မသေခင်မှာ "နေရတာကြပ်လိုက်တာ" ဆိုပြီးငြီးညူပြောဆိုရင်းသေဆုံးခဲ့ရတယ် လို့ ကျနော်တို့ပြန်ပြောဖြစ်ကြပါတယ်။
"မဏ္ဍာပ် မထိုးရ၊ လူ မစုရ၊ စားမြိန်ထုတ် မထည့်လိုက်ရ၊ ရေအိုး မခွဲလိုက်ရ မနက်စောစောချတဲ့ အသုဘ ကိုဖုန်းမော်ရေ အမျှ အမျှ"
အဲဒီတုန်းက ၁၉၈၈ ကာလ တုန်းက ကိုဖိုးခွါးမှတ်မိတာကို ကျနော့်ကိုဒီလိုစတင်ပြောပြတယ်။ "ကျနော်တို့တွေ လုံထိန်းတွေကို အရမ်းကာရော မုန်းနေတုန်း လူပြက်ပျက်တာလေး ကိုစပြောပြမယ်။ လူပြက်က မိန်းခလေးဘော်လီကို ပရိသတ်ကိုပြပြီး ဘာလဲလို့မေးတော့ ပရိသတ်က ဗလာစီယာ ဘော်လီပေါ့လို့ဖြေတယ်တဲ့။ လူပြက်က ဗလာစီယာ ဘော်လီ မဟုတ်ဘူး ရင်ကိုထိမ်းထားတော့ "ရင်ထိမ်း/ယဉ်ထိမ်း" လို့ပြောသတဲ့။ တခါ လူပြက်က မိန်းခလေး အောက်ခံဘောင်းဘီ ထုတ်ပြပြီး ဘာလဲလို့မေးပြန်သတဲ့။ အောက်ခံဘောင်းဘီလို့ အော်ဖြေကြသတဲ့။ ညံ့လိုက်ကြတာကွာ မှတ်ထား " အောက်ခံဘောင်းဘီ" ဟာ လုံအောင်ထိန်းထားတော့ " လုံထိန်း" ပေါ့လို့ရှင်းပြလိုက်တော့ ပရိသတ်က သဘောပေါက်သွားပြီး ဝက်လုံးကွဲရယ်ကြတော့တယ်တဲ့။ ကောင်းလိုက်တဲ့ ပျက်လုံးဗျာ။ တကယ်မှတ်သားလိုက်ရပါတယ်။
"ချုပ်နှောင်ဖွဲ့တင်း အာဏာတွင်းမှ
နီမောင်းဝင်းလျှက် သွေးစက်စက်ဖြင့်
လွတ်မြောက်ဖို့အတွက် ရုန်းကန်လျှက်"
ဆိုတဲ့ကဗျာလေး နဲ့ သရုပ်ဖော်ပုံ ကတော့ လှောင်အိမ်ထဲက သွေးစက်တွေနဲ့ချိုးဖြူလေး ရုန်းကန်နေပုံ ဟာ တော်လှန်ရေးနမိတ် အရိပ်အယောင်ကို သူမန္တလေး ရောက်တုန်း နံရံကပ်ပိုစတာကို အထင်းသား ပြန်မြင်ယောင်လာကြောင်းပြောပြပါတယ်။
နောက် ပြီးကဗျာကောင်းလေးတပုဒ်ကတော့ "နိုင်မခံ"ဆိုတဲ့ကဗျာလေးပါ။
"လှံနဲ့ဖောက်လျှိုး ထိုးချင်ထိုးလေ၊
ဓားနဲ့မိုးအုပ်ခုတ်ချင်ခုတ်လေ၊
ကျည်နဲ့စူးနစ် ပစ်ချင်ပစ်လေ၊
စိတ်ထားညီညီ သွေးနီနီဖြင့်
လဲလည်းပြန်ထ တိုက်အုန်းမည်" တဲ့။
အခြေခံလူ့အခွင့်အရေးတွေ ရရှိဖို့ ပြန်ပြီးကြိုးစားရချိန်မှာ အားဆေးတင်တဲ့ ကဗျာလေးတပုဒ်ပါ။
ဒါနဲ့ပဲ ၈၈ အမည်မသိကဗျာလေး တပုဒ် ကို ရွတ်မိပြန်ပါတယ်။ "ပန်းကောင်းတပွင့်
လေအသင့်မှာကြွေလင့်သော်လည်း
ဝေဆာပွင့်လန်း တော်လှန်ပန်းတွေ
သိန်းသန်းမက ကျန်သေးတယ်" ။
မတ်လ ၁၃မှာ ကျဆုံးခဲ့ရရှာတဲ့ ကိုဖုန်းမော် ကို ရည်ရွယ်ဂုဏ်ပြုစပ်ဆိုထားတဲ့ကဗျာပါ။
ပြီးတော့ နောက်ကဗျာ တပုဒ်က
"သွေးဆိုတာ နီတယ်
နီတယ်ဆိုတာ ခွပ်ဒေါင်း
ခွပ်ဒေါင်းဆိုတာ အာဏာရှင်ကို တိုက်ဖို့ပဲ" တဲ့။
နောက်တပုဒ်က " အာဏာရှင်ရဲ့ အတ္တဝါဒ ကို ဈာပနအဖြစ် ပြာချပစ်မယ်" တဲ့။ အားကောင်းတဲ့ တော်လှန်ကဗျာလေးပါ။
ပြီးတော့တခါ ဆရာ တင်မိုးရဲ့ ဖုန်းမော်နေ့ ဒေါ်အောင်ဆန်စုကြည် ဂုဏ်ပြုကဗျာ လေး။ ဒေါ်စုက အကျယ်ချုပ်ကျနေချိန် ရေးစပ်တဲ့ကဗျာလေးပါ။ အခုအခါ အန်တီ အကျယ်ချုပ်က လွတ်လာပြီး ဒီမိုကရေစီရေးလှုပ်ရှားနေချိန်မှာတော့ ကျနော်တို့ချစ်တဲ့ ကဗျာဆရာကြီး ဦးတင်မိုး မရှိတော့တာကို တမ်းတမ်းတတ လွမ်းဆွတ်စွာ ပြန်တမ်းတသတိရ မိပါတယ်။
ခေါင်းစဉ်လေးက "မှတ်မိသေးရဲ့" တဲ့။
သေနပ်တွေ လှံစွတ်တွေချိန်ပြီး
ငြိမ်ဝပ်ပိပြားအောင်ချိမ်းခြောက်
လူထုကို ဟိန်းဟောက်ရဲတာ
သတ္တိမဟုတ်။
အဲ့ဒီသေနတ်ဖျား လှံစွတ်ဖျားရှေ့မှာ
အမှန်တရားကိုယုံကြည်
တည်ငြိမ်စွာရင်ဆိုင်ပြီး
ခံနိုင်ရည်ရှိရှိ
ခိုင်မြဲတဲ့ သမာဓိရှိသူကိုသာ
သတ္တိရှိသူလို့ခေါ်တယ်။
ဖုန်းမော်ရဲ့ တနှစ်ပြည့်နှစ်လည်တွင်းမှာ
သူရဲကောင်း ဒေါ်အောင်ဆန်းစုကြည်က
စက်မှုတက္ကသိုလ် ရင်ပြင်နီထက် ကျောင်းသားထုတစ်ခဲနက်ရှေ့မှာ
လက်နှက်လှံစွတ်တွေကြားက
မိန့်ခွန်းစကားဆိုခဲ့တယ်
- ဖုန်းမော်အမှတ်တရ-
ဆိုပြီးဆရာကြီးဦးတင်မိုး ရေးခဲ့တာပါ။ ဆရာတင်မိုး ကြည်ညို တဲ့ ဒေါ်အောင်ဆန်းစုကြည် ရဲ့ ရဲရင့်တဲ့မိန့်ခွန်းလေးကို ဆရာက ကိုဖုန်းမော်နေ့ နဲ့ ဆက်စပ်သတိတရ ရေးထားခဲ့တဲ့ ကဗျာလေးပါ။
တခါ ကိုမိုးသီးဇွန် ရေးခဲ့တဲ့
"သမိုင်းသစ်ရေး ငါတို့သွေးကို
ထုံးဖြူဆေးသုတ်ဖြောက်ဖျက်ဖုံးလည်း
မဆုံးကမ္ဘာတည်လိမ့်မယ်"
ဆိုတဲ့ နဝတ (နဝေတိမ်တောင် အစိုးရလို့လှောင်ခေါ်ခဲ့ကြသလို နွားအဖွဲ့ လို့လည်းခေါ်ကြပါတယ်) စစ်အုပ်စုရဲ့ ရဟန်းရှင်လူပြည်သူတွေကို သတ်ဖြတ်တဲ့ လူသတ်သမိုင်းတွေ ကို ဖျောက်ဖျက်ယတြာချေဖို့အတွက်၊ တနိုင်ငံလုံး ရပ်ကွက်တွေထဲ ခြံစည်းရိုးအားလုံး ထုံးမသုတ်မနေရအမိန့်ကို အာဏာဖီဆန်တဲ့ ကိုမိုးသီးဇွန်ရဲ့ သမိုင်းဝင်ကဗျာလေး ကို ပြန်ရွတ်မိကြပါတယ်)
ပြီးတော့ တိုက်လည်းတိုက်ဆိုင်ပါဘိ။ ကိုဖုန်းမော်သေတာ လုံထိမ်းတွေရဲ့ အတွင်းကျည် ၁၃ချက်နဲ့ ကျဆုံးရရှာတာထူးဆန်နေတာပါ။ ပြီးပြန်တော့ ဗိုလ်ချုပ်အောင်ဆန်း မတ်လ ၁၃ ရက် ၁၉၄၄ ကပြောတဲ့ မိန့်ခွန်း။ တိုက်တိုက်ဆိုင်ဆိုင် မတ်လ ၁၃ ရက်မှာ တပ်မတော်ကို ပြောခဲ့တာပါ။
"ဒီတပ်မတော်ဟာ လူတဦး တယောက်အတွက် တည်ထောင်ထားတာ မဟုတ်ဘူး။ တနိုင်ငံလုံး တမျိုးသားလုံးအတွက်ဖြစ်တယ်။ ဒီတပ်မတော်ဟာ တဖွဲ့တပါတီ လူတစုအတွက် တည်ထောင်ထားတာ မဟုတ်ဘူး။ တနိုင်ငံလုံး တမျိုးသားလုံးအတွက်ဖြစ်တယ်"။.
အော် တိုက်တိုက်ဆိုင်ဆိုင် ဗိုလ်ချုပ်ရယ်။ ကိုဖုန်းမော်ကျဆုံးတဲ့ မတ်လ ၁၃ရက်မှာ တပ်မတော်သားတွေကို မိန့်မှာ ပြောကြားခဲ့တဲ့အမှာစကားပါ။ ဖုန်းမော်နေ့ မြန်မာနိုင်ငံလူ့အခွင့်အရေးနေ့မှာ တပ်မတော် ကို တည်ထောင်ရတဲ့ ရည်ရွယ်ချက်ကိုပြောခဲ့တာ။ တကယ် မှတ်သားရပါတယ်။
ဖုန်းမော်နေ့ တနှစ်ပြည့် ဦးခင်မောင်မြင့် မိန့်ခွန်းကတော့ " ကျောင်သားတွေကိုသတ် ကျောင်းသူတွေကို မုဒိမ်းကျင့်တာတွေကို ကိုကြီးတို့မသိပါဘူး ဆိုသူတွေနဲ့ မညီညွတ်နိုင်ဘူး။ ဒီမိုကရေစီနဲ့ ဒီမိုကရေစီဆန့်ကျင်သူတွေရဲ့ တိုက်ပွဲကို ကွန်မြူနစ် နဲ့ ကွန်မြူနစ်ဆန့်ကျင်သူတွေတိုက်ပွဲအဖြစ် တိုက်ပွဲလမ်းကြောင်းပြောင်းသူတွေနဲ့လည်း မညီညွတ်နိုင်ဘူး" တဲ့။ တစည နဲ့ ဗိုလ်အောင်ကြီး ကို ရည်ညွန်းပုံရပါတယ်။ ၈၈ ၈၉ နိုင်ငံရေး အရိပ်အငွေ့တွေ ပြန်ရှူကြည့်တာပါ။
ဒီနေ့ကျနော်တို့တိုင်းပြည်ဟာ အမျိုးသားချင်းတွေစစ်ခင်းလို့ သွေးမြေကျတာတွေ မရပ်သေးပါဘူး။ ပြန်လည်သင့်မြတ်ရေး ငြိမ်းချမ်းရေး ရင်ကြားစေ့ရေး စကားလုံးတွေ ကို လက်တွေ့ဖြစ်လာဖို့ ကျနော်တို့တွေ သမိုင်းကို မမေ့ဖျောက်သင့်ကြပါဘူး။ ကောင်းတာတွေကို ဆက်လုပ်ကြရမယ်။ မကောင်းတာတွေတွေကို သင်ခန်းစာ ယူရမယ် ပြုပြင်သွားကြရပါလိမ့်မယ်။ ကိုဖုန်းမော်ကို သတိရရုံနဲ့မပြီးဘဲ အလုပ်တွေအများကြီးလုပ်ကြရအုန်းမယ်။ ဒီထက်သန်မာတဲ့ အားကြီးတဲ့ ပုခုံး တွေနဲ့ တိုင်းပြည်တာဝန်ထမ်းပိုးကြဖို့ တိုက်တွန်းအပ်ပါတယ်။
ကိုမင်းကိုနိုင် အမှာစကားအရဆိုရင် "ရောက်တဲ့နေရာ အရေးမကြီးဘူး ကျင့်တဲ့တရားသာ အရေးကြီးတယ်လို့ဆိုပါတယ်။
ကိုဖုန်းမော် နှင့် ကျဆုံးသွားကြရရှာသော ရန်ကုန်စက်မှုတက္ကသိုလ် ကျောင်းသားများ ကောင်းရာသုဂတိလားပါစေ။
ဒီမိုကရေစီရေးအောင်မြင်ဖို့ အတွက် ချီတက်သွားကြပါစို့၊ မမေ့မလျော့ မပေါ့ ကြပါစေလိုကြောင်း တိုက်တွန်းဆန္ဒပြုအပ်ပါတယ်။
ဇော်ဝင်း (နယူးယောက်)
(ကိုဖုန်းမော် ကျဆုံးခြင်း ၂၄ နှစ်မြောက် အထိမ်းအမှတ်နေ့ အမှတ်တရ အဖြစ် ပန်းချီဆွဲပေးဖို့ တိုက်တွန်းလို့ မဆိုင်းမတွ ချက်ချင်း ဆွဲပေးတဲ့ ပန်းချီ ကိုမင်းကျော်ခိုင် ကို ကျေးဇူးအထူးတင်ရှိပါတယ်)
No comments :
Post a Comment