ကျနော်တို့ တိုင်းပြည်သည် အရှေ့တောင်အာရှတွင် အချမ်းသာဆုံးနှင့် ပုံရိပ်အကောင်းဆုံး အခြေအနေမှ နိမ့်ကျသည့် စိတ်အခြေအနေများကြောင့် ပြည်တွင်းစစ် အမျိုးမျိုးကို ရင်ဆိုင်ကာ ဆင်းရဲတွင်းထဲသို့ သက်ဆင်းခဲ့ရပြီး ဖြစ်သည်။ ယခု အခါ ဒီမိုကရေစီ ပြုပြင်ပြောင်းလဲရေးများကို အရှိန်အဟုန်ဖြင့် ပြုလုပ်နေသော်လည်း တိုင်းပြည်အပေါ် မထောက်ထား မညှာတာသည့် နတ်ဆိုးများကိုလည်း တွေ့မြင်နေရပါသည်။ ယင်းနတ်ဆိုးများသည် မည်သည့်ခေတ် မည်သည့် အခြေ အနေကို ရောက်နေသည်ဖြစ်စေ အတ္တ ဗဟိုပြုဝါဒကို ကိုင်စွဲကာ ဘ၀ကို တန်ဖိုးမဲ့ ဖြတ်သန်း နေကြသူများ ဖြစ်ပါသည်။ နိုင်ငံသားတွေ၏ ပခုံးထက်တွင် တက်ထိုင်နေကြသော နတ်ဆိုးများအကြောင်းကို ဖော်ပြချင်ပါသည်။
၁။ ဆူပူရန် အင်တာနက်အပေါ်မှာ လှုံ့ဆော်သူများ
ရခိုင်ပြည်နယ်တွင် ဖြစ်ပွားခဲ့သော ပဋိပက္ခများကို အကြောင်းပြု၍ အင်တာနက်၊ Facebook စာမျက်နှာများပေါ်တွင် ရေး သား ဖော်ပြသည့် သတင်းအမြောက်အမြားကို ဖတ်ရှုခဲ့ရပါသည်။ ယင်းသတင်းများနှင့် ပတ်သက်၍ မှတ်ချက်များ ရေး သားကြရာတွင် ပြဿနာ ချုပ်ငြိမ်းစေသည့် အဖြေကို ရှာဖွေသည့် အားထုတ်မှုမျိုး အနည်းငယ်သာတွေ့ရပြီး အများစုက လက်တုံ့ပြန် လက်စားချေရန်သာ ဖိအားပေးရေးသားသည်ကို တွေ့ရပါသည်။ Facebook စာမျက်နှာတွင် ကြိမ်းမောင်းသံ၊ ခြိ်မ်းခြောက်သံများ မိုးမွှန်နေပါသည်။ ဖတ်ရှုသူများ ဒေါသထွက် သွေးကြွလာစေရန် ယခင်နှစ်များစွာက လူသေအ လောင်းပုံတွေကို တင်တဲ့သူက တင်ပါသည်။ သတင်းမှားတွေကို ပေးတဲ့သူက ပေးပါသည်။ သူတို့ ဘာကို ရည်ရွယ်ပါသ လဲ။ သူတို့ ဘာကို ဖြစ်ချင်ပါသလဲ။ အမျိုးသား ဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်၏ သဘောထားကို လည်း တောင်းခံနေသည်။ ထင်ရှားသည့် နယ်ပယ်အသီးသီးမှ ပုဂ်္ဂိုလ်များလည်း မနေရ။ အော်ပီကျယ်တောင် ဘာမှမ ပြော၍ ပြစ်တင် ကြိမ်းမောင်းခံရသည်။ သဘောထားကို လွတ်လပ်စွာ ပြောဆို၍ သဘောမတွေ့လျှင်လည်း ၀ိုင်းဝန်း အ ပြစ်တင်တာ ခံရမည်။ တမျိုးသားလုံးအတွက် အန္တရာယ်ကျရောက်တော့မည် အခြေအနေဆိုလျှင်လည်း ကျနော်တို့ စနစ် တကျ တုံ့ပြန်တတ်ဖို့တော့ လိုပါသည်။ ဒုက္ခသည်စခန်းတွေက သားသည် မိခင်တွေဆီ အရောက်သွားပြီး ကူညီခြင်းက လက်တွေ့ပိုပြီးကျပါသည်။ လက်စားချေ မှုတွေ၊ သွေးထွက်သံယိုမှုတွေ၊ ဆူပူအကြမ်းဖက်မှုတွေကို လိုလားနေပါသလား။ မြင်တွေ့ချင်နေပါသလား။ ဤသို့ ဖြစ်နေလျှင် မိမိစိတ် အခြေအနေကို ပြန်လည်ဆန်းစစ် အဖြေရှာသင့်ပြီ ဖြစ်ပါသည်။
၂။ အနောက်လေ တိုက်ခတ်နေသော မီဒီယာများ
ရခိုင်ပြည်နယ်တွင် လူနေအိမ်များ မီးရှို့ခံရသည့်သတင်းများနှင့် ပတ်သက်၍ ပြည်ပမီဒီယာတချို့သည် လူနည်းစု ရိုဟင် ဂျာများအပေါ် လူများစုက အနိုင်ကျင့် လုယက် သတ်ဖြတ်နေကြောင်း ကမ္ဘာကို ဖော်ပြခဲ့သည်။ တချို့က ရိုဟင်ဂျာ ပြည် နယ်ဟုပင် ရေးလာကြသည်။ ဒေသခံ ရိုဟင်ဂျာ လူမျိုးများကို တဖက်နိုင်ငံရှိ လူများမှ တိုက်ခိုက်ဟု ရေးကြသည်။ အ မှန်တကယ်မသိဘဲ သတင်းတွေကို ရေးသားနေကြပါသလား။ သို့မဟုတ်လျှင် နိုင်ငံတကာမှ မည်သည့် ဇာတ်ညွှန်းမျိုးကို ရေးသား လိုပါသလဲ။ နိုင်ငံသားအားလုံး သတိထားကြရတော့မည် ဖြစ်ပါသည်။
လူတစု သို့မဟုတ် ဒုက္ခရောက်နေသော မည်သူကိုမဆို ကျနော်တို့ စာနာ နိုင်ကြပါသည်။ သို့သော် နိုင်ငံတနိုင်ငံတွင် လိုက်နာရမည့် စည်းကမ်းများ၊ ဥပဒေများ ရှိပါသည်။ ဥပဒေများက နိုင်ငံသားဖြစ်ခွင့် မရှိဟုဆိုလျှင် ဥပဒေအတိုင်း လက်ခံ ရမည်။ နိုင်ငံသားဖြစ်ခွင့် ရှိလျှင်လည်း ဤအခွင့်အရေးကို လေးစားရမည်။ သို့သော် အဝေးတနေရာမှ ဇာတ်ညွှန်း ရေး သားခြင်းမျိုးကို လက်မခံနိုင်ပါ။ လူနည်းစုကို လူများစုက အနိုင်ကျင့် အကြမ်းဖက်သည်ဟုဆိုလျှင် မြောက်ဦး၊ မင်းပြား၊ အမ်းမြို့များတွင် ဘာကြောင့် အကြမ်းဖက်မှု မဖြစ်ပါသလဲ။ လူသားချင်းစာနာမှုနှင့် ကူညီဖေးမမှုကို ပေးနိုင်ပါသည်။ သို့သော် အမိနိုင်ငံ၏ အချုပ်အခြာနှင့် နယ်မြေကိုတော့ မပေးနိုင်ပါ။ ဤသို့သာ တစတစပေးရလျှင် နောင်နှစ်ပေါင်း ၅၀ အတွင်း မြန်မာနိုင်ငံ မြောက်ပိုင်းနှင့် အနောက်ပိုင်းများ ပျောက်ကွယ်သွားပါလိမ့်မည်။ ပြဿနာပေါင်းစုံ ကြားထဲတွင် မီဒီယာများနှင့် ချိန်ကိုက် ဆောင်ရွက်နေသော NGO မျက်နှာဖုံးတပ် ယူဂျီများကိုလည်း အထူးသတိထားရပါလိမ့်မည်။ NGO များသည် လူမှု ဒုက္ခ ရောက်နေသော နေရာများတွင် လှုပ်ရှားသွားလာခွင့်ရနေ၍ အလေးထား ပြောရခြင်း ဖြစ်ပါ သည်။ NGO စစ်စစ်များက လူသားချင်းစာနာသည့် အကူအညီများ ပေးကြသော်လည်း NGO ကာဗာတင်ပြီး Organization Land တည်ဆောက်မည်ဆိုပါက လက်ပိုက်ကြည့်နေ၍မဖြစ်။ ကာကွယ်တားဆီးကြရမည် ဖြစ်ပါသည်။
ဤအချက်တွေကို ပြည်ပ မီဒီယာတချို့က သိသိကြီး ဖြစ်ပါလျက် အချက်အလက်အမှန်များကို လျစ်လျူရှုကာ မိမိလို သလို ကောက်ချက်ဆွဲ ရေးသားနေခြင်းများကတော့ မသင့်တော်ပါ။ ဤသို့ဆိုလျှင် ကမ္ဘာက မြန်မာနိုင်ငံအား လူနည်းစု ကို အကြမ်းဖက် ဖိနှိပ်အုပ်ချုပ်နေသော နို်င်ငံတနိုင်ငံအဖြစ် အထင်ရောက်သွားနိုင်ပါသည်။ ထို့ကြောင့် သတင်းအချက် အလက် အမှန်များကို ကမ္ဘာ့ပြည်သူများ အားလုံးသိရန် ကျယ်ကျယ်ပြန့်ပြန့် ဖော်ပြရန် ကျနော်တို့ ပြည်ပမီဒီယာများကို အားမကိုးဘဲ ကိုယ်တိုင် ကြိုးစားကြရပါတော့မည်။
၃။ ရီဝေေ၀ အသူရာ ကုမ္ပဏီများ
လက်ရှိ မြန်မာနိုင်ငံရှိ လူလတ်ပိုင်းများတွင် အသည်းရောဂါ ဖြစ်ပွားမှုနှုန်း မြင့်တက်နေပြီး အရွယ်မတိုင်ခင် သေဆုံးမှုများ လည်းများပြားကြောင်း မြန်မာနိုင်ငံ ဆရာဝန်များအသင်းမှ အတိအလင်း သတင်းထုတ်ပြန်ပေးထားပြီး ဖြစ်ပါသည်။ မြန် မာနိုင်ငံရှိ ကျန်းမာရေးစောင့်ရှောက်မှု ဘတ်ဂျက်ပမာဏကိုလည်း အများသိထားပြီး ဖြစ်ပါသည်။ ဤအခြေအနေများ ကြားထဲမှ ဂျာနယ်စာမျက်နှာ အတော်များများတွင် လက်တလုံးခြား ကြော်ငြာနေသော အရက်ကြော်ငြာများကို တွေ့မြင် နေကြရပါသည်။ သို့သော် အရက်ဆိုသော စကားလုံး လုံးဝမပါရှိဘဲ ထုတ်ပြန်ထားသည့် ဥပဒေကို လှည့်စားကာ ကြော် ငြာနေကြခြင်း ဖြစ်ပါသည်။
တချို့ ကုမ်္ပဏီများက ဟန်ဆောင် ပန်ဆောင် ရေသန့်ဟူ၍ ထည့်ကြသည်။ တချို့ကတော့ ရဲတင်းလွန်းပါသည်။ မည်သည့် Product ထုတ်သည် ဆိုတာကိုပါ မဖော်ပြတော့ဘဲ ကံစမ်းမဲပေးသည့် မော်တော်ကား ပုံများ၊ ရွှေဆွဲပြားများ၊ ဂျီအက်စ်အမ်ဖုန်းများကို မက်မောဖွယ် ဖော်ပြထားသည်။ ကံစမ်းမဲပါသည့် အရက်ပုလင်းအဖုံးများ ကိုလည်း ခပ်တည်တည်ပင် ဖော်ပြထားသည်။
ကျနော်တို့ သိထားသည့် ဥပဒေက စာစောင်များတွင် အရက်ကြော်ငြာ မထည့်သွင်းရ ဟူ၍ ဖြစ်သည်။ သို့သော် ကြော် ငြာ ထည့်သည့် ကုမ္ပဏီများရော၊ ဂျာနယ်များရော၊ ဖတ်ရှုသူများရော ဥပဒေကို အသိအမှတ်မပြုသည့် သဘောသက် ရောက်နေပါသည်။ သို့မဟုတ်ပါက ခြွင်းချက် များစွာရှိသော လူ့အဖွဲ့အစည်းအဖြစ် တိုင်းပြည်အား လက်ညှိုးထိုးခံရနိုင် ပါသည်။
လက်ရှိ ပြည်တွင်း အရက်ကုမ်္ပဏီများသည် အရက်ချက်လုပ်ရာတွင် စနစ်တကျ နည်းမှန်လမ်းမှန် ချက်လုပ်ခြင်းကို ယခု ထက်ပိုပြီး ကြပ်မတ်စွာ စစ်ဆေးသင့်ပါသည်။ ထို့အပြင် အရက်ကုမ္ပဏီများမှ စွန့်ထုတ်ပစ်လိုက်သည့် ရေဆိုးများက လည်း သဘာဝပတ်ဝန်းကျင်ကို အလွန်ထိခိုက်လျက်ရှိပါသည်။ သို့သော် ရုန်းကန်ထူထောင်ခါစ မြန်မာပြည်တွင် ယင်း အရက်ကုမ္ပဏီများက သဘာဝပတ်ဝန်းကျင် ထိန်းသိမ်းရေး ကိစ္စရပ်များတွင် တက်တက်ကြွကြွ ပါဝင်ခြင်းမရှိသည်ကို တွေ့ရပါသည်။ ပါဝင်ခြင်း မရှိရုံသာမက လျစ်လျူပင် ရှုထားလိုက်ပါသေးသည်။
မိမိကုမ္ပဏီနှင့် ပြဿနာ တစုံတရာ တက်ခဲ့သော် ငွေကို လမ်းခင်း၍ ဖြေရှင်းရန် သဘောပိုက်ထားပုံရပါသည်။ အားလုံး တိုင်းပြည်ကို ချစ်တတ်မည်ဆိုပါလျှင် ဧရာဝတီမြစ် ကျန်းမာသန်စွမ်းရေးကိစ္စ၊ ရေများညစ်နွမ်းလာမှု ကာကွယ်ရေးကိစ္စ၊ သစ်ပင်စိုက်ပျိုးရေး ကိစ္စများတွင် ယင်းကုမ္ပဏီများအနေဖြင့် ဖောင်ဒေးရှင်းများ တည်ထောင်ကာ နိုင်ငံသားများအတွက် တဖက်တလမ်းမှ ကူညီဆောင်ရွက်သင့်ပါသည်။
၎။ မီးပွိုင့်စိမ်းလျှင် ရှေ့ဆုံးမှ ထွက်ချင်သည့် မော်တော်ကားများ
ရန်ကုန်မြို့တော် လမ်းဆုံလမ်းခွတိုင်းတွင် ယာဉ်အသွားအလာ ထိန်းချုပ်ရန်အတွက် မီးပွိုင့်များကို ထားရှိထားပါသည်။ ကားများ စနစ်တကျ သွားလာနိုင်ရေးအတွက်လည်း သူ့လိုင်းနှင့်သူ သတ်မှတ်ထားပြီး ဖြစ်ပါသည်။လက်ရှိ ပြောင်းလဲလာ သော မူဝါဒအရ ကားသစ်များစွာ ၀င်ရောက်လာ၍ ယာဉ်အသွားအလာများ ပိုမိုကျပ်လာသည်ကိုလည်း မြင်တွေ့နေရ ပါသည်။ သို့သော် တချို့ကားများသည် မီးနီ၍ အစဉ်လိုက် တန်းစီထားသော ကားတန်းကို ဘေးဘက်ရှိ တဖက်လမ်းမှ ပန်း၍ ကျော်တက်သွားပြီး မီးပွိုင့်အနီးရောက်မှ အနီးစပ်ဆုံးကားကို လက်တချောင်း ထောင်ပြပြီး ၀င်နေရာ ယူလိုက်ပါ သည်။ ခွင့်တောင်းခံရသော ကားကလည်း နေရာမပေး၍မဖြစ်။ ဇွတ်တိုးဝင်လာ၍ တိုက်မိမှာကို ကြောက်ပြီး နေရာပေး လိုက်ရခြင်းဖြစ်သည်။
နေရာများစွာ ကျော်တက်၍ မီးပွိုင့်စိမ်းလျှင် ရှေ့ဆုံးမှ ထွက်ခွာချင်သော ကားအများစုမှာ ယခုနှစ်မှ တင်သွားလာသော မော်ဒယ်မြင့် ကားကောင်းကားသန့်များ အများစုဖြစ်နေသည်ကိုလည်း လေ့လာတွေ့ရှိရပါသည်။ ယင်းကား အမျိုးအစား များကို စီးနိုင်သော လူတန်းစားသည် ငွေကြေးဥစ္စာဓနရော၊ အသိပညာများပါ ပြည်သူလူထု အများစုထက် ရှေ့တန်း ရောက်နေကြသူများ ဖြစ်ပါသည်။ ယင်းကဲ့သို့ လူစားမျိုးက စည်းကမ်းတကျ တန်းမစီဘဲ မီးစိမ်းလျှင် ရှေ့ဆုံးက ထွက်ချင် သော အခွင့်အရေးကို ဓားပြတိုက်ရယူလိုသည်မှာ လှောင်ပြောင်ချင်စရာကောင်းလှပါသည်။ ဤအခွင့်အရေး အသေး လေးကို ယခုလောက် အသည်းအသန် လိုချင်လျှင် အခွင့်အရေး ကြီးကြီးမားမားဆိုလျှင်တော့ ဆိုဖွယ်မရှိပြီ။ ထိုကဲ့သို့ လူစားမျိုးအား မြန်မာလူမျိုးပါဟု အများကညွှန်းဆိုကြမည်ဆိုပါလျှင် ကျနော် အလွန်ရှက်ရွံ့နေ မိတော့မည် ဖြစ်ပါသည်။
စိတ်နေစိတ်ထား မြင့်မားရင့်ကျက်ရေးအတွက် ကျနော်တို့ လူ့အဖွဲ့အစည်းကို အန္တရာယ် အချက်ပေးခေါင်းလောင်း စတင် တီးခတ်နေပြီဟုသာ ဆိုလိုက်ချင်ပါတော့သည်။
ဇော်သက်ထွေး
(ပြည်သူ့ခေတ်ဂျာနယ်၊ အတွဲ-၂၊ အမှတ်-၁၀၀၊ ၂၀၁၂ ခုနှစ်၊ ဇွန် ၂၈)
No comments :
Post a Comment