ပုဂ္ဂလိကပိုင်အဖြစ် ပြောင်းလဲရင် နိင်ငံတကာပုံစံကျင့်သုံးမည်

ပုဂ္ဂလိကပိုင်များအဖြစ် လွှဲပြောင်းရာတွင် နိုင်ငံတကာပုံစံပြောင်းလဲကျင့်သုံးမည်
အစိုးရပိုင်ဝန်ကြီးဌာနရုံးများ၊ လုပ်ငန်းဆောင်တာများကို ပုဂ္ဂလိကသို့ လွှဲပြောင်းရာတွင် ရှယ်ယာခေါ်ယူခြင်း၊ ဖက်စပ်လုပ်ကိုင်ခြင်းနှင့် ထုခွဲ ရောင်းချခြင်းတို့ကို နိုင်ငံတကာပုံစံသို့ ပြောင်းလဲကျင့်သုံးသွားမည်ဖြစ်ကြောင်း ပုဂ္ဂလိကပိုင်ပြုလုပ်ရေးကော်မရှင်မှ တာဝန်ရှိသူတစ်ဦး၏ ပြောကြားချက် အရ သိရသည်။

“နိုင်ငံပိုင်လုပ်ငန်းတွေကို ပုဂ္ဂလိက

ကို လွှဲပြောင်းလုပ်ကိုင်ခွင့်ပြုရာမှာ ရှယ်ယာခေါ်ယူတာတို့ ဖက်စပ်လုပ်ကိုင်တာတို့တွေကို နိုင်ငံတကာ ပုံစံအတိုင်း သွားတော့မှာပါ။ ပြည်တွင်းနဲ့ ပြည်ပ ဖက်စပ်လုပ်ကိုင်မှုတွကိုလည်း ဒီအတိုင်းသွားမှာပါပဲ”ပာု ၎င်းက ဆက်လက်ပြောကြားသည်။

နိုင်ငံတကာတွင် အစိုးရပိုင်လုပ်ငန်းများအား ပုဂ္ဂလိကသို့လွှဲပြောင်းလုပ်ကိုင်ခွင့်ပြုရာတွင် ရှယ်ယာခေါ်ယူခြင်း၊ အစိုးရ-ပုဂ္ဂလိက ပူးပေါင်းဆောင် ရွက်ခြင်း၊ နိုင်ငံသားအချင်းချင်း ပူးပေါင်းရင်းနှီးမြှုပ်နှံစေခြင်း၊ အစိုးရမှ ပုဂ္ဂလိကလုပ်ငန်းများသို့ ရောင်းချပိုင်ခွင့်၊ မူပိုင်ခွင့်များထုတ်ပေးခြင်း၊ ဖက်စပ် လုပ်ကိုင်ခြင်း၊ ထုခွဲရောင်းချခြင်းနှင့် မြို့ပြစီမံကိန်းများနှင့် မသင့်လျော်သည့် မြို့တွင်းရှိ စက်ရုံ၊ အလုပ်ရုံနှင့် လုပ်ငန်းများအား အခြားသင့်လျော်မည့် လုပ်ငန်းများအဖြစ် ပြောင်းလဲဆောင်ရွက်ခြင်းစသည့် လုပ်ငန်းများကို စိစစ်ဆောင်ရွက်လေ့ရှိကြောင်း ပြည်တွင်းအပတ်စဉ်ထုတ် Bi Weekly Eleven ဂျာနယ်တွင် ဖော်ပြပါရှိသည်။

ပြီးခဲ့သည့် ဇွန်လကုန်ပိုင်းတွင် နိုင်ငံတော်သမ္မတရုံးမှ နိုင်ငံပိုင်ပစ္စည်းများအား ပုဂ္ဂလိကပိုင်ပြုလုပ်နိုင်ရေးအတွက် “နိုင်ငံပိုင်ပစ္စည်းများအား ပုဂ္ဂလိကပိုင်ပြုလုပ်ရေးကော်မရှင်”ကို “ပုဂ္ဂလိကပိုင်ပြုလုပ်ရေး ကော်မရှင်”အဖြစ် ပြောင်းလဲပြင်ဆင်ဖွဲ့စည်းခဲ့ပြီး ယင်းကော်မရှင်မှ ပုဂ္ဂလိကပိုင်ပြုလုပ် ရေး ဆောင်ရွက်ရာတွင် ဖွဲ့စည်းပုံအခြေခံဥပဒေပါ ပြဋ္ဌာန်းချက်များ၊ နိုင်ငံတော်မှချမှတ်ထားသည့် စီးပွားရေးအခြေခံမူများ၊ တည်ဆဲဥပဒေများနှင့် ကိုက် ညီနိုင်စေရန် စီစဉ်ဆောင်ရွက်လျက်ရှိကြောင်း သိရသည်။

 

မြန်မာနိုင်ငံသည် အစိုးရသစ်လက်ထက်မှစတင်၍ နိုင်ငံရေး၊ စီပွားရေးပြုပြင်ပြောင်းလဲမှုများကို လုပ်ဆောင်ခဲ့သည့်အပြင် နိုင်ငံပိုင်စီးပွားရေး လုပ်ငန်းအချို့ကိုလည်း ပုဂ္ဂလိကပိုင်အဖြစ်သို့ ပြောင်းလဲလုပ်ကိုင်ခွင့်ပြုခဲ့ကြောင်း သိရသည်။

Ref:Bi Weekly Eleven