-ကိုကိုဦး-
နိုင်ငံရေးဦးတည်ချက်သုံးရပ်ကိုမျက်နှာဖုံးတပ်
စီးပွါးရေးဦးတည်ချက်တွေကိုကာဗာလုပ်ပြီး
အဆမတန်ချမ်းသာနေတဲ့လူတန်းစားအထင်အရှားရှိနေပြီ၊
အဘဦးဝင်တင်ပြောသလို
“လူထုဗိုက်ကိုဖေါက်ပြီးချမ်းသာနေကြတဲ့သူတွေ”
ခွင့်လွတ်ပေးဘို့ဆိုတာဘယ်လိုမှမဖြစ်နိုင်ဘူး၊
အဘမှန်တယ်၊(NLD)ကတော့သင်ပုန်းချေတဲ့အထဲ
ဒေါ်လာမဲတွေကို အဖြူဆိုးပေးလိုက်တယ်၊
ထားလိုက်ဦး၊
တစ်ချို့ကနောက်ပြန်လှည့်မှာစိုးလို့တဲ့
ခွင့်လွတ်လိုက်ပါတော့၊
မမြင်ချင်ယောင်ဆောင်လိုက်ပါတော့တဲ့၊
ဒီလိုဆိုပြီးအလွယ်တကူခွင့်လွတ်လိုက်ရတော့မှာလား၊
အဲဒီလိုပဲ ခွင့်လွတ်လိုက်ပြီးရင်
ကျနော်တို့ထင်သလိုပြုပြင်ပြောင်းလဲရေးဆိုတာ
တကယ်ကိုဖြစ်လာပါ့မလား၊
၁၉၉၀ ရွေးကောက်ပွဲကိုလည်း ခွင့်လွတ်လိုက်ပြီးပြီ
နာဂစ်ဖွဲ့စည်းပုံကိုလည်း ခွင့်လွတ်လိုက်ပြီး
၂၀၁၀ အနိုင့်ကျင့်မှုကိုလည်း ခွင့်လွတ်လိုက်ပြီး
၁၉၈၈ လူသတ်မှုကြီးကိုလည်းသင်ပုန်းချေပြီးပြီ၊
အခု 11 Billions ကိုလည်း ခွင့်လွတ်ပေးရဦးမလား..ဟင်
သံသယစိတ်တွေနဲ့မဟာမိတ်လုပ်ပြီးအတူတူလက်တွဲသွားတယ်ဆိုတာ
ဖေါက်ပြန်ရေးသမားတယောက်နဲ့မျက်နှာခြင်းရင်ဆိုင်ပြီး
အတူနေရတာထက် ပိုပြီးအန္တရယ်ပိုပြီးများတယ်၊
ပြုပြင်ပြောင်းလဲရေးကိုသံသယစိတ်ကင်းကင်းနဲ့လုပ်ချင်သေးရင်
11 Billions ကိစ္စကိုကော်မရှင်ဖွဲ့ပြီး စစ်ဆေးဆောင်ရွက်ပေးဘို့
ပြည်သူတစ်ယောက်အနေနဲ့ရိုးသားစွာတောင်းဆိုလိုက်တယ်၊
လုပ်နိုင်မလုပ်နိုင်၊ လုပ်မယ်မလုပ်ဘူးဆိုတာကတော့
ပြည်သူ့ကိုယ်စားလှယ်တွေရဲ့အပိုင်းပဲကျန်တော့တယ်၊
No comments :
Post a Comment