ထို့ကြောင့် (၁၈-၅-၂၀၁၂) အလုပ်သမားရေးဆောင်ရွက်သူ၊ အလုပ်သမားသမဂ ဥပဒေအကြံပေး ဦးဌေးမှ စံပယ်ပွင်၊ ပုလဲ၊ နေမင်းအောင်၊ YJ အထည်ချုပ်နှင့် ဟိုင်းမိုဆံပင်တုစက်ရုံ-၅ ရုံမှ ကိုယ်စာလှယ် (၅၀)ခန့် နှင့်အတူ ကား-၅စီးဖြင့် အဆိုပါနေ့ ၁၁နာရီခန့်တွင် ဒေါ်အောင်ဆန်းစုကြည်ထံ တွေ့ဆုံတင်ပြရန်သွားရောက်ရာ တွေခွင့်မရခဲ့ပါ။ ထို့နောက် NLD ရုံးချုပ်သို့ သွားရောက်တွေ့ဆုံ အကူအညီတောင်ခံရာ ဦးတင်ဦး ၊ ဦးသန်းထွန်း နှင့်အဖွဲ့ချုပ်ခေါင်းဆောင်များလက်ခံတွေ့ဆုံပါသည်။
အလုပ်သမားလှုပ်ရှားမှုခေါင်းဆောင်များနှင့် အလုပ်သမားများကိုအားပေးဂုဏ်ပြုပါသည်။ အလုပ်သမားများဘက်မှ ရပ်တည်ဖြေရှင်းပေးမည်ဖြစ်ကြောင်း ကတိပြုကြပါသည်။ အလုပ်ရှင်အလုပ်သမားပြသနာကို အလုပ်ရှင၊် အလုပ်သမား ၊ အစိုးရ ၃ပွင့်ဆိုင် ဖြေရှင်းနိုင်အောင် အဖွဲ့ချုပ်အနေဖြင့်အစည်းအဝေးထိုင်ပြီး ဆုံဖြတ်ဆောင်ရွက်မည်ဖြစ်ကြောင်း၊ ဒေါ်အောင်ဆန်းစုကြည်ထံတင်ပြပေးမည်ဖြစ်ကြောင်း၊ အဖွဲ့ချုပ်အနေဖြင့် နိုင်ငံတော်အစိုးရထံသို့တင်ပြ၍ညှိနှိုင်း ဖြေရှင်းပေးနိုင်ရန်ဆောင်ရွက်သွားမည်ဖြစ်ကြောင်း ကတိပြုကြပါသည်။
နေ့လည်တွင် လှိုင်သာယာစက်မှုဇုံသို့ပြန်လည်ရောက်ရှိလာပြီးနောက် အဆိုပါစက်ရုံ-၅ရုံမှအလုပ်သမားများအား ယနေ့ဆောင်ရွက်ချက်များကိုအသိပေးရှင်းလင်းပြခဲ့ပါသည်။
No comments :
Post a Comment